stephyss的個人專頁

銅鑼灣嘅花花世界「花廚」系一間人見人愛，花見花載嘅靚靚餐廳，由入門口開始已經令人相機好忙碌，黎打卡食飯絕對唔會錯架啦！佢哋近期推出咗「南洋暖嶼限定雙人套餐」，仲會贈送限定花卡+時令花材一枝1份。沙律&前菜（2選1）紅菜頭藜麥沙律（V）或者海陸空高蛋白Taco（AN4和牛眼肉/蝦/雞。我哋揀咗：紅菜頭藜麥沙律，佢色彩繽紛，沙律中夾雜住紅菜頭，用咗藜麥、水蘿蔔、牛油果、車厘茄、沙律菜，口感爽口有嚼頭，沙律醬汁入味又帶有微酸，食落相當開胃。當季精選（2選1）海鮮椰香冬陰功湯或者叻沙煎大蝦菌菇配皮塔餅。我哋揀咗：叻沙煎大蝦菌菇配皮塔餅，蝦肉好彈牙，配合菌菇嘅鮮甜，叻沙醬汁風味濃厚但唔會過辣，搭配酥脆嘅皮塔餅，啖啖都好有層次感。特色主菜有黑松露香草烤三黃雞同埋桂花照燒菲力牛排（200g）。三黃雞外皮烤得好香脆，肉質嫩滑多汁，香草同黑松露嘅香氣完美滲透入雞肉，賣相出色。菲力牛排肉質靚，烤得恰到好處，肉眼Juicy又彈牙，照燒醬帶甜味中和咗牛肉嘅濃郁。主食系海鮮辣味咖喱燴飯，鐵鍋呈上，熱辣辣好吸引，海洋豐富，燴飯濕潤，米飯軟硬適中。甜品（2選1）斑斕醬抹茶雪糕法式吐司或者”荷塘月色”葡萄烏龍凍，我哋揀咗斑斕醬抹茶雪糕法式吐司，法式吐司外層微脆，內裏軟嫩，斑斕醬再加抹茶雪糕絕配，唔會太甜，充滿斑斕香氣。飲品，我哋揀咗藍蝴蝶，色彩由藍變紫，靚到唔捨得飲，飲落清新爽口，味道帶點果香。沙梨果檸檬青蘋果，蘋果綠好吸睛，清新氣息好舒服。…查看更多

尖沙咀海港城嘅六公館一向都係高貴典雅嘅格局，配以環境微暗溫暖燈光，營造高級餐廳既私密感，落地玻璃窗，可以近距離望到維港海景，無論日頭定夜晚都可以享受靚景，outside仲設有用餐區，望住維港吹住海風，無論打卡食飯都係一流，非常適合情侶拍拖、朋友小聚。鴛鴦蝦球，有兩款唔同口味。擺盤都幾特別，斜斜哋每邊三粒蝦球，中間用薏仁做點綴，蝦球啖啖肉，爽口又彈牙。兩款醬汁各有特色：一款芥末，微辣惹味，味道層次豐富，唔會搶走蝦本身嘅鮮甜；另一款咸蛋黃，令蝦球Juicy之餘，帶一點咸香。柚子黑鱈魚件同樣出色，鱈魚外皮香脆，魚肉嫩滑冧身，入口即化，柚子醬汁帶嚟清新果香同微微酸味。魚件吸收晒柚子汁嘅鮮甜，仲帶點爽口感，大大提升咗整體風味。龍眼蜜燒西班牙黑豚叉燒，叉燒都肥瘦均勻，肉質好Q好煙靱，蜜糖香馥郁入味。龍眼香氣滲入叉燒，甜味自然又唔膩，好口感而且有層次，咬落去啖啖肉好Juicy。原個南瓜燴蛋白好鮮甜，蛋白好嫩滑，兩者融合出清甜又舒服嘅感覺，入口好滑好冧，食完完全冇負擔，啱晒秋冬暖胃。斑片肉鬆脆米魚湯泡飯好特別，魚湯濃郁鮮甜，斑片啖啖肉，魚肉嫩滑入味，脆米粒粒爽脆，泡飯吸晒湯底精華。入口味道層次好豐富，成碗飯都有魚香同米香，真係好好味好滿足。…查看更多

