皮皮超人的個人專頁

金子半之助係我大概每隔兩三個月就會幫襯一次嘅餐廳😎 首先佢價錢合理，餐廳裝修又坐得舒服，唔會話好迫👍🏻天婦羅雖然係炸物，但係佢哋真係做得到炸而不油膩，炸粉夠薄，入口又脆😋喺香港想食天婦羅，第一時間都係諗起金子半自助😬半子助沙律天氣咁熱，梗要食返個沙律清涼下🥶開胃下先 🥗沙律菜爽口新鮮，醬汁清新開胃海老天押壽司份量比想像中多，覺得有驚喜嘅係，喺壽司飯之中，佢夾雜咗一啲酸薑，好開胃醒神 💚而且佢啲蝦排得好整齊，睇得出廚師係好有心機去整呢個壽司🍣特上牡蠣天丼擺盤好吸引，上完主菜之後會有店員主動嚟為我哋提供配料 （例如係葱花 海藻） 。牡蠣炸完之後都仲係keep到肥美多汁 ，入面仲有塊炸紫菜都好出色😍 個set入面有飯又有蕎麥麵 絕對夠晒飽👍🏻…查看更多

已經唔係第一次幫襯Together 😋喺我心目中呢間餐廳係粉嶺一間相當高質嘅西餐廳🥰如果要約會或者認真靜靜咁傾下野☺️呢間餐廳係喺粉嶺嚟講一個好好嘅選擇🥰小食拼盤有炸洋蔥圈，魷魚圈，牛肉串，炸水牛芝士❤️炸物做到好香脆入口又唔會話好油膩😋當中覺得魷魚圈係最好食😋魷魚味好重好突出☺️香草蕃茄醬肉丸食得出個蕃茄醬係由新鮮蕃茄做出嚟🥰非常鮮甜入口又夠fresh❤️肉丸多汁又重肉味😋阿根廷紅蝦手工扁意粉廚師已經預先剝咗蝦身嘅殼🥰所以我哋食起上嚟都好容易😋唔需要話擔心影響儀態😂紅蝦鮮味，手工扁意粉有口感😋醬汁同意粉嘅比例剛剛好🤗美國豬鞍架全晚覺得最滿意就係呢個main course❤️豬鞍架厚肉得嚟集爽嫩於一身❤️最正嘅係超多汁勁juicy😋伴碟個炸薯條都好香口😋可能喺粉嶺來講呢間餐廳嘅定價稍為偏高咗少少，但係我覺得大時大節又或者係有啲咩慶祝嘅日子，唔想出市區同人迫呢度絕對係一個好好嘅選擇❤️…查看更多

之前已經嚟過稻八食嘢🙂當時已經有好好嘅印象👍🏻所以通常朋友問我去大埔食邊間放題/火鍋我都會提議稻八😋對於我來講稻八最大嘅特色就係可以自己玩炸天婦羅🥰同普通嘅放題自助餐唔一樣😼呢度真係有得食之餘又有得玩😋可以親手炸天婦羅比自己嘅朋友食😇個感覺真係幾得意😚今次想特別讚下佢哋嘅炸物同埋刺身好出色 😙尤其是係炸物😋超鍾意佢哋嗰炸南瓜薯餅同埋芝士😛炸粉夠晒薄脆 😋入口完全不油膩😛南瓜蓉好香軟又甜 😋芝士食落唔膩 😚完全做到軟心拉絲效果😋刺身都好新鮮 👍🏻細細件入口好易一件接一件🥰飯後甜品方面 雪糕係基本啦😊特別想讚下呢度嘅雪糕糯米糍 入邊係有軟心架🥰最終食左成5粒先夠皮😋 另外仲有Häagen-Dazs Movienpick 杯裝雪糕可以食❤️…查看更多

🌱嫩仙芋奶凍$32 presentation幾繽紛都幾igable😇小丸子都食到好強嘅糯米香😗 不過d芋圓同丸子嘅口感就有待進步🫣好似煮過龍咁😖無乜咬口又唔夠煙韌😵‍💫有點失望🤐而且唔太夠凍🥶未夠消暑👹 但係$32嚟講 呢碗糖水合格啦🤑🍧招牌迷李挫冰$28 價錢相當大眾化🤑配料同嫩仙芋奶凍幾乎一樣😇好彩呢碗係有冰🧊整體入口先夠凍🤡消暑能力嚟講呢碗會係比較好嘅選擇👻🐥鹽酥雞$38 份量夠晒兩個人share👌🏻夠熱而且唔會油林林👻但略嫌不夠重口味😖無左鹽酥雞嗰種應有嘅風味🤐📝呢間我覺得試過一次就夠lu🫡深水埗有更多更好嘅甜品店值得幫襯😁…查看更多

