ttsz23的個人專頁

香港人，很忙要輕鬆下充充電先可以繼續行落去今日近近地試左樓下附近新開酒吧串燒🍢 mix 酒🍺都比較少見幾有新鮮感入面又有部電視，睇波一流，爽！坐低點餐，望到串燒款都頗多酒精飲料都有好多！想不到連響都有，仲以為牆上的是裝飾，估唔到真係有得叫！不過時間尚早，不能過激最後叫左一杯Samuel Adams Reble PPA入口好香果味，易入口，酒量淺又想放鬆下心情既女士可以試下另外叫左杯柚子梳打，菠蘿杯造型可愛，料好足，不錯閒談左15到20分鐘，香噴噴既串燒就上枱！加上視覺上好吸引口水都湧哂出黎！芝士雞肉串，滿滿的芝士舖係上面，極邪惡，但燒得好香，每粒都有芝士係上面，好好食燒帆立貝，每粒都俾想像中大粒，塗上燒汁，甜甜地，又彈牙，好滿足！另外仲叫左玉子燒，有別平時見的玉子燒，細細粒，好似麻雀咁，最令我驚喜係配上葱花，有畫龍點睛之效，中和甜膩感！其實仲叫左牛舌，雞翼，和牛，大葱雞肉都燒得好好味，唔會食落好淡味，送酒一流！另外仲特別推薦bacon x 車厘茄，外面燒得香，車厘茄仍保留水份，唔會完全燒到乾淨淨！bacon配車厘茄口感好清新減去油膩感！還有個燒雞皮，燒到脆卜卜，好好食，唔會食到燶味我見串物都咁高質，最後加碼叫多個燒茄子🍆因為追加，所以又再等多十幾分鐘，但係值得！自家整都要半小時，又多工序！出面都有試過叫燒茄子，但大多數味道一般，唔夠入味，係見今次串燒高質，師傅手藝不錯，就try try 沒有失望！很入味，雖然不是超濃味猛落醬油燒個種茄子，但佢自家製既醬同調味都夠哂味！大家可以試下總括師傅手藝幾好，燒出黎質素高，啖啖滋味！可以一邊吹水飲酒慢慢等野食，既有野落肚又唔太傷胃，又可以慢慢享受放鬆下，有別平時餐廳速戰速決既節奏…查看更多

假期前一日收工，當然搵下好野食Happy下諗住去深水埗買HDMI 線就附近搵下有咩岩食行過番茄師兄門面就被吸引，就決定試下環境紅紅黃黃作主題色，好有番茄同蛋的感覺，鮮豔色彩聽說有助刺激食慾😋因平時收工較早，所以用餐時間可以唔洗同人迫，黎到人不多，坐得舒服😌店還有細心之位 - 就是有插位可供充電！人食，手機都要食既體貼😂😂😂餐墊有介紹，食物照亦很吸引考慮左陣，又睇左陣評價，就下單！首先黎個炸紫菜墨魚🦑丸，配甜辣醬$24有5粒，粒粒都好彈牙，食得出真係新鮮炸而不是預先炸，因無咩油溢味配上甜甜辣辣，好食開胃👍🏻跟住上的就是香蒜炒時菜$28🥬🥬好香！炒得好好食，我地都一致認同呢個菜比起後來食的麵更有驚喜及印象味道偏咸了一丁丁丁！個配個蒜味真係超級惹味，完全食哂無淨，我寧願食淨麵條都要食埋d菜🤤🤤🤤🤤🥬主菜要上場 - 一貝子份量好足，湯底顏色睇得出係自家製，不是人工的紅，因為有牛煮制，色澤偏暗湯底不算好濃郁，但不是濃就代表一定好，有時會搶走其他食材的味道，唔錯👍🏻有主角刺身帶子味道一般，食不出牛油煎香的味道，不是特別彈牙反而花甲幾鮮，無沙，好食嫩蛋係加錢加，油味太重，蓋過左蛋的香味，連湯食都感覺都蓋不到陣油味，稍微失望另一碗係滑一滑滑牛柳+滑蛋咁解牛柳唔錯，軟綿綿，易咬，食落新鮮🐂滑蛋同樣有此毛病，不重複芝士控的我，是加錢加芝士🧀🧀🧀🧀用片裝芝士咁擺，雖然賣相係靚d但我本身幻想想係一沱軟拉芝士的模樣，因為芝士同蕃茄都好夾！不過店以茄同牛作招徠，芝士就不是重點😂我不斟酌太多麵底係拉麵，有其他麵類選擇，拉麵煮得夠軟硬，一讚另外仲叫左2款野飲，因為相片數量有限，放不到俾大家分享！叫了個蜂蜜泡冷茶，味道清香，另一個檸檬雪梨露(凍)，口味清新，有果肉，好飲！留心店舖的小細節，就留意到不少有趣地方店家對自家產品十分有信心，除了講解食材用料，還為客人調製很.......(請自行看文字，哈哈)還有活動每月激賞可以參加可見店主是有諗頭的人我本想參加，不過放臉書我覺得不如放這裡，吸引不同「朋友」知道！💁🏻‍♀️😎唔知店家喜唔喜歡我既post!!如果有「朋友仔」都喜歡，不妨也支持下俾個❤️我😂😂😂希望大家可以食極唔肥！😆😆😆…查看更多