PHI Coffee & Pancake尖沙咀中心分店，木系風格玻璃幕門採光十足，窗外仲可以望到街景，成日經過都幾想試吓，裝修簡約帶少少度假息，適合飯聚。佢哋最近推出泰式系列，清新得黎充滿泰式情調。椰香冬陰功海鮮意粉呢款意粉靈感來自泰式冬陰功湯，酸辣味好突出，入口鮮甜爽口，仲有彈牙意粉條同啖啖肉海鮮，食落層次豐富又夠惹味，完全唔會膩。泰式梳乎芒果糯米飯嘅粒粒芒果都好新鮮甜美，糯米飯煙韌又唔痴牙，沾埋椰漿更帶奶香，梳乎厘保持一貫水準，好有海綿質感，蛋香濃郁，整體滋味又有口感，甜度啱啱好。漢堡扒全日早餐賣相好豐富，塊漢堡扒夠厚身，咬落啖啖肉又Juicy，肉味香濃，一啲都唔鞋口；仲有香脆德國腸、煙三文魚、牛油果、太陽蛋同埋新鮮沙律菜，每樣都用料新鮮，配埋烘多士，食得好滿足又有層次感。羅勒檸檬特飲特飲夠清新，冰凍解渴，有陣陣香草香。糯米芒芒椰奶沙冰就最啱夏天飲，沙冰滑溜，芒果味鮮甜，椰奶唔會搶味，兩者平衡得好好，層次感都好豐富，飲落最啱打卡又消暑。…查看更多

電梯直上K11 Art Mall三樓就係火土燒肉，木系裝修配暖暖火光，氣氛輕鬆。佢哋抽風做得幾好，一啲油煙都冇。柚子汁風乾火腿薯仔沙律，帶著柚子汁酸香，入口好醒神又開胃。風乾火腿薄切帶油香，鹹香得嚟唔霸道。飲品點咗日式蜜桃汁，冰凍度啱，果香清新，甜度剛好，用嚟解膩一流。全牛特選拼盤，連擺盤都好靚。幾款部位切工靚，紋理均勻，落爐聽到嗶嗶聲已經聞到油香。燒到七成熟最正，外層微焦，入面仍然Juicy，肉味濃而不膩。牛肩位嫩滑，牛肋條燒起嚟油脂滲出特別惹味；牛舌薄切彈牙，舌根位帶少少好Q好煙靱嘅嚼感但完全唔韌，擠一啲檸檬汁提味，味道層次好豐富。夢見鳥雞腿肉。雞皮燒到微脆，入面保持嫩滑，咬落去好Juicy；塩醬鹹香收得好，入味但唔重手，真係好有口感。明太子雞翼，表皮燒得香脆，肉質保持嫩滑，明太子醬鹹鮮之中有微微辛香。迷你甜番薯燒過後外層略帶焦糖化，入面綿密又香。夢王蛋海苔飯，飯粒分明、煙韌度啱啱好，蛋液好冧同海苔香氣一撈開即刻散發出嚟，拌埋燒肉啲肉汁，味道層次好豐富。…查看更多

ICC 101樓的Odyssée是一間高質法國創意餐廳，環境時尚靚仔，落地玻璃窗讓人可以一邊欣賞維港壯麗風景，一邊享用美食，氛圍非常有氣氛。Odyssée Experience有6道菜套餐，價錢適中，菜式擺盤都非常精緻，由開胃Amuse-Bouche開始，Solliés無花果、榛子同果醬，令口感層次豐富，奶味細膩且帶鮮甜，同果醬嘅微酸甜味十分夾。法式洋蔥湯用香脆嘅Brioche配Gruyère芝士同Bayonne火腿，湯底濃郁惹味，芝士融化後帶煙韌嘅口感，非常暖胃。升級Brittany藍龍蝦，配搭濃郁嘅龍蝦濃湯、芹菜同檸檬，湯鮮甜開胃，龍蝦肉質彈牙Juicy。魚類主菜有Threadfin配Bouillabaisse鮮湯底、蜆肉同西蘭花仔，味道層次好豐富，鮮甜海味盡顯。海鮮意大利燴飯用蜆肉、豌豆同章魚，飯粒吸收咗濃郁海鮮湯汁，軟硬適中，啖啖海鮮味道。美國Prime嫩牛柳，牛肉入口嫩滑且入味，牛尾味道濃郁。甜品係Souffle，好有心思，士多啤梨香氣出色。甜度適中，好有層次感。…查看更多

