hungrygirls的個人專頁

同fd慶祝自己嘅生日，冇諗過咁差，破壞曬生日開心嘅心情，食咗個每人198 嘅party package menu set ，feel 到真係party package 因為真係好多好大份，但大份得嚟完全唔好食，但本住唔浪費嘅心態先食左一半，上openrice book係有5折但去到冇，環境以為係有多少少空間感但就窄到好似係大排檔茶餐廳食嘢咁。吖左兩個特飲以為係兩杯點知係一大壺自己倒落紙杯，仲要用好樣衰嘅橙色花印紙杯，連茶餐廳都唔用紙杯真係好樣衰…而且飲落好甜好膠好稀成個set得沙律同松露薯條係ok ，忌廉芝士煙肉焗西蘭花都係普通知道食完會好膩嘅嘢，呢三樣係唯一食得曬嘅嘢食。🆗之後係一啲唔難食普通食得落口嘅嘢食，什菜春卷同日式燒汁炸餃子普通茶樓嘢食味道ok但expect cafe嘢食會好食啲，香脆麥樂雞塊都係預計嘅味 唔難食👎其他嘢食完全同好評嘅相唔同，仲差過自己煮嘅嘢食，滋味蜜汁雞翼好甜，墨西哥香辣雞翼一啲辣都冇同個西班牙海鮮燴意大利粉都一樣味又有紅椒，懷疑同一個汁兩個餸，個意粉食落好硬又有咩味，意式香草肉丸一啲味都冇，係普通打邊爐嘅豬肉丸。黑松露帶子鮮菌燴意大利飯係人氣推介，所以係比較好少少 少少 但都好難食，食過黑松露意大利飯就會知食落creamy又味道濃厚啲，但呢間完全唔係，係有粒粒小帶子但冇乜味都唔知食緊咩，完全係想以數量勝過質量，但食飯都係想啱啱好份量而又好食，而唔係食剩好多又唔好食🤢🤢🤮🤮另外因為慶生帶左自己蛋糕要收100切餅費，咁都係正常，但係唔好食同唔靚唔舒服嘅環境下就真係唔抵，而set嘅甜品都預計會唔好食都冇食到，費事食完自己帶嘅蛋糕之後要食唔好食嘅甜品。所以真心推薦大家唔好食！…查看更多

入到店見到滿滿嘅壁畫介紹台灣美景嘅時候就覺得好靚，哈豆老闆親自拍攝嘅蒔裡·沙灘真係好唯美，黑板畫滿台劇嘅主角真係好懷念（細個已經好鍾意惡作劇之吻💕）下面有個貓屋隻小貓咪係度玩，真係好Q~Q，成個環境好舒服。整體體驗爆燈下次會再食過🥳#台灣牛肉麵套餐 $66 黑糖芋芋鮮奶+$22望落去已經好大碗好足料夠飽，最鍾意麵條夠彈牙煙韌，就算我打咗一陣卡過咗陣麵條都唔會俾湯浸冧依然爽口。牛腩食落唔會好柴而軟身一咬就散，湯底夠入味唔會太重口味，飲完唔會覺得好重味精會口乾，整體都十分滿意！黑糖芋芋鮮奶係跟套餐加錢，本身已經考慮到有黑糖而少冰半糖，芋芋原來芋泥都有三分一咁多都非常足料。飲落好正只係少少甜又帶黑糖味，係唔錯嘅推薦！ #鹹酥雞肉燥乾拌麵套餐 $62 胚芽豆漿+$6就咁望好似好少唔夠食就錯喇，朋友已經食到飽到飛起🤣鹹酥雞唔會好似之前食過其他店嘅太鹹or皮太厚，反而皮薄而又酥脆，雞肉軟身容易入口，食完唔太覺得好熱氣！肉燥雖然望落唔多但撈匀咗又唔會令乾拌麵太乾亦夠味！整體哈豆嘅嘢食夠味而唔重口味，啱曬我🤩胚芽豆漿亦係跟套餐加嘢，去冰半糖，飲嘅時候感受到粒粒嘅胚芽！ #炸物拼盤 $58有香腸、鹹酥雞、丸子、蝦卷，番薯條可以一次過試曬。香腸、丸子、唔似平時街邊食嘅好油膩，而最偏愛嘅係番薯條，番薯本身少少甜唔會起根好乾，外表薄薄炸到脆身而入面滿滿嘅番薯食落真係好滿足！#清境和牛薯餅 $28脆身皮薄而滿滿嘅牛真係好就滿足，想點一份小吃都可以試下( ´▽｀)*不設有加一收費💘小小個人評分(Total:10)😋味道：9💲價錢：9✨環境：9.5🕺服務：9🔆人均消費：~$70-100——————————————————📮 觀塘駿業里6號富利工業大廈3樓A室(觀塘A2出口)🕚星期一至日,公眾假期11:30 - 21:30☎️3575 9455…查看更多

