htwinstars的個人專頁

睇戲前ee肚，係旁邊見到呢間幾有特色的米線舖，又藥膳雞湯又黑蒜，冬天進補最好不過啦…一於試試~我食藥膳雞湯米線有雞又有4、5個配菜都係55蚊，係街買個補身湯都要呢個價啦～好期待~ 等左10分鐘終於有得食，個湯真好足料和香濃藥膳味~雞件雖是雞胸肉但幼嫩鮮甜，比起我朋友個碗的雞脾件更冇骨啖啖肉。配料有蟲耳花、雲耳、冬菇、腐竹、豆卜，樣樣齊幾豐富。我試左friend個黑蒜湯也不錯!同個黑金雞翼係兄弟! ~再叫左2個小食做餸~ 1/黑金雞翼- d雞翼有成5cm長加上惹味既黑蒜醬食到停唔到口~聽講黑蒜抗癌，出面都好少食到呢種的醬，所以差d想叫多一碟黎食(肚皮空間有限，下次再留食過啦～ 😆)我覺得自己食緊又好味又補身既健康餐咁! 好! 另一個小食係柚子豬軟骨，鍾意濃郁柚子醬既都會鍾意呢個餸，d豬軟骨火候好足夠，骨都成為骨膠原啫喱和入味的肉加柚子酸甜配合得合到好處!只是因為碗米線和雞翼真好有特色，呢個餸係我心中比下去，只能排第3~哈哈…後黎驚自己食濟，叫左杯開胃消濟的天然飲---5年咸檸蜜~ 我睇飲品類時，就被佢零捨隔開一欄“天然蜂蜜類”吸引住，佢強調“5年”即夠陳年佳釀feel的飲品，所以就試試。的確好夠味，飲完好似喉嚨都順滑左，把聲都靚d咁~ 鍾意食口立濕如我就連佢個塊咸檸檬都食埋先至停口~ 22蚊杯都值回票價!我同個friend都滿足到捧住肚走，下次經開呢頭都會過黎“返尋食”! 😄好在我同friend個晚6點幾去食，7點開始已坐滿開始要等位添~…查看更多

無論個外觀同名都幾有特色，於是同朋友入去試試。餐廳以炸燒食物為主，我和朋友最推介係“香炸日本池魚仔” 味香濃鬆化，真好正!我們也叫了幾款小食:黑蒜黑豚肉卷(香甜軟滑，juicy 既!) ，芝麻雞翼( 蜜甜脆皮加芝麻粒粒滋味無窮)，煙肉荔枝卷(燒香的煙肉片包著粒粒荔枝=一口咬下清新和創意)。還點了一個靜崗鯛魚燒，雖然味好濃(醃得好入味)，但這魚真好滑好好味! 我本身宜唔多喜歡食魚，怕腥怕多骨怕“鞋”.....估唔到除左銀雪魚之外呢種魚係我心中排第2好咁味，燒完都好香滑仲鮮甜。今次發掘到呢間好有水準既日式燒物店，下餐會再帶d朋友黎試其他食物! …查看更多

約朋友食飯最方便的中心點就是旺角， 我第一時間想起的是早幾年前去過花園街附近有間素食店不知是否仍存在， 於是去看看， 幸而仍是素食店但裝修不同了， 較印象中翻新了， 感覺年青有活力了， 我和朋友便決心一試。我2人點了3款餸菜(包括2款招牌菜+1款清炒蔬菜) :招牌菜1: 靈芝菇松子炒桂花翅。賣相精美，創新配搭融合了多款矜貴食材，和不起眼的芽菜形成豐富的特別口感，味道和意念都值得讚賞。招牌菜2: 西檸焗猴頭菇 是我力推之作。西檸汁用心調製，鮮檸的新清使菜色酸甜醒胃。 香脆的炸猴頭菇片配上甜蜜的西檸汁是一絕。(P.S.喜歡酸甜的餸菜這真不錯之選! )第3道菜: 西蘭花竹笙素球 是清炒蔬菜，食材搭配合宜之外，也反映了無添加味精之良好做法。清淡健康也是本人選擇食物的重要元素，這菜式清甜味鮮。有甜品的素食餐廳我當然是不會錯過啦~ 我的胃仍Quota所以點了芝士蛋糕2口味各一件試試:蘋果肉桂芝士蛋糕(左): 蘋果蓉的清新配上肉桂的香甜， 好回味~煎茶芝士蛋糕(右): 綠茶芝士蛋糕之前在別的地方也會食去， 但煎茶卻第一次試。 煎茶隠約帶有淡淡煙燻香味加上茶的清香， 美味而不膩。香濃好好食...... 總之頗讚賞的一餐~ 好滿足! …查看更多

朋友補祝我生日, 當然去食素慶祝啦~ 近期聽到一些愛食素的朋友都有提過觀塘的一心素西餐廳都有正面評價, 於是就平日放工去試試~ 可能因為是觀塘工業區的樓上舖，間餐廳空間和座位都好寬敞, 令我覺得好舒服, 晚上7點去到, 已有3成多的食客在內, 到我9點離開,星期四的平日晚上也有超過一半的枱有坐上客, 證明呢間素食店己有一群支持者。 我和朋友叫2個晚餐, 因為比起單點加$30就有飲品, 餐湯, 前菜 和甜品, 好豐富~ 我點了一杯5青汁, 可能飲唔慣生榨蔬菜汁, 感覺淡淡青味, 呢個唔係好喜歡.頭盤: 水果 餐湯: 西式紅白湯各一,   前菜: 點了 冷麵 +  方包主菜1: 招牌一心炒飯 ----別看其平平無奇的外表, 淡淡的配菜及菇粒和蛋白入口清新口感豐富之外, 好神奇的地方是中間包含了一些細小脆香的東西, 估是飯焦但看又不似的金黃色物體, 總之好有驚喜的好味~ 果然是招牌菜!  主菜2:黑松露煮素扒焗意粉----好西式的主菜, 因為我好喜歡食意粉, 加上用黑松露煮的素扒一起焗, 十分惹味和香口。 2個主菜一香一清的配搭, 相當合宜 :) 甜品: 看到餐牌可咁多款式的甜品可選, 花多眼亂, 好不容易才決定到試外面西餐廳可配的甜品- 岩燒千層蛋糕這次有士多啤梨味和藍莓味~ 就各點一客試試~ 無令我失望的甜品, 口感豐富又香軟甜美, 每層薄薄的夾著含果肉的CREAM 和 PANCAKE皮, 真是可媲美甜品專門店的水準~ 好正~…查看更多