evelyna的個人專頁

眾所周知，尖沙咀厚福街係一條飲食街，食肆林立，而街中唔同既商業大廈都蘊藏住好多間既美食餐廳🥢今日就同朋友去左位於尖沙咀藍馬商業大廈居酒屋度食晚餐，過一個日式新年🧧🎋一出電梯就到左係餐廳門口，餐廳既裝修非常日式，裡面既坐位都十分寬敞，亦有唱K娛樂等，如果公司包場食飯，一邊食日本野飲清酒應該都好有氣氛好開心😍因為下午去左食afternoon tea，我同朋友都唔算太肚餓，所以就叫左1份串燒、1款卷物、1份刺身同1客炒麵🐔雞心串燒2串平時都比較少食到雞心，一黎怕會好似雞腎咁會好硬同埋擔心會好重內臟味，但今次店員話佢地會揀靚同新鮮既材料同埋會有醃製過，上面仲會加自家製燒去燒，唔會有內臟味都唔會硬身，所以我地就叫左1人1串黎試下，果然好似店員講咁，一上枱就已經聞到好香，食落好軟身之餘，唔會有內臟味，食落口好彈牙好煙韌👍🏻🩷一方嚴選刺身盛合🐟🦪刺身拼盤有6款唔同種類既刺身，魚類刺身會係揀時令最新鮮既魚；池魚、金目鯛魚、油甘魚等等🤤另外仲有中拖羅、帆立貝、牡丹蝦、赤貝、海膽😍每款海鮮刺身都非常新鮮、鮮甜美味，真係齒頰留香，食完都唔想飲荼，怕d味冇左🥲卷物----一方堂奈良卷🍣🥢店員話呢款卷係舖頭既名物，係由佢地自創既，其他地方食唔到架 ! 咁梗係要叫黎試下啦😝卷既外面有一層綠色米紙包住，卷上面有三文魚圍住仲鋪滿大量既蟹籽，裡面有芝士同三文魚，入口好香魚油味，配埋芝士都好夾🤌🏻北海道豚肉炒麵🐷🍝平時都有買下北海道既夢之大地豚肉返去食，都會揀北海道既豬肉食多，但出街餐廳就比較少見同少食到，北海道豚肉既油脂分佈好平均，唔會好肥膩，但都好香口同埋有五花既口感，同炒麵配搭非常好食，好有日本炒麵既風味，好似去左日本咁🥰總結︰食物質素好好，環境都好舒服，亦都好岩一大班朋友或者屋企人黎食😋👍🎍餐廳: 一方堂居酒屋 🎎🍢地址: 尖沙咀厚福街12-12A號藍馬商業大厦9樓…查看更多

好特色既餐廳名----小魚兒，一睇餐廳名就知係食魚啦😏呢度既烤魚款式同埋口味都有超過2/30個選擇同組合🫨，而魚嘅種類有海鱸魚、江團魚、凌波魚、鴨嘴魚可以揀，先揀魚再揀口味，口味都有9種唔同既款式可以配搭，除左可以揀大中小辣🌶️之外，仲可以揀麻度同走麻，非常好呀，岩曬想食小小辣但又怕太麻/太辣既我地🫶🏻！而家大部分餐廳都好方便用QR code落單，但佢地都有菜單紙可以睇住黎落，都非常user-friendly~我同屋企人就揀左江團魚，之後配左老壇酸菜豆花口味， 配埋魚肉一齊食口感同味道都好滿足💯成條魚原條放上個鑄鐵鍋再放係gas爐上面，辣度我地最後揀左bb辣同埋bb麻，味道都好夠，原條魚都大條，2-3個人share黎食都ok，魚肉好嫩滑，而且唔算多骨，冇咩細骨，主要都係得中間既一條大骨，食落唔會好麻煩🤩~條魚旁邊都有好多配料，例如有寛粉🍜、豆腐、黃豆芽、青瓜、酸菜等等😉另外，我地都加左一個白飯share，一份蔬菜藍同追加左一份小食---蒜蓉燒茄子🍆條茄子燒完之後，外皮有小小焦，但d肉好淋再加埋鋪滿左蒜蓉係面，真係超級香噴噴😋💯係香港食到平靚正又抵食既烤魚唔易，仲要係市區中心地帶尖沙咀，更加係難上加難，如果平時係個頭返工都想日日食呀🍴💖…查看更多