西貢有一棟紅紅地、掛滿燈籠嘅三層高酒家，名叫「勝記海鮮酒家」。佢哋有個大水大水族箱養住啲海鮮，游水海鮮大把你揀。坐低之後，侍應同我哋細心介紹咗各式套餐，其中四人海鮮套餐最啱我哋食。餐廳環境寬敞光猛，枱與枱之間有足夠空間感。椒鹽豆腐拼墨魚餅，豆腐炸得靚到好似金磚咁，外皮脆，內裡嫩滑又充滿豆香。墨魚餅厚身飽滿，咬開時彈牙有嚼勁，外層煎得微焦帶煙香，口感層次豐富。椒鹽鮮鮑魚絕對係焦點，用條樓梯形狀嘅木板呈長，賣相靚仔。每粒鮑魚都炸得金黃酥脆，椒鹽味香口，外脆內嫩，鮮味十足。酒糟粉絲蒸元貝視覺效果好靚，酒紅色嘅粉絲吸晒元貝湯汁，味道香濃，入口滑溜。元貝肉厚彈牙，配埋微酸微甜嘅酒糟味，層次感滿滿。清蒸沙巴龍躉一上枱已經聞到香，魚肉嫩滑細膩，啖啖肉冇骨刺，豉油清香令鮮味更突出。金不換炒蟶子，蟶子爽得嚟仲好彈牙，金不換嘅草香令整道菜更提味，口感又爽又香。龍蝦伊麵，龍蝦肉厚實又Juicy，滿滿海味香氣。上湯濃郁得嚟唔油膩，伊麵吸晒精華，麵都入味。勝記自家製嘅益力多糕同桂花糕，益力多糕清香滑溜，食得出乳酸嘅微甜；桂花糕淡淡花香，口感柔軟，食完有種清新收尾嘅感覺。…查看更多

CRUCE好有歐陸風情，燈光夠柔和，座位之間又有足夠距離，坐得好舒服，同身邊人傾偈又唔會覺得被人打擾，氛圍親切又chill。Tapas西班牙火腿炸奶球系必食之選。波波造型，外皮炸得金黃脆卜卜，入面啲奶醬滑溜又濃郁，配合咸香嘅西班牙火腿，鮮甜又惹味。巴斯克葱油三黃雞賣相真係好靚，有晒擺盤。充滿葱油香氣。雞皮脆香肉嫩，雞肉滲晒葱香同特制醬汁，有獨獨嘅香料，口感真係嫩滑又鮮甜，又唔會太油膩。龍蝦海鮮西班牙燴飯賣相勁靚。大大盤燴飯飯粒吸晒海鮮湯汁，燴飯好有口感，帶住龍蝦鮮甜。佢有青口、帶子、龍蝦，海鮮款式足料，龍蝦啖啖肉，青口大隻又新鮮。…查看更多

銅鑼灣問月酒店呢間「大宅」，真係好氣派，樓底高、裝修雅致，環境一流又好坐，適合同家人或朋友慢慢品嚐。晚市套餐非常豐富。「椒鹽糖心鮑魚+鴛鴦海蜇絲」鮑魚酥香，帶點椒鹽嘅味道，鴛鴦海蜇絲，口感爽脆，兩種風味都好食。「金腿蟹肉燴冬蓉羹」湯底清甜而且好滑，蟹肉鮮甜啖啖肉，配合香濃嘅雲腿，好有層次感。大宅嘅招牌菜之一「廿年陳皮拔絲虎蝦球」，虎蝦球炸得夠晒香脆，蝦肉彈牙且Juicy，伴隨住陳皮嘅微苦香氣，酸甜味道平衡得好好，非常開胃。慢火烹調嘅「和牛」肉質極嫩滑，入口即化，自家製嘅醬汁好入味，帶出和牛甘香。主菜「亁燒椰菜花龍躉」龍躉魚肉嫩滑鮮甜，椰菜花吸飽咗胡椒油嘅香氣，層次豐富。「手工拉麵配蝦子花膠濃雞湯」麵條好Q彈有嚼勁，雞湯濃郁又鮮甜，花膠滑潤，蝦子帶來微微海鮮香味。甜品「陳皮蓮子紅豆沙」甜而不膩，紅豆沙滑順，有陳皮香氣提升整體味道。…查看更多

