ChingWong4474的個人專頁

屯門終於都有高檔好服務同又好食嘅燒肉喇！今次叫咗幾款唔同種類肉試下佢！******************************❣️黑毛和牛壽喜燒肉一大塊和牛，脂肪分佈平均細密，燒嘅時候熊熊烈火，侍應哥哥會用佢嘅技術將和牛包住圓形嘅飯團，再撈埋溫泉蛋同壽嘉燒汁俾你享用！肉質柔軟細膩，入口即溶！-❣️菠蘿漬和牛胸腹肉侍應哥哥首先輕輕燒脆表皮，再將佢剪成一塊塊再燒過。牛胸腹肉相對和牛嘅其他部份會比較煙靭，要多少少咀嚼時間， 但勝在厚實而不過靭、濃濃牛味。配合清新嘅燒菠蘿啱啱好😎-❣️蒲燒鰻魚我都係第一次喺日式燒肉店蒲燒鰻魚，見證住又白色嘅鰻魚燒到好似平時既深色鰻魚😂。同樣地有侍應哥哥操刀，佢一步一步慢慢燒去到差唔多熟嘅時候先不停搽上鰻魚汁，外脆內軟又啖啖肉😍-❣️和牛壽司用火槍大火將和牛表面烤熟同將油脂逼出，油脂滲落下層嘅壽司飯。再一口享用，正！-❣️黑毛和牛肉眼芯單睇油脂嘅花紋，已經知道呢塊牛唔簡單😚 相對其他牛嘅部位，佢嘅肉汁比較豐富，單用鹽調味已經好足夠。-❣️另外仲食咗牛小排、炸豆腐、菠蘿同巨峰梳打特飲。每樣都好好食。❣仲有附送嘅一大碟蔬菜絲，個蔬菜絲簡直係畫龍點睛😂如果只食和牛，就算幾好食去到最尾都會覺得油膩，所以每食一碟牛肉之後食一啖蔬菜中和下先可以繼續享受地食和牛🤤。******************************呢間嘢嘅價錢喺屯門嚟講唔算平，但有專人服侍、食物嘅質素又好、環境舒適，絕對值得再嚟過！❤️…查看更多

2022最後一擊去呢間有串燒食嘅酒吧慢慢倒數😗食下食下就食咗成20-30串串燒，揀咗啲必食推介講下🥰******************************❣️香蒜蔥花廣島蠔$32隻好抵食！燒完唔會縮好多水，有淡淡的海水味😎👍🏼❣️脆炸雞軟骨呢個係必須要食👍🏼熱辣辣，食落有啲似出面連鎖嘅雞塊，但係有雞軟骨嘅口感😎伴酒一流！❣️燒牛舌心😍厚身彈牙多汁❣️芝士年糕上碟記住即刻食！初頭以為似放題嘅芝士年糕，但完全唔係！佢燒到外層小小脆，一咬裏面嘅芝士流晒出黎❣️流心豆腐燒初頭搵嚟搵去都搵唔到佢😳原來佢成舊蘑菇咁🥰佢食落似一啲肉碎包住流心嘅豆腐，淡淡的豆腐香😗配合外層照燒醬嘅味道都幾夾👍🏼❣️味噌甲羅燒好勁嘅蟹膏味！用嚟拌飯就好夾😗******************************❣️另外嗌咗杯特別嘅桂花Kirin frozen beer 😗表 面有啲碎冰嘅啤酒泡泡，keep住成餐都唔會跌落嚟😎一啖泡泡一啖啤酒！…查看更多

