candycan's Profile

今日中午一個人去開維園附近，見到呢間門口午餐寫有鰻魚飯60蚊諗住入去食個晏，入到去先發現原來係牛扒專門店，個鰻魚飯可能係因為疫情先有嘅外賣飯盒（？）。Anyway, 已經入左去甘我就叫左點餐機上最平80蚊嘅牛扒，然後侍應叫我可以自己去拎自助任食麵豉湯白飯同沙律。 其實嗰刻我驚驚哋， 而家日日都過百宗確診， 仲自助好似好危險，不過見舖頭客人吾多甘就試下拎一round啦…但湯好多湯料，沙律係日本椰菜絲睇落好新鮮， 而且仲有兩款醬汁，我揀咗芝麻醬， 然後再裝咗一碗白飯， 我都未搞掂返埋位牛扒已經到咗。原來個牛扒係用石板上枱，而且份量都吾細，80蚊嚟講真係好有誠意，我終於坐到埋位個石板仲係熱到咋咋聲。睇得出塊牛扒好生（後來切開估得3成熟），因為我比較鍾意食熟牛扒所以影左一張相就拿拿聲切開牛扒放石板上煎熟啲。 雖然係店裡最平嘅牛扒， 但都好有肉味而且煎到8成熟都好軟吾會係柴皮，白飯係珍珠米好煙韌粒粒分明， 麵豉湯同沙律都好好味， 睇得出用嘅食材 吾差，80蚊真係好抵食，等疫情好番啲會再去幫襯。Ps. 比餐廳嘅少少提議, 如果疫情期間可以停止自助, 全部由侍應上菜會令客人比較放心少少。…Read More

午餐價錢全部40幾蚊，加幾蚊就跟大大杯台式飲品，仲要送前菜，我地8個人叫左8份，如果叫肉臊飯魯肉飯之類，份量大到大食男仔都未必食得曬一份，女仔可以兩個人share一份，真係大件夾抵食，麵食就係普通份量，個牛肉麵味道一般。食物飲品質素中上，吾叫得做好好味好特別，飯類比麵類好味，我自己就幾鍾意食佢個肉臊飯，啲肉臊送飯真係一流，只係估吾到份量甘大食極都食吾曬，見佢仲有台灣手工火鍋價錢一啲都唔貴，揾日要黎試下佢個晚餐半放題先得。…Read More

係雜誌見過介紹，香港人對雞蛋仔係有份情意結，去開柴灣等巴士時見到就買個試下。買果日落住微雨吾算多人等，不過佢即叫即整都等左差不多十分鐘，店員(老闆娘 )好有禮貌又好有笑容。雞蛋仔好香，因為係焦糖味所以好甜，可惜一啲都吾脆，有啲似食緊麵包，應該無下次。…Read More

係韓國食過魚仔雪糕無乜特別，見佢有芝士炒年糕早就想試，果日放工餓到就暈即刻去試下。一入去就俾錢之後先視察環境已經心知不妙，舖面一眼睇曬點解無可以炒年糕嘅爐嘅？果然此時見店員由雪櫃拎啲野出黎放入微波爐，幾分錢後我就有個製成品啦啲年糕太淋完全無口感，咬落一團粉.....幸好個醬多甜少辣幾好味，芝士多又好食，不過我邊食邊望住隔離兩個舖位嘅腸粉王10蚊有3條，早知食腸粉好過。…Read More

之前食過太子 cwb 鵝頸橋分店，呢間只黎食過lunch, 覺得幾抵食又好味，呢晚同阿女兩個撐枱腳，一於食餐好嘅！其實阿女只睇中佢個免費爐邊蛋同熔岩炒飯，但叫熔岩炒飯吾駛開爐無爐邊蛋食，所以我另外叫左一碟豬皮，一碟雞，一碟護心肉，結果發現叫得太多飽到反肚。熔岩炒飯食過甘多次都仲係甘好食係我阿女至愛，芝士 蛋 炒飯 根本就係perfect match! 不過呢個一定要襯熱食，凍左啲芝士變硬就一啲都吾好食。燒豬皮超級好食！上兩次食cwb 同鵝頸橋分店，啲豬皮硬過皮鞋，同今次啲超juicy超彈牙完全吾一樣！ 真係覺得啖啖都充滿骨膠源臒心肉話係豬肉，但食落似牛肉，我每次都會叫，幾好味。雞肉就無乜特別，我阿女點嘅。免費配菜有沙律，爐邊蛋，四款泡菜，包肉生菜，全部任叫。重點當然係爐邊蛋…Read More

