木咀獸的個人專頁

約埋幾個朋友去其中一個屋企慶祝生日, 因為無人想煮野食, 所以決定買外賣, 朋友話呢間泰國菜有到會可以叫, 所以我地提前去落定單, 到果日再去拎.沙爹串燒, 包括有豬, 牛, 雞串, 每串都燒得好惹味, 無過火, 所以保持到肉汁, 而且肉質嫩滑. 佢地個沙爹汁都好好, 帶少少既花生醬味.香口野點少得炸蝦餅, 炸魚餅, 炸得好香口, 開party最啱食呢D.再加多個海南雞, 個份量多到食唔晒, 真係有成隻大肥雞既份量. 雞肉好嫩滑唔鞋, 雞皮好香, 仲無咩脂肪, 連埋一齊食都唔驚.…查看更多

早排譚仔出左個香烤豬大腸, 睇佢張圖片好似好正, 於是叫左外賣試下.一打開豬大腸果盒, 覺得份量好少, 每粒豬大腸都好細粒, 數下大大細細加埋大約十粒左右, 但係已經要廿幾蚊.豬大腸要原味, 食落都幾香口既, 唔算好重異味, 但係都幾多肥膏, 感覺一般, 下次出差唔多既野可以唔洗再試.除此之外仲要左過橋米線蕃茄湯底, 蕃茄湯唔濃, 而且呢間分店無咩蕃茄粒, 真係得D湯, 有少少偷工減料.志於皇牌既土匪雞翼保持水準, 一樣煎得香口野味.仲有大蒜泥白肉, 都算幾多蒜泥, 白肉唔算好肥, 都係保持水準.…查看更多

天氣凍諗住買碗蛇羹返屋企暖下肚, 行過呢間蛇鋪門面好似幾乾淨又光猛, 蛇羹價錢唔算好貴, 仲有套餐選擇, 諗住試下, 點知......一打開碗蛇羹唔係太見到蛇肉, 再兜下下面都係無, 再入埋口都唔太覺得係蛇肉, 無蛇味, 似雞絲多D, 成碗就好似碗仔翅咁, 唔得囉...而個糯米飯都算正常, 唔會太濕, 乾身既, 但係臘味材料唔多, 得幾粒.而套餐有碗蛇湯, 有味既, 但唔知係咪味精味.整體唔係食蛇羹但賣蛇羹既價錢.…查看更多

平時要OT又收工較夜, 無咩時間響屋企自己煲湯，加上天氣咁熱，真係想飲啖真材實料既靚湯.朋友話呢度有款用「五指毛桃」既湯, 話可以減肥，又可以去脂去水腫，兼且提高免疫能力, 所以呢晚就去試試. 先上清雞湯煲，原來入面加咗椰青水同一扎扎既五指毛桃，湯開始滾開，就將鮮雞同椰青肉既配料加入，等左10分鐘左右，開始滾好，我地即刻趁熱飲，果然非常清甜，有椰青嘅香味，又有雞湯嘅甜味，飲過不停之後就食左D雞肉，仲加埋新鮮粟米，個湯底馬上轉得更加甜，開始差不多六七分飽，加埋炸芋頭落湯里，個炸芋頭煮左一陣，變得更鬆化鮮甜，而且吸收左湯汁既味道.本來想再加D火配料，但三個人已食得好飽，下次一定會再飲呢個湯，同埋加其他配料.…查看更多

有個朋友鍾意食牛, 佢搵到呢間專食牛既火鍋, 佢一場搵就同佢一齊黎.招牌湯底祗有5款, 其中睇到牛尾, 牛鞭頓時嚇親, 女人仔真係唔會揀呢D WO囉, 諗住揀牛坑腩清湯, 但7點已經話賣晒, 咁早都無, 其實有幾多人可以食到? 最後祗能揀牛骨清湯底, 清湯果然很清, 味道淡, 一條骨及幾舊栗米, 淆唔到味出來.算了吧, 打邊爐食物最緊要, 要左幾款唔同部位既牛肉, 排列整齊的, 所以更覺份量非常少, 祗有13片, 而牛舌亦得11片, 2人即係每人5-6片, 相等於大家樂既份量, 少都唔緊要, 先食食個味道, 無肉香味, 無牛味, 淥完仲帶韌, 肉質起渣.手打牛丸每份得6粒, 索價要48蚊, 非常貴, 食落唔特別, 唔覺手打既爽口, 同街市果D差唔多, 不值.雖然話係食牛專門店, 但樣樣食材都唔到位.…查看更多