Plato Cafe & Bistro (吳松街) (佐敦)📌佐敦吳松街186-188號地舖差唔多開學就同朋友去咗食好西，之前已經有朋友推薦過呢間食西餐，喺尖沙咀附近行街就去咗試吓！卡邦尼意粉Carbonara $168我哋就叫咗兩個dinner set，其中一個就叫咗意粉，佢個前菜就有麵包同埋雜菜湯，之後個卡邦尼味道好濃郁，而且啲煙肉都好多，唔會話剩係得意粉。肉眼牛扒Rib eye $298咁另一個dinner set就嗌咗牛扒，我哋叫咗五成熟，所以啲肉好淋，而啲肉質都好好。塊牛扒都好大塊，我哋兩個女仔食都有少少飽，而且牛扒啲配菜都好好食，可惜就係嗰醬汁少咗啲，建議可以多番少少汁。Mango Yogurt $48佢晚市套餐係包埋一杯$32飲品，而且嗌其他飲品只需補返差額，所以我哋叫咗兩杯都只係補咗10幾蚊。呢杯飲落好濃，唔會話好稀同好淡，都幾推薦。Peach Smoothie $56呢杯就貴少少，但呢杯冰沙都好好味，飲落會比乳酪清新啲，但係一次過飲太多就會有啲頭痛🤣因為太凍了，呢杯都係推薦嘅！松露薯條 $0而家餐廳有優惠，見佢話係社交平台 like同share左就可以免費送薯條！我哋即刻做咗，薯條都係好好食嘅，非常脆同埋連松露粉一齊食都好好食！…查看更多

Channel 3(TAPAS BAR & RESTAURANT)#Spanish #Bar #Western Food#板燒西班牙黑豚肉 $238個黑毛豬好大份，兩個人食加埋個麵都食得非常飽！個黑毛豬多汁同肉質緊致！好岩飲酒嘅時候食。佢嘅配菜都好好食，特別係連個薯蓉一齊食！#巴馬火腿卡邦尼意粉 $128食落有好滑好creamy，味道好濃密好甜，火腿比一般食開嘅鹹DD，但反而減低咗cream嘅油膩感，鹹甜鹹甜嘅感覺唔會膩，而意粉口感較硬身少少，唔會好冧，整體份量夠食。#Sexy on The Beach $75係cocktail方面今次就試左兩杯，其中一杯就係sexy on the beach，相信都有部分人試過，佢好易入口，係屬於sweet cocktail，材料包括有兩隻果汁-橙汁,蔓越莓汁同埋桃味烈酒,伏特加，所以對女仔都容易入口！#Vodka Lime $72另一杯係sour cocktail，飲落比較fresh，第一淡飲落有淡淡檸檬味，之後冇咩味似氣泡水，然後先苦苦地，vodka 味唔算太重，比較啱女仔口味！*設有加一收費💘小小個人評分(Total:10)😋味道：8💲價錢：7.5✨環境：8.5🕺服務：8.5…查看更多

今日約左好耐冇見嘅朋友一齊去左食西班牙餐廳，呢到嘅裝修好chill好放鬆，周圍都有幾部電視播跟奧運，好有外國風情，同朋友吹吹下水都食左成個幾鐘！🥩炭燒美國頂級肉眼扒 $168一坐底就俾個牛扒吸引左，我哋叫左5成熟，成塊扒都好厚好多汁，都非常之嫩！我哋兩個女仔都食唔曬，淨左1舊仔🍗水牛城雞翼 $88呢份雞翼係有4隻嘅，每隻都非常大好飽滿，食落會辣辣地，岩曬食食下飯有啲悶食反1隻！🍤龍蝦汁蝦肉意大利飯 $128平時好中意食意大利飯嘅朋友仔都非常滿意呢個龍蝦飯！啲蝦好彈牙好多隻，而且個飯嘅份量都好多好飽肚，連埋啲龍蝦汁食都唔會膩，非常抵食！🥂Fruit Punch $62因為我地怕會醉就只係叫左mock tail, 而Fruit Punch就有好濃嘅水果味，好好飲同解渴，唔想飲酒精飲品都可以試下呢個！地址 : 太子花園街232至242號地下J舖…查看更多