想摸住酒杯底傾心事，呢間酒吧就最適合！又可以玩下桌球或者乒乓酒台🥰一舉兩得！******************************❣️Margherita Pizza嗌完之後侍應姐姐話可能要等40分鐘，因為焗爐冇晒位。飲得酒都唔會趕時間😂梗係照樣等！上碟時真係熱辣辣！芝士溶化可以拉絲！配合蕃茄醬再加新鮮嘅蕃茄，酸酸甜甜。批底係薄批，因為啱啱焗起嘅關係，批邊非常脆口，從溶化咗嘅芝士形成一個強烈對比😍******************************❣️烤豬肋骨配燒烤醬食完個Pizza等多咗一陣就有啱啱燒起嘅豬肋骨🥰🤪估佢唔到仲有好大舊嘅菠蘿！總共有三條豬肋骨，每一條都連住好多肉，燒烤醬非常入味，建議連埋菠蘿一齊食！咁樣口感就冇咁單調🥰******************************❣️Cocktails: 王昭君 & dragon rose佢呢度有四杯靚靚以四大美人為名嘅Cocktails, 我哋嗌咗其中一杯王昭君!王昭君係以gin酒為base，再加martini ，有接骨木花嘅味同埋蘋果味，飲落去非常順滑！Dragon rose: 以火龍果為主調嘅沙冰Cocktail，第一啖飲落去非常Refreshing😍，飲到最尾都唔會厭！飲落有少少Cranberries嘅味😌鮮紅色非常吸睛！…查看更多

上網睇呢間居酒屋喺海港城附近，環境寬敞，服務都唔錯。唔想行返去厚福街咁遠就嚟呢度試吓！******************************❣️燒松島魚餅&玉子燒燒魚餅有好多件，燒到外層少少香脆，內層彈牙！配埋沙律醬係好好既佐酒小食🥰玉子燒係甜既關東風！口感濕潤😽******************************❣️串燒（雞皮、雞尾、豚肉大蔥、牛舌）雞皮烤到脆口得黎仲有少少juicy嘅雞油😍雞尾肉質嫩滑，經過火燒後濃香可口。豚肉片包住日本大蔥，一啖咬落去爆曬啲汁😽牛舌彈牙厚切，啖啖牛味🥰肉類嘅串燒都會伴以柚子芥末醬，提升肉嘅層次！******************************❣️燒生蠔燒生蠔肥美多汁，海水味出眾😍******************************❣️魷魚糯米飯呢個飯特別嘅地方就係用左魷魚本身嘅汁液黎做成醬，用黎點番魷魚飯就最正！個醬食落有啲似海膽醬😝糯米好軟糯，反襯魷魚彈牙嘅口感😘 食飽飲埋杯白桃燒酎梳打就岩岩好😋…查看更多

旺角新開嘅串燒舖，環境比一般嘅舖頭坐得舒服。******************************❣️花甲粉坐到入嚟發現大家都嗌花甲粉，因為真係好抵食。花甲粉有十粒左右花甲，粒粒開口無死花甲粒、又鮮甜！再有啲金菇、娃娃菜，湯底清甜係健康之選******************************❣️燒茄子芫荽同蒜蓉控一定要嗌！每啖茄子都充斥着蒜蓉味，芫荽又多！😆******************************❣️燒雞肉串、豬肉年糕、台灣腸雞肉燒到岩岩好，唔過熟而硬身到食唔到豬肉年糕嘅豬肉片燒到脆身，裏面年糕軟身，一啖食曬口感好特別。台灣腸本身已經好好食，再燒一燒更加好食☺️******************************另外仲叫咗好多蔬菜類嘅串燒蔬菜類嘅串燒係兩份，所以大家因應返個份量嗌！最後叫埋燒菠蘿作為甜品，好甜又好多汁，唔錯！…查看更多