昨日食完拉麵，今晚再黎多round 💪🏻😋昨日食完連鎖店，今日就黎try try小店黎既時間可能早，唔係太多人入到去好有當年去大阪小店feel全木的擺設好有風味職員亦好有笑容招待我地快速點左個拉麵，期待著味道！幻想自己去左一趟旅行🤤Yeahhhhhhh 豚骨拉麵一上菜就聞到好香的湯底味，通常我食拉麵首先梗係試左佢個湯汁，正！唔會太濃味道岩岩好，之後我先夾麵試試口感，係我喜歡的外面軟，但仍然挺身，個溏心蛋又係軟彈有口感，yummy!!🤤各人一拉麵，唔夠喉再加個芝士厚玉子厚實嫩滑！我喜歡佢加左木魚，少少咸，好夾另外要講下係枱上同調味料一齊的小菜，係廚師親自醃漬，味道ok，但唔夠爽口，不過如果爽脆我驚我會食哂！😂這間店的食物很合我胃口，推薦！…查看更多

知道呢間cafe開左一排，但都無下定決心去試，可能過左少女喜歡夢幻粉粉的年紀😂😂😂😂不過見同友人傾下心事就黎呢間試下，放鬆下心情❤️ 門面用湖水綠色夠哂吸晴👀 不過過左新年都有一排，新年飾品好像有點咁過氣入到去環境幾好，每個位都好岩打卡，原來喜歡粉調既野無分年齡，好正吖！可見店主有花心機設計餐牌亦有唔同種類，款款都有設計，一d都唔hea，花茶名都改得有詩意！最後同朋友每人選左一個餐齊齊share 👭黑松露海鮮意粉，海鮮材料都算豐富，有蝦有魷魚又青口，但黑松露香味不重，而且味道偏淡，好似無落鹽，十分清淡另外點左個香蒜蜆肉意粉同之前提及的同一情況，料足，就是味淡，淡到我地二人加芝士粉調味終於到最後一尾，無理由無味！蜜糖牛肉雞翼！Wooo...終於食到香甜味😋😋😋😋 焗得香脆可口，轉眼就清光光…查看更多

友人預先打電話預約左個下午茶人數，諗住可以悠閒傾下計，唔洗點等位，有個愉快的下午時光四人早到係附近行左陣，見預約時間到就去櫃臺報到，原本安排入坐，行到一半又被請返出去稍等，話仲未執好枱，執好就即刻安排入座，呢d好小事，咁我地咪再出去等！點知執好位，之前請我地再等待的中年阿叔，竟然無視我地，安排其他人入座，我地足足又等了10分鐘先到我地安排極之不當入到去大家都算數了，唔想影響心情，睇下餐牌，當時無俾下午茶餐牌我地，但本身諗住叫兩個鳥籠tea set，咪再睇下其他餐牌散叫試下，決定好叫侍應落單，友人落單時順口問男侍應其實係咪得一本菜單，佢先拎另一份下午茶餐單，咁我地諗住再睇下有無咩唔同，咁友人就好客氣話唔好意思，我地睇多次先再落單，我地睇完再搵返同一個男侍應落單，話要一個鳥籠tea set，同飯麵各一個，個男侍應就唔多禮貌就話唔係2個咩，我朋友就回應佢，我頭先講左再睇下先再落，之後佢9秒9就去取消單，我地都忍不住搖哂頭，以為出名既餐廳應該會有好服務😑😑😑，佢取消完之後就無視我地落單的揮手，等左成5分鐘先落埋其餘的單，未食已經一肚氣！！好唔尊重的感覺！鳥籠tea set 除左炸物幾好食之外，其他都好一般，甜點外皮林身，唔鬆軟亦不太脆口，泰式朱古力唔太match，怪怪地，蒸餃餡係冬陰公口味，味道特別，但皮太厚，口感麻麻另外，無諗過泰國咁出名既餐廳，餐具崩左都會拎上枱俾客人用，大大扣分不過佢另外菜式都唔錯，青咖哩味夠！特別個豬肉碎飯，豬肉碎煮得很入味送飯一流整體來說，餐廳外面裝潢很有特色，有望到海的位置，氣氛高檔，可惜服務質素差！除了帶位，點餐不愉快之外，友人幫忙執起中年阿叔掉左既東西，竟然一句唔該都無！而且其中一位友人之前黎用晚市時還不停游説點貴價海鮮😑其實一間餐廳除了食物質素好，氣氛好，服務質素都好重要，高質素的裝潢配低質素服務，是如何的格格不入！員工如何令客人賓至如歸，食得滿意暢快，吸引再臨，亦是重要一環。但這間無疑無下次，免得食到一肚氣…查看更多