嗰日想同細佬食飯，佢話想食漢堡包就上網book咗呢間位於觀塘工業大廈嘅美食店！呢間店舖距離觀塘地鐵站非常近，只需要5,6分鐘就到，非常方便！我哋book嘅時間唔係好多人，入到去環境幾好，幾舒服。因為細佬特別想食漢堡包所以我哋就各叫左一個dinner   set同埋一個burger set。Dinner set我就叫咗美國安格斯肉眼扒，佢個套餐入面包左餐湯，牛油果沙律同埋一個朱古力心太軟配雪糕，但係可惜我哋去到嘅時候已經太夜冇晒心太軟所以就俾咗兩個雪糕球！個牛扒我叫咗五成熟，所以食落一啲都唔韌，幾軟而且好大塊，我自己一個完全食唔晒所以分a咗啲比細佬食，個牛扒非常有肉汁，而且好有牛味，我叫咗黑松露醬，加埋一齊食別有一番風味！而我細佬就叫咗雙層芝士安格斯牛肉漢堡，個漢堡超級巨型要用刀叉先食到，因為太巨型好新奇所以我都分咗少少嚟食！非常好味，雖然有兩塊牛肉但係因為中間有蕃茄同埋菜夾住一齊食所以一啲都唔乾！而薯條亦都非常脆。而係飲品方面我哋兩個分別叫左百香果梳打同埋菠蘿冰沙，因為我自己本身好鍾意食百香果所以叫咗呢杯飲品，好有驚喜！呢杯梳打一啲都唔甜唔似出面其他百香果飲品會有死甜死甜嘅感覺。而菠蘿冰沙都食得出菠蘿嘅果肉，可以知道佢係真係有用菠蘿果肉去打整杯冰沙，飲品方面都冇中伏！而我哋叫咗咁多埋單都只係360蚊，非常抵食，總括嚟講呢間餐廳我係會去再食嘅！…查看更多

Diamond in the Sky💎🍸(Cocktail) $148呢杯係signature cocktail，我哋係第一次飲，杯野酒精濃度都唔係好高，少少苦，但杯野颜值在線！而且店員亦都會教我哋飲用嘅方法Refreshing Passion🍹(Mocktail) $98望落去好fresh 好colorful，飲落冇酒精味，唔會苦之餘會有一浸甘甘甜甜酸酸地嘅味，如果想試吓又怕冇酒味可以試下mocktail !!Mushroom Risotto $198一上碟已經聞到好濃密嘅黑松露味，食落去唔會膩，啲飯粒粒分明，口感同珍珠米差唔多，而且都幾足料 幾多蘑菇喺飯上面。望落去雖然攞盤精緻，但食落份量一啲都唔少！Rib Eye $368我哋叫左炭烤頂級穀飼肉眼伴香草燒新薯(五成熟)，肉質嫩滑而且好有牛味，加上脂肪比例均勻，不會吃到滿嘴都是油花，配上特調嘅醬汁吃，味道一流。塊牛排都好大塊，加埋其他野食我哋有3個人先勉強食得晒，所以份量都幾多！Pancake with banana🥞 $98因為我哋好鍾意食甜品所以叫咗兩個，呢間舖頭嘅pancake係比較偏向實少少，唔同平時食開嘅pancake但係味道唔差，配埋個朱古力醬同埋啲香蕉，一樣好食到清晒！Lava Cake $88第一淡食落有外面少少烤焦口感幾脆，而裏面比較似海綿蛋糕咁軟身啲，之後就feel到好濃嘅朱古力味，唔會好膩好綿！…查看更多

