heidiclt的個人專頁

西環呢間小店一直係我嘅至愛:)。仲記得以前喺附近讀書，一有時間就會走落嚟食碗豬扒米綫，填包個肚先返去上堂。雖然阿一有其他分店，但唔知點解呢間好似特別好食，所以畢咗業幾年，間唔中都會特登走返嚟食。店入面只有幾張枱，我12點半左右嚟到，好彩唔使等。落完單好快就有得食。豬扒三大塊，粗米線非常彈牙，酸辣湯底好香，咁多年都咁好食，水準依舊，冇令我失望不過今次花生就好似淋咗少少，唔夠新鮮，可能擺耐咗。加埋杯凍利賓納，簡單滿足嘅一餐！…查看更多

好掛住日本嘅全蟹宴，朋友介紹呢一間專食蟹嘅餐廳，聽聞lunch set幾抵食，所以專程嚟試下。餐廳環境唔錯，每張檯都隔得幾開。今次揀咗佢嘅行政套餐（$438），有松葉蟹天婦羅拼盤，毛蟹同雜菜火鍋，烏冬，甜品，另外加咗份蟹肉餃子。蟹肉蒸蛋非常滑，好味。天婦羅炸得好鬆脆，夠熱，件件都好食，不過用天婦羅整蟹腳好似少少搶咗蟹嘅鮮味。店員好細心同我哋介紹，蟹腳煮２分鐘，蟹蓋、蔬菜煮５分鐘。蟹膏非常甘香濃郁，有驚喜，蟹肉都非常鮮甜，而且剪好晒，好容易就拆到肉食，正。蟹肉餃子正常，冇咩特別，個人覺得可以唔叫。烏冬彈牙，食完之後份量啱啱好，夠晒飽！揀咗姜同咖啡味雪糕，姜味有啲似姜汁撞奶，幾得意同清新，不過好似都係咖啡味好食啲！食埋甜品好滿足，唔錯唔錯，下次有機會嚟試下晚餐嘅全蟹宴。…查看更多

父親節揀咗呢間餐廳慶祝，餐廳好細心，驚父親節多人，上菜等得耐，早一星期問我會唔會落咗單先。當日嚟到，餐廳環境好靚，好闊落，感覺好舒服，屋企人都好鐘意。待應同我confirm咗一次之前落嘅點心，好快就有得食啦！點心賣相好靚，味道都唔錯。春卷入面包住蝦，味道冇想像中咁豐富，略嫌單調咗少少。嚟之前好期待試嘅鮑魚！每隻切開咗三片，食落去好鬆化，唔錯。釀蟹蓋足料，有好多蟹肉，值回票價。炒飯都幾香口，份量合理。甜品味道一般，不過上菜時好靚，打卡必點。特別欣賞佢嘅點心／菜式叫一碟以上可以按人頭叫，咁就唔怕多咗幾件浪費，大家都可以試到。整體嚟講，成餐飯都食得好開心，員工態度好好，食物有水準，值得一試。…查看更多