水晶晶nanana的個人專頁

唔會再去店小二，態度超級惡劣！午市時間十二點半入座，一行三人，牛河都要等半個鐘，我叫左個炒飯等左45分鐘都未到，中途都好聲好氣催左幾次，我地d打工仔得一個鐘食飯喳，最後同個男侍應講叫佢打包我個炒飯拎走，隔左一陣佢拎左個堂食炒飯黎，我就話你幫我打包啦無時間食，等左45分鐘啦，之後個男侍應態度勁差甘話甘唔好要囉，要一個客等你45分鐘先出到個炒飯，點解態度仲可以甘差，一句唔好意思都無我最後都無要到個炒飯，食左都背脊骨落啦，去店小二食個晏都成肚氣，真係受氣都飽啦！打工仔食晏既時間好寶貴架，一個鐘又要等位又要食，45分鐘入面都好聲好氣催下單，到夠鐘真係要趕返公司，店小二仲要甘串…查看更多

父親節一早打去訂左六點半，我地六點五就到，姐姐就話要等等，甘ok既我地自己早到左，到左六點八都未有位，咪再問姐姐，始終係條街等真係好熱，我話book 左六點半有位未？有位短髮既阿姐好有氣勢甘叫出黎，六點開唔通吉張枱半個鐘俾你啊！個態度係勁差，甘你就唔好接六點半訂位啦，之後有另一位姐姐先好聲好氣話有張枱埋緊單好快有位....終於成功坐低，叫左三個set dinner, 味道都可以，刺身唔算好新鮮，但都可以接受，係個燒青魚既味道差d，但份量都好夠。就係我阿媽食緊最後一舊既時候，兩位姐姐衝埋黎就收我地d野，我阿媽舊野咬左一半問佢你俾我食埋呢舊先收啦，個短髮阿姐就話好啊你食丫，但就繼續收走我阿媽前面既野，搞到我阿媽掉低筷子食唔落。外面係有客等，但至少收野前都問下個客食完未，我地差唔多六點九坐低，走既時候大概七點二，三度⋯⋯去快餐店都無甘快啦⋯⋯態度真係勁趕客…查看更多

媽媽節一星期前已經打左去book枱，講到明得三個人要訂一隻細既長腳蟹，大約四斤度，星期五再打去確認多次，到母親節正日再打去confirm多一次，結果去到坐低就話得返七斤蟹，有無搞錯啊，打左三次電話黎，我坐低先話無，仲要係母親節，一早同媽媽講左有蟹食，點知坐低先話無，三個人點食七斤啊.....仲要我地話想睇下有無d細d既蟹，去到魚缸個度，個撈蟹既職員仲要呼喝我阿媽，真係嬲到爆！ 見到有一隻細d大概五斤既蟹，個職員就話係第二個客留左，甘我打左三次黎留，隻蟹又去左邊呢？一餐本來開開心心既節日飯，就俾呢間海港搞到勁嬲，同個店長講，佢仲要話唔好投訴我啊唔關我事架，呢個甘既態度唔怪之得將間店管理得甘好啦…查看更多

好少寫食評，食完佢地既打邊爐真係要爆啦....本來係想食隔離個間，點知無哂位，就走左入富臨，一入到去都仲有好多吉枱，但心諗打個邊爐可以衰得去邊所以就坐低左。138位，任食任飲百事、獅威、7UP、美蓮達，食物款式好少，連醬料都得幾款要自去出去拎湯底叫左醉雞，唔係而家寫返出來都唔知自己原來係食醉雞煲，因為係咩味都無......未放隻雞前，個湯就白白地色有好少好少既藥材浮係面，放左雞之後，嘩，個湯油到你唔信，個湯即刻轉左雞油既黃色....足足用左5分鐘先潷走大部分油，個湯叫仗清澈返少少叫左第一輪，炸魚皮、支竹、響鈴、栗米、肥牛、滑牛、鵝腸、午餐肉、芝士腸、生菜炸魚皮...未浸湯前硬過石頭，浸左半秒湯之後變左橡膠...完全咬唔開響鈴未浸湯已經見到係淋哂，支竹就點煲都係甘硬，栗米係苦既，滑牛一D味都無.....可以入到口既只有肥牛、午餐肉同芝士腸。既然肥牛可以入口就叫多一碟，點知第二碟個樣同第一碟係完全唔同，第一碟係淺色D同埋大塊D，第二碟係好深色好細塊，但第二碟既牛係硬到好似食香口膠甘，我咬左2分鐘都未吞到，咬又咬唔開，第一碟之後既肥牛都係俾D質量差既你。全餐飯大家就主打食午餐肉、芝士腸，最後仲要食到舊酸左既午餐肉。埋單每位150…查看更多