餐廳內部裝修好有日本色彩，個價錢都好合理，最平$85就有仲包 蔬菜，飯，湯，自助任食我一睇個餐牌畀個牛柳吸引咗，點咗個180g 嘅牛柳-$115嚟試下先餐廳好細心， 喺石燒牛上菜時，會用餐紙遮一遮，而且自助吧果邊有即用即棄圍裙，以免客人比油彈親， 抵讚!! 份牛柳上枱果時，大概四成熟放咗係一塊熱嘅石板上面嚟keep住牛柳嘅溫度加少少鹽已經好好食餐廳有提供燒汁，蒜蓉比我地自己調味我食完個沙律，牛柳，加個飯同埋個惹味牛湯，已經好滿足好飽…查看更多

講到粉嶺名物好多人都會諗起協香嘅雞髀包/四眼仔腸粉😇我發覺協香隔離嗰間谷麥麵包店出品嘅麻薯波波其實都幾唔錯呀😃 泡芙$14一個 巨大嘅一個泡芙😲切開之後見到d cream係塞到滿晒😲朱古力🍫泡芙仲內藏綿花糖tim😀但係cream嘅份量對於我來講就真係太多喇😐我都抹走咗至少起碼一半先至食得落😐相信如果食晒所有cream應該會膩足兩日🤰🏻QQ麻糬波波$12 四粒🤑價錢係屬於超級街坊價😍每一粒都真材實料😙入面嘅麻薯餡係填得滿滿的😋入口又夠哂煙韌🥰氣炸之後嘅朱古力麻薯仲有朱古力流心效果tim😍雖然只係得兩個口味 但我都已經覺得相當滿意😁 谷麥除咗有一般傳統嘅麵包之外 仲有軟心朱古力//蛋批同埋不同款式嘅卷蛋 🤗產品款式以街坊小店嚟講都算多元化😀 …查看更多

受到呢排好hit嘅James Bonbon Bakery菠蘿脆皮麻糬波波影響💥勾返起條麻糬波波癮😁但係James Bonbon嗰要排成個幾鐘先至買到🌚真係未排已經有d心好累嘅感覺😶平時要排隊去做檢測已經浪費好多人生😑再加上作為一個新界人😺特登去銅鑼灣買幾個麻糬波波又好似有點不必要😶 呢個傳奇烘焙嘅麻糬$15有3個 😇佢同James Bonbon一樣擁有菠蘿皮嘅外殼😎外層薄得嚟帶點酥脆😁入口都煙韌😋只係略嫌入面嘅麻糬份量未夠重手😶未能完全滿足煙韌控嘅心🤫 不過傳奇烘焙呢個唔使排隊之餘仲有上水/太和/大埔幾間分店可以買到😬對於未有衝動去銅鑼灣排James Bonbon嘅新界人嚟講 呢個應該都真係不失為一個好好嘅選擇😙…查看更多

Mother of pizza Mother 👩🏻係銅鑼灣好有名氣嘅pizza店🥰 今次試左Summer of love & My Parma 🍕兩者之間會比較喜歡summer of love🍕由細到大食pizza都覺得一定要有菠蘿🍍可能呢個既定印象就令我自動幫呢款pizza加左分😁滿滿嘅菠蘿多汁又香甜😇 配埋蕃茄/火腿/意大利肉腸呢個pizza不敗組合👻加上帶點兒煙韌感嘅餅底的確係相當不錯😋My Parma 其實都好食嘅🙂一拎上手d配料係多到跌晒落碟咁滯😲要對摺嚟食先搞得掂😜Parma ham夠晒薄身👍🏻只係略嫌未夠重口味🤐下次嚟試埋佢地大熱嘅garlic cheese bread🤤🤤…查看更多

終於去左試大名鼎鼎嘅福元湯圓啦🤗🤗一咬開裏面嘅芝麻餡係以秒速+瀑布式+失控地流出😈而且芝麻味都好香呀😻😻食飽之後即刻果斷地買咗兩盒生湯圓返屋慢慢嘆👻（個人覺得芝麻餡比花生餡出色）😜另外個薑汁湯底都真係好夠薑🤡係有辣嘅感覺😚天氣凍嘅時候食夠晒暖身🥰 呢碗芝麻湯圓我比100分👍🏻 不過個芝麻糊就令人失望左🥶都食唔到芝麻味嘅🥶 餐廳4點開始營業，但係未到四點已經見到有人開始排隊😲果然係人氣小店😬📍北角炮台山福元街7號利都樓地下I-1舖…查看更多

嘉多利天然酵母手作麵包店 (油麻地)芝士吐司$24$24有一大條都算幾抵食😇拎上手已經感覺到吐司十分柔軟😚絕對係要小心輕放嘅item😜切開之後見到每一片都充滿芝士粒😙絕對滿足到芝士控🥰翻熱之後吐司入口外層薄脆🥳入面仲保持到軟綿綿🐏加埋粒粒香濃芝士真係好好食😋咖啡鬆餅$8咁啱佢新鮮出爐就順手買咗兩個🤩$8嚟講個鬆餅都相當大隻😇咖啡味真係好香好香😍香到戴咗兩個口罩都絕對會聞到陣咖啡味☕️拎住呢2粒鬆餅搭車🚂香親隔離嗰個我都有d唔好意思😬$8真係買嚟聞都抵🥸…查看更多