極尚大喜屋(鱷魚恤中心）Deluxe Daikiya Japanese Restaurant (Crocodile Center)#觀塘 #日本菜 #日式放題 #咪嘥嘢食店嚟呢度之前一定要記得book枱再嚟 咁先唔使等！入到去環境好闊落，右邊就已經係自助區域，入座之後可以手機落單，餐廳仲好貼心內設咗Wi-Fi提供俾食客。除咗壽司 刺身或者係一啲熟食料理，其他都係自助式，俾你揀自己想食或者飲嘅嘢。飲品位不同飲料應有盡有，仲有唔同小食、小菜自取，甜品位有得用唔同配料及裝飾DIY自己心儀嘅雪糕，想簡單啲都有雪條、糯米糍、乳酪、小甜品食，實有一款一定啱你心水。一入座就已經急不及待嗌咗唔同款嘅壽司食，包括有香蒜牛油帆立貝、醬燒帝皇蟹棒、芝士大阪燒玉子、火炙鰻魚、鹽燒三文魚腩、三文魚腩、芝士鰻魚玉子燒、花之戀、香桃吉列蝦卷、芝士軟殼蟹卷、鰻魚忌廉芝士。嗌完一輪嘢食之後，就可以出去自助區域攞嘢飲同埋小菜嚟食！邊食邊等嗌咗嘅壽司！另外亦都嗌左唔同款嘅小食，包括有黑椒蜜汁一口牛、鮑汁雜菌西蘭花、蒲燒鰻魚、蒜蓉牛油芝士焗開邊蝦。除此之外，仲嗌咗一啲炸物食，例如有天婦羅蝦、紫心香芋丸、吉列牛乳炸鮮奶，仲有鹽燒牛舌同埋鹽燒雞翼，食之前一定要用埋塊檸檬，加啲檸檬汁酸酸地先好食！如果想食啲暖笠笠嘅嘢食 呢度都仲有唔同嘅熟食可以揀！平時食會揀牛肉鍋嚟食，不過係二人份量所以可能有少少多，如果同多幾個朋友一齊食就可以share！而今次就買咗個 黑蒜油豬軟骨拉麵，食落清清淡淡，唔會太鹹而口乾，而且份量啱啱好，唔會太多搞到食唔到其他嘢食 又可以暖下個胃！另外都嗌咗少少刺身食，有三文魚(片)、北海道帶子(片)、蜜汁仿鮑魚片、赤蝦、甜蝦，其餘甜品例如糯米糍(拎左朱古力味同芒果味)、泡芙或者小甜品都係要出去自助區域拎。另外仲拎咗一啲薯格同章魚燒食，食親就梗係要配翻一罐酒精飲品黎食啦！💘小小個人評分(Total:10)😋味道：8💲價錢：8✨環境：8🕺服務：8🔆人均消費：~ $201-400…查看更多

#Goobne Chicken (旺角）#koreanfood  #韓國菜#韓式炸雞一直都冇同大家介紹去邊度食韓國菜，所以今次就帶大家嚟食喇！呢度主打食雞類嘅主食，尤其係非油炸烤雞，所以就冇叫到好多唔同飯同麵類嘅set 食。入到去環境都唔錯 座位都幾舒服幾闊落，落咗單之後大概15分鐘有有得食喇，一邊食一邊聽住 k pop非常之chill😜，最啱一大班friends 一齊嚟聚下舊!!!#鐵板軟芝士甜辣烤雞(無骨)🌶  $198因為唔想食得太熱氣，所以就叫咗烤雞嚟食喇~雞肉咬落去好鬆軟嫩滑冇乜油膩感，亦都唔會太韌，雖然餐牌上寫”spicy” 不過個人覺得其實唔太辣，主要都係甜酸嘅味道，再加上有芝士中和下，所以平時唔太食得辣嘅朋友都可以試下！不過兩個人食就可能飽得滯，所以最好三個人一齊開心share嚟食😋😋#芝士炒年糕  $165食親韓國菜就梗係要食炒年糕la~無論雞類嘅主食嗌咗咩款咩口味，炒年糕都係最佳配搭！不過呢個就真係有啲辣，所以一定要配埋嘢飲嚟食！本身以為只係得芝士同年糕，但竟然仲有炒麵同埋魚板，真係幾足料 仲有啲驚喜😲 年糕食落好彈牙煙韌，平時有啲年糕可能食落會感覺粉粉地 口感麻麻，但呢個絕對唔會！另外再加上魚板又甜甜地 可以食多種層次， 唔會剩係得辣味。而且裏面有青椒配搭，食年糕煙煙韌韌之餘仲好爽口添！#西柚沙冰🍧 $58嚟到夏天就梗係要飲翻杯沙冰爽下啦！未上烤雞同炒年糕之前 就咁空肚飲就覺得有啲甜，不過都幾清涼🧊 而且唔會口乾！當配埋烤雞同炒年糕 尤其係辣嘢就會覺得好好飲🤩 超解渴之餘 當食咗一淡鹹同辣嘅嘢食之後就要飲翻甜嘢balance下先夠 而且飲飲下都唔會太甜反而好fresh好清新！所以沙冰一定喺必選叫咗實冇錯！😚*設有加一收費💘小小個人評分(Total:10)😋味道：8💲價錢：8✨環境：9🕺服務：8🔆人均消費：~$150-200…查看更多

