suelui2000的個人專頁

嗰日經過見門口個牌寫住有下午茶，個仔想食就入去，叫咗個牛肉飯加3個小食，連餐飲汽水，另叫咗5嚿壽司，壽司都叫可以既，牛肉飯牛肉乾同un 又太喊，飯好少汁；:(小食個七味三文魚骨乾都好似柴皮咁，食咗一啖放棄了。最最最大鑊係店員全程黑面，我好似打佢工咁睇佢面色，見隔離枱有2杯水，我就好聲氣地問佢：唔該！我想要杯水呀！佢答：你要求到我會比你，但你嗌下午茶係其實唔會有水既，我哋下午茶係唔包水既（態度仲要好差咁）...我食過咁多間日本野、去日本食咁多次，第一次聽冇水/茶；都唔緊要，佢又要話我要求佢先比；我唔該得你話想要，咁梗係要求啦⋯⋯都唔想再講落去，最後佢比左一杯水我哋🤷🏼‍♀️埋單$110，好唔好食都唔係重點，重點係感覺受氣，永不回頭。…查看更多

晨早流流冇胃口叫左個鮮牛蛋治+熱檸茶$32，黎到見牛肉慘淡無色，細細啖試下，完全冇味，攞隻义撥佢出黎，食齋蛋治算啦，點知發現啲牛肉仲痴住啲米粉既，真係離哂大譜你冇鮮牛可以講，我可以食第二樣，有乜理由喺沙爹牛肉米粉度攞出黎沖水扮鮮牛架？唔怪得又韌又冇味啦！唸起佢摷啲牛肉出黎沖水，仲沖剩啲米粉，跟住放落件三文治度，我就想嘔，連件蛋治都冇食，飲左檸茶就走，晨早流流唔想投訴，費事勞氣，上黎提醒下大家，埋單$32，一吐氣，…查看更多

佢個$1488餐，除左白灼蝦同蒸魚食得落口，其他全部垃圾，一心帶親戚黎食飯，個個乸口乸面走😡😡😡😡😡真係果皮蒸鮑魚冇果皮味，薑蔥炒蟹蟹冇肉，龍蝦伊麵龍蝦又冇肉，最最最衰仲要係碟炒蜆，衰到冇人有，只有白灼蝦、蒸魚同生炒骨一般，奉勸大家咪中伏…查看更多

老友生日🎂，好耐冇去九龍城，平時食開東榮，壽星女嗜牛，試下呢間有牛魔塔既，但去到因為得4個人所以冇嗌牛魔塔，反而嗌左一碟手切牛加一碟牛脷，湯底揀左胡椒豬骨另外叫左豬唔知咩根，唔太記得個名，呢樣係超好食，必食四寶丸都唔錯😁桶蠔就正常，係新鮮既，都算大隻👌鱔就一般，比出面食開既淋d,唔知點解最正一定要介紹下，無心插柳叫左2個小食，真係不得了，一碟椒鹽九肚魚，一碟炸魚角炸魚皮，響鈴竟然可以叫半碟，咁就有quota 再叫多樣野食！始終交貨黎一般般啦！今日人少一碟菜夠啦，唐蒿竟然滿分本來我地叫壽星女食象拔蚌剌身，店員都有推介，但壽星女話同打邊爐唔夾冇嗌😂😂其實好多人都係咁食，佢話唔夾我地慳返🤣🤣，職員聽到冇唔鐘意不特止，竟然知道我地有人生日，喺我地差唔多食到尾既時候突然熄哂全鋪既燈，跟住支客姐姐攞支咪過黎，音樂響起，伙計攞左一碟插左蠟燭既伊麵（長壽麵）出黎，支客姐姐大唱'恭祝你福壽與天齊.....'我地梗係跟住唱啦！嘩窩心到呢⋯⋯我地同主角都勁surprise亞，估唔到唔叫剌身冇唔like反而仲有野送，我地叫左稻庭烏冬，又有伊麵送，最後仲有每人一粒雪糕糯米池送，你話點唔比夠100分佢丫？佢令我人生第一次寫食評，希望呢間小店生意興隆！…查看更多