Yama_ma的個人專頁

今日做野又做遲左，到下午茶時間，行過見到平時夜晚排隊嘅大壹冰室今日冇人等。就試呢間啦！有位大叔服務都幾好，見椅上污糟，主動幫我抺乾淨👍🏻揀左個蘇格蘭煙三文魚.蜆肉习草炒天使麵，加咖啡。意粉材料都幾多，個汁都美味，但略為唔夠味，可以鹹番啲。天使麵有啲粗🤭同平時食開嘅天使麵唔一樣。但整體係大份，味道都ok 嘅。而咖啡標榜係巴西咖啡，烘焙味係好香，但after taste 就有啲淡。整睇黎講，呢餐都係大件夾抵食嘅👌🏻…查看更多

呢個特濃魚介魚乾䐁肉拉麵係佢新出嘅期間限定，樣子睇落豐富，有半肥瘦叉燒，紫菜，荀絲，仲有魚乾仔同埋魚粉。D 湯其實幾膠下，應該煲左好耐。試一啖湯，味道超濃魚味😯👍🏻。試一啖個叉燒，塊豬肉好靚，肥瘦均勻，入口即化，但係調味唔夠入味，所以差一點，勝在豬味幾濃係新鮮嘅。但呢個麵由第二啖開始就幾鹹下😅如果佢整淡d,咁呢個拉麵應該算係香港食過唔錯嘅一碗…查看更多

每次黎食肥姐條人龍都u turn ,勁好生意。今次都係照舊食佢細皇牌，有細生腸，墨魚同雞腎，但我今日都食豬心同豬肝，所以換走左雞腎。一如既往，都係咁Q 咁口味，佢D 甜醬同芥辣醬真係有畫龍點睛作用，提起哂D 鮮味。但我次次都會比佢啲芥辣醬嗆鼻，真係好嗆😂其實我最鐘食係豬心，因為豬心好有彈性，但彈得黎又滑身！而且好香甜！香港食到豬心嘅地方唔多，所以我想食果陣都會去肥姐食～但感覺今次有少少不足，少左少少甜味同鮮味，可能係因為天氣熱，所以保存唔夠凍。不過唔緊要，下次一樣幫襯…查看更多

大埔人一定知道呢間餅店已經好耐歷史。雖然姐姐有時態度好串，但仍然不減我對佢嘅好感。以前一直食開焗西米布丁，但最近我搵到個新歡，就係呢個蘑菇白汁焗薯！雖然個面烘到乾乾地冇咩汁，但佢個薯蓉好creamy,打到好滑身。唔知佢有冇加奶，但我就食到有D 奶香味。真係一個人食幾個都得！美中不足係佢面D 蘑菇真係冇咩汁，如果唔好烘咁耐，新鮮出爐應該會好正…查看更多

今日同男朋友食愛文生，之前已經食過一次好好味！今日再去食番上次冇點嘅黑椒豬手☺️個豬手好入味，煮到好冧好化，個豬皮食落口滿滿⻣膠原，真係好補嘅感覺～不過黑椒味其實唔係好出，不過都好香！另一味炒蜆都唔錯！D 蜆肉煮得岩岩好，好滑身～果然愛文生出品，必屬佳品…查看更多

發現香港人而家好鐘意飲手調飲品，無論咩時間都有人排隊。前陣子試完良辰吉時，感覺一般，今日試下呢間深水埗小店，見人龍都幾長。今次都係試番黑糖珍珠奶，同之前果間比較下。呢間DB 嘅黑糖珍珠奶，奶味都ok,比良辰吉時濃點。但黑糖焦味重，我覺得有一點點苦，小女不太好。黑糖珍珠則可以，不過不失。暫時沒有一間比一點點和喜茶高分。我再試一下其他牌子吧！！…查看更多

其實食過好多次，今次終於有機會寫文記食評。第一次係男朋友帶我黎食。今次我帶左我吃貨fd 一齊黎試，佢一直尋找緊驚為天人嘅車仔麵。我就話一定要帶佢試呢間！我每次黎要食佢嘅瑞士汁雞翼，鹵得入味，甜味好出，肉質又唔會太韌。另外必點蘿蔔，清甜多汁，炆到冧哂，中和番車仔麵嘅濃味。仲有必食韮菜餃，大大隻，肉同菜比例岩岩好，都好出色！仲有不能不提佢嘅秘制辣醬，辣得黎香，混入湯入面，甜中帶辣，完全停唔到口！ps. 唔食得辣嘅朋友就唔好落啦，因為真係幾辣，朋友唔食辣，食到流哂鼻水😆笑死我！！…查看更多

