BonQueen的個人專頁

今日上OpenRice search餐廳，見到依間新開餐廳，就去試試。門口有貼午餐同下午茶menu (無早餐同晚餐）。直接入去，有職員主動會走黎帶位，感覺不錯。地方舒服光猛，又有大電視，我揀左有營午餐走汁。問返職員，可以即時填form做會員，有會員卡就有9折。我個餐$48，折左就$43。等左一陣，就有鯖魚蔬菜飯，正常發揮，份量可以接受，另外冷飲要加$3，汽水加$6。我下次想試下卓思三文治，如果有甜品，都唔錯。…查看更多

今次係第二次食，試左豬肉丸魷魚鬚潮州河粉，加菜心全走。肉丸彈口、魷魚鬚爽口、河粉新鮮，份量好足，加配菜心一大碟都係$8，食得好開心。上次就係鹵水鵝片飯，同樣出色，鵝片下面仲有豆腐，里面勁滑。老闆俾足料，驚啲客唔夠食，好正而且係用長木筷子同硬膠匙，食野勁方便。無左使用紙匙時食到勁勞氣既感覺😇雖然係food court，不過有姐姐主動幫手收野，多數唔使自己黎。性價比高，會多啲過黎食。一陣試埋隔離間格仔短😋…查看更多

依排悶到飯都唔想食，就轉去食餃子喺觀塘食過幾間，試到依間覺覺得幾岩心水西洋菜餃真係食到西洋菜味，唔會全肥糕，算大隻同埋皮薄外賣盒包裝都做得好好，攞返公司食，完全唔會漏同埋老細同收銀姐姐都好有禮貌+人情味希望佢地愈做愈好今次自己有盒去裝，下午茶餐，6隻餃子+4隻中雞翼+杯熱檸水$50 好飽好抵食支持🫰🏻…查看更多

上完堂，行過附近，上去檸檬冰室食lunch。午餐多款而且都叫得落&affordable叫左牛筋腩飯set，仲有薯仔，好味。不過食食下見到有條好短既毛，似眼睫毛。本來諗住一條半條就算數，但咁唔好彩俾我見到3條唔同款既毛⋯⋯咁就⋯post出黎俾大家睇下…查看更多

叫左牛腩牛什河，足料都係$44，好抵食。再叫多碟菜心，熱辣辣$12食完勁暖身，好滿足咁行去對面打波，超正！依間都係做街坊生意，侍應有效率有禮貌，日後路過再黎食碗雲吞牛什河。…查看更多

3日內食左2次酸菜魚寬麵，2次都叫一模一樣既食物，但體驗差天共地。行過見到入去試新野，點左酸菜魚寬麵，bb辣。第一次食，入口湯頭酸味岩岩好，再食有少少辣，啲魚又滑，岩曬我依啲唔食得辣既人。隔左1日再去食，叫左一模一樣既野，但係今次湯面已經浮左勁多油，一食就已經覺得辣，完全蓋過左酸味，魚一樣係滑，但因為太辣，食得好辛苦😓 （第一張相係第2次食，第二張相食第1次食）食完之後要去7仔買盒豆漿解辣，之後成晚個胃就一直唔舒服，周身酸痛🤢。因為OpenRice 係咁彈我文，我就del左之後既事啦。結論：長時間內唔會再食😞…查看更多

叫左限定蟹肉蟹黃撈麵，麵多料少，蟹肉蟹黃好糊，成碗就係得咁多，加埋個紫菜湯同碟醋，真係好鬼貴另外叫左滷肉飯定食，有醉雞件，依個就好食少少揀左廚師推薦既肉鬆蛋餅，入到口但好細份一碟台灣腸要$5x，去街邊食魚蛋好過啲飲品叫左少冰少甜，但都係多冰全甜，叫左芋頭芋圓鮮奶，有舊芋頭又無俾匙羹，用飲筒食？結果用湯匙潷走啲冰同拎起舊芋頭黎食坐得舒服，但男經理/待應一行過黎捧餐就聞到成手勁大煙味，洗下手清下陣味好喎埋單$3xx，就貴貴地，可以有更好選擇…查看更多

