為食Elaine的個人專頁

昨天朋友去Sogo買野,順便去呢度食晚飯.我地等了半小時.入座後,侍應放下兩個menu.一個是set dinner,另一個是a la carte.我和朋友見a la carte的menu有瑞士火鍋,就決定order呢個.落單的時候,waitress好理所當然咁話冇,因為將會換menu,所以入面有好多食物係冇的.我地即刻諗既然好多野都冇,咁點解仲要比呢個menu客人.於是我地再揀,再叫人落order.我地叫三文魚刺身,個waitress話要問下廚房有冇喎.我地真係眼都凸埋,咁都冇?咁common的東西都冇?算罷啦~~ 我地決定去第二度食.第一次幫襯就有d咁差的experience,應該以後都唔會再去lu.…查看更多

上星期日，在IFC逛街逛累了，便帶爸媽到這裡下午茶，兼稍事休息．我要了cake set，點了blueberry cheese cake(係light cheese)，唔會好heavy，好味～～媽要了apple roll set，賣相非常好，apple roll熱烘烘，加埋雪糕一齊食，不單味道好，口感亦十分特別．爸要了rose ice cream with espresso，他讚不絕口．大家對這頓下午茶都非常滿意，環境十分舒適，服務態度好．我們坐了個多小時才離開．…查看更多

室內的感覺非常好，木桌木櫈，營造田園氣氛．我因為唔係好餓，所以只係叫左個湯set($38)，包括菠菜牛油果湯和有機多士．再叫了件carrot cake($28)．食物水準都不錯，三樣東西都合我口味．同行的同事要了set lunch A B C各一，他們都說好吃，而且份量都唔細．下次一定要試下ｄset lunch先得．…查看更多

好香芝麻味，賣相好別緻，一桶的份量其實夠兩個人食．$22真係抵．不過就要預左等耐ｄ，大概要15分鐘，因為話係即撞的．不過我之前幫襯過食燉奶，都係要等好耐．燉奶味道就都ok，唔係好甜，不過就唔夠滑．…查看更多

唔係朋友帶都唔知係餐廳．環境坐得幾舒服，又夠清靜．食物質素都唔錯．So far食過兩次，兩次都好滿意．…查看更多

雖然唔係好滑果種雪糕，但係都幾好味．唔太甜，食完個口唔會甜好耐，感覺幾清．之前都試過南瓜味，我都幾喜歡．…查看更多

一個人特登去食,果然名不虛傳.蝦非常大隻,仲有兩隻咁多,加埋有米粉,油麵,牙菜和豆朴,大大碗,熱辣辣,$48非常抵食.個湯底最正.係就係等得耐左d,20分鐘左右啦,不過都值得的.仲有要預左食完出番黎一身油煙味.…查看更多

去左呢度食lunch, 叫左紅酒燴牛脷.味道ok,不過好少牛脷.同事叫左個白汁海鮮意粉,好似淨係得兩隻蜆.同事話因為佢喜歡白汁,所以覺得ok喎.我覺得最唔好係比人食煙,空氣污濁得好緊要,成餐飯都被迫吸二手煙.所以我應該唔會再黎呢間野食啦.…查看更多

叫左墨丸米, 幾大粒,又好彈牙,不過d服務真係好差.叫野的時候,個女侍應電話響,係咁0係度講電話,咁0既服務態度真係第一次見.之後,等左好耐碗野都未黎,但係我係見到有碗野擺左0係度好耐架喎.舉晒手想吹都沒有人理,真係想即走.等左成15分鐘先有野食,仲要比我覺得應該係之前我見到放左0係度好耐果碗囉,因為d米粉有少少浸到索晒d湯的樣子.唉~~ 真係以後都唔會幫襯.…查看更多

我同朋友叫左個新鮮什菜麵豉醬($300)．因為朋友食過，所以識得叫，如果唔係，淨係見到個名，仲要$300，真係未必會叫．有好大盤豬肉，同埋各式菜，例如椰菜，生菜，薄荷葉等等，用黎包住ｄ豬肉食．仲有湯，白飯，同埋８小碟韓國配菜．所有野都好新鮮，加埋ｄ麵豉醬一齊食，真係好好味．而且分量好大，兩個人根本食唔晒．以後食韓國菜，都會黎呢度．…查看更多

偷得浮生半日閒,去食左個tea.我叫左比利時魚蓉湯(連飲品$45).個湯係蕃茄味,有打碎左的魚蓉,唔太杰亦唔太稀,係好飲,仲有6小片蒜蓉包,浸湯食好味.之後我再叫左個apple crumble with vanilla ice-cream. Apple crumble好夠熱,同雪糕一齊食又冷又熱個感覺好正.當日成間餐廳得我一個,個waitress姐姐好nice,餐廳環境都幾好,望住海景tea真係好舒服架.…查看更多

試左豆腐cheese cake，同埋strawberry yoghurt cheese cake．其實兩件cakes都好好味，唔會太甜，個味恰到好處，不過我覺得個豆腐cheese cake比較好．0係南丫島可以食到咁高質素的cheese cake真係好難得，覺得好驚喜．Cake set $40，可以接受．個齋啡的quality都係非常好．…查看更多

三個人去食晚飯，叫左以下食物：白灼基圍蝦：＄６８/斤，都幾新鮮上湯芥蘭(＄２８)：爽口，唔錯薑蔥生蠔煲(＄４５)：好正，雖然ｄ蠔唔係好大隻果ｄ，但係都好新鮮，同埋有好多隻霸王雞（＄６８半隻）：ok啦，ｄ雞肉唔算好滑加埋兩支啤酒，兩碗白飯，埋單$230，都算幾抵．環境就好普通，主要都係做街坊生意啦．大部份都係大枱，所以我地３個人要搭枱，不過都ok啦．…查看更多

呢個蜜汁火腿同其他地方食到的有少少唔同．除左火腿同麵包皮之外，仲有一小粒梅子．味道又夾得幾好喎．梅子少少甜酸，腍腍地，蜜汁唔會太甜，感覺幾好．$48有４片火腿加梅子，幾抵食．呢味小食在點心紙上是沒有的，要order的．…查看更多

星期五下午同屋企人經過呢頭，順便黎食個甜品．我們叫左喳咋黑糯米涼粉和芝麻布甸．我見個喳咋黑糯米涼粉加左椰汁，我同個男仔講唔想要椰汁．初初都係搏一搏，沒有諗過會換比我，但係我一講左，佢就即刻幫我換，真係要讚．喳咋黑糯米涼粉($14)都幾大碗，一個人食會好飽，所以share最好．唔係好甜，我覺得幾好．芝麻布甸($12)就一般啦，size都唔細，但係個芝麻味唔係好自然．整體來說，甜品價錢唔貴，幾抵食．…查看更多