尖沙咀金馬倫道嘅「知延食堂」，餐廳裝修走日式小清新風格，牆身木色配搭柔和燈光，有種暖笠笠嘅氣氛，坐低嗰刻已經有種返到日本家庭食堂嘅感覺。 蒲燒鰻魚定食，配搭豐富，碗飯上面舖滿嫩滑嘅鰻魚，燒過之後油香四溢，加上帶甜味嘅蒲燒汁，鰻魚肉質好Juicy，魚皮微微焦香，配日本米白飯。沙拉清爽開胃，而味噌湯帶有淡淡鮮香，飲完好舒服。 牛肉豆腐鍋套餐，個鍋上枱時熱辣辣。牛肉片切得啱啱好，入口嫩滑，壽喜燒湯汁同牛肉好夾，豆腐煮到吸滿湯汁，口感軟綿，配菜有蔬菜豆腐同菇類，仲加入蟹柳，芋絲、非常豐富。配生蛋，沾咗蛋漿嘅牛肉更加好味。…查看更多

Ciclo位於銅鑼灣時代廣場附近，餐廳裝修走型格路線，黑色系工業風，燈光偏暗，設有靚靚吧枱，非常有格調。好適合飲嘢，約朋友傾計。除咗飲嘢，今次發現佢哋廚師手藝都好掂。Charcoal Black Bean Karaage日式炸雞，造型幾別緻。雞蛋沙律同炸雞層層疊，充滿黑豆味嘅炭燒香氣滲入炸雞，外層脆卜卜，肉質嫩滑又Juicy，仲配埋秘製辣椒油，非常惹味。主食點左Drunken Crab Pasta，呢個係佢哋招牌推薦，我都覺得真係幾好味。賣相唔錯，蟹肉份量超多，啖啖鮮甜蟹味，同自家製墨魚汁pasta好夾。仲帶有淡淡酒香，好有驚喜。Pappardelle With Burnt Spinach Cream。自家手造寬麵條超Q好煙靱，掛晒忌廉汁，菠菜香氣令成個醬汁層次豐富，有微微焦香，撈埋面頭忌廉芝士，令口感更creamy,另外仲加入開心果碎增加口感。…查看更多

Fashion Walk加寧街嘅黑門水產食午餐好抵！環境舒適又帶有一種日式市場嘅新鮮感，室內布置到好有日式居酒屋風格，卡通公仔仲好好打卡添，特別適合同幾個朋友慢慢傾計享受美食。我哋叫咗招牌嘅黑門鮭魚熔岩活火山，啲三文魚入口即溶，肉質細嫩Juicy，鋪頭嘅熔岩醬汁香濃，味道層次好豐富，帶有少少辣味. 入面系小卷，非常豐富。海膽蟹味噌甲羅燒，香濃惹味，甲羅嘅外層烤得帶點金黃香脆，口感層次分明。銀雪魚西京燒嘅魚肉嫩滑，味道入味但唔會過咸，西京味噌醬汁嘅甜味帶出魚嘅鮮甜，食落去好爽口。蒲燒鰻魚飯，鰻魚肉質肥美且好Q好煙靱，醬汁恰到好處，拌飯嗰啲粒粒米飯吸滿咗鰻魚汁，真係食完好滿足。…查看更多