呢間拉麵有幾間分店，旺角，青衣，將軍澳，馬鞍山，大埔都有食過幾次，拉麵質素其實都唔差，CP值都高，今日就推薦午餐午餐有拉麵同飯兩個選擇，雖然價格58$到69$左右，但比起外面有時一個拉麵要90$幾，又要有小食配，其實都幾抵食叫左個白叉燒拉麵，湯底濃，麵質爽口彈牙，另外配上煎餃子🥟餃子餡多，有肉汁，好👌🏻！沾上餃子醋特別惹味拉麵套餐配特飲+8$但味道太甜，兩個share過下口癮都夠哂另一個叫左七味鳥丼定食，一上枱個香氣撲鼻，聞落有d似生炒骨，菠蘿咕嚕肉既香！雞肉嫩滑，啖啖肉，諗住有七味唐辛，會有d辣，但食唔出，飯睇落份量唔多，但我食左3分2多d，已經好飽！ 加上佢又有麵鼓湯，同一隻溫泉蛋，一個沙津！男人食都夠哂啦！特別一提個沙津用左少少芥末油之類的醬汁，好惹味，感覺幾新鮮，比平時落胡麻醬特別，如果食唔到，可以試下同侍應講可唔可以轉，不過我唔知得唔得😆，免得食不到芥末既朋友會嗆到整體價錢合理，環境舒服…查看更多

上年去高雄玩，夜市試過幸福堂的黑糖珍珠鮮奶茶就難忘！真係好好飲，唔會飲到膩知道台灣幸福堂來港開業，先避開開業人潮，諗住終於今日一嚐那念念不忘的滋味香港的店不同夜市風味，門面光鮮，高雄夜市就簡單一個夜市攤擋採用即炒黑糖珍珠用料雖然見到佢地都係即炒咁，但感覺唔夠熱唔夠耐，因為珍珠入面煮得唔夠軟，有d硬，味道同台灣的差不多，但重點在珍珠吖！😑 台灣的煮出黎好Q彈，粒粒都好有咬口🥰 尖沙咀呢間就做唔到，希望其他分店試完會有好感🥺…查看更多

記得新開店無耐就黎試左次，但食物質素麻麻，個咖哩飯好一般，錢又計亂左不過今日突然想食肉骨茶，就去試多次，可能上次叫既唔係撚手小菜掛就俾多次機會點左個肉骨茶飯，香煎豬頸肉喇沙摻摻，南乳雞翼個肉骨茶味道十足，配上白飯可減輕中藥既味道，稍嫌沾湯食的油炸鬼有d涼左，有點油，不過整體唔錯，可一解對肉骨茶既思念😂👍🏻香煎豬頸肉喇沙都ok，豬頸肉嫩滑易吞，但食唔出有煎過的口感，材料很豐富，有三片魚蛋片，半隻雞蛋，幾粒豆卜，至少5片豬頸肉，十分抵讚湯底都夠濃，個椰汁味淡，可能我個人愛好奶味重的喇沙，特別一講，摻摻係指溝左2種麵類，有米粉同油麵😂米粉我就嫌味道未夠入味，煮耐多少少俾佢吸下味就一流因該一落單5分鐘左右就上菜，快得離譜吖！另外還點了南乳雞翼，外皮香脆入味，不過入面醃得不夠，無咩味道同埋價錢偏貴$22得2隻😅最後一提係杯檸檬薏米水幾好飲，唔會太淡味，有少少檸檬酸提升下味道，清新健康食物質素好壞參半，水準飄忽但如果想食肉骨茶黎呢度可以一試的…查看更多