之前食過Lady Nara已經心思思泰國菜，今次朋友去有機會再去沙田行街就順便試下佢沙田既Nara Thai味道如何😋呢一間既裝潢同尖沙咀Lady Nara好唔同，會比較似番泰國菜餐廳多d，冇咁多粉紅色少女打卡風，環境都好舒服同有氣氛，餐廳面積都大，所以同隔離枱都唔會話坐得好近，入座一樣都會送送上泰式脆蝦片小食，蝦片脆卜卜，少少辣，非常可口。😁今次同朋友叫左一個主食加個小食同甜品share黎食🤫小食揀左香脆蝦餅🦐蝦餅上枱熱辣辣，食起上黎仲非常脆口，再沾上酸甜醬，唔單止加上左酸甜味道，更帶出蝦既鮮味👍🏻🤩主食揀左泰式豬肉炒河粉🥩🍲河粉份量都好大，食得好飽。同平時既泰式味道有小小唔同，偏乾身小小，食落味道都幾驚喜。💕甜品叫左朋友好想食既芒果糯米飯🥭糯米飯熱熱地，上面既椰醬都好多，味道都好特別，我諗可能係餐廳自製既醬汁黎🫣🥭芒果都好大舊，都好鮮甜，成個甜品份量原來都唔少架，比想像中大份好多，抵食!🤭成餐飯都好飽好滿足，食埋甜品真係好圓滿啦。😎…查看更多

之前疫情係公司同同事都會lunch叫外賣返公司食，有一次試過叫呢個之後，一直都係我地既lunch常叫既餐廳，今次同朋友路過見到門店，梗係帶我未食過既朋友入去一試啦😌平日晚市都好多人，而且大部分人都係叫雞粥或者生滾粥，睇黎都係熟客啦，所以我都同朋友介紹左一下有咩好食，好快就落單啦我地都😎🐔必叫貴妃雞粥!!!!!非常之出名既貴妃雞粥係原煲熱辣辣枱，超級推薦!!!!雞粥粥底好綿滑，仲有雞油味，好香!D雞都係一如既往咁好鮮甜😋🦑脆炸魷魚鬚魷魚鬚新鮮即炸熱辣辣!!炸到卜卜脆都唔會好油膩，仲有d喼汁係旁邊比你點黎食🧂😝🦐蒸蔥花蝦米腸粉腸粉皮好薄，好滑都好夠米香，蝦米、蔥花都好多，非常之足料，唔洗加好多醬汁都已經好好食🤤小菜︰菜心炒牛肉🐮菜心好鮮甜，牛肉唔會炒到好鞋好老，有蒜、蔥、薑一齊炒，十分惹味🤠…查看更多

📌燒肉 帝︰將軍澳康城路1號The LOHAS 3樓334號舖下午餐只有一個價錢任食，肉種類就有三款︰包括雞脾肉🐔、豬五花🐖、牛小扒🐄選擇雖然唔算話有好多，但下午茶任食黎講，都算係非常抵食!!😋😌 另外，燒肉餐仲會配一碗白飯同無限添飲既包/罐裝飲品，仲有大量野菜供應，唔怕淨係食肉太dry🤣，仲可以好似韓式燒肉咁包黎食~✨醬汁既選擇都唔少，除左一般既燒肉汁，仲有生蒜蓉、脆炸蒜片🧄、泡菜醬🌶️、檸檬醋🍋、柚子醋🍊、七味粉、岩鹽、鮮磨黑胡椒等。個人最喜歡脆炸蒜片同岩鹽，簡簡單單就可以帶出肉的鮮味同原味。😎下午茶任食套餐仲有包精美嘅蛋糕同雪糕任食，CP值超高!!🤩餐廳內環境非常舒適，裝潢以日本傳統元素為主題，每枱之間都有木欄阻隔，就算人多，都唔怕話冇增加私隱。燒肉爐採用左下吸式抽煙機，食完之後都唔會留低好重或者好大既油煙or燒肉味。👏🏻💖店員服務態度都十分殷勤，都會主動介紹餐點及收拾碗碟。👍🏻💯…查看更多

