angelaycc的個人專頁

已經揀非繁忙時段,都要排兩個鐘,如果水準無番呾咁上下,真係可以即刻BLACKLIST:(好在,都無令人失望估唔到,我最鍾意既唔係鬆餅,而係鮮果茶,呢杯真係水準之作酸甜清新,一D都唔膩,又解渴,非常正!!細杯有粒檸檬冰,好有心機!:)呢個咖啡係朋友點的,我都飲左幾啖,咖啡味醇,唔會有飲完酸口既感覺,自己加奶加糖漿,同樣有粒咖啡冰,而且SET得精緻,幾高檔呢~不過我個人比較好果茶豬扒三文治,其實係厚火腿,不過不失,普通地好食啦最最期待既鬆餅,真係好厚身呢份唔好一個人食,會飽死,兩個人食就岩啦,食到後尾我同FD都話早知就唔叫三文治啦,好滯呀~咖啡弄既鬆餅係外脆內軟,唔點汁都好香,旁邊兩球係雪糕同奶油,加埋食好滋味,無失望!:)好笑係,我同FD都話鮮果茶最正不過等太耐啦,未必會有下一次:(…查看更多

一直都好想食咖啡弄,無奈太遠,排隊又耐朋友介紹甜牙牙都幾好食,好啦,就佢啦!!:)同FD點左3樣野抹茶慕絲是意外地好吃,抹茶味濃,但唔澀,本身個慕絲唔太甜,旁邊既紅豆就甜番,可以跟自己喜好食甜定唔甜芒果流心布甸唔錯,足流,但芒果唔係當季,雖然唔酸,但都唔夠香甜士多啤梨窩夫最令人失望,醬太少,好似要乾吃窩夫咁,窩夫本身又無咩味,偏硬,實在麻麻:(不過佢又真係算平既,可以再黎食過~…查看更多

呢間店基本都要BOOK,WALK IN要等幾耐下,所以早就同FD BOOK定啦:)我都係好芝士既人,緊係為左芝士火鍋黎啦,點左個法式芝士雜錦火鍋同肉醬千層麵~本身為左芝士火鍋去,但算係唔錯啦,因為芝士鍋難熱,去到後尾有唔少芝士硬到可以嚼配料都幾豐富,搭救下啦反而肉醬千層麵係真係好食,薯蓉肉醬同麵MATCH得剛剛好,驚喜~!最後4個女仔埋單每人60幾,真係抵,又可以慢慢坐,值得再黎!:)另,個waiter(?)好nice:)…查看更多

麻布裝修令人感覺舒服,位置寬敞,同FD行到攰就入黎試下,新開張嘛:)點單後,就會送上茶,不時會黎添茶,好好服務點左個草莓霜淇淋,可以兩個人share食,如果係當宵夜既話加埋一50幾,我覺得值雪糕好香奶味,但唔會太甜,淋上酸酸甜甜既草莓醬,真係好正!另外有一小杯醬,我地係食完雪糕時直接淋上炮冰,佢既冰應該有混入奶,因為係微白色,食落去有味架去到最後變沙冰,有枝粗飲管就好啦…查看更多

之前團購買左劵,同FD一人一份,真係好正~榴槤慕絲:係3款入面最重榴槤味,慕絲有D膩口,加上榴槤肉,其實太滯同泥口啦,個人覺得奶凍+榴槤肉會更爽口榴槤芝士餅:我最中意呢款,因為出乎意料地重芝士味,中間夾上薄薄一層榴槤肉,非常match~榴槤冰心:樣唔錯,但食落無咩特別,而且食到最後,希望有清爽D既野,所以印象麻麻~…查看更多