四季良晨 Cafe Mikoo 由於最近大愛食台灣嘢，所以又搵咗一間台灣餐廳食晏！入到餐廳就feel濃厚嘅書卷味，由於坐喺書櫃隔離，喺等嘢食嚟嘅時候就拎咗本書嚟睇🤣當然 攞咗出嚟就梗係要完整無缺咁放翻原位啦 本身諗住睇下書消磨下時間 點知啲嘢食好快就到 就梗係快啲趁熱食！餐廳有播到耳熟能詳嘅台灣歌聽聽下都忍唔住喺度唱，所以都幾chill幾relax，想放鬆吓食個晏不妨嚟呢度嘆下🙈#117紅燒牛筋三寶麵(紅燒湯) $69呢個麵可以話一次過滿足曬你3個願望！淨係叫呢麵都唔會悶，啲牛肚牛筋牛腩真係好味😋同出面嘅麵檔有得比！而且我叫左紅燒湯，令到個好味程度又上升左！中意食紅繞麵嘅一定唔可以錯過！#滷水豬手飯定食上湯浸時菜 $68想食飯又想飲暖笠笠嘅湯所以就嗌咗呢一個定食，豬手嘅份量啱啱好，平時食開好驚豬皮上面會有豬毛，但呢一個唔覺有，食落有啲肉地幾唔錯下。食嘅時候配埋湯嘅菜食就唔會話太乾，食完都好飽下😬#台式蛋餅(肉鬆)+地瓜薯條 $36呢一個其實係Tea set，本身諗住當小食嚟食，點知地瓜薯條真係好飽，同一般薯條唔同，食落好結實同埋感覺健康啲，冇乜油膩感，搭配埋肉鬆蛋餅鹹鹹地 真係好食😋不過今次冇叫到豆漿，如果叫埋成個set一定好正😏，嚟食嘅朋友不妨試吓咁樣嘅配搭🥳#芝士奶蓋桂花烏龍茶 $23最近唔想飲太甜嘅嘢飲 見呢一個喺店內推介嘅飲品所以就試吓 真係幾驚喜😮佢嘅桂花烏龍茶係用茶包，飲落好濃郁 唔會淡。有啲人可能會覺得奶蓋太鹹 但咁樣嘅配搭用烏龍茶沖淡咗少少奶蓋鹹味啱啱好，清涼之餘又creamy 搞到我最近好鍾意飲呢款嘢飲🥴🤤#百香果QQ綠茶 $17平時都幾中意百香果，酸酸地好開胃！而且平時飲開珍珠奶茶試下新野都好嘅。百香果同綠茶真係絕配！平時唔飲綠茶嘅我都完全接收到，配理啲QQ嘅係椰果真係好好飲。如果食野有少少留飲一飲呢杯即刻解曬🤤💘小小個人評分(Total:10)😋味道：8💲價錢：8.5✨環境：8🕺服務：8🔆人均消費：~$100———————————————————————📮將軍澳 貿業路8號 新都城中心二期UG樓 UG051F號鋪(寶琳地鐵站B1出口)ShopUG051F , UG/F , MCP Central , 8 Mau Yip Road , Tseung Kwan O (Po Lam MTR Station Exit B1)🕚營業時間:星期一至日 07:30- 21:00☎️營業電話:3422 8388…查看更多