而家都愈黎愈多商場同餐廳係Pet friendly~ ✨🐶同狗狗去完海傍就去左附近商場，荃新天地搵野食就搵到呢間係商場1樓寵物用品舖附近既餐廳😍餐廳座位唔算好，但都算寛敞，有帶🐶🐶就要坐近門口既位置🤫同朋友叫左一個意粉同一個餐廳signature既pancake🥞 share~🤭特色鐵板意粉 🍝😋有濃濃茄汁醬的意粉，配上唔同種類既海鮮（仲有大大隻鮮蝦），以鐵板熱辣辣呈上，意粉底仲有雞蛋皮，非常特別😳梳乎厘pancake 🥞💞軟乎乎，非常軟綿綿既口感，再配上楓糖漿及自家製的忌廉，一試難忘~😍😍飲品同朋友揀左一杯冰茶，一杯梳打~荔枝青檸梳打&鳳梨汁冰茶~🥤🍹荔枝梳打有mojito mock tail版既感覺，十分清新🍃鳳梨冰茶甜度適中，有小小果肉，配埋一齊帶出陣陣茶味🍍舒適既環境，仲可以同🐶🐶放鬆地渡過一個悠閒時間~🤫…查看更多

返工附近竟然都開左間Comma，所以食完lunch就問同事要唔要買番公司飲啦其中一個朋友就叫左草莓の奶🍼，杯邊同杯底都有草莓果醬同果肉，唔單止飲落好士多啤梨味，打卡都好靚呢~配埋鮮奶簡直就好似食緊士多啤梨奶昔或者雪糕咁呀🍓 🍓💕味道都唔會太甜，但唔鍾意奶味既朋友仔就可能考慮下試唔試啦~🤫另外，另一個朋友就叫左香椰奶昔(走甜)，配料就加左紫米、雙色芋圓，非常豐富🤭 椰奶味好濃，係冰沙底黎，但都唔會覺得好淡，朋友話加左紫米之後好似平時食糖水既椰汁紫米露咁，但椰奶味再濃小小，另外，朋友話芋圓都好好食，好Q彈🤩我自己就比較鍾意飲茶底飲品，所以我就叫左一個水蜜桃紅茶(少甜)，聽店員講茶底係阿薩姆紅茶黎，唔會好甜又飲到茶香味，清清地幾唔錯呢!🤓唔單止港式糖水好特色，佢既台式茶飲都相當唔錯，應該會成為我地同事既每日必飲list呢…查看更多

