sandyyu3931的個人專頁

星期六中午見午市優惠幾吸引，就入去試下。坐低超過十分鐘都搵唔到人落單，到搵到服務員先再俾個code自己落單，態度非常之差。要杯水都要三催四請先拎到兩杯水過黎。咁嘅服務仲要收我加一服務費。…查看更多

見OpenRice 外賣自取四人份量羊腩煲有6折，折左都唔駛$200，咁抵食，就叫左一個。拎上手已經覺得點解四人份量會咁輕。食嗰陣打開個飯盒份量只係二人份量，生菜就有一大盒俾你。再數下羊腩有幾多，原來只係得三舊左右！如果真係四個人，每人都分嗰到一舊羊肉！薑就有一大堆！其實我係兩個人食，真係唔夠食，除非你真係食晒佢俾你嗰一大堆生菜啦！但睇清楚，佢係四人份量，我係兩個人食....真係好失望...希望其他人唔好中計！…查看更多

新開張小店，試試食生日飯，估唔到有驚喜，餐廳用朱古力寫字送上蛋糕，畫上生日主角個樣，仲有出黎唱生日歌，氣氛唔同晒。份量大，套餐牛扒有兩塊，羊架有三件，食到捧住個肚。餐湯無咩特別。前菜煙鴨胸沙律，唔錯。甜品都有三款選擇，個人偏好芝士餅。唔知係咪新開張關係，晚市都唔係太多客，希望支持下小店。四個人食晚餐，埋單六百幾，免加一。生日九折，電話訂座都有九五折。我地食滿三百就送一份雞翼。食完行出餐廳就見改左食滿三百送薯條。…查看更多

任食打邊爐$138，不過只會上豆腐，菜，少量丸同肉，每次落單就要等半個鐘先至上少少野，其他三催四請之後就會話廚房無晒，最後唯有食公仔麵同烏冬醫肚。根本唔係任食，一啲都唔值。唔怪得全場都無咩人打邊爐，絕對無下次，忍唔住要上黎寫第一篇食評，希望唔會再有人中伏！！…查看更多