jackymuk的個人專頁

$40幾蚊先得一碗勁細碗嘅雲吞麵，個碗細到好似飲茶嗰啲碗仔咁，上咗枱真係眼都突埋，以為佢嚟錯嘢，搞到好似自己好寒酸咁，都算，啲雲吞勁細粒，細到好似冇肉咁⋯以為啲味道有咩咁巴閉，點知⋯味道好普通，出面是旦一間雲吞麵麵唔會差過佢，食完我諗只有七成飽，即刻要叫多個m記餐先夠飽，香港地咁多雲吞麵舖，都好食過佢，而且一定夠飽。至於環境，兩個人食要同人搭枱，如果係街邊鋪都算，大商場都要搭枱，仲要幾迫，真係俾錢買難受，超伏，大家真係唔洗去試…查看更多

吉列三文魚好食，但係啲飯好乾，茶碗蒸冇乜味，麵豉湯唔錯，可以免費追加椰菜，但係明顯唔新鮮。淨係定食唔包嘢飲都要$125，應該唔會有下次。環境乾淨，服務都唔錯。食物就係爭咗啲。…查看更多

三百幾蚊已經算貴，點知呢樣冇果樣冇刺身勁細塊，壽司啲飯一petpet飲品只限兩罐，燒烤網要換嘅話就要加錢想點啊究竟⋯基本上除咗牛肉、生菜同埋醬汁之外，其他所有嘢都係難食環境衛生又麻麻地，碗碟好似我屋企用嗰啲，一啲都唔專業唔靚服務態度算可以，但係三百幾蚊放題周街都好過佢，實在諗唔到點樣可以生存咁耐，希望大家都唔好亂咁試，俾機會佢等於害咗你自己，相信牛角食最平嗰餐都好好多囉，明嘅話自己識得揀，祝大家好運…查看更多