leungicy的個人專頁

哩間平時返工經過都有好多人係出面飲啡好似好CHILL咁, 入到去環境係唔錯,好耐之前都飲過佢地一次印象都OK所以今日返工前就買左杯大既flat white諗住提下神..一拎上手咁輕就知個量唔足, 返到公司一開就已經好似張相咁, 未飲都無左1/4, 飲完無埋d泡, 實際同細杯差不多, 仲要收成47蚊一杯..份量唔足都算飲落杯咖啡好淡..好似飲緊奶水咁..完全唔值..係上環咁多咖啡店之中飲過CP值最差既一間…應該唔會再有下次..…查看更多

棉花糖壽喜燒已經唔係第一次食，好早係台灣已經食過一次，但朋友生日想食壽喜燒，見到哩間食評好似ok裝修又好似唔錯咁就訂左哩間一入到個裝修幾好，地方唔大，d餐具都好靚，好岩打卡，但我坐卡位..個位太高全程都要灣住腰食野入到去叫左個set再加左個炸拼盤同叫左D野飲，d野好快就上，店員都排好比你影相Ok既佢就會幫你開始整，有問你想食熟d定生d，之後就一次過整哂6塊比你食，想慢慢食係唔得架，牛既質素加埋蘭王蛋係好食，之後佢就好快幫你上埋D配菜果D，好普通既料，個壽喜燒會愈食愈咸，但唔緊要因為都唔會食到好耐，因為得90分鐘食，你每食完一樣野D侍應就會睇準時機收哂D野，見你好似唔想走既時候就會直接比張單你叫你埋單，但事實上係我地都等緊佢上甜品，又未夠鐘，之後佢比張單黎既時候我地話未上甜品，佢先比返個甜品黎，唔好意思都無聲，之後最後只係一句只係講: 邊個係卡主簽一簽名，完，多謝哂都無，埋單食野加飲野2個人差唔多成千5蚊，哩個價錢我寧願去其他都唔會再黎哩到，食到好似放題咁，放題都有120分鐘同埋唔會哩D服務，如果佢500 for 2都可以考慮下，不過就當乜都試下囉，唔會再有下次…查看更多

母親節果日同FD係附近酒店玩完，check out搵野食果陣見到哩間野個佈置幾靚就上去睇下..見到試業開頭都驚中伏..但上到去服務員好有禮貌, 地方都好大, 唔會人貼人個menu好多野揀,佢LUNCH星期日都有set..價錢好抵食..又好大碟..最後食唔哂要打包走因為果日係母親節佢地送左一人一枝花比我地, 好貼心XD我地2個女仔眼闊肚窄叫左勁多野..一個LUNCH SET再叫D壽司、刺身、鍋物、蠔、料理佢哩到主打係相撲壽司..叫左2件試試..勁大舊飯..上面既刺身係有2塊的, 味道中尚刺身好抵食...個蝦好大..9蚊...仲有蠔13蚊一隻..其他刺身都唔貴, 佢仲有4件同8件揀岩哂我鍾意樣樣食D...鍋物好大鍋...仲叫左個蒜粒炒辣蜆...用鐵板上, 好惹味勁多蒜~送啤酒一流蒜蓉焗半殼蠔 +芝士焗半殼蠔,每樣3年叫左試下, 蒜蓉好食D..正個女服務員好好..問我地D野岩唔岩食, 仲提我地LIKE佢地社交平台, SHARE有野送不過我地都太飽了, LIKE左但就無貪個甜品了~叫左咁多野飲埋酒都係每人2舊水,好抵~下次經過哩頭會再黎…查看更多

凍冰冰係隔離食完糯米飯就順手整返杯野飲老闆好有禮貌..上一次黎已經試過佢一杯白桃紫貝天葵超好飲..佢d野飲又唔會好似其他連鎖飲品店咁甜今次推介左我飲哩杯芒果金柚奶綠飲落好似楊枝甘露咁，入面有金柚同埋珍珠奶茶好有口感，好好飲！另外又極力推薦個燒仙草..外賣左一個返屋企食..甜左小小不過好足料我叫左個有哂所有料既燒仙草有地瓜圓，芋圓，芋頭，珍珠，紅豆同埋仙草我諗熱食會更佳，因為佢係微暖比你哩間每次過海經過都必飲…查看更多

平時經過見好多人，今日終於得閒去等下位試下喇但可能真係我期望太高...唔會再黎喇去到拎完飛之後服務員好快拎個餐牌比我地落埋單等左差唔多半個鍾倒就入得去喇入面裝修幾靚，係環境細左D..香辣蒜香帶子意粉本身最期待哩一個...點知上到黎既帶子竟然係帆立貝=_=即係失望哂..差好遠..但個意粉炒得幾香..同埋入面ｄ菇幾好食手打和牛漢堡個包好大個，舊牛都好有份量，熱辣辣但舊牛太重黑椒味食食下好咸牛魔王oreo窩夫蛋漿做得幾好，有蛋香，食落好鬆軟，食完唔會覺太甜甜品一上就話last order（果陣9點都未夠）之後就極速比張單我地埋..好似趕我地走阻住佢地收工咁其實禮貌Ｄ係咪應該問下我地：我地LAST ORDER喇如果你無野要既我地幫你埋埋單先呀D侍應係手腳好快，但全部都好機械，基本唔該，多謝哂都欠奉之後我地無比貼士連儲分卡都無比我地，明明台台都有，我地亦食夠100蚊有多係咪因為我地無比貼士待遇就同人地唔同Ｄ？比人感覺好小家囉我地都唔係貪你果張卡，反正我地都唔會再黎食，食到好似食快餐店咁SORRY呀係快餐都唔會趕你走，坐低既時間仲少過等位時間，食物本身係唔差，但侍應水準需要改進一下，明白你地真係要準時收工但可以禮貌小小告知客人，相信食客會明白唔好浪費左一間咁靚既餐廳同有水準既食物…查看更多