or#ta67224918的個人專頁

睇住佢裝修左一排響佢開張日經過就入去試試開張送湯或汽水叫得燒鵝專門店咁點都叫燒鵝試下所以叫左叉鵝雙拼飯叉燒份量可以嘅上檯仲暖暖地算係合格嘅但係鵝就令人大失所望第一 份量得5件真係有d少第二 上檯時己經係凍嘅同叉燒放埋就好大對比第三 皮完全唔脆最大問題係佢肥膏佔左大部份，又唔廿香尼個位肉都唔多，就係得膏同骨都唔知食左d咩叫得專門店真係令人失望到比錢就O哂咀雙拼飯明明寫$75比錢就計燒鵝飯雙拼$85+$10單張明明寫雙拼有鵝職員就話單張寫錯但係落單果時又唔出聲$95蚊食個無肉嘅燒鵝雙拼飯尼區同價錢可以有其他選擇了…查看更多

收工去行Megabox襯六點未人多好好食飽先逛由於都想慢慢坐低食無揀快餐同自助式偏選有服務嘅餐廳行哂全座見係尼間都有唔少人食緊睇餐牌都有少少吸引就試一試佢餐廳地方大坐得都闊落餐廳以豬為主題當然試下豬的主食睇餐牌糾結於豬腩肉同豬肋骨最後豬肋骨勝出豬肋骨肉質夠淋唔使花太大功夫就可以離骨加埋BBQ醬對於喜好尼個配搭嘅人係正常穩定嘅水準粟米係份餐嘅驚喜表面少少焦香配埋濃味的豬肋骨更顯得出清甜即使上菜幾熱都好咁大份餐，粟米一定唔會係進食嘅首位而且絕對唔會同一時間食得切但佢就算放涼左，食落都唔會令人討厭尼個配搭係驚喜椰菜沙律都係西式嘅沙律醬撈菜醬有少少多減返少少會更合我口味最大敗筆係薯條對於偏好粗身薯條嘅我佢唔係最幼果種，是可以接受的但好明顯佢炸完再炸有d仲炸到透左得返個殼點埋蕃汁都乾爭爭成為左失敗的炭水化合物大大細細共埋8支骨一人食就好豐富，都要幾大食二人分享加多樣其他就會更加好仲叫左杯豬特飲 Pink Piggy果汁MIX，偏甜全餐連飲品$350再加一以西餐扒類唔算太貴但對比埋果度其他餐廳一人份就會覺得有少少偏高同多幾個人分享下就會開心d…查看更多

半山食晏一直都係一分錢一分貨但係物超所值嘅確實唔多金城絕對係其中之一餐廳唔大位唔多老闆日本人可以同佢講日文亦有都經常有日本人去加埋我地尼D返工搵食人遲左真係未必有得食剛巧今日老闆朋友未到比左最後兩個留住嘅吧檯好位我地開餐多謝老闆老闆煮野絕對係有心嘢食包保新鮮除左固定嘅午餐定食之外每日都有新鮮嘅是日定食一坐低就老闆就同我地介紹是日刺身飯：油甘魚呑拿魚白飯魚三色刺身是日定食：味噌豬柳坐吧檯最好就係睇到食材同點煮睇見老闆展示佢醃製嘅新鮮豬柳即刻唔使諗，就係佢了點好餐食住前菜沙律，飲住味噌湯睇住老闆煮好份餐味噌湯有蘿蔔同肉片上面的大蔥為個湯加添層次唯一係今日可能落重左手有少少偏咸見到老闆將件肉放落炭火爐到燒好切開上菜果然無