真心俾個好評呢間串燒店🥳 串燒選擇夠晒多🥰舖頭氣氛環境亦都好適合happy hour，一班朋友坐低傾偈relax 下🥰我哋兩個人叫咗10樣嘢食🥳真係全部都好好食，我地好滿意😁 要大大力推薦嘅係秘製黃金香蒜茄子王😋燒茄子🍆大大條又多肉😋加上巨量香蒜真係超級惹味😋 燒雞皮都係必食之一🥳 香脆可口，送酒一流😀 另外都特別鍾意燒菠蘿🍍香甜又多汁😋除咗串燒有水準😚呢個芝士焗西蘭花都好唔錯🤩芝士同埋西蘭花嘅比例啱啱好 😛西蘭花一啲草青味都冇😙好易入口又keep到水份😜 秘燒豬頸肉入口超爽又唔覺得肥膩👍🏻下次嚟會再encore 😽…查看更多

夏雪新裝修之後第一次幫襯😙一入門口就被可愛嘅貓bb吸引左先🥰貓bb完全唔怕人架🥰店主都會比佢自由行走☺️今次試左🧇椰汁竹炭黑芝麻麻糬窩夫$68🧇窩夫做到处脆內軟🥰麻糬入口軟糯😋只係略嫌黑芝麻味未夠突出🤐 反而個椰子雪糕🍦就好有驚喜🤩有眼前一亮嘅感覺🤩食落覺得好清新😚椰子味好搶fo😜 另外覺得個甜品都擺得好靚☺️碟邊有一抹黑芝麻醬突出返竹炭黑芝麻呢個主題😀加上紅豆x白玉呢個不敗組合都真係幾有心思😇…查看更多

別有洞天脆皮腸$38薄薄嘅腸粉皮好穩陣咁包住層次豐富而又colourful嘅餡料🥰未食已經覺得正😋入口都無令我地失望😚 有薄脆米皮加上鮮蝦嘅彈牙同埋蟹子嘅卜卜脆🥰口感真係好豐富😜斑蘭馬拉糕$28本身自己都好鍾意食斑蘭味嘅食物😀好好奇撞落馬拉糕度會有咩化學效應😙可惜結果係有d失望嘅😶斑蘭香係聞到🙂不過入口就食唔到呢陣味😶呢個點心對於我嚟講就只限一次🤫紫薯流心球$29食流沙包奶皇包食到悶悶地不妨試下呢個紫薯流心球😚食到流沙效果之餘仲有脆口x軟糯嘅紫薯球🥰mix埋一齊真係一流😋奇趣蝦多士$38呢個真係必食😍好大塊😍d蝦膠厚到不得了🥰彈牙又夠香😙蝦餃皇$31//原隻蝦燒賣$29 都食得出食材係新鮮😋蝦餃皇個皮蒸得剛好😇入口仲帶點煙韌口感😋⭐️⭐️推薦⭐️⭐️奇趣蝦多士紫薯流心球別有洞天脆皮腸…查看更多

Affogato $47老友好鍾意飲咖啡👻所以好快就決定要試呢個Affogato☕️ 雪糕牛奶味好突出🥰咖啡雖然係熱嘅，但係淋落雪糕度個雪糕又唔算溶得好快😯 冷熱x苦甜真係一級棒🥳白玉抹茶雪糕🍦白玉都算幾大粒下😜只係略嫌唔夠煙韌，食落又乜味🤐好彩雪糕夠高質😬夠滑又有濃厚嘅抹茶味搭救返😙喺銅鑼灣呢個比較高消費嘅地區，幾十蚊可以食到呢個質素而又咁igable嘅甜品都可以話係性價比好高😋 會再返嚟幫襯嘅🥳…查看更多

紫薯鮮奶麻薯上次試咗佢哋嘅紫薯香蕉煎餅已經覺得好正😛所以今次都想揀返一個紫薯味嘅小食嚟試吓😚呢個鮮奶麻薯出奇地香😯個牛奶味好出😋 煙煙韌韌嘅麻薯沾到晒d紫薯粉😍包保食到乾乾淨淨😚再加上一球紫薯蓉👻紫薯控表示十分滿意😬花生醬香蕉煎餅花生醬同埋香蕉蓉都好均勻咁舖滿咗喺煎餅裏面🥰絕對係每一啖都有料到😚花生醬夠晒香濃🥜而且配有粗粒花生豐富左整體口感😙掃街必食😋大甲雙芋厚鮮乳原來入面係有細細粒嘅芋圓架😮本身仲以為得芋泥+鮮乳🤡芋泥入口綿滑再加上順滑牛奶，唔錯😬…查看更多