cforcozi的個人專頁

作為香港人，菠蘿包呢個本土食物好令我引以為榮。一直都鐘意周圍試菠蘿包。朝早8點幾買個餐蛋菠蘿包$18。滿心歡喜揭開個盒，一掂個菠蘿皮，哇，林嘅。完全係買個菠蘿包放喺屋企第二日嘅狀態。但包唔軟熟都算。但擺得耐就對客人唔係咁老實。保證唔到個質素唔好影衰香港地道食物。不如唔好賣。遊客食咗都O咀。只賣蛋撻，做好一樣好過。浪費錢都算，浪費咗個肚仔空位同卡路里quota東涌地鐵有間菠蘿包價錢唔算相宜但質素有保證。…查看更多

豬扒入味，好香。西多驚艷。除了出前一丁有米粉。見到一罐罐回鍋肉，即叫即開剛搬入一個月。覺得西多呢間最好食。因為我唔想食炸得好透嗰種茶記西多，鐘意煎嗰種。睇黎以後要忍口，太好味又要減肥…查看更多

啱搬入嚟搵食。呢個西檸雞不得了。我平時好少叫嚟食，因粉厚。老公鐘意食。一食，個皮鬆脆。雞不會太乾。我為咗呢個餸叫咗個白飯。今次宣告減肥失敗。但難得唔係食商場分店食肆。我呢位新鄰居表示相當支持。好難忘呀。…查看更多

星期六中午左右好多人. 都仲有少少量位剩. 可能因為樓底矮關係, 都幾嘈, 遇著兩班人聲傾計, 好似飲茶咁. 佢地一走咗就靜曬. 不過都無阻我享受食物之前新開見茶記無咩特別無入去. 睇食評見到個, 記住, 係4.3牛奶炒滑蛋叉燒蝦仁雙併飯, 好吸引, 所以去食.個蛋係好似頂帽咁COM住D飯, 垂直一羹, 有蛋同豉油飯,好好味呀, 令我諗起日本蛋包飯. 好滿足. 我平時戒CARB唔食飯, 為咗佢破戒, 無所謂啦, 做返運動囉.老公叫咗午玖(午餐9), 個羅宋湯好似魚蛋粉咁大碗(係講得誇張咗), 好多料, 個茄牛通先精彩, 係茄蓉呀, 滿滿嘅茄蓉呀, 我搶食咗幾啖. 我食過好多茄牛通, 最鐘意呢個. 有D係蕃茄加水, 有D係林茄湯, 茄蓉第一次食, 我估係用攪拌機攪, 好有口感. 我鐘意. 多士係麥粉做, 配上樽仔朱奶. 我覺得呢個價錢係高質茶記. 如果以後搬咗返黎大圍, 我一定會再食呢兩樣野.新開試業好似打仗, 職員好忙呀, 每遞上一樣野都會CONFIRM係咪叫咗呀, 好盡責.…查看更多

因為家住大圍村所以買麵包買開櫻X，好平。呢間曲奇有驚喜。原本寫住合桃唔知咩味，忘記了請見諒。原來係咖啡味。超濃咖啡味。我鐘意佢唔會好甜。老公嫌唔夠甜。有朱古力咸。咬落有口感。唔係藍罐嗰D機做。我鐘意有d粗糙感喺呢個熊仔曲奇泛濫下，好開心無意中搵到呢個拍得住車厘哥夫曲奇又唔太貴嘅曲奇。$33一盒。食剩幾塊先心血來潮寫食評。另外有個三角葱餅以為只係普通葱餅點知有雞肉咸。當然係白汁居多。但都好味。睇返之前食評原來叫雞角。…查看更多

平日下午2點左右, 人唔算多, 有本地人, 有遊客. 叫了fish burger, 鴨油著條, mini beef burger+ salad, 雞翼, 黑牛. Fish burger個魚好硬好un. 呢個好失望, 寧願真係去西貢食個fish and chip, 好味好多. 個鴨油著條好乾, 黑炆炆，一D都唔新鮮....mini beef burger+ salad正常. 到雞翼, 首先, 4舊都唔係雞翼, 係雞槌, 4舊都係.....點解個menu 唔寫係chicken drumstick 而係chicken wing, 中文又係寫雞翼...個汁好難頂, 可能我唔鐘意美式sauce 啦, 但我覺得佢係同一時間過咸同過辣, (如果有人鐘意食, 歡迎話我知.)其實係咪可以向消委會report? 比返雞翼我呀~~~~題外話，我推介你去佐敦食一間有燒粟米既Burger Lab, 高水準, 個雞翼好好味....呢餐食咗3百幾蚊，無下次了。或者尖沙咀區，如果受到有濃味cheddar cheese 的burger.我強烈推薦你去美麗華食Burger Room好過。…查看更多