身為韓國fans, 見到李鍾碩已經第一時間想去食，但佢門口條人龍日日都好可怕。終於等到放完暑假，而且又係星期二公司放早約埋成班fd去試下！間店6點開門，我地5:35慢慢行過去諗住一定輕鬆有位，點知......去到門口見到呢個驚嚇情況，好彩仲預早少少乍.....有無甘癲呀大家......6點排隊入座，好彩排到我地仲有位。食野限時個半鐘，感覺都幾趕，鬼叫人地客多咩.....我地有7個人，所以都盡量叫吾同款炸雞試味。招牌芝粉雞，外脆內嫩，但吾好食亦吾特別，覺得自己食左一堆味精落肚，而且實物同圖片也相差太遠了吧⋯⋯三寶炸雞，有橄欖炸雞，秘制炸雞，同辣炸雞三款味。前兩款感覺就係普通炸雞，無乜特別。個辣雞辣到我地全枱人嗌救命 ，最食得辣果個都要邊食邊飲水，真係吾講得少，不過三款入面，反而係辣雞最特別最野味全枱最好食就係呢個脆片炸雞，粟米脆片，蜜糖，同炸雞完全係perfect match! 宜家講起都想再食年糕幾好食，少少辣。食左甘多炸雞，食番兩個沙律平衡下都好合理 可惜蟹肉居然只係打邊邊蟹柳，下次可以叫田園沙律就算。炸蝦花卷，都ok因為懷念首爾街頭啲紅豆餅先叫呢個甜品，但其實呢個係成餐中最吾掂，無味得黎仲油淋淋..... 另外仲叫左一酌荔枝梳打開心share, 辣雞辣得濟勁快飲曬無人影到相其實呢間韓式炸雞店我係韓國無食過，感覺佢分店吾太多，吾知係吾係心理作用，覺得都係韓國本地嘅炸雞店好食啲…Read More

一班好姊妹新年團拜本來想食海鮮食豪啲，突然收消息其中一個姊妹有喜，甘當然要遷就佢改食第二樣兼要就腳，於是臨時改去季季紅食豬，以前食過兩次藍地總店對佢隻米乳豬印象難忘，見灣仔呢間啲comment麻麻地其實都有啲驚，不過大家都好想再試就博一舖啦！9個女仔都吾多大食，叫一隻豬其實已經飽，所以豬以外其實吾係叫左好多餸。乳豬吾係好脆，無藍地果次甘好食，不過入面炒飯無藍地甘咸，對女仔黎講比較易入口。豬肺湯我不嬲吾鍾意，所以吾識comment, 同枱姊妹話好味。魚腐好食我鍾意，個蝦就無乜特別。甜品叫左個吾記得咩蒸糕，有啲似年糕幾好味，其中一個姊妹話想食紅豆沙，部長仲送左幾碗。見到好多comment話服務差，我又想講兩句。我留意到呢間店有一個奇怪地方就係全店職員年紀都有番甘上下，一個後生仔女都見吾到，仲要好多職員都有口音（新移民？）。不過就算係甘，我吾覺服務特別差，大部分職員都好nice。米乳豬切開前會先上枱俾我地影相打卡，仲等我地影夠先拎走。部長送紅豆沙之餘仲揸機幫我地影大合照。但係有一位嬸嬸就真係吾多掂，全晚黑口黑面之餘，聽到部長話送紅豆沙仲要搭爹話我地吾係叫套餐無得送喎，我地諗：吾通呢個其實係老闆娘扮侍應？居然駁部長咀。到我地準備走時，個女人走過黎執枱時又話：你地行過果邊我要執枱。喂！甘嘅態度點做服務業呀？…Read More

其實經過一次慘痛經歷後，我已經話左blacklist呢間店，奈何阿女好鍾意佢個焗飯，於是我無骨氣地再一次幫襯。經過上次等個滑蛋豬扒飯等左九個字仲要三催四請先有得食，我今次已經做好要等嘅準備。入好單我開始計時，等左15分鐘多啲阿女個焗飯就到左，時間ok可以接受，一心諗住今次無事發生啦......點知一等就再等多15分鐘，我個炸魚都未到，阿女見我開始發脾氣幫我叫人催㕑房，職員態度良好好有禮貌，催完5分鐘，炸魚終於上場，炸魚外脆內軟不過無乜魚嘅鮮味，咖哩汁甜而不辣，的確係好好味，尤其係當我已經等到極肚餓嘅時候。結果呢份炸魚前後等左35分鐘以上，不過今次做左心理準備無上次甘勞氣。當我開始食炸魚時阿女已經食完佢個份叫多個芭菲嘆。呢間食物質素中上，價錢亦係中上，服務良好，唯一最吾好就係㕑房真係好慢，肚餓揾食醫肚者不宜。…Read More

睇舞台劇前先約朋友一齊食晚飯，好耐無食過越南野，記得好多年前駱克道有好好味越南小店，但係十年人事幾番新，灣仔呢幾年簡直係大變天，印象中小店當然吾再存在，見openrice呢間評語都吾錯就約朋友試下。打開menu, 小食都幾貴，58蚊一隻蔗蝦，真係吾多抵。所以我地4個人叫左4個飯麵：兩個湯河，一個炒米粉，一個牛紐紅飯。湯河我無食到，睇落都幾四正，朋友話ok。牛紐好好味，食得出吾係cheap野，紅飯就麻麻地，得個酸字，同以前小店食果啲差幾級，配菜得兩件菠蘿，如果個青瓜吾係裝飾真係食得就好啦，我本來想食，點知拎起發現中間乾曬....吾記得係咩炒米粉，但食落炒得太乾兼無乜味，好彩越南野不嬲有樽醋係枱，我地狂加之後就覺得好好食，佢個醋味道吾錯，酸甜味調得剛剛好，加分。總括黎講叫做行過揾野食可以一試不過吾特別推介。…Read More