同朋友去沙田行完道風山吸收完天地靈氣，就落山填肚，記得好耐之前食過一間米線幾惹味，憑記憶搵左陣，終於俾我搵到！呢間湯底同三哥，譚仔既有d唔同，個人覺得更重口味，配菜亦好多，芽菜吖芫茜都唔小氣，為成碗米線增加色彩，好開胃🤤餐牌亦好多款式，有d望落好健康，例如冬蟲草湯底之類，我選左腩肉小鍋米線，少少辣，極惹味！啖啖芽菜連埋米線，爽脆！配左杯檸檬茶，超舒暢！佢個茶底好好飲，唔係個d罐裝檸檬茶好甜既口味！個人幾喜歡檸檬茶👍🏻👍🏻，好飲檸檬茶唔係間間都整到，外面太多合成料理😑相對譚仔，我更喜歡食這間，不過呢度服務質素就無譚仔姐姐nice!! 🤨…查看更多

天氣悶熱，夜晚都無咩胃口連煮既動力都無，又唔想食熱野，食沙律又唔夠填飽我個肚皮🥺去壽司店食又要排隊，熱辣辣點忍，唯有外賣返去開冷氣食壽司仔我都食過好幾次，質素幾好，拍得上大牌店的口感！傳統日本壽司飯係細過料，佢啲玉子大大片🍣，好好食，睇樣感覺幾pro呢排新聞講到好多三文魚有蟲，唯有點d火炙左，雖然對殺蟲可能幫助不大，不過心理上好過d😅 佢地用既料食落都好新鮮，有時食吞拿魚我仲會食到有少少魚油香係口到，正！有時唔想去連鎖排隊花時間，簡單叫外賣回家食快靚正！…查看更多

放假訓到晏一晏，又唔願煮唯有到附近食個下午茶醫肚😆見到紅磡冰室門外餐牌個瑞士汁撈公仔麵幾吸引就決定食呢間，都廢事行咁遠😅2點半時間人流唔多，坐得舒服，空間夠闊不過冷氣就稍嫌凍，坐左5分鐘就開始有鼻水，如果要黎食，就要帶多件外套😉等左唔夠5分鐘就上菜，極快手上到枱，陣陣香甜味，但雞翼睇落就有d過左火，麵質有d硬，汁就不過不失，食落似買枝現成瑞士汁撈出黎咁，雞翼有3隻，入面都嫩肉，表面醃得夠味，內裡我覺得差少少，可能我個人偏重口味😂😂沙嗲牛公仔麵反而幾好，首先佢沙嗲醬係夠多，啖啖公仔麵都食到咸香，肉質就嫩，麵底口感適中👍🏻另外兩份多士都唔錯，麵包烤得鬆軟可口，牛油調味岩岩好又不會過多，有時過多反而會令到包太淋失去口感🤤 蒜味又唔會太多，搶味過頭反而杯檸檬茶麻麻，好甜，飲唔到茶味，唔似茶記沖出黎既口味😑整體一般，價錢同茶記差不多，以大埔咁多食店而言，50$幾可以有好多選擇🤔…查看更多

終於等到落完雨可以落街搵野食，但四圍都好多人，求其係附近搵左間台灣菜試下！食完又係幾正！要分享下比大家！我食既係晚市，個晚餐都幾抵食，仲要好多選擇比你配對，可以小食多滋味！呢個心思值得一讚我就叫左個肉燥飯，哇～～味道適中，好好食！本以為飯量多，肉燥相對少，唔知點送飯！完全唔需要擔心，肉燥足夠扒到半碗飯，好好食！加上其他小菜，我係完全食哂一整碗飯！！我配左個滷豬腸，好入味，又軟身，可能調味問題，食落同出面有Ｄ分別，唔知係咪落左八角某Ｄ酒啦～～惹味！好岩送飯勁大碗飯，好驚人呀！！！另一個叫左麵食，味道亦都好好味，份量亦不細呢個茄子又要推薦下咁煮茄子同配的醬汁其實好常見，但加左木魚，會中和左醬汁既濃味，唔會下下都好杰咁又係配飯佳品！意想不到既係佢有碗貢丸湯！因為餐牌見唔到有配！湯就清清地，但重點係粒貢丸，超級彈牙，應該係台灣來貨！但我地唔知，所以各自點左野飲芋奶味道不太甜，OK的，濃朱古力真係好濃，一樣都係唔會好甜，所以可以一試！再者跟餐係＋$7，咁大杯都抵飲唔加都ＯＫ，飲湯都好夠！反而香酥炸排骨一般般，肉唔夠嫩，有Ｄ乾，炸得不夠酥脆豬手好大件，但唔夠豬腸入味，我個人比較懶，要慢慢啃肉分骨，我都係喜歡一舊肉放入口方便整體都好好食，味道似係台灣食咁，ＣＰ值高，一定會再去！但地下衛生麻麻，有Ｄ笠，希望會有改善～～…查看更多