新開餐廳，試一試用qr code落單，8折再收+1，先俾錢後上食物可以用OpenRice book 位，但無得用OpenRice pay俾錢，用唔到cash fund 本身唔受得辣，覺得咖喱有啲辣烏冬分量有少，味道可以但唔抵食…查看更多

見有自家製肉丸同魚肉丸就試一試不過魚肉丸入口有腥味，肉丸就似平時食既肉餅整左做丸，有期望落差娃娃菜湯好食好飲，因為都係食返原味，感覺健康啲，其他無咩特別，好普通既一餐…查看更多

今日搵食見到駿業街街市外面有下午茶banner，$32-38金，ok，可以一試。等到2:30pm，掃qr code 落單，叫左吉列蠔豬骨湯搵麵，等左10分鐘就上枱。雖然係餓，不過好唔好食都仲分得出。睇上去覺得細碗，驚唔夠飽，不過湯底好味，食完麵再飲曬豬骨湯，有滿足感。廚房大佬同老闆娘都好客集同禮貌，埋數用八達通。走過陣見到特格時段落單有得平，計落真係好抵食。觀塘好多食店，但試伏試得太多次，真係令人好沮喪。好在食返啲平靚正既鋪頭，就開心返。…查看更多

食個下午茶有8折，手機落單好方便唔明問職員都好親切叫左麻油雞煲加白飯 再叫多個黑糖荳花唔識欣賞麻油雞有咩咁特別，一堆杞子加幾粒貢丸加豬紅加舊雞肉咁大把，唔值得食不過荳花好正，大大碗，仲大過碗白飯食台灣味都食甜品算數…查看更多

依排勁口痕好想食野，走去食個放題滿足下。生肉煮食款色都係預期之內今日主致海鮮同雞翼，3盤魷魚及墨魚仔，加4款醃料雞翼，埋位即煮好耐無飲過既人蔘雞湯，豬腳薑，仲有大量生菜、生蒜，熟秋刀魚，白飯都好食午餐由11點開始，慢慢食唔怕夠鐘，食埋維記雪糕、豆腐花、哈密瓜、西瓜食左2粒鐘，飽到上頸，一直飽到第二日依家加左價，不過可以坐好耐同唔使食第二餐黎睇，依個價可以接。場內好多長者，先知有長者價，計埋好過去飲茶啦Lunch 定食 $50 起都ok…查看更多

又去大埔食午餐，叫碗味玉义燒拉麵加3隻煎芫茜餃拉麵勁無料，半粒唐心蛋有少少酸，片义燒薄到咬都唔使咬，就無左芫茜餃勁細粒，叫左$16煎餃，貴炸餃$6，後悔，係咩特別麵底正常服務正常但唔會想再去食…查看更多

諗住入去食個午餐，所以點左牛脷烏冬見到其他人都係點淨餃子，不過第一次試就冇所謂啦，貴少少諗住試新野，點知嚟到份量係勁少，我諗係小童份量，牛脷又薄又難咬，唔夠飽之後再叫多八隻餃子食。料好一般，口感好普通，又細粒，唔會想食第二次…查看更多

今日去睇車仔展，順便行下d2 place 1 & 2期。入到1期2樓遊戲區里面見到依間美式餐廳，幾得意。即刻睇下食評，見到豆腐奶昔勁想試。Scan qr code join member， online order 仲有得減$10 勁正。Order左牛油果燒雞扒漢堡、炸燒賣同埋豆腐奶昔，全單$88，依家有啲質素都係差唔多價，ok 落單。等左十零分鐘度有得食，份量都夠飽。同場有小朋友生日會，所以支竹籤上有小皇冠😆今日行d2 place睇到好多一家大小，仲有好多狗狗，原來依度係pet friendly 既商場。好多精品鋪同香港原創設計，行得好多開心，食野都好好味😋…查看更多