慶祝朋友生日諗住搵間靚靚地嘅餐廳食飯，上網見呢間邊爐店好多人打卡，見到行懷舊香港style幾靚諗住試下佢😅點知啲服務質素直程負分，成餐飯食到一肚氣，從來都未試過係openrice打食評，嬲到即刻打食評講低今日嘅服務訂檯的時候講明係慶祝生日，問埋需唔需要切餅費，餐廳好好唔收錢，亦可以安排免費暫存雪櫃，呢點要加分去到餐廳個時將蛋糕連冰袋交比店員，表明係生日驚喜，我地叫再比我地。到準備食蛋糕個時，已經專登行出去櫃檯同店員表示想要返個蛋糕，清楚表明我企係櫃檯等你，蛋糕直接交比我就ok唔好送去我地張檯，個蛋糕係驚喜😅結果五分鐘後，同一位店員行過黎櫃檯同我講蛋糕連冰袋放左係我地張檯度，我即刻話 下 我咪話我係度等你 你做咩幫我上左，店員當時選擇不回應我並離去。當我返去張檯個時，同行友人話個店員無啦啦行過好似垃圾咁pat低左袋嘢，咩都無講就走左😅😅服務勁求其 點菜個時，見到價錢偏貴，見到一份餃子要$108，詢問店員份量大概有幾多隻，店員完全答唔到，話唔清楚😅後來再問另一位店員，佢就話就係一碟嘅份量，答完等於無答😅😅😅打邊爐期間，多次同店員講想要個menu同埋加水，講完都好似無左件事咁，未訓醒咁嘅樣，同一番說話講左3-4次先真係做到，問店員menu同加水去左邊，佢先話啊 唔記得左，跟住轉頭又唔記得左，又要再問餐廳定位價格偏高，今日點菜價格如下：餃子$108得6隻牛肉三拼$378桂花蚌$138西班牙豬肉$118廣島蠔刺身$118 （6隻）墨魚丸$108墨魚滑$92紫菜響鈴$68 （6條）娃娃菜$42冬瓜片$38 （10片）鴛鴦鍋$208餐前小食（青瓜枝豆）$60醬油$15一位唔知今日呢批員工係新黎定係點，餐廳都應該要提供基本訓練，店員完全好似咩都唔識唔清楚咁，咁嘅價錢完全比唔到基本嘅服務質素，第一次食到服務咁差嘅餐廳，永久black list😑…查看更多