放假出去尖沙咀，行完the one一出黎就見到呢間日式燒肉店，lunch有定量燒肉再加飯同麵豉湯，飯可以揀大碗/細碗。價錢大約$100-$200左右，岩budget就入去試下🤗******************************❣️801盛（大判燒黑毛和牛肩胛肉、腹前牛小排、薑蔥雞髀肉）⭐️大判燒黑毛和牛肩胛肉一大塊薄切和牛，脂肪分佈細密，我地就燒到7成熟左右就上碟☺️再加溫泉蛋一齊食再撈埋飯！肉質柔軟細膩，入口即溶！⭐️腹前牛小排牛小排肥瘦均勻，濃郁嘅牛味，入口帶少少咬口，好食！⭐️薑蔥雞髀肉雞髀肉望落好似一般，但燒完食落又滑又juicy🤪記住先燒雞皮！俾啲油香出嚟！******************************❣️神盛（特上牛胸腹肉、腹前牛小排、牛板腱肉）特上牛胸腹肉嘅油香畀腹前牛小排多，入口比較細膩啲，牛味相對無濃👻牛板腱肉就大塊少少，有啲牛肩胛肉，但就無咁有油香。******************************我地另外仲加多左個生菜，中和下食肉嘅油膩😎…查看更多

俾佢個買一送一生啤優惠吸引咗入嚟😚估唔到啲嘢都幾好食🧏‍♀️******************************❣️自選魚生飯（鮟鱇魚肝、馬刀背、油甘魚）香港好少日式小店有鮟鱇魚肝！鮟鱇魚肝沾少少醋，綿密既口感，食少少已經非常鮮甜馬刀背爽脆清甜，冇乜得挑剔。油甘魚好肥美厚身，食落口油香岩岩好。******************************❣️自選魚生飯（活赤背、吞拿魚、火炙鰈魚邊）活赤背充滿光澤、肉質厚身、爽口彈牙。火炙鰈魚邊紅火燒之後，油香出晒嚟。原本想叫劍魚腩，但冇貨🤪 唯有叫吞拿魚，相對來講就冇前兩者咁特別，但係都新鮮。******************************佢嘅魚生飯嘅醋飯可以任添，雖然佢碗仔細細，但其實食完一碗都差唔多飽。我哋另外再嗌多幾樣燒物過下口癮😝******************************店家嘅細心位就係等我哋食到一半魚生飯先至上串燒，咁樣就唔會影響兩樣嘢嘅口感。自家製免治雞肉丸大大粒仲有日本蛋漿，食落有啲似雞軟骨咁，有少少咬口，面應該有燒汁好好食🥰******************************燒羊肉、燒甜薯、燒菠蘿燒羊肉唔似中式串燒俾啲調味粉遮掩曬羊肉嘅味，又唔會燒到硬曬。燒菠蘿非常之鮮甜🥰唔多渣！燒甜薯用黎做甜品就啱啱好😗連生啤都倒得好好，有層又厚又綿密嘅泡泡😝******************************成餐加埋都係$400多啲，好值得支持下🥰…查看更多

約咗朋友喺深水埗買嘢，行咗勁耐街，想搵啲嘢飽肚食下，search到 紅火雞煲 呢間平平哋嘅任食雞煲就去左食！******************************❣️百年古方雞煲有辣有唔辣嘅雞煲！我哋就揀咗唔辣🥰就算唔辣都食得好惹味！雞煲濃郁掛汁，但又唔會死咸，有少少甜味！配料洋蔥索曬啲汁更加好味😎******************************食完雞煲就加湯打邊爐，呢度大部分既配料都係自助既，有好多選擇🧏‍♀️有啲特別啲既配料（例如蝦滑、海鮮果啲）就要落單，咁樣新鮮啲仲好😍******************************肥牛同豚肉雖然薄切，但任拎唔嬲，食多幾碟都飽飽，比起其他任食邊爐，味道唔差，又無乜粗既筋，牛味同豬味都重💓******************************蔬菜特別啲既有萵筍、准山，一開頭放入去等佢索味就最岩😎 另外大推韮菜餃，大大粒，同埋唔係用豬肉，而係用蝦肉做餡！海蝦上檯仲識郁，好新鮮，食落好爽口，唔會霉😍 蝦滑都大大粒，相信師傅人手切粒再攬成蝦滑！******************************其實佢$238呢個價仲包埋韓燒，但我地顧住打邊爐都唔得閒食韓燒😝食埋真係好抵！…查看更多