約左D舊同學聚舊, 有人提議出旺角打邊爐, 跟大隊黎到為食仔, 除左出名既卜卜蜆, 仲有其他鍋.人多要左款龍蝦湯水煮龍躉鍋, 好大鍋, 龍躉有頭有尾, 大條魚魚肉特別滑溜, 慢火慢慢滾起都唔會韌, 好鮮甜, 魚皮亦夠彈. 至於個龍蝦湯都好鮮甜, 加埋D蔥調下味.隔離枱碟牛肉好正, 我地又叫左碟牛頸脊, 脂肪分怖得平均, 油脂豐富, 好JUICY, 牛味濃郁.手打四寶丸, 有墨丸, 蝦丸, 鯪魚丸, 牛丸, 夠晒爽口, 響口腔彈下彈下, 每款丸用料認真, 食到原有既味道, 唔會款款同一個味.午餐肉都算厚, 淥完無咁易散. 呢度既餃類亦好多選擇, 要款黑松露鮮蝦餃, 包得夠實, 餡料無咁易散出黎, 皮夠薄.蝦餃好彈牙, 黑松露味又香又濃, 而且感覺無咁飽濟.除左主要鍋底出色, 其他火鍋料都好用心製作.…查看更多

屋企人生日, 想搵個特別D既地方食野, 但老人家都係鍾意食中菜, 所以想想下不如懷舊下黎龍華, 講就講得多, 但都係第一次黎.最出名係乳鴿, 當然要食, 每人要左一隻, 成個乳鴿山, 好澎湃.乳鴿即炸, 夠晒熱仲好香, 個皮脆脆地夠惹味. 唔會炸到過晒火或唔夠火喉. 肉質幾滑, 唔會太起渣, 而且入味, 用手食特別滋味. 每人一隻其實都幾飽, 但就唔覺好漏.仲要左其他餸菜, 榣柱鋪, 粒粒都好大粒, 榣柱煙煙韌韌, 節瓜炆得夠腍, 仲幾入味.咕嚕肉, 無咩骨, 所以好易食, 酸酸甜甜易入口, 又可以送飯, 不過唔算有驚喜.仲有荷葉飯, D飯索晒荷葉既香, 飯唔會太腍太濕, 都OK. 成個環境都好大, 好多間房, 坐得幾舒服. 天橋底仲有代客泊車, 幾方便.…查看更多

跟同事午飯, 一星期起碼3日係茶餐廳, 因為平D又夠地道.今日行左去銀龍, 老牌茶餐廳, 不過味道已屬一般.午餐離不開炒粉麵飯, 食到悶悶地, 就選擇左唔係間間茶餐廳都有既燒味飯.燒肉+义燒雙併, 永恆既午餐, 仲有一杯飲品.燒肉個皮都幾脆口, 但又未至於索索聲既, 肥瘦都算平均.而义燒都係半肥瘦, 不過無燒肉咁香, 肉質未算太乾, OK可接受.白飯正常不過豉油少左D, 如果多番少少會更好.另外杯奶茶都唔錯, 茶味香又夠滑, 非常提神.…查看更多

同個朋友行完旺角買野, 諗住坐下食D野, 上網睇下附近有李家, 我記得尖沙咀果間好出名, 又未食過就試下.樓下搭LIFT位置唔太明顯, 而且部LIFT好舊下, 有D驚困LIFT.一開LIFT就係餐廳門口, 燈光好暗, 初頭以為晚市未開始.人未算多, 所以被安排坐卡位, 都夠闊落.前菜都係可refill既, 正常無咩特別.諗左一輪都係食炸雞, 唔想剩係一個口味, 所以要左半半炸雞, 係原味+甜辣, 食兩款味道感覺抵左.一客有10舊左右, 都係雞既唔同部份, 所以有大舊細舊, 咁樣兩個人食都會食得晒.先食原味, 外表都夠脆卜卜, 唔會太油, 幾乾身. 雞肉都夠入味, 滑溜唔鞋口, 但感覺有D似鬍鬚伯伯既炸雞, 唔算好特別.之後係甜辣味, 甜甜地帶D辣, 辣味唔算太辣較易入口, 而雞肉本身好似原味果款, 祗係外邊多左個甜辣汁, 未算出色.…查看更多