上次黎食,由於服務欠佳,所以食到一肚氣.今次都係陪FD先再黎,估唔到服務好左好多:)見到waiter走動多左,舉手好快有人理,落單後,waiter有提我地個餐有咩野,仲記低埋雪糕口味,當我地燒完叫waiter就會上雪糕,真係比上次細心好多我同FD都點左L餐,叫牛角5品燒肉定食(KEEP左宣傳單張先知,個名勁長),飲凍檸茶,比上次既柚子茶正常好多~沙律,依然好味,酸甜既麻醬配新鮮蔬菜,好開胃!牛角飯同昆布湯,其實就係紫菜飯,上次可以只添加紫菜,今次唔得了,但waiter主動話幫我order多紫菜少飯,非常好!而湯今次無咁咸,岩岩好:)主角上場啦!!!5品燒肉($89加一),一次過食到:牛肋肉,牛舌,豬頸肉,雞肉,特製香腸,仲有香菇同栗米,真係大滿足~!小蝶係黃芥末芝麻,燒烤時加D會更香口!係米好吸引呢?每隻肉類都食唔出筋,肉味好濃!最鍾意食牛筋肉,肉汁多,牛味重,又唔"鞋",正!腸都好好食,同出面食咁唔同,彈牙,而且咸得黎有少少甘:)第一次食牛舌,有D煙UN,好快就熟,但唔太好呢款豬頸肉就真係意外地好,因為厚切,仲驚會難咬又UN,點知咬落去係爽口雞肉本身就淡味,所以要自己點醬食~係喎,食牛同豬肉,唔使點醬都已經好好食,建議大家享受肉既原味!燒好既牛肋肉,肉汁多到呢~抹茶雪糕,今次終於食到啦:(應該係自家製,比出面抹茶味重,唔太甜,推薦~不過佢會淋好甜既糖漿,如果唔鍾意太甜既人試下問佢有無得走糖漿啦,我就覺得OK既~:)…查看更多

呢個都算係驚喜,因為價錢好平,午市套餐最貴先$48,無加一,又OK好食~吉豬定食,確實既名唔記得啦,豬扒加芝麻果隻.餐有吉豬+飯+湯+伴菜+飲品,不能要求更多啦豬扒新鮮炸起,好味又大塊,加上芝麻,唔錯!就係有D"鞋",但都唔會太干:)個湯有隻蜆,加唔少蔥,好有味,唔似一般送既湯只得咸字.凍朱古力,差,溝粉太少,令味道又啖又怪,完全係低級錯誤!…查看更多

想食心太軟,就同FD去左SUGAR MAMA食,比預期好食喎!我點左心太軟跟綠茶雪糕,一上已覺得賣相唔錯一切,朱古力漿多到水果都頂唔住個窿外皮夠干身,入面朱古力又夠多,好濃朱古力味,而且唔會太甜,正!雪糕無咩特別啦~…查看更多

呢次食野體驗真係麻麻地:(首先,1個人食等左60分鐘,真係...做緊7折,多人都無法子啦入到去,想叫野食啦,舉手近1分鐘都無人理,弊在明明都多職員行黎行去,就係唔用眼睇下顧客有無需要:(咁岩manager行過幫我落單,忍唔住叫佢提下班waiter啦叫左和牛定食,都好期待架,$129喎,值唔值先?野飲好快上黎,凍柚子茶,不過不失啦~無咩好講.前菜沙律,呢個真心好味,麻醬香得黎又唔膩,酸酸甜甜,加上蔬菜爽脆,令我心情好番好多牛角飯,其實就係紫菜飯,好和味,仲有得免費追加添:)問左個男waiter,可以只追加紫菜,佢都幾好,我話完追加後,隔離台落單落好耐,佢見到夥計經過,即刻叫人幫我加紫菜,好記性和牛牛肋骨,好少,牛得6啖咋,不過真係好好食,肉汁多,牛味濃,唔使加醬都咁惹味昆布湯,咸左D燒緊既樣~本來都覺得無白等架啦,仲開開心心賣單,估唔到最後都係唔老皮:(:(:(出左門口睇番menu單張,原來個餐有跟雪糕,無上比我唔係貪佢杯雪糕,只係覺得一間中價位又有收加一既日本食店,有咩理由野食都上唔齊?第一次食既客仔,真係唔清楚架嘛:(我食和亭,佢都會係賣單時問句:野食係米上齊啦?問門口個waitress,其實個餐係米有跟雪糕?佢同我講:係呀,你下次要提下waiter.唔係呀,你上漏左野,原來係因為我無提你?如果呢個係我責任,不如我逗埋你份糧啦?即係火都黎好失望,比百幾蚊買成肚氣,如果唔係陪人食,我無咩興趣再黎食啦~…查看更多

