Gourmet Expert的個人專頁

以下的食物係兩個人在午餐點心放題食得好飽嘅時候，再六點晚餐都點咁多嘢！埋單接近700元，都對得住個餐廳啦！差：-最差的其中一間分店！-未食過咁鞋嘅海南雞嘅！簡直街邊檔嘅海南雞仲好食過佢。-大蝦炒椰菜粉絲得嗰四隻蝦-馬尼拉炒蜆第一次試過要吐出揸嘅！幾粒都要吐出揸！過熟！-芒果糯米飯最基本啦！啲芒果係酸㗎！-當我知道openrice九折不可以用在甜品的時候,我問高的男侍應：可唔可以用會員九折優惠券,佢話都唔可以甜品九折，其實係佢費事改單，其實係可以全單九折的：“優惠只適用於正價之單點產品，(並不適用於套餐及飲品)”！-兩個男職員好似啲好差及等執笠的餐廳嗰啲侍應咁差嘅態度！-我問高的男侍應可唔可以會員用QR code掃描入分，佢話佢哋那間分店沒有QR code的收據，所以要自己影像影相上載收據去手機app。-樓下商場大門外邊有人食煙經常將的煙味吹入餐廳！好：椰子蛋糕用新鮮椰子。我寫呢篇評論係袋錢入去餐廳管理層個袋咋！如果唔正視問題，我相信好多熟客都走曬！…查看更多

旅發局攞嘅優惠券到期，因為嘥咗好多時間先至搶到旅發局推廣冇人要嘅coupon，因為需要過灣仔，又從來未試過佢，又唔想嘥咗咁難搶到嘅20蚊coupon，所以先至冒著風雨去！由軒尼詩道拖住個好重嘅喼行十五分鐘過去！我見到佢有一盒盒預先做好嘅花生卷，諗住之後仲要去堅尼地城睇戲，睇完戲又要返去荃灣！咁遠路途！所以就攞咗盒花生卷加一支水去櫃檯畀錢！跟住個收銀話：呢啲唔可以用優惠券買噃！跟住我唯有冒住啲蛋撻會變屎餅嘅風險買蛋撻啦！六隻有五隻都係燶咗個底呀！咬落去都有啲燶咗嘅氣味！好似煙燻咁！人哋啲街坊小店出爐蛋撻好食過佢多多聲！因為落雨佢冇人幫襯！個熱板㷫咗成日！跟住燶曬囉！其實有好多方法可以令佢保持溫度，例如熱燈啦... 如果你想食有煙燻效果燶咗底嘅蛋撻就要去試下啦！仲話旅發局推廣活動卑人搶coupon！所以旅發局下次有啲乜嘢推廣真係要親自去食過先至好畀佢參加！…查看更多

唐記包點綠楊新村店李xx，畀到76號票都唔畀我72票，她說：“畀曬啲包先，你係飯所以遲D。” 我話：“要趕住返工呀。唔係順住號數嘅咩？” 佢話：“唔滿意就投訴我啦”？其他連鎖店例如麥當勞，大家樂等都係先買飛先出食物啦。我逢星期一至五返工前都會買定飯返公司做lunch，都算係熟客喇。今時今日都有啲咁嘅服務態度真係倒米。…查看更多

因為想快啲買lunch返公司食完之後開工，在譚仔等咗30分鐘吹完先至攞畀，唔衹我一個要等，我聽到人哋吹：“等咗半個鐘啦。” 我先至吹佢，如果唔係仲有排等。D料都唔使煮嘅，夾落去咋嘛，好似豬餿，豬雞肉又鞋，個湯又冇味。搵Ian，花姐，七師傅拍廣告都冇用啦，啲嘢咁難食，又要人等咁耐，影衰曬人哋藝人個名呀。以後lunch都唔會再嚟呢間呀。…查看更多

千揀萬揀就係揀佢！貪佢離地鐵不太遠和冇限時！openrice訂枱寫明要四人梳化但係都冇留枱畀我，只係walk in，因為好少客所以星期六晚都唔使訂枱。我問個知客點解唔留枱，佢話已經留咗㗎啦！但我唔見Reserve牌，我見梳化有reserve牌，問佢可否坐，佢話留咗畀七個人！跟住佢就話：“唔知你食小菜定係食火鍋”，咁我話：“喺openrice寫明係小菜啦”，佢就話：“冇顯示！” 我問染金毛部長有冇限時，佢答我十點要走囉！奇呢！正常應答“冇限時，但防疫要求十點要離開。”極上餐價錢$638，我計番比單點只是平30蚊。而且套餐唔係樣樣我想食，所以我就單點。(1) 花膠翅群燉雞：唔見有翅群，唔係花膠，係沙爆魚肚！仲有沙。(2) 清蒸沙巴龍躉好細條，好鞋！用個細碟嚟蒸，等我一落匙羹啲豉油標曬落枱。(3) 蒜蓉開邊蒸蝦唔新鮮。(4) 個高級部長叫個染金毛部長幫我收收張枱，佢就將我所有嘅快子收曬，我話仲有嘢叫左未嚟喎。應該換個骨碟又唔換，我自己喺隔離枱攞碟，梗係啦！得2個樓面，1个知客。(5) 酥炸桶蠔：正常，外面脆入面滑，大隻有7隻。(6) 粉絲蒸帶子：帶子仲係生嘅，粉絲索曬呢汁！染金毛部長仲話再蒸一次畀我，我要求取消，因為啲粉絲索曬啲豉油再蒸咪爛曬！奇奇怪怪。人手少，佢哋寧願做少啲，人客叫多啲野都唔鍾意！就快走嘅時候去廁所洗手，見到廚房師傅坐曬喺後樓梯嗰度煲煙！完全唔衛生，在室內食煙：違法！以前叫同仁四季音樂主題餐廳，講得出證明我係佢嘅以前fans! 嗰陣時嘅質素好好，又有歌手唱歌表演！而家轉咗手，食物質素差！啲侍應態度又差！不去也罷！…查看更多