拖羅的個人專頁

元朗一哥點心執咗之後,諗住試試區內有咩點心舖可以取代。姑且試試功夫點心,直接落結論, 永不錄用。先講茶, 茶種唔多,普洱、白牡丹、香片、鐵觀音,隔離有枱話想要菊花, 無。香片正常表現, 上述茶種啱唔啱閣下口味, 請自行斟酌。的確係唔使等位,不過甩單、漏單情況嚴重。12:30 入座, 5分鐘揀完、落單,然後望住另一張遲過我入座嘅都已經食緊,去到1點就忍唔住問佢啲嘢未到,13:05先補返幫我落單。然後見佢會甩單, 同埋都要等一段時間,係點心紙上畫完, 再特登同阿姐講 :「要燉奶同咖喱薯仔魷魚, 再加壺鐵觀音。」結果係茶無嚟, 燉奶亦都無出現。食一次飯, 甩一次單, 漏一次單,唔通我去咗食放題 ?輪到講嘢食。叫咗蝦餃、燒賣、金錢肚、雞粥、蘿蔔糕、咖喱薯仔魷魚。順住落由好食去到難食。蘿蔔糕係最好食個樣 ;燒賣正常表現 ;咖喱薯仔魷魚就相當極端,一上枱, 賣相其實都幾唔開胃,不過魷魚大件、數量多、食落都叫爽口,但個薯仔....居然係可以唔熟, 犀利 ~蝦餃, 可能係我對佢期望太高,諗住無原隻蝦, 都比半隻, 或者蝦肉碎比我,結果....係有粒無蝦味嘅蝦丸,出面包層蝦餃皮, 就係我食到嘅嘢啦 ~雞粥, 你會見到有鮑 / 螺片、雞絲同雞件係碗粥,但你係完全唔會食到碗粥入面有呢啲配料嘅味道,似足係為咗慳時間,一邊用其他爐煮好啲料,另一邊滾起個粥, 跟住將兩樣嘢倒落同一個碗度咁 ;金錢肚唔多, 無味, 韌口, 墊底嘅蘿蔔亦都係唔熟。服務方面, 我認為亦都係相當乏善足陳,甩單、漏單就唔重覆啦。首先係每次叫侍應,起碼要叫兩三次先會應你,然後係當你枱面啲嘢食未清哂,已經執枱好似想趕客咁。兩個人全單177,無下次。希望我呢餐不愉快嘅用餐經歷只係個別例子,但如果唔係....嘿, 祝你好運 ~…查看更多

我明白在母親節很多客, 會加價, 同時食物的份量與質素會稍遜,但, 也不要太過份。預訂5位, 7點半, 選b set (匠選)。等了約10分鐘左右入座。入座後下了一堆單, 同時到外面拿小食。基本上外面連薯條, 或者熱菜都被清空了,只有放在冰上的蜆和青口, 或者是雪櫃內的壽司薑。算了。下單後等了約20分鐘才來第一輪,有極多下了單的東西都沒來, 或者是份量不夠。如果有其他食客看這篇食評的話,每款食物請將人數乘三, 食量大的話請乘五,因為每款食物份量大概一、兩口就吃完。另外, 請注意部份熱食的等候時間會超級長 。入座時間約7時40, 到了8時15分左右,第一輪食物還未上齊, 已經有職員叫我們「埋單」, 並指9點截單。本身為免浪費食物, 之前下了單還未上的,就不打算再點了。可是他這樣一說, 除了耐心等候,唯有再下一次單。然而再下單後, 甩單、錯單的情況依然嚴重,甚至懷疑鄰座的壽喜燒來錯了我們這邊,但我們下過的單依然未聞樓梯響。中間有部份職員也算是盡力回應顧客,亦有黑衣紅領的壽司部職員幫忙傳菜,問題應該是廚房「冧檔」,就算將食物切得再少份、傳菜再多也沒用。到後來, 甚至要黑衫的經理將下過的單印出來,讓我們圈出有哪些東西未上, 雖然後來補上了一些, 但依然有近一半等到沒耐性 / 等到飽了。刺身：上菜速度、種類和數目尚可, 只是每片都很薄很小。建議人頭乘五, 亦可以第二輪再叫。壽喜鍋：也是來得比較快和齊, 每鍋三、四片肉、些少菜和一隻蛋黃, 湯很多, 但如果想吃得滿足, 人頭乘二。炸物、天婦羅：天婦羅漏單嚴重, 叫了很多,最後只來了一件南瓜、一件蕃薯、一件茄子和兩隻蝦。炸雙皮奶、榴槤炸彈、羊架之類情況較好, 上菜速度和數量正常,只是份量偏小, 羊架也是兩口解決。串燒：串燒只見一串牛舌和前後四串雞軟骨。正常的燒牛舌是兩塊約麻將大小的, 今晚是一塊麻將大小再切半當一串。雞軟骨是一串五、六粒, 個人意見也是人頭乘五。燒扇貝：叫十隻, 來三隻, 沒吃的情況下就不評論味道了。想吃的話, 請多叫幾隻。炸蠔、牛肉烏冬、叉燒拉麵……之類之類：圈單後只收到叉燒拉麵, 大概是茶餐廳的餐湯碗,一塊鳴門卷、一小塊叉燒跟兩三口麵, 味道....也沒甚麼好說。總括而言,味道不壞只是份量、甩單情況太嚴重。400元換來這種質素, 已經超越「劏客」的境界。如果是大時大節, 或者不想吃到一肚氣的,請別選擇這間放題。另外, 亦請顧客們對侍應手下留情,看到有侍應在洗手間擦眼淚。…查看更多

大概7點用app叫咗三個丼飯,分別係豚肉生薑, 燒汁牛柳同親子丼。根據個app,大概7:25分有得拎。然後去到七點半個時,佢打電話過嚟話無哂白飯問可唔可以用壽司飯（有醋嘅飯）,如果要等正常白飯就要等多半個鐘。後來因為唔想等而接受咗佢用壽司飯整丼飯,而我7:30左右到咗舖頭,最後大概7:50先拎到。連普通嘅白飯都可以無哂貨,恕我下次唔會再幫襯,衷心奉勸各位, 若然佢下次再有呢個情況,一定要講轉嘢食。酸嘅親子丼飯真係...令人三觀盡毀。…查看更多

同女友去食夜晚,叫兩串豬肉包露筍, 雞軟骨, 牛柳粒各一,一個焗雜菌,再加一個照燒雞柳烏冬 + 吉列豬扒三色撈。首先係焗雜菌無哂, 算。然後係照燒雞扒烏冬, 唔見皮唔見燒汁, size 同片竹輪差唔多...跟住係四串串燒除咗雞軟骨合格,牛柳太韌 + 露筍係凍嘅...最後係我地食哂所有嘢,個吉列豬扒都未出現,要問佢先話整緊。全單181, 平時出街食除咗 +1,都會比兩三蚊貼士,尤其是情人節夜晚,但啲嘢食質素同服務去咁...都費事比貼士,另外, 永不錄用。p.s. 你黃我黃都係咁話...…查看更多