tiktaf的個人專頁

下午茶時段未食飯，經過見到幾平就入左去試下。揀左個灸燒飯set，份量好大，配料好多。有三文魚，帶子，左口魚等等。左口魚入口即溶好好食，其他野質素都好高。由於份量真係好多，食完好飽。對面女朋友揀工個壽司配烏冬，佢係飽到食唔晒。呢個質素同價錢係銅鑼灣黎講都幾難得。…查看更多

呢檔車仔麵既餸種類非常多，而且有好多特色野，價錢又抵，2餸麵28蚊，加一個餸都係7蚊。我就叫左一個3餸麵，麵就揀左上海粗麵，餸就有雞扒，咖哩豬皮魚蛋同埋勁大條既金菇肥牛卷。個麵本身有菜送，仲有汽水送但我就冇要到，因為想試下格離飲品店珍珠奶茶講返d餸，雞扒大大塊都係7蚊仲要勁juicy，老闆娘話係焗既，所以食落去唔會油膩，個味道又腌得好好，個人十分推介。跟住就到咖哩豬皮魚蛋，一個餸有齊豬皮同魚蛋豬皮好入味，魚蛋都好食，咖哩味好香好濃，仲有d辣辣地好鬼惹味，送麵食一流。最後就係金菇肥牛卷，我未見過咁大既肥牛卷，入面勁多金菇，食落有浸好香既牛油味，好好食，食牛既朋友絕對要試。我仲落左沙爹醬同蒜蓉辣椒油。個沙爹好有泰國既味道，撈麵食好正。蒜蓉辣椒油都幾辣，但係又好過癮食得辣既朋友建議可以加d吊下味。總括而言，呢間又好食又抵食，唔怪得之咁多人食，我晚餐時候黎食，不停有人黎食同買外賣，好在我搵到個位。唔駛講，一定會再返黎食同試埋其他餸。…查看更多