一行六人，訂左8點食飯，餐廳既服務都不錯，只係餐廳格局太迫，好嘈雜。叫左海哲，口水雞，雞絲粉皮，填鴨，雲吞雞，松子魚，脆鱔，小籠包，銀絲卷，高力豆沙食完第二日，全部人就食物中毒又痀又嘔又發燒.....已經通報左食環同衛生署。…查看更多

星期日同阿爸阿媽揸車去大埔食蛇，順路就過來呢邊食豆腐花，係openrice見到有甘多好評，講到甘滑，都抱住好大希望可以食到一碗好好味既豆腐花。去到見到勁多人排隊，唔緊要~好食既野當然要等下la~我排左大約5分鐘就到我，叫左三碗熱豆腐花，一枝豆漿，同埋中腐乳。個豆花...真係一d豆味都無，食落去完全感覺唔到係用黃豆造....一個無豆味既豆花，根本不可以叫做好食，一食完第一啖，我地即時異口同聲講"唔好食".....如果只係要求要食滑既野，不如去食燉奶la，仲滑ar......其實要做滑既豆花，只需係隔渣時用多一個布袋就可以滑好多...但豆味呢樣野真係呃唔到人，用一d唔靚既黃豆或者根本無落足材料，真係一食就知，阿婆豆腐花就係一個好例子，無豆味。係大陸有d自製點心既茶樓有自製既豆花，比呢間好食十倍，食完就知咩叫又滑好香豆味既豆花la~好既地方係黃糖可以任加，畢竟好多糖水鋪的豆花都轉用左糖水，而唔係用黃糖。相信呢間鋪頭係制造過程係有用心，不過用料方面真係要改進....豆漿比豆花好，有小小豆味，但加水既情況太嚴重，好稀.....第一口飲落去，差點以為自己飲緊清水...要隔左一陣等口中黃糖既甜味過後，先能飲到豆味。腐乳普通.....我只可以話係上水街市有一檔好食過佢好多...服務方面: 一個字--亂! 有三至四個人，因為d人去到都係三四碗甘叫，有d要熱，有d要涷，出單出到d人好似要搶先有得食~個個問"呢碗係咪我ga?" 。我去既當日有一位阿姐，拉住車仔，無排隊就直接去隊頭買，仲要係甘催人俾豆花佢，但店員不單無叫該名阿姐返去排隊，仲要俾個阿姐話"係咪要排隊ar!要排隊我唔買ga!"，之後個店員就話而家"畢"俾你low~~…查看更多

同朋友仔成日經過，都無入去食...今次就下定決心走入去...一入去已經馬上有位，在睇緊食咩既時候，已經有個哥仔企係我旁邊不停叫我落單...叫左茶餐(多士，抄蛋，通粉)，仲有奶槳多，個通粉好快已經上來...普遍貨色..不過可能人流多，d通份唔係個d淋到食唔到，都有咬口...so 係一個合格既通粉。就係我食食下個通粉時，一碟"多士抄蛋"就飛埋來我張枱，(無錯~係飛埋來ga)，仲要係"bun"一聲，勁大聲...嚇到我成個彈起...大佬ar~唔係趕到甘ar...唔可以"放"落張枱，要大力飛落去..甘趕客ar....個多士比個蛋好食，多牛油，表面就乾脆，但包身又唔會硬...個抄蛋唔差，但就真係唔係好食到會飛個種...真係係屋企都自己抄到..仲有就係個蛋比較咸...亦都乾身左d...唔太滑...朋友仔個奶槳多就不錯...佢都食得幾滋味...不過佢都話..真係不太特別...餐茶: 涷檸茶 (我頂...用人地熱飲既杯..細到你唔信)最令人氣憤既係我d野都未食完，仲有杯mini涷檸茶未飲，佢就叫左四個人去左我張枱度，迫我地食快d....(我地2個人搭枱坐4人枱，甘對面兩個走左，佢就即刻叫四個人來我地張枱...企係我地旁邊..) 最後我個杯野飲都真係飲唔落...本來仲想叫個甜品都算la...食野食都甘...食龍肉都無味la....仲有...同我搭枱既人要走既時侯，我企起身讓佢出去...我企係條路都唔夠3 秒，即刻有位阿叔叫我唔好阻住條路....大佬ar...我唔企起身，人地點出來ar...甘不如我唔好企，叫佢係枱底爬出來好唔好? 我去俾錢，條龍係甘長...個阿叔又叫我行前d ~唔好阻住佢...我真係唔明...收銀附近仲有大把空位...前面仲有人俾緊錢....洗唔洗係甘吹吹吹...趕趕趕ar!!!!入到去呢間野，完全無一種感覺自己係一個客人，就好似以前d有錢人家免費供飯，你要去求一餐溫飽甘...簡單d.."貼錢買難受"...…查看更多