係尖沙咀行完街，上openrice見到呢間有杯靚靚乾花cocktail 🧏‍♀️ 為左呢杯飲品就食呢間啦！****************************** ❣️蟹肉龍蝦汁蛋餅 $118即叫即做，一上枱係熱辣辣嘅，個份量都唔少，夠哂兩個人食。一切開個蛋餅，入面仲有煎咗嘅薯仔片，口感一流。龍蝦汁同蕃茄醬都好夾，味道好豐富。細心位：店員有提示我地盡快食，避免蛋餅煮過龍******************************❣️紐西蘭肉眼扒 $158叫medium，切開肉質仲係粉嫩，冇overcook。放入口仲好juicy，都幾唔錯。******************************❣️Hanakotoba 以Gin做base，加入蘋果醋、葡萄汁同莓。成杯用乾花做裝飾，好適合打卡嘅朋友仔。呢杯酒精唔濃，好適合女仔飲嘅酒。******************************❣️Fruiter’s Spanish係杯要耐性既酒。一開始好濃酒味，但係啲冰同雪糕開始溶之後，飲落去有rum味，個finish再帶有淡淡既咖啡味。…查看更多

串門子搬咗舖之後都冇食過，知道佢再開返都特登嚟幫襯，舖頭細細但客人多，氣氛非常好☺️******************************❣️錫紙花甲粉呢碗花甲份啲花甲多到我同朋友每人食咗十幾隻都未食完😍粒粒都好大粒、又鮮甜！粉絲索曬海鮮嘅鮮味😎******************************❣️麻辣小龍蝦第一次食小龍蝦，剝殼有啲似剝賴尿蝦咁，肉質彈牙一啲都唔霉😌因為朋友仔懶，我一個人剝咗十幾隻，仲配以好多爽口蓮藕片☺️超值！******************************❣️燒蒜蓉茄子食串燒一定要食茄子，每啖茄子都充斥着蒜蓉味，再加少少孜然粉味道。中間茄子芯燒到非常淋身😆隔離台望到都即刻叫返條🥰 ******************************❣️蒜蓉扇貝、和牛粒、羊架、燒菠蘿食開蒜蓉就唔爭在食埋蒜蓉扇貝😚唔會燒到過咗火。燒完外表乾身，但係裏面仍然都係嫩滑飽滿😚和牛粒唔會好乾身，有咬口！羊架最緊要有脂肪先至帶得出羊嘅臊味😃燒菠蘿非常Juicy😍******************************所有嘢食都叫咗小辣，如果鍾意食辣嘅朋友記住要叫中辣以上呀🤣******************************…查看更多

❣️蜜汁叉燒王食叉燒絕對要向瘦叉Say no☺️呢間嘅叉燒王就係半肥瘦，燶邊脆口😎入口肉質軟腍😍 ******************************❣️雪影焗餐包即叫即整，等咗成20分鐘架！外層鬆脆、裏面充斥着叉燒嘅餡，啖啖肉😚******************************❣️蘿蔔絲酥餅第一次食呢款點心，初頭以為好似街邊小食炸蘿蔔餅咁重口味，點知裏面嘅蘿蔔絲調味得啱啱好，有淡淡的蘿蔔香，一啲都唔重口味😎******************************❣️水晶蝦餃王&韭黃鮮蝦腸兩款點心都用上超大粒又彈牙嘅蝦仁😎蝦餃上面仲有少少嘅金箔，即刻高級左！******************************Overall 呢間酒樓嘅味道都幾好食，環境好寬敞，唔似一般酒樓咁嘈吵！…查看更多

