JAMAMA的個人專頁

今晚行過Mikiki，見到對面開左間新餐廳，門面幾吸睛就入去試吓，叫左個臘味煲仔飯好鬼死香，半隻風沙雞，雞皮炸到好香口，竟然雞胸位都好滑員工服務好好，介紹我飲伯爵茶，話茶裡面有佛手柑嘅香味，食完煲仔飯消滯最啱⋯⋯整體都好滿分，會介紹比其他朋友…查看更多

同屋企人去食飯，所以拉大隊去食炒雞炸雞！呢間舖頭已來過好幾次，醒哥未登報時已經來過，原因係環境好舒服乾淨，食物質數好好，唔會求奇敷衍你，好用心煮！加上有小朋友既關係，地方乾淨好緊要，同埋佢地有一個梳化位比人等候，小朋友食飽飽可以去梳化區玩，大人就繼續食！講返食物，炒雞好好味，辣味會比較惹味，唔辣就好岩小朋友，就算叫二人份量都好大份！炒牛肉味道比雞濃d，好岩香港人口味，個人都係愛傳統炒雞多！部隊鍋，好足料，二人份量好大份，其實夠四人食，食到最後加個麵底加埋d湯，真係好正！人參雞既湯又係好好飲，參味好香，撈白飯食，小朋友都食左好多！紫菜蛋卷同煎餃子係小朋友大愛既食物，加埋炒雞，人參湯撈飯，佢地食到肚仔都漲卜卜！最後當然講下炸雞，之前食過唔辣都覺得好好味，但原來辣係仲好味，又未去到好辣，剛剛好，因本人都唔可以食好辣既野，試過去一間韓店食，辣到食唔到，呢個少少辣，接受到，好好味！今次一行十人叫二人炒雞，二人炒牛肉，二人部隊鍋，人參雞，紫菜蛋卷，煎餃子，炸雞半隻，係好味到食晒d野！…查看更多