最近都成日落雨地下濕唔想行咁遠唯有係附近未食過既店嚐新！樓下近近地有三哥，正因為成日貪方便食三哥，就忽略左旁邊既皇后米線冰室既然今日要試新野，就比個機會大家！！哈哈哈～～入到去人唔多，可能係我地用餐時間快3點，又係平日所以人流唔多，得3、4枱不過大埔真係太多食店，要成功吸客真係要花多點心機！餐牌選擇都多，除了米線亦有其他飯餐，意想不到係佢燉湯都有幾款，岩哂D一個人住，無飯家庭飲！有時我自己都會專登買湯包飲，但始終無渣又差左少少，所以我幾意外竟然有燉湯單叫！但未到晚餐，所以無叫到湯飲，叫左個酸菜牛腩米線大大碗，勁多菜，呢樣我好欣賞，出街食通常都食得少菜，另外叫菜食又覺得唔抵，均衡飲食最重要呀！牛腩都OK，唔係好痴牙，軟身入味，湯汁就略為淡，有Ｄ偏油，可能炆牛腩既油脂？聞落係幾香～～配多杯招待水果茶，都幾大杯，飲落果甜好出，唔錯！另外叫左個炸豬扒乾撈米線，份量又幾多下，炸粉唔厚，炸得乾身！不過如果可以麵扒分開會好D，咁易D撈米線，想唔撈齋食豬扒又得，撈D唔撈D又得，多元化Ｄ!價錢同譚仔個D差不多，偶爾轉轉款，比多D機會小店，咁非連鎖店既食店先百花齊放！我地食客才多Ｄ選擇！…查看更多

約左老友等佢放lunch一齊食為左時間食得充裕一早出黎拎定位每次見好多人排隊，呢間又唔限時，所以要預左排下隊先食得！但會選佢黎食係因為佢既野食好味，又抵！最喜歡佢呢度既蜜糖雞翼，有拉絲既蜜糖！焗到香香甜甜，好好食我就叫左杯凍檸檬汁，唔會太酸，都醒胃解膩口吖👍🏻由於老友要注意健康，我地點左半份牛油果pizza，味道特別，牛油果份量十足！素食朋友可以試下，唔係好多地方有半份有三片🍕再黎叫左個煙肉蘑菇薯蓉，三十幾蚊都幾大份量，三個人食岩岩好，料又多，啖啖美味食小食係唔夠飽！我地再追加個菠菜闊意麵，芝士好多，菠菜舖滿面，龍俐柳比想像多，但個闊麵就變得難夾左，痴埋一堆下午茶有一杯熱飲配，唔夠食就可以正價再加，相對單叫一杯野飲會比較抵食！野食好味，唯一差少少係所有餐具器皿用即棄，不太環保♻️…查看更多

馬鞍山有2間KFC，一間係迎濤灣，一間係新港城！我食左2次迎濤灣個間真係唔多掂，飯好林，炸雞勁乾身，對新港城重開，我都有d期待！希望味道會去到同沙田個間一樣😮收工夜晚無飯食就約埋老友去食！見出左新野就試試佢 - 爆谷脆雞🍗家下出既野係你想像唔到既mix and match!!叫左個二人餐，其中指定爆谷脆雞外，另外兩件雞可以轉其他味，我地就選左香燒雞😋😋😋講個主角，爆谷脆雞，外面炸得幾脆口，加上爆谷粒有d大舊，但脆！易咬唔太硬，唔驚整損牙肉！雞肉有肉汁，唔鞋口！終於好食過另一間啦~~~🤩 試過沾焦糖，我覺得麻麻地，有d畫蛇添足，用糖漿口感一般，個人覺得可能用焦糖粉代替漿會好d整體二人餐抵食，除左老麥，家下多個選擇…查看更多