因為女兒和同學想來而荃灣又遠我才帶她們過來(港島人)，當然book枱也是我一手包辦。先說說book枱：這間餐廳只有網上訂座，電話查詢從來沒有人聽電話，留言也沒有人回覆。環境： 我絕不是動漫迷，餐廳買下版權做動漫餐廳其實幾有特色，不過我自己覺得其實裝修有點hea, 除了加了掛畫poster人型紙版，整間餐廳根本就只是茶餐廳裝修....食品：食品選擇實在太少，除了朱古力飲品上面有個標誌外，其他食品不覺得有動漫特色。食物質素價錢還算不錯，始終是沙嗲王出品還是有點保證。最差的是時間，每一場食飯時間只有個半小時，我們last order時叫了甜品，到宣佈完場只剩5分鐘時我們的甜品還沒到，我心想：你是想要我take away嗎？餐牌就得兩面，熱食飲品甜品加埋不到二十款...因為聖誕，仲有一款聖誕燒雞餐炸魚薯條我們encore了一次，的確幾好食。雜菇芝士焗飯意外地好好食，不過等得比較耐，食飯時間有限....朱古力奶，味道無乜特別。甜品.....食都無時間食，吾好話影相.....味道....一般啦.....無時間品嘗......服務：服務人員應該本身也是動漫迷吧，看她們會跟顧客說說笑笑的，這方面抵讚。總括來說，這間餐廳只宜朝聖不宜吃飯。…Read More

我並不算抹茶迷，不過朋友想吃抹茶甜品，我們特別去尖沙咀吃飯再過去試試這間人氣抹茶甜品店。去的當天人不是太多人。抹茶沙冰新地，軟雪糕抹茶味足夠，沙冰抹茶味很濃，真的很消暑。哈密瓜波波外皮很脆而內裏又軟又香也吃到哈密瓜味，不過我麻麻地。抹茶餅沒甚麼抹茶味，不過抹茶moose很香很甜，連紅豆連餅一起吃甜味剛剛好，現在想起也想再吃 …Read More

brownie雞蛋仔的確係非常好味66%黑朱古力軟雪糕堅係黑朱古力，所以初初食落有苦味，不過食得多就會甜到漏，食mix可能會好味啲提提大家，呢間原來逢星期一休息，搞到星期一諗住陪朋友食多次撲了個空......…Read More

前菜好好味仲任食，燒肉都係果啲無乜特別。爐邊蛋做法都幾似韓國姜東虎不過吾夠香，可能始終韓國蛋同大6蛋嘅分別。牛肋骨湯有啲失望麻麻地好味。炸魷魚配炒年糕幾好食，啲年糕應該係燒過再拎去炒，幾特別。佢自創嘅石鍋飯我就真係覺得麻麻地，因為有大量我討厭嘅蟹子份量又少，都係傳統石鍋飯好食啲！ 感覺除韓燒外大部分都係新派自創韓食，所以好難估計上枱時碟野係咩樣！PS 呢間值得一提嘅係超良好服務。…Read More

追月夜已經食月餅食到濟濟地，落樓諗住食少少野當晚餐, 諗起呢間開左甘耐都未試過就去試下，全店只有2x個位，因為已經8:30所以吾駛等位。見到隔離枱碟炸雞好大碟泡菜餅好大個，知道我地兩個人無可能食得落，所以只叫左個牛骨肉同青花魚牛骨肉幾好味不過似中菜多過似韓菜，青花魚煎得好香好好味。兩個菜已包前菜，湯，白飯。前菜同白飯都可以再添。前菜肯定係呢餐最大亮點，雖然佢啲泡菜我覺得麻麻地，但個薯仔同酸蘿蔔好好味。個湯吾記得影相，不過都無乜特別。連個茶都好有誠意，熱飲好味！一間好有誠意，招呼好好，價錢實惠味道又好嘅街坊小店，唯一缺點應該就係舖位實在太細坐位有限兼坐得吾舒服。…Read More

跟舊同學食飯同學提議食呢度，位處一間吾多出名小酒店一樓，環境都ok, 坐得舒服。我地7個人叫左2個牛肉飯捲，燉牛肋骨，辣燉牛肋骨，2份大炸雞，冷麵，炒年糕，炒粉絲，海鮮餅。以價錢來說份量略少，不過味道幾好。其中以炸雞同辣燉牛肋骨最出色：炸雞外脆內滑，個汁酸甜小辣非常野味。辣燉牛肋骨肉非常“林”非常入味，辣汁有蕃茄味非常醒胃。冷麵炒粉絲也在average以上，怪不得好像每枱客人都有叫冷麵。普通燉牛肋骨也不錯，炒年糕一般無乜特別，飯捲海鮮餅我就覺得麻麻地。雖然以韓菜黎講呢度價錢略貴份量又偏少，但如果想好好地揾個地方坐低食飯傾下計，我覺得呢度ok。…Read More