餐廳裡裡外外都散發著上世紀五、六十年代的氣息，使人有如時光倒流，回到當年花樣年華劇中，三四十年代老上海的環境，配合嶄新的建築設計，亦展現出中西合壁的現代摩登風格。🫶🏻係有如電影場景既餐廳中食特色既中式點心，真係別有一番風味🤌🏻☺️今次同家人一同來，叫左3款點心，1款主食去渡過一個悠閒的下午時間🍵點心三色混醬腸粉 ╴三色分別有原味/芫茜味/南瓜味腸粉，而腸粉上面有滿滿既三色混醬：麻醬、甜醬、燒烤醬，唔單止顏色豐富，味道口感都同樣好豐富🤩上枱時非常熱辣辣，芫茜味/南瓜味腸粉既味道好特別，唔會太濃岩岩好。我覺得芫茜味腸粉最好食🥰，一開始都唔知係芫茜味，係食完覺得個味道好特別，有d似菠菜但又唔係所以就問左職員先知原來係芫茜味，但佢個味又唔太似平時香料個種芫茜味，融入左腸粉同配埋個醬真係好好食！😋紅袍荔枝🍒外表係脆皮同有d脆粒粒係表面，加埋紅色既顏色，令到成粒睇落就已經好似荔枝啦，食落雖然冇荔枝味，但個外皮好煙韌，就好似平時食點心咸水角個種咁，裡面有熱辣辣小小流心既奶黃餡，食落甜甜香香，非常得意🥸🫰🏻黑松露鮮蝦燒賣🍤一上枱已經有好香濃既黑松露味，裡面除左有大大粒鮮蝦肉，仲有平時燒賣既定番—香菇同小小蟹籽粒係面，而且每粒都非常足料👍🏻主食迷你鴛鴦炒飯 — 紅火龍果海鮮飯拼菠菜汁雞肉飯呢碟炒飯唔迷你，我同屋企人食都覺得大份，而雙色炒飯都好特別，仲要係紅色+綠色，真係第一次見呢～🤭紅火龍果炒埋海鮮同配埋炒蛋飯底食，完全唔會奇怪，仲令成個飯既味道帶多份鮮甜既味道🤩👍🏻而菠菜汁雞肉飯個邊除左顏色都唔算太特別，味道都係同想像中差唔多，未算話好驚豔，不過味道都係好食，不過可能因為我自己鍾意紅火龍個個味多d～🤣呢款炒飯既做法係平時既福建炒飯咁，炒蛋飯底再加上面有唔同材料既芡汁蓋面，食既時候就記得連埋面頭既醬汁一齊食，我覺得咁隸係最好食啦😎餐廳環境非常舒服，坐𥦬邊仲可以望到維港海景同銅鑼灣街景，而且餐廳內都有好多藝術、懷舊擺設，非常吸睛！📸另外，餐廳仲有一間波波燈打卡音樂鏡房🪞🪩，有d似tea lab 咁，如果大家食完飯或者等緊野食都可以入去打下卡啦～📱🤳🏻…查看更多

係屋企樓下附近開左間新既飲品店🙌🏻，開頭以為都會同 XX Tea, 或者 Z茶 個d差唔多，都係波霸黑糖珍珠奶茶個d🫢, 但竟然係將荳花同港式甜品變成手搖啦!!真係好surprise🤩Menu有好多唔同口味同配料揀，真係岩曬大人細路啦~👨‍👩‍👧‍👦我就揀左芒椰小丸子比自己，叫左個喳咋瀑布比媽媽🫰🏻芒椰小丸子係沙冰底黎啦原來😍，岩曬炎炎夏日飲住黎消暑行街啦~😎芒果沙冰有好濃芒果味，酸甜度岩岩好(我揀左少甜)，可能鍾意甜D既就唔好揀少甜啦~~飲落仲有d椰汁味🥥，入面仲有我超鍾意食既小丸子，咬落唔止好Q彈，仲好軟糯，成杯野都似食左個甜品多過茶飲呀😋✨媽媽杯喳咋瀑布幫佢叫左少冰，拎到既時候杯野飲仲係暖暖地，應該係將熱喳咋加冰去整凍佢，所以唔會話好凍啦杯野飲，但如果叫少甜就可能會再淡d唔夠甜🫣不過入面都好似平時喳咋咁好足料，每啖口感都食到滿滿既紅豆同西米~🥳值得一讚既係，每杯飲品店員都有幫我上杯套同埋有麻繩綁好，方便拎住係街度飲或者拎番屋企呢~…查看更多

平日難得有日假期，係朋友返工附近陪佢食個lunch，最近IG都好多泰菜post，所以我地就揀左係太古廣場既呢間--------------Apinara!😛🫰🏻餐廳裝潢非常時尚，除左令人有身置泰國感覺外，店內擺設亦非常古典優雅，門口更有open bar table, 如果我happy hour或者Happy Friday都會想黎呢度chill下~🤭Lunch peak hour都需要排隊等位，不過都好快就可以入去啦~👍🏻午市有套餐，都有A la carte menu可以叫，因為都有唔同款式既野食想試，所以我地就揀左 A la carte menu 入面既泰式珍寶生蝦刺身、小食拼盤、泰式和牛船麵、河蝦冬蔭功炒飯黎share食🤩泰式和牛船麵**小小辣，加上濃郁牛肉湯，d麵好彈牙，又食到每種材料既味道~泰式珍寶生蝦刺身***好新鮮既生蝦🤩，配埋個自家製生蝦醬汁，好清新好甜，鮮味都好出，仲有蒜片同埋苦瓜比你夾著黎食小食拼盤**有好幾款唔同口味同口感既小船係隻小食船上面~炸蝦餅，炸肉丸，單骨雞翼，春卷滿足曬想食唔同款既我地小食炸到熱辣辣上枱，都唔會好快變淋，仲有d醬汁比你配，雖然好熱氣，但好食！河蝦冬蔭功炒飯**賣相已經好靚，仲有好多蝦子，冬蔭功味唔會太濃令到個飯太辣/太重味好滯，香料味重d，香矛味比較重小小，好香都好清新下次有機會再黎食dinner，飲下野chill下…查看更多