星期六去食lunch，十一點度打去訂台，聽電話係個女店員，的確同之前既食評所講，manner不太好，覺得自己打左去屋村酒樓訂台，多過似去左一間法國餐廳。因為訂左台，去到即時入坐，行係我地之前個對情侶walk in ，要等多差唔多半個鐘有得入座。餐廳佈置不俗，有一位白頭髮既先生為我地點菜，朋友叫左金牌豬扒，我本來想叫鴨胸，不過店員話無，改左係燒春chicken~ok~我就要呢個la~(呢位老先生既service好好，為我地推薦食物亦好詳細)龍蝦湯ok，包好食~~~主菜來了~~金牌豬扒，我個朋友話好好食，豬好嫩，味道亦不普通，燒春chicken就個汁好好食，肉就ok la~~我就覺得不夠嫩.....甜點，要左一個藍莓芝士蛋糕，再加錢要左個疏伕里，藍莓芝士蛋糕: 好食!!!!不太甜!!!!本來係我既甜品，最後俾人搶走左...個疏伕里: 普通，勝在夠新鮮出爐。我發現整間餐廳最大既問題係個女店員，係佢令我覺我有d置身茶餐廳既感覺....不過整體都好ok，食完真係有個種令人回味起法國菜內的精緻感覺。…查看更多

次次行過都入去，但都因為趕時間而無去到，見到入面d cake好似好靚好好食甘~~但原來幻想係美麗，現實係殘酷...因為都九點幾，所以餘下款式不多，但都足以令我同朋友仔兩個唔知食咩好內，亦只有我同朋友仔兩個客人，於是我問個女店員，有邊一隻係無甘甜ga? 她就無笑容好串甘答"我地呢度d蛋糕都唔係好甜"，我就再問有咩推介，但佢好似借左聾耳陳隻耳甘，無再答我，於是我轉去問收銀個男店員，佢就指左舊餅話"呢個la~上面舊cream好多客話好食"總共買左兩件($16)，一件係男店員講既上面舊cream好多客話好食既曲奇忌廉，另一個就係爆炸朱古力。曲奇忌廉: 上面舊cream.....係無咩味(連甜ar，少少忌廉味都無)，都滑既，但係下面舊朱古力蛋糕，仲差過係七仔買既嘉x蛋糕......無咩朱古力味，亦無牛油香，總之就係食緊一舊深啡色既野........成舊cake食左一半...已經掉左...因為唔好難為自己..朋友仔食既爆炸朱古力，上面個朱古力cream....朋友仔一食落去，即刻"驚為天人"，佢話食呢舊野好似咬左一啖砂糖，只有平價既糖味，無朱古力咪，只係好鬼死甜....佢再咬埋下面個蛋糕(同我個一樣都係朱古力蛋糕)，即時唔出聲就掉左個cake....最後佢評論自己剛剛只係食左一舊"砂糖加麵份".........普通麵包店既朱古力蛋糕都好過佢地..…查看更多

尋日我早放工想去攞位先，但佢話人未齊唔入得，但仲要係你有三個人就到要三個人都來左先有得入，我見到有人八個人仲欠一個都唔俾入!其他過半數就應該俾人入la~~所以一大班朋友or你的朋友係遲到王，就千萬唔好來~否則餓死都未天光~~係等位呢方面真係好唔得~但佢的服務態度係真係幾好~~好過好多香港餐廳，佢地個個都好溫柔甘~~唔似得香港個d好似你殺左佢全家甘。食物方面:味道係小籠包之外....其他真係好平凡(而菜肉蒸餃好難食low~)...仲要細碟到..........個炒飯真係小到呢~~~大約只有平日出面的炒飯的四份一，但都要$46~~真係貴low~~三個人食左差不多三百元，但走的時候只有半飽...真係去食金滿庭好過~~~…查看更多

唉~~同屋企人去食，見壽司買五送一甘就入左去，壽司不好食但都未去到唔好食，同百佳差不多la~~但係佢個魚湯底的牛肉火鍋先至....難食到....好心la~~~無俾心機用好的魚煲就唔好個個湯底都係魚湯la~~好"聲"...真係入唔到好....最後我加左大量的鼓油先入到好.....…查看更多