Wayne_Chong的個人專頁

難得假日休息，就同細佬揸車入元朗搵食！元朗豉油皇豬扒飯，就係人都知好味！今日就等我一嚐佢地嘅美味！當時大約2點30左右，心諗應該冇咁多人，去到我地都等左5分鐘左右真好彩！成記豬扒飯嘅份量就如同佢嘅聲名一樣「咁大咁響亮」！但我地兩兄弟兩個麻甩佬心諗，冇理由搞唔掂一碟碟頭飯！但當碟飯實實在在放係你面前，方知自己嘅渺小！我叫左豉油皇豬扒雞球，細佬就叫左豉油皇豬扒雞翼！豬扒厚而不粗鞋，肥而不油膩！雞翼和雞球亦十分入味！兩者亦沒有任何雪味十分出色！而比這麼者更出色的都莫過於佢地嘅豉油汁！可說是畫龍點睛，將一碟大排檔簡簡單單嘅頹飯，升華去另一個層次！點解呢編食評嘅標題係叫：「這就是態度！」呢。話說今日係成記發生左段小插曲，雖然唔關我事不過都值得同大家分享。同過咁多人對成記嘅食評多數都係讚啲嘢好好食，但服務態度好差！去過食嘅朋友都應該知嗰到就好似戰場，「亂」可以黎形容佢地嘅環境，但並不能形容佢地嘅運作，老闆要睇住爐灶之餘還有時間兼顧樓面嘅運作！由於水吧連續幾次出錯飲料，而場中沒有任何人應頭！老闆便在廚房中大吼一句：「再錯就同佢地講乜X都冇，賣X晒！」😂😂 本人並不是話老闆嘅舉動係正確，但這是街邊大排檔嘅飲食文化和態度！這裡不是什麼商場高級餐廳！…查看更多

餐廳細細，但得一位女侍應。呢位女侍應好細心，問你黎過食未，本人未黎過啦。咁佢就介紹左佢地啲招牌菜，蝦湯面（講明係用左7斤蝦去煲呢個湯底），到個麵上嘅時候，又好驚你會誤會係好辣，因為佢地仲用左蝦膏油去煮。我就叫左一碗叫"三少爺蝦湯麵" 份量十足，本人都叫大食，原先仲想叫多個小食，點知佢仲同我講，所有叫麵餐嘅客人都會再送一份小食。十分有心思，希望佢地可以保持呢份心思！小食係送左瑞士汁雞中翼，雖然得一隻但都足夠表示佢地嘅用心同誠意，雞翼好入味同好滑！最後跟餐有嘢飲送，但只係得汽水、紙包飲品同枝裝水。係美中不足左少少，不過我就加錢叫左佢地今日嘅特飲，木瓜煲雪耳十分滋潤，唔太甜好有屋企自己煲嘅感覺。總括黎講係可以再黎食過，唔食蝦嘅朋友唔洗擔心。因為佢地都有一般好大路嘅越南粉麵同飯類！…查看更多

下午茶叫左碗牛肉面，另外散叫左碟鹽酥雞。鹽酥雞一個字 " 硬 " ，冇味同唔酥唔脆牛肉面色水呢.....濃郁嘅湯汁呢同佢放係巴士站、餐牌完全唔一樣好淺色！同佢係Facebook上啲廣告所介紹嘅完全唔一樣....味道真係一般！懷疑係比錢人做嘅膳稿最後跟餐仲要加$5飲珍珠奶茶，得個甜字......冇茶味又唔滑，珍珠又痴埋晒一舊舊，最後飲晒杯嘢就算！另外當時全場加埋我都係得3枱客.....一入門口企收銀位男仕貌似老闆唔洗著制服，入到門口你眼望我眼冇反應，咁我就自己隨便搵位坐啦。之後想落單.....佢地就只顧住圍埋一齊玩手機同吹水我會比多次機會佢......試埋個肉燥飯都唔掂就放棄啦！情願行遠小小去新墟食101好過…查看更多