Suki Kansai尖沙咀分店，環境舒適，充滿日式風格。主打壽喜燒，套餐仲相當抵食！赤身同牛板腱，配以日本米飯，飲品就有日本白桃汁梳打同日本巨峰提子梳打。赤身部分肉質彈牙，入口Juicy，帶少少靱勁，肉味濃郁又唔會過肥膩，十分入味；牛板腱就嫩滑柔軟，每咬一口都有啖啖肉嘅感覺，肉質鮮甜，份量足夠，配合壽喜燒嘅醬汁恰到好處，層次豐富，非常惹味。白飯粒粒分明，同醬汁撈埋食，吸收咗肉香同甜醬汁，好好味。野菜盛合包括娃娃菜、鮮菇、京葱、豆腐、腐皮、芋絲同皇帝菜等多款新鮮蔬菜。呢啲蔬菜配合壽喜燒汁或者昆布高湯煮，味道層次豐富，口感爽口鮮甜，仲可以平衡肉類嘅濃郁感覺。日本白桃汁梳打味道清新甜潤，好有桃嘅天然香氣，喝完好解渴；而巨峰提子梳打帶有微微果酸，口感爽口。此外，憑收據可於一個月內7折購買外賣和牛！打卡仲送球隊鎖匙扣。…查看更多

瀧宴位於銅鑼灣Sugar+，主打鐵板燒同日式刺身料理，特別推介佢哋嘅Takiyan特選和牛套餐，非常高性價比。餐廳環境簡約雅致，樓底高又有落地玻璃，望到開揚嘅城市景觀，好適合同朋友或家人聚餐。自家製醬汁煮南非鮑魚，鮑魚煮得入味，彈牙又嫩滑，底層嘅蘿蔔吸足咗鮑魚嘅精華，啖啖肉，啱啱好開胃。海鮮茶碗蒸用咗蟹肉同帶子作芡汁，非常鮮甜，份量亦足夠。龍蝦係套餐嘅重點之一，係用生猛嘅野生生猛龍蝦，鐵板燒至鮮嫩彈牙，配龍蝦膏同牛油炒煮，味道濃郁又Juicy。香煎鵝肝伴自家製嘅無花果黑醋醬汁，鵝肝外脆內嫩，醬汁帶微微果甜同酸味，非常平衡又唔膩。主菜日本宮崎和牛煎至五成熟，入口即化，肉汁豐富入味，配蒜片一齊食更添滋味。套餐仲包括煙肉蒜香炒飯，炒飯粒粒分明，香口惹味；炒什菜爽口有嚼勁；仲有清新嘅季節吸物同巨峰果凍作甜品，清甜解膩。…查看更多

尖沙咀海港城嘅江南.翡翠，呢間餐廳環境真係幾舒服，空間寬敞唔擠迫，裝潢走高雅路線，用咗好多溫暖嘅木色同柔和燈光，非常啱一家人或者朋友一齊聚餐慢慢傾計。滬式燻魚，煙韌嘅魚片帶有濃郁煙燻香氣，肉質咬落好有彈性，皮脆肉厚，香氣足但唔會過鹹。鳳梨板肉好有特色，酸酸甜甜嘅鳳梨汁與鹹香迷人嘅板肉相互融合，食到啖啖肉，酸甜平衡令成道菜口感好有層次。油淋子雞半隻真係好冧，雞皮炸得香脆帶少少微焦感，雞肉保持Juicy嫩滑，雞肉入味又爽口，爽嫩之餘有微微甘甜味，食得出廚師嘅用心。凍桂圓雪梨茶味道甘甜清新，帶住一點天然桂圓嘅香甜，飲落潤喉又幫助解膩。熱檸檬薏米水，飲落有淡淡清香，舒服唔燥熱，感覺對身體好有益。…查看更多

紅舎位於尖沙咀海港城海洋中心4樓412號舖，是一家以粵菜為主的餐廳，主打上海菜，環境舒適，適合朋友或家人聚餐。餐廳菜單上有不少特色菜式，包括皮蛋豆腐、醬燒排骨炒年糕、宮保蝦球及乾煸四季豆等，價錢合理，性價比不錯。皮蛋豆腐賣相誘人，豆腐細滑嫩滑，配合切得幼細的皮蛋，味道層次豐富.醬燒排骨炒年糕則以濃郁的醬汁包裹，排骨煮得入味帶肉香，年糕煙靱Q彈，兩者結合得非常有口感。宮保蝦球天婦羅炸得外皮酥脆，蝦球爽口彈牙，配上帶微辣的宮保醬汁，增添惹味而不搶蝦的鮮甜。乾煸四季豆炒得乾身帶香，四季豆爽口且保留鮮甜，帶點輕微辣味提升口感。…查看更多