之前見到尖沙咀有個新開既H Zentre,地下個層有間大既日式百貨都想去睇下，於是星期四就同朋友去左睇下，順便係個度食埋飯😛🍽️🥢見到樓下有間食燒肉，裝修都好靚，所以就入左去試下🤭牛肉既種類同款式都好多，仲有唔同款既和牛選擇，果然係和牛專門店啦🤩因為太多選擇每款都想食，所以就揀個set黎食~咁就唔洗左揀右揀啦🤣前菜係烤和牛肩他他caesar salad🥗牛肩每片都好厚，食落好香牛肉味又唔會好油膩，配埋沙律都好夾🤤不過前菜沙律都已經係和牛就真係有小小奢侈呀😎跟著到刺身啦😍😍全部都係魚類，有紅鯛魚，比目魚，赤身，油甘魚🥰每款都好新鮮好甜，同平時出面食既好唔同，完全食到佢係每日新鮮直送既🤩。店家仲好細心放左d冰墊係底，食落仲有冰凍感覺。之後有個脆炸單骨雞翼小食，熱辣辣炸到脆卜卜，仲要每件都係得1枝骨，食得好方便呀。不過就有小小辣味，但都係可以接受既程度，唔會好辣😋之後到燒肉拼盤上啦，有和牛（和牛牛肩胛肉，內腹肉，和牛牛肋條，橫隔膜，和牛肉眼）🐂🐂每款肉都有好靚既雪花，油脂分佈得好均勻，望落已經知食落一定入口即溶🤤再加上頭先食完每個前菜，我同朋友對佢評價都好高，所以都好期待d肉係點🤩果然，輕輕燒兩面，十幾秒就可以夾黎食，入口好香唔會好油，入口即溶，食完完仲有淡淡肉香味，齒頰留香呀~~😍🥰牛肩肉肉質比較實，有咬口多d，肉眼，牛肋條都比較軟身，內腹肉比較特別同少見，都係咁多種入面比較濃味既一種，牛味好濃郁，都好有咬口，唔會太油膩🤩除左和牛牛肉拼盤，仲有阿波尾雞肉、黑豚豬肉，帶子野菜拼盤🤓雞肉好香好滑，就算燒耐左都唔會鞋，仲好juicy😋黑豚肉好濃豬肉味都滑好juicy,燒完唔洗點醬都好好食😍帶好重牛油同清酒味，燒完食落口好甜好濃香燒酒牛油味，好新鮮😁雖然已經食到有7/8成飽，之後仲有個主食😆係和牛煲仔飯呀~有炒香左既和牛肉粒同生蛋黃，上枱既時候仲係熱辣辣🥳職員仲會係你影完相之後，幫你分裝埋，真係好貼心同好細心呀~😉同日式燒肉店一樣，食完燒肉之後就一定會有雪糕做甜品🤪呢度都唔例外，今次係柚子雪糕，好濃好香既柚子味，仲有d果蓉係入面，食落口甜甜酸酸，又可以消滯仲可以消暑解渴，正😚完美既雪糕為我地今餐畫上一個好完滿既句號😎…查看更多

