love-k的個人專頁

距離上次返香港過左成年幾，今次返深水埗同同事開會，醒起呢間就再介紹同事一齊黎（點知原來同事成日都有幫襯😌😌）我地叫左一個佢地介紹既芝士蛋捲，一個主打五花腩飯卷，一個泡菜煎餅。芝士蛋捲真係入口即溶既感覺，好多芝士 一層薄薄既蛋包住，都幾考驗廚師整蛋捲既技巧🤔五花腩飯捲薄薄一層飯，幾多餡 好香麻油味泡菜餅對我黎講可能食得清淡，唔係好鍾意酸泡菜既味道，但係口感脆身，同事就話好香口，佢地成日有食呢個。返黎一段時間，發覺香港宜家呢種有心做既小店越黎越少，服務態度好，食物質素都唔錯👍真係好難得，有時間會再黎幫襯！！！…查看更多

第一次係呢度寫食評，因為真心覺得可以推薦俾大家。今日係深水埗附近開完會準備食一個lunch。見到呢間新開既韓國餐廳，位置唔多，岩岩過左午市冇咁多人，通常見到呢d細鋪，我都會試下，見到門口寫住新款養生雞湯，天氣凍就打算試下，坐低有兩份小菜，泡菜食得出係自己手工整，有少少意外，等雞湯上黎望落個湯就好清，唔似平日食開既廣東雞湯。但係飲落就真係好清爽，呢幾日打邊爐熱氣，飲左呢碗湯覺得好舒服，湯入面除左有雞味仲有蘿蔔既甜味。同泡菜一齊食都可以balance返個味。鍾意食泡菜仲可以免費refill一次。雖然價錢唔算平，但係期間同侍應傾左下計先知道，原來鋪頭泡菜同醬料都係老闆娘親手製作，因為一個人食唔落咁多，打算下次可以同fd一齊黎試下其他！…查看更多