之前都有幫襯過幾次，都係叫花生醬煎餅，今日想試啲鹹既，見到店面餐牌有爆芝士牛肉煎餅，於是爽快咁同店員落單。大約等10分鐘，一拎到煎餅，發現唔對路，面頭擠滿淺黃色嘅醬料，最初以為係芝士，但係拎近就聞到一浸濃濃沙律醬嘅味，於是問店員佢話係沙律醬，當時心都離一離。由於本身唔食沙律醬，加上表面實在太多醬，有啲接受唔到，問店員可唔可以整過第二份？店員話唔得。問可唔可以幫手整走面頭嘅醬？佢話好難整走，要自行處理，想退錢又唔得。店員話如果要第二份可以八五折，心諗如果再俾多30幾蚊買一份煎餅咁真係….當時直程想唔要，但係冇理由擺低俾番店員，等佢又可以比下一個客，於是拎走咗。事後覺得好似俾人呃咗咁，因為店前餐牌冇寫明材料，而店員強調店內嘅食品圖片有標示材料，你估人人都咁仔細睇餐廳入邊嘅圖咩，點解舖頭前面餐牌冇寫材料，入邊嗰啲圖先有寫，講啲唔講啲，好易誤導人😅。就咁睇字面"爆芝士鹹牛肉剪餅"邊個會估到會有沙律醬，建議佢下次可以改名，叫做"爆沙律醬芝士鹹牛肉煎餅"🙏🏻試問邊個會想錢買一份唔想食嘅嘢，好傷心💔。當時俾店主/店員一句圖片有寫耍走左，後悔當時冇據理力爭，事實證明人太腍善都係冇好結果其實整一份煎餅要幾多錢，店主唔想負責任既態度，今時今日咁樣做生意。😞本身想繼續幫襯，而家真係無下次。下邊嘅圖片係放咗太耐嘅煎餅，原本既相可以參考其他人既圖😢…查看更多