星期五去朋友屋企飲野，見時間尚早落樓下附近睇下有咩餐廳諗住買外賣返去邊食邊飲啦~落樓下行一個街口就聞到好香串燒味就見呢間好顯眼又有新時代感既串燒舖門口有自助可以用，超方便~仲有圖睇，唔洗怕淨睇字唔知咩樣啦🤭🤪另外，都有手寫落單，都一樣有圖片參考叫左自己份量既串燒，因為朋友喉嚨痛就冇辦法啦雞皮一燒起，望住佢脆卜卜既樣，忍唔到返處樓先食啦，就即場食左佢啦外脆內軟，調味都岩岩好，仲要熱辣辣，果然即刻食呢個決定係冇錯既因為叫左雞翼，都預左要耐小小，所以見到人地叫左燒菠蘿，我都忍唔住叫番份見到燒烤哥哥落左小小白糖係菠蘿面，再用火槍燒燒佢，真係睇到都流曬口水呀~每份串燒既照燒醬好香，燒完每串都好鬼香，於是就拎完跑番上去飲住野食~~雞翼燒到岩岩好唔會過熟好鞋冇曬汁，又唔會見紅，仲好juicy~洋蔥五花腩唔會好肥膩，但又唔會瘦，肥瘦均勻，正呀仲叫左燒秋葵，唔算多地方有，都幾特別，我唔太好，但朋友好鍾意食，仲話正過毛豆總結係如果屋企樓下都有間日式串燒，仲要做得咁好，都好開心呀~…查看更多

台式任食火鍋店，但呢間絕對係我同朋友/同事每次聚會既首選!點解?因為可以傾到飽、食到飽呀!每次去任食都總會想食到回本，但係又會比時間限制，搞到每次都會食得好急同埋傾計都傾唔到2句，淨係食野。但係呢間台式吃到飽火鍋就真係可以令你吃到飽之餘，仲要係無限時任食任坐，實行食到飽，傾到飽呀!~ 一大班朋友聚會當然首選係呢個好地方啦! 👍🏻👍🏻呢度既火鍋湯底有成20幾款可以揀！今次我同朋友就揀咗台灣沙茶牛肉涮涮鍋。沙茶味好香好濃好惹味，但又唔會過咸或者蓋過其他野食既味道，而且湯底有牛肋條同唔同養生的材料杞子、紅棗等等，估唔到打邊爐都可以一邊食一邊養生呀!~😘入座既時候仲會有即炸既金黃地瓜條，按個人喜好可添加唔同口味既調味粉食，有3隻口味既粉可以比大家未打邊爐之前厄個shake shake地瓜條。火鍋配料既選擇都好多，有超過60款仲可以比你無限追加！每款食材都好新鮮，份量都大份。當中我地ENCORE最多嘅係足八吋長蟹棒、手工丸麻辣牛丸、花膠片、自家製手工韮菜餃、是日海鮮。除左野食新鮮，自家製手工丸或者餃都好好食，而且同其他火鍋店好唔同，值得一試😚飲品都有好多唔同選擇，冷熱飲都有，照顧大家係唔同天氣環境想飲既野! 除左有自家製手工丸或者餃，呢度仲有自家製唔同口味既泡茶，唔會太甜太膩，茶味香，拍得住出面既台式飲品店呀! 🫰🏻有唔多肉等級既套餐，每款質素都好好，但因為今次同朋友係路過樓下忽然心癢癢想打邊爐又唔想限時急急腳，所以就揀左性價比最高既套餐。其他多少少錢就會有牛頸背脊、SRF極黑和牛等等，如果同一大班食肉獸黎就真係岩曬啦~🫶🏻Ending甜品竟然有Haagen-Dazs、Movenpick既雪糕可以揀，雖然1人只可以食1個，不過食到咁飽食1個都夠啦!😆 而且，除左滿足咸食需求，仲有咁好食雪糕做甜品，簡直係Perfect池呀~👅❌⏰限時餐廳環境舒適，抽風方面做得好好唔會食野成身火鍋味，冷氣亦都夠凍，個日天氣好熱，朋友怕熱都覺得好舒服。🌬️…查看更多