自去去收銀位點餐後就有等候牌,職員會上菜:)baby cafe用膠餐具同紙杯,唔太環保呢:(叫左杯baby in love諗住係最TOP既招牌飲品,應該OK啦,點知好難飲,好假既糖水溝出黎,味道差溝好後,味道差,浪費咁靚既外表:(杯內有唔同既水果粒,但水果還水果,野飲還野飲,水果未能令杯野好飲D好彩野食OK,炸薯角,滿滿一小盤,即叫即炸,但唔油,very good呢道燴飯都好食,估唔到幾有海鮮味喎,加上白汁,非常match!燴飯真係有用汁燴熟飯既出感覺,十分入味,算OK正宗啦意粉太淡,可能為左突出黑松露啦,但黑松露又少,所以淡而無味:(雞翼好難整得難食既(除左七X神),即叫即整更係惹味啦,香糖既蜜糖+肉汁多多既雞翼,唔讚唔得…查看更多

同FD想食放題,前一日已BOOK定枱:)MK $200樓下既放題都食過,最後覺得吉壽最抵必食刺身,最愛三文魚~非常LIKE吉壽有冰盤,KEEP住新鮮叫左三文魚,甜蝦,鮑片,後面再叫玉子.次次黎都叫甜蝦,但吉壽既甜蝦確實麻麻,比較泥同腥:(其他刺身都幾OK~:)蟹籽沙律,正常水準另食放題要夠精,唔係會食死貓雞軟骨,我同FD都無點,但都以為係對方點,中左伏.中途仲有WAITER想放低天婦羅,好彩禁得切:(上次黎食時,無啦啦多左燒雞翼,真係...又唔見比多刺身?天婦羅同炸蟹柳,同樣地,無叫炸蟹柳,差唔多食哂先知其實仲食左好多野,但掛住食,無影度OVERALL很滿意,唔夠$200食到咁多水準OK既日式野,抵啦~…查看更多

呢餐飯嬲到我唔想影相,客人唔多,waiter唔少,但服務很差!叫左個豚肉飯+凍抹茶,落左單25mins都未見上菜,隔離兩張枱都食完走人啦:(梗係問waiter咩事啦,開口同佢講講落左單好耐啦:(點知個waiter耳仔有問題,拎張menu黎問我要D咩我火都黎埋,大聲話:我話落左單4-5個字啦!然後佢粒聲唔出就走啦,無耐岩岩幫我落單黎既waiter負責番,佢要我點多次單喎!我問佢係米漏單,佢死口唔認今次落完,5mins就上哂菜,真係激死平心而論,野食還OK飲品麻麻,好粉~:(但完全唔值百幾蚊,仲要咁既服務質素,無下次啦!:(:(:(…查看更多

我同朋友係呢間店既熟客,基本上諗唔到特別想食既野,就會番黎食食店係家庭式小店,廚師係韓國人,朋友去完韓國番黎,都話呢間係韓國中~中上水平,幾OK送既前菜,只能夠話好味!醃得入味,而又唔會有澀味!我最愛~各種鮮脆既蔬菜絲同窩蛋,自行落麻油同韓國辣醬,拌勻佢,滋滋聲~正!朋友最愛,送上黎時仲滾緊架,開胃又岩送飯,喜歡泡菜既人必試~:)…查看更多

行到元朗想食甜品,B仔完都唔夠喉,搵地方食下場~見個名好正,又有位,就食佢啦芒果綿綿冰,我好鍾意,食唔停口好香芒果味,唔似有D店係果糖味,加上士多啤梨同乳酸爆爆珠,一D都唔膩口:) 朋友就話再酸D好食D,口味唔同啦~心太軟,流心朱古力超多!!朋友同我都話正,而且濃得黎唔會太甜朋友like呢個多D,但我就覺得外皮唔夠脆,軟左D:)總體黎講滿意,又唔貴,值得Encore~~…查看更多

星期日黎真係好多人,好彩間店夠大,等左15分鐘就有位啦~:)辣味雞翼係我每次必食,無論食咩飯/意粉,都一定點雞翼雞翼唔算辣,但好惹味,加上雞翼焗得岩岩好,咬落仲有肉汁,正!今次食卡邦尼,好鍾意薩夢亞落汁夠重手,好似唔使錢咁加,岩哂喜歡cheese既人啦不過薩莉亞既卡邦尼與其話芝士味濃,不如話係奶味濃,所以我自己會加好多芝士粉條條都掛滿汁,好味!…查看更多