本身諗住去the wave 4樓果間，點知鬼咁多人，唯有搵第二間食啦，見落一層樓呢間mini friday 都好好評！就試下你啦～原來mini friday 同分米雞係share 同一層嘅，仲聽到分米雞果邊嘅live band,幾好feel。點左4個dish。黑松露海膽意粉超正，勁creamy,好濃黑松露味，仲有海膽幾新鮮，第一次咁mix 黎食，好好味🤤。另一個要讚佢個椒鹽牛舌，好大份。牛舌雖然係焗過，但幾軟滑，好香牛味，小女比10個like。另外兩碟都好味，但最鐘意都係意粉同牛舌👍🏻…查看更多

朋友仔生日～佢話想食清淡d,所以黎食台灣野，貪佢冇湯麵又有得坐耐少少。本身以為會好多人排隊，但去到又有得直接入，唔駛等喎～間餐廳都滿左8成。點左2個麵加2個小食1碟菜。菜就冇咩講啦，好普通嘅生菜，炸蔥冇咩香味。酥炸花枝丸好食，啲花枝丸好足料，好多肉，味道好鮮。芝士鹽酥雞好多芝士，但涼得快，芝士睇色似車打芝士，但其實冇咩芝士味。個雞係調味好味嘅，但唔太酥。豬軟⻣蕃茄麵，豬軟⻣幾軟幾入味，蕃茄湯茄味一般，唔夠濃，但都ok 嘅，$60對得住價錢。台灣腸乾拌麵，拌麵我就覺得一般啦，醬汁清淡,可能係我食得濃味🙈所以我覺得唔多夠味。台灣腸份量有啲少，但有加蒜頭片，正宗台灣食法～正！…查看更多

朋友生日，於是去試下荃灣呢間hesheeat,剛開業不久。叫了四個主菜，兩個小食。主食有燒春雞，味道ok。拌碟沙津好味😛兩碟黑松露意大利飯，黑松露味很香，帶子新鮮彈牙。龍蝦意大利麵是四款中最貴，但最失望的一碟。龍蝦肉質ok,但味道偏鹹，沒什麼鮮味。麵不是平日的意粉。是手製感覺...但不好吃，沒韌勁。小吃點了薯條和炸雞。炸雞味道ok,薯條不過不失。重點來了，甜品非常出色～order 了薰衣草奶凍和焦糖檸檬斑戟。薰衣草奶凍薰衣草味很濃，奶味也很香！焦糖檸檬斑戟非常好味～這款斑戟是包了檸檬醬在斑戟裡面，檸檬酸甜適中，加上斑戟的甜麵香味和焦糖脆脆綜合，在味道和口感上都很豐富😋大家都可以試一下。但注意用餐時間限了90分鐘～…查看更多

朋友仔生日，一行9人book 左8點半開餐。其實我都係第二次食放題。但呢間感覺比我上次食果間好。首先有生日優惠，提早訂會送cake 同氣泡果汁，幾好氣氛。仲有我最鐘意佢有黑糖薑茶同梅酒飲，食咁寒涼嘅野食，飲佢地驅寒，心理會平衡D,可以再食多D 刺身😛刺身都幾新鮮，魚類好好味，但蝦就一般，冇甜味。壽司整體都好味，最鐘意火炙三文魚壽司，D 飯幾香醋味。海膽手卷海膽幾足料夠新鮮，但我冇影到。佢小食甜品有勁多種類，但我真係食唔哂啦，好飽好飽。食得咁寒涼，之後要努力做運動排番D 濕氣出黎先得啦！🏃🏻‍♀️…查看更多

朋友介紹說很有驚喜，一定要試試。所以在荃灣看到就去買了一杯招牌珍珠奶試試。去到店舖，排隊的人看多，排了15mins 才到我們點餐。Order 了一杯招牌黑糖珍珠粉，廣告牌上的幾吸引的，黑糖鋪滿成杯。但店員說要等半小鐘。好吧，那就先行街。行到累又口渴，滿心歡喜有凍飲，解解渴。準時回到良辰吉時，但店員說要多等半小時...我在廣州生活了一段時間，喜茶剛做網紅我也等過，但也只等了一小時。這店的人龍又沒有喜茶長，但也要等一小時，太慢了。味道我覺得一般，奶香不足，珍珠還可以，但出來的樣子沒有像廣告一樣鋪滿黑糖，黑糖味還好，也不是很香。還是喜茶的好喝🤫…查看更多