桂花小幸 🍶今次嚟到台灣嘅文青cafe食晏，入到餐廳就見到牆上掛滿文青氣息嘅相同放左啲植物做裝飾，簡約得嚟又幾有設計感，見到玻璃上面都印有一啲鼓勵又感慨人生嘅語錄，得意之餘整體環境令人好放鬆🥰 $59嚟得梗係要試吓滷肉飯la~鹽酥雞嘅份量啱啱好而且咬落去超脆好爽口，都幾多肉汁，配埋滷肉飯簡直啱曬，不過就咁食如果驚會好dry就梗係配埋經典嘅珍珠奶茶嚟食就啱啱好啦🌟(紅燒湯)加滷肉蛋 $67一開始飲咗啖湯暖下胃發現湯底幾濃郁，揀咗台灣麵真係冇令我失望，啲麵煙煙韌韌好Q好彈，因為鍾意食滷肉蛋所以就加埋落去豐富啲～炸排骨點埋酸酸甜甜嘅蛋黃醬之後好開胃，肉汁juicy得嚟唔會太乾，俾小朋友食就啱曬❣️份量對大人嚟講都啱啱好 幾抵食㗎 推～🤤🤤 $28幾個friends想襯翻樣小食一齊share嚟食 烤香腸都唔錯，比平時喺香港食開嘅紅腸細啲同硬少少，試吓唔同嘅口感都唔錯 幾有新鮮感😙 $35嚟到梗係要食返碗糖水點綴下先夠曬滿足啦！入面咁多料滿足曬我呢個貪心鬼，夏天有埋仙草同上面嘅沙冰涼浸浸好清爽❄️，解走曬啲油膩感，黑糖味配珍珠甜到入心，真係好邪惡😏🙈 最愛紫薯唔會冧pat pat 成個食落好結實 真係完全冇諗過食甜品都可以食到咁飽下🤣 $19豆乳本身唔甜，清清涼涼幾舒服順口，加埋甜甜嘅紅豆簡簡單單又唔會太重口味，好適合小朋友或者想口味清淡啲嘅朋友試吓，飲落又真係幾幸福🥳🤣 $17叫咗半糖就已經夠曬味喇～珍珠本身都帶又少少甜，而且都幾煙韌口感唔錯，飲落口最尾會有淡淡嘅茉莉花味 成杯嘢飲都幾清新 唔會太重奶味😋💘小小個人評分(Total:10)😋味道：9💲價錢：8.5✨環境：8🕺服務：8🔆人均消費：~$100———————————————————————📮 將軍澳唐德街1號將軍澳廣場L1層133-135號舖 (將軍澳地鐵站A2出口)Shop133-135,1/F,TKO Plaza,Tong Tak Street,Tseung Kwan O (Tseung Kwan O MTR Station Exit A2)🕚營業時間:星期一至日 08:00 - 21:15☎️營業電話:31062238…查看更多

今次去左Romanne Leisure Food Concept度食晏就叫左兩個lunch set同friend食 環境幾乾淨舒服 坐底之後因為見到隔離枱都叫咗burger set好正咁所以都叫咗嚟食🤣果然好食之餘仲食到好飽添！第一個係set A柚子胡椒脆炸雞麥漢堡配香料薯條，麵包皮係用左麥包嘅 一開始好擔心會唔會好乾或者會唔夾，點知個麥包烘得外脆內軟而且一啲都唔乾！呢個真係好加分🤤。佢成個套餐係非常之滿足，個漢堡包不單好足料，有一大塊比麵包皮都大嘅雞扒，而且亦有沙律墊在雞扒下，十分清爽！而佢嘅薯條亦十分有驚喜😍係足料嘅薯條嚟！食落啖啖薯仔，對於一個薯條控嚟講真係好可以拎高分！啲薯條超級脆同埋好夠味，分量應該岩岩好甚至可以話係好多！我一個人食曬成個餐講真飽到上心口 好滿足🥰🥰大家都可以試下叫呢個set!!另外叫咗Lunch Set B烤大啡菇芝士自家製牛肉麥漢堡配薯條 $98 配南瓜湯同凍朱古力，一開始上咗餐湯先，溫度暖暖地容易入口，平時唔多鍾意食南瓜，諗住試吓點知佢嘅南瓜湯食得出好濃密但係又唔會好重南瓜味，所以唔食開南瓜嘅朋友可以挑戰下！當主餐上碟一望就已經俾佢嘅賣相擺盤吸引咗，burger 嘅麵包皮烤到窿窿地脆脆地幾好食，中間塊磨菇同肉超厚超實，啲肉汁一咬就爆出嚟，整體真係好超足料，超級豐富。蜜糖芥末醬點薯條真係好正，薯條好似都係啱啱即炸咁唔會好冧。個沙律醬甜甜酸酸好開胃，想refresh 下就可以食沙律解膩 咁食漢堡包當然就飲凍嘢最爽la 所以就叫咗凍朱古力 唔會太甜上面仲整咗一層cream 賣相唔錯👍🏻👍🏻🙌🏻呢間其實係食多國菜 當然除咗食burger 之外仲有日式嘅烏冬或者係飯，西式啲都有pasta 或都沙律食 所以如果大家經過都值得一試！…查看更多