我真係好想講你有時去旅行，見到介紹乜乜乜，影到好靚，見到好想食，好L想飛去食，去到食，又唔係嗰回事。呢個身處香港就有得食，價錢合理, 油麻地A1出口轉個靚彎就到。我覺得好好好好味，外脆內軟。我試咗牛。少少辣，好令人回味。一啲都唔覺得油，好過食”靚”心嗰D乜乜酥，個袋一定好油。食嗰陣啲碎會周圍飛。哈哈。聽聞店主係四川人，我未去過四川，有機會真想去一去。香港人有得食四川小食好難得。本想買埋豬肉鍋魁食，但賣曬了。。…查看更多

平日夜晚去食，叫了椒鹽九肚，豉椒炒蜆，兩個粥。椒鹽九肚炸粉好厚好硬。心想，無理由係咁質素㗎喎，似吉烈魚柳多D.吉烈都可能比它鬆脆。豉椒炒蜆，個人覺得太濃味，個汁似係左溝右溝。下次去返隔穩陣好多。…查看更多

星期日中午去食。頗多人。相公叫了肉餅飯，不過不失，薄薄地，咁上下。龍皇肉絲炒麵先絕，肉絲完全無味之餘個汁都無味。麵只係淥咗個麵，煎一下個麵餅.似撈麵。可能我孤陋寡聞，以為係炸過的肉絲炒麵。嗚。。…查看更多

這夜一個女人享受男人的浪漫。$49+1外賣都好多餸，燒肉不會只得肥膏，菜唔會太老，好有誠意，食得好滿足。其一原因令我喜愛這社區，有得揀，有平有貴，不用天天光顧商場連鎖店，食大家鍋不如黎呢間。支持小店！…查看更多

是為了呢個Rasberry sorbet而來，因我不"好"cake。我覺得好好味。見到廚櫃好多玫瑰蛋糕有成十幾二十個，是情人們買比對方的心意,祝各位甜甜蜜蜜。講返杯sobert. 玫瑰蛋糕粒好重玫瑰味，士多啤梨唔係平嘢(原本以為上兩個post係打手)。我平時唔食荔枝，但覺得層兩層荔枝啫喱同raspberry moose好好味。個sobert唔會太酸或太甜。我好鐘意。如果可以食極唔肥，我願意每日一杯。PS張相係咪好靚，出咗7樓平台食。無乜人，咁樣係最relax. …查看更多

一個美好的星期六在這分店發現了有新年優惠$20有個火雞三文治。$20有即焗melted cheese sandwich好抵。不過店員唔多友善，好似爭佢錢咁。全程木面同單字問題"菜？""醬"?其實咁樣好快會被淘汰。…查看更多

點了朱古力香蕉新地($4x)同伯爵窩夫配薰衣草gelato($90)。賣相無挑剔。朱古力新地同另外兩款新地只是醬料不同。雪糕是某傢私舖幾蚊可食到。0驚喜。伯爵窩夫有新意。脆是脆，可是不夠質感鬆軟，感覺很空虛。若然喜歡食窩夫個人推薦轉角某師傅。窩夫食到有濃味，吃的中途發現碟上有黑點，不是濃了，是咸內茶葉，不太喜歡。薰衣草gelato味道是有的，口感不夠綿延，質感似普通x記雪糕。總結:以這個價錢來說應有高要求。期望很高的窩夫覺得未夠水準。服務細心，職員有幹勁，值得大讚。…查看更多

黑蒜叉燒拉麵湯底好濃好味。炸雞香脆不油膩。紫薯餅沒有過份添加糖，好喜愛。可惜叉燒薄得殘忍。($87)今日無葱失色咗。漏單，兩個小食都漏咗。(個人接受)如果會飲湯，強烈推介拉麵。如果不飲，會嫌性價比不高。小小建議，bar枱底可加掛鉤供女仕放袋。…查看更多

I newly moved Tai Wai Village. Tonight I'm having my home alone dinner. I was sick before. Want to eat something without much oil. Ordered this beef and rice roll. Total $90. I really really love it. Feeling home made. I will Come back again. Support !…查看更多