中環歌賦街呢邊屹立幾間出名又好食嘅拉麵餐廳，今次嚟到呢間座銀集團新開嘅Next Shikaku，主打牡蠣湯底，蠔精唔可以放過！******************************❣️牡蠣白湯（koeru)白湯嘅湯底由牡蠣、豚肉同雞熬煮而成，非常濃郁🤪 加入咗少少嘅紫蘇碎、爽甜洋蔥，令到湯底濃而不膩。牡蠣鮮甜大粒。慢煮叉燒厚切，但我就覺得慢煮完再燒下外層會更好。拉麵嘅種類比較少見，係扁身種類，掛湯而爽口😚 ******************************❣️櫻花木煙燻糖心蛋另外加咗錢要咗隻煙燻溏心蛋，唔似出面拉麵鋪溏心蛋嗰種甜嘅醬油味，反而有淡淡的煙熏味！…查看更多

疫情緩和最緊要把握機會飲返兩杯😎******************************❣️燒牛肉青芒果柚子沙律初頭以為呢個沙律係好頹🤣點知啲牛肉竟然有五至六塊，仲要係7成熟左右，厚身牛肉又焦香，有啲質素！青芒果爽口清甜，配合柚子果肉，作為前菜非常合開胃☺️******************************❣️醉香脆皮燒雞 配香茅油飯佢個名真係改得好好，因為食落就好似個名一樣，雞帶少少酒香，肉質幼滑，皮薄又脆，同時唔會啖啖肥膏！要注意返：即叫即整，要等30分鐘架！但呢30分鐘等得非常值得😍 油飯唔會太過油，輕輕上一上色，有淡淡的香茅味散發出來，同醉雞嘅味道互相輝映😚******************************❣️see my pearl + diamond black呢間舖頭嘅Cocktail非常有特色，每杯都好靚！揀咗勁耐先決定到！see my pearl-棉花糖味嘅gin再加上少少蜜糖，非常易入口😽Diamond black-酒味比較重，但酒味重得黎飲到佢斑斕葉嘅香味，再加柚子sake米味，我個人就鍾意呢杯多啲❤️配上加入左竹炭粉嘅冰，型格又好飲！******************************成餐飯由侍應介紹Menu開始，到中段問我哋味道如何，再到最後請咗我哋飲一杯shot😎 好似同朋友一齊玩咁，好開心，好值得再黎多次😚疫情緩和最緊要把握機會飲返兩杯😎******************************…查看更多

呢間出名蛋牛治同豬手麵😜今次終於可以黎試吓啦😘呢啲傳統野，識食一定係食舊舖啦！******************************❣️烘底蛋牛治即叫即做、熱辣辣，但食落去就冇令人驚艷嘅感覺，好似純粹蛋加牛肉加埋嘅一個三文治咁😢有啲失望！******************************❣️西多士相反西多士就正好多😝牛油大大舊！食得出係真正嘅牛油，食完個口都有陣油香😗但要留意番，西多士裏面係冇花生醬架🤪******************************❣️豬手河南乳豬手炆到非常淋同埋入味，有3-4舊，每一啖都好似食緊骨膠原咁🤤 唔怪得每台都嗌佢******************************❣️熱奶茶奶茶茶底唔係非常濃郁，但茶奶比例好好，順滑好易入口😌…查看更多

香港售賣嘅蛋糕都偏大，如果兩個人食就會太飽，難得呢間日本過江龍竟然有Mini pancake，就買咗個返屋企食下🤔******************************❣️石板街pancake-pancake表面鋪滿朱古力脆脆棉花糖同埋士多啤梨😌。第一層同第二層中間係綿滑嘅cream，而第二層同第三層中間就係充滿着芝士味嘅cream cheese😎 pancake 本身有濃濃既朱古力香味，比較紮實嘅口感，一啖食晒三層甜而不膩！******************************順帶一提，因為外賣嘅關係，店員都將蛋糕放喺個盒裏面，包裝得好整齊，由尖沙咀拎到返屋企大約一個鐘嘅車程都完全無損呢個蛋糕嘅外貌😆抵讚…查看更多