響球場睇完個FD比賽, 大家都餓就響附近食D野, 呢邊其實都好多餐廳, 不過大部份細細間, 所以要等位, 行到呢間街坊茶記鋪位夠大, 所以晚市差唔多坐滿人都未洗等.要個咸蛋蒸肉餅晚飯套餐, 有白飯, 例湯同飲品.蒸肉餅份量就唔算多, 一人剛剛好, 肉質夠滑, 唔鞋亦唔韌, 加左咸蛋唔覺太咸, 味道剛剛好.而且肥豬肉唔算太多, 所以好啱食, 好有屋企亞媽煮既味道.而例湯都係正常野, 奶茶茶味幾香唔會太甜.…查看更多

舊生會有活動晨早入黎屯門準備, 未開始前食番個早餐先.雲貴軒以前荃灣都有, 不過好可惜執左, 響呢度見番即時要幫趁回味一番.榨菜肉絲米線, 個湯仍然保持清得黎帶甜, 飲落唔咸, 米線好爽又夠滑, 榨菜亦都帶甜味, 唔辣仲好爽口.除左麵仲有腸蛋多士, 腸蛋煎過係熱熱地, 腸仔唔會太咸, 多士就烘得唔夠燶, 唔算太脆.熱奶茶奶味較多, 但都夠滑, 而且夠熱.整體個味道跟荃灣以前既差唔多, 而且份量足夠, 好抵食.…查看更多

難得平日放假, 約埋朋友去行街食午餐, 過著一日慢活生活.唔想同人迫, 揀左呢間西餐食, 平日下午唔算多人, 可以輕鬆地食.要左個蕃茄蜆肉意粉, 帶少少辣味, 蕃茄又酸酸地, 所以好開胃.意粉都幾彈牙, 唔會煮得過腍, 蜆肉都新鮮, 好香蜆味, 而且無沙, 夠乾淨.個蕃茄汁都夠多, 所以一路食唔會覺得乾.午餐跟飲品, 要左熱咖啡, 咖啡味都夠香濃, 好易入口.果然係A1集團既餐廳, 食物整體都唔錯.…查看更多

要去商場既旅行社拎資料, 拎完搵個地方坐低睇, 隨意入左呢間韓式野.位唔算多, 但坐得都舒服. 買完野食就等叫號碼, 個鋪較細, 坐響度等都無問題.主要係飯麵之類, 都有少少小食, 就要左個韓式少年糕, 一兜仔要20蚊.個味係韓式辣中帶甜, 但唔算太辣, 味道尚可.但年糕煮得唔夠腍, 偏硬同韌, 而且好唔入味, 所以祗食到一舊粉, 食唔到辣醬入晒落年糕既果種味道.可能鋪位較細, D食材無咁多地方準備. 下次都係食番港式小食好D.…查看更多

約左幾個女仔朋友食飯, 有人提議呢間西班牙菜, 話新開想試.外觀似比人飲野輕食, 不過朋友話黎就黎啦. 編排左坐高枱位置, 女仕著裙其實唔太方便, 感覺唔自然, 唔會坐得耐.一睇menu全英文, 未去西班牙浸過咸水既我地, 真心唔係樣樣食物知道係咩, 要黎真係做足功課, 樣樣問侍應既話真係好樣衰.鐵板蒜蓉炒大蝦, 上枱好熱辣辣, 但彈起晒D油, 幾驚淥親.大蝦未感"大隻", 一食非常油, 係鐵板底既汁+油浮晒上黎, 又油又咸. 而且蝦本身唔夠新鮮, 有雪藏味, 有辣椒都蓋唔到.食物大部份都好細碟, 4個朋友每人分得少少, 感覺唔抵食.…查看更多

去左朋友屋企參觀, 閒聊一輪肚餓就落街食野, 商場好多餐廳, 是但揀左越棧, 貪呢度坐耐D都唔會比人趕.下午茶多數揀一人檬粉套餐, 有一款檬粉同一杯飲品.札肉湯檬, 可能湯底有蔥同芫茜吊味, 所以湯底唔算太淡, 仲有芽菜, 洋蔥等, 都係越式類.D檬粉都幾幼, 質感唔重, 所以唔太感覺爽唔爽口.有D越南鋪既札肉係有黑椒既入面, 呢間札肉就無, 所以味道較清淡, 但都幾好味, 而且唔會切得好薄.凍奶茶就唔同港式茶記, 不過都好正常, 幾大杯.…查看更多