Carriechan223的個人專頁

中午同老爸慶生飲茶，等左兩轉無出雪山义燒包，埋單對單（大家一定要對單）發現無取消，於是請佢取消，等咗好耐有兩個經理/部長來回幾次都稱lock 機取消唔到。最後取消完，我回頭搵老爸，佢反覆話個職員話無來鳳爪，我話明明話無來雪山义燒包。我行到出收銀，竟然聽到兩個聲稱lock機的女子話：明明成枱骨，仲話無食鳳爪。我即時覺得不能接受，問返點解要同老人家講“鳳爪”，而非澄清“雪山义燒包，”收銀女士 call 了兩三次機明晰轉達無來的义燒包，我亦對住聲稱lock機的女部長/經理講，從來無提咩鳳爪。要求澄清佢哋的行為，只係涉事的人等即時閃人。作為客人，唔知班人係溝通得咁差，定係有人講錯然後等啲客唔對單、唔出聲，或怕麻煩就過關。仲有，假日的價錢，同點心紙唔同，佢喺某角寫假日貴啲，而不是在點心價錢隔離。所以大家要小心睇清楚。不過，服務態度咁差，再好食、再好環境我都不會再幫襯。…查看更多

新店家，有家人試過炒粉面讚好。上週日，跟屋企人十幾口第一次幫襯，今晚幾人晚飯即encore。今晚試了 冷盤八爪魚bb， 炒蜆，椒鹽瀨尿蝦：八爪魚爽口，要點芥末汁。炒蜆足料，口味合大眾的，我則會喜歡多點辣味。椒鹽瀨尿蝦味道很好，香口，例牌碟頭。略嫌啲蝦細隻啲。今晚Encore 返上次食過的 啫啫通菜煲，豉油王炒面，尤其要讚炒面，又乾身又入味。(惜無影相)四個人，加埋两支啤酒，500幾蚊落樓，抵食。附上次食的 椒鹽鮮魷，香口，食得到鮮尤味，唔會一口粉，應該encore 埋呢個。…查看更多

朋友生日，先在此發現有生日優惠，又有友情推介話環境好好，即時線上訂位。方便，讚。惜，路痴加上只見大廈名，梗係睇住呢度位置指示，從尖沙咀站去搵 L5 出口。點之出晒事，行暈成個尖東站成20分鐘先上到去，先發現，喺isquare 一出一個街口就到。個餐廳負責reception 話，係 Open Rice 指示的問題。好似話係我錯，睇錯在亂睇 map咁。嬲囉，大家要注意。食物：1. 魷魚痴嘅我，食唔到個炸魷魚有味，只能講夠熱，唔算多粉。2. 炸肉丸，我無食。朋友食，好壞參半。望落正常。3. 茶浸素面（忘了正確的菜名）。餐牌和侍應提醒了：「口味清淡啲」本想大吃過後，清一點無問題，只是。。。淡到茶到有差一點。4. 雜果茶，環境加上呢個 setup，讚。5. 海鮮飯，足料，味道正常。服務的两位侍應女孩子很好，禮貌又勤快。回應我 open rice map 錯（社會嘅錯！）的那位資深男生就。。。其實，我提左如果餐廳真係認為係 open rice 錯要改，但指示仍是 L5 出口。我不懂！…查看更多

為細佬和自己慶生，一家五人選了一直想試的這家石煱魚邊爐，可惜每款皆失望。一。美國特級肥牛，燈影超薄，兼完全無牛肉味。二。所謂推介的蛋黃墨魚丸，既無墨魚味，蛋黄超細勁無味。 58 蚊 4 粒，物非所值。媽媽最失望。三。貢丸牛肉丸，有味，不過係雪藏味，28 蚊6粒。個啲百幾蚊任食的也不如。四。響鈴唔脆。五。魚煱，魚無魚味，湯底沒有鮮味。六。其他單點食品, 如冬瓜，羅白，份量少價值貴。五人食左 1,000 蚊，失望之極，不會再幫襯。…查看更多