之前都有係呢間餐廳食過lunch，都覺得抵食同埋唔錯~知道佢夜晚有靚蠔，就特登同朋友黎試下夜晚間餐廳好靚好有氣氛同埋就算係平日都好full啦原來，建議大家book好位先黎啦~Menu好多選擇，仲有set揀我同朋友都小小餓，所以叫左5隻蠔做前菜,一個 dinner set再加個pizza同小食嘩，d生蠔一上枱已經覺得同平時食開既好唔同啦~我地揀左我地最愛既Gillardeau,France既St. Martin，仲有Spain Pearl🦪~隻隻都好大隻仲好肥美，差d唔記得影相就食左啦入口好甜，creamy既creamy，爽口既爽口，仲有d海水味好新鮮食完個口都有好濃厚既味道~🥰我仲叫左杯白酒配生蠔，真係perfect match呢~☺️生蠔可以再encore先食主食，但因為我地太肚餓既關係就冇encore啦🥲一開始有餐包黎，但因為太肚餓食左都唔記得影😂小食我地揀左蒜味蝦，有好濃既新鮮蒜味，唔會好油，d蝦全部都好大隻，食落又爽口又彈牙主菜揀左炭燒爐魚，上堂好有泰菜既感覺，條魚燒到個皮好脆卜卜，d仲好嫩滑，唔會鞋同老。🤩個醬係泰式配魚/生蝦個種風味醬，原來係fusion菜式，唔怪得好似泰式菜，係西餐廳食泰菜都係第一次,正呀！最後係4式Pizza，有4種口味集於一身,滿足曬你4個願望😆有margarita,salmon,parma ham,4cheese，每隻味都有2件，岩曬叫黎同朋友share啦係西環放工就有咁高質又性價平高既餐廳，平時Happy Friday或者間唔中犒賞下自己食下生蠔都幾開心呀~…查看更多

同朋友係尖沙咀行街，行到夜晚諗食咩個陣經過樂道見到牛品，佢既menu都幾吸引，於是就入去試下。我地揀咗牛御品120分鐘吃到飽套餐，湯底揀左「牛品秘製麻辣鍋湯底」，香濃但唔油膩👍🏻套餐包埋每人一隻活鮑魚，朋友放鮑魚落湯底之前發現鮑魚仲識郁動，好新鮮呀! 🤩同大部分火鍋放題店一樣，都係用QR code手機落單，同埋都有自助既無限量供應火鍋配料區，有火鍋丸、新鮮蔬菜等等。套餐包左可以任食澳洲M9和牛肩胛肉、安格斯一口牛肉粒、美國頂级肩胛肉、西班牙栗飼豬五花/豬梅肉、安格斯牛板腱、精選美國牛胸腹、紐西蘭羊卷肉、封門柳、花雕酒雞件及牛舌片等肉類😋M9和牛肩胛肉牛肉肉質非常鮮嫩，封門柳比較少係其他火鍋店食到，牛味好香濃! 豬肉唔會好韌好軟身同埋有鮮甜味，羊肉香濃美味唔會騷。仲有台式滷水小食;有滷水豬耳、滷水雞翼尖、滷水豬大腸、滷水豆腐等，每款非常入味。手機落單仲可以叫鹽酥雞、皮蛋豆腐、椒鹽蝦、五味墨魚仔、麻辣鴨血和滷肉飯等十分惹味既台式小食。😋皮蛋豆腐︰豆腐十分嫩滑，表面還有肉鬆😋。麻辣鴨血︰十分香滑!除左火鍋配料肉類出色，呢度最特別係有自助區可以DIY台式甜品。有綠茶寒天、薏米、紅豆，三胥色芋圓、西米、紫米、寒天、海藻水晶珠、鳳梨椰果、綠茶愛玉和仙草凍。仲有鮮奶、花奶和黑糖糖漿提供作調味，全部都是隨你自由配搭同任食，真係成餐都超級豐富呀!😋非常地道😋😋👍🏻最後不得不提提呢度既飲品提供，除左自助區自助汽水、冷熱無糖茶之外，餐廳仲可以叫珍珠奶茶，冬瓜茶等台式手搖飲品，可以優惠價$20/杯惠顧春陽茶事的飲品，我同朋友叫左檸檬蜜烏龍同埋冬瓜茶，味道同平時飲開既唔同，有茶香又唔會過甜。#火鍋 #牛品 #正宗台式火鍋 #尖沙咀 #麻辣鍋 #暖笠笠 #打邊爐 #牛咁品 #台式料理 #和牛 #香港餐廳推介 #吃到飽 …查看更多