五兄弟 FIVE GUYS#Hamburgers#Sandwiches#Hotdogs#Kwun Tong#Baconburger//Cheeseburger //Regular Fries//Soda🥓Baconburger $85兩塊厚厚嘅肉又實又juicy，肉汁多漏曬出嚟，夾喺入邊嘅蕃茄唔會軟林林超爽口，又可以中和翻下面鹹鹹嘅煙肉，超飽超夠食！其實burger仲有一個細啲嘅size揀，就得一層肉，胃口細就可以嗌細款！🍔Cheeseburger $85厚厚嘅芝士食落有啲膩，好快就覺得飽，要配埋薯條同埋汽水先冇咁膩。一個女仔食cheeseburger 可能會有啲多，如果細食嘅話可以揀little cheeseburger，但cheeseburger嘅味道係好食嘅！我哋叫左all in料，口感好豐富，亦都有蕃茄解膩，非常推介all in。🍟Fries(Regular) $50正常兩個人食嘅建議share regular size嘅薯條就已經夠曬飽(薯條愛好者都可能飽到頂唔住🤣)，不過鹽落得太多有啲鹹，可以走鹽之後自己另外落。其實仲有得加Cajun 一款辣香料，不過因為想食原味所以就冇嗌啦😭下次再試下先！🥤Soda $35只係得一個regular size，自助式自己斟嚟飲買咗有得續杯，可以飲曬幾款，兩個人一齊飲都夠曬所以就冇嗌到milkshakes(有不同配料揀而且都係免費加，可以調配你鍾意飲嘅口味！)另外仲有sandwich🥪同hotdog🌭款揀，不過個人喜好漢堡包多啲，所以另外嗰兩樣就留返比大家試吓啦🤣💘個人評分(Total:10）😋味道：9💲價錢：6✨環境：8🕺服務：8🔆人均消費：$100-150整體環境都幾乾淨又夠位坐，牆上面有貼啲posters 有啲似幾復古feel令我諗起stranger things 嘅場景🤣 調味飲品都係自助，整體幾chill幾舒服☺️———————————————————————📮觀塘觀塘道418號apmC-2舖（觀塘港鐵站A出口）Shop No. C-2, APM ,No.418 Kwun Tong Rd, Kwun Tong(Kwun Tong MTR Station Exit A)🕚營業時間:星期一至日 11:00 - 22:00…查看更多

😋鬼門拉麵//吉列豬扒定食//忌廉薯餅🍜鬼門拉麵  $68激辣，就算平時食開辣第一啖食落口都feel到隻辣充滿成個喉嚨🥵不過之後就慢慢適應咗又唔係真係辣到傻咗🤣啲湯超級濃郁，雖然簡單得豚肉同麵，但啲麵煙韌又吸收曬湯嘅辣，淡淡辣又唔覺太油，好辣者大推👍🏻🍱吉列豬扒定食  $58吉列豬扒入面嘅肉都幾厚，外脆內軟嘅比例啱啱好，啲肉都有肉汁又唔會話太韌好難咬開，點左沾醬之後更好食！椰菜絲同下面嘅醬撈埋嚟食酸酸甜甜都好開胃，而麵豉湯個人覺得就比較鹹，但整體成個set份量一個人食啱啱好🤩🍘忌廉薯餅 $18熱辣辣一上菜就即刻食最好，咬落去超級脆，入面滿滿嘅忌廉甜甜軟軟地超creamy，唔錯嘅一款小食😝💘個人評分(Total:10）😋味道：8💲價錢：8✨環境：9🕺服務：9🔆人均消費：$50-100…查看更多

最近去食又係食佢滑蛋吉列豬扒飯，真係好好味，一定要落埋燒汁先夠好食，啲豬扒都幾夠厚，熱辣辣食落又脆又多汁，加埋滑蛋食落又滑又甜。其實除咗丼飯仲有其他嘅定食或者湯鍋，例加係鐵板滑蛋鰻魚定食都唔錯下，一個人來講份量都幾多下食定會好飽下。要食嘅價錢起碼都$50以上，而且間鋪有啲難搵(喺商場比較入嘅地方)都幾多人排隊，等得來食飯嘅時間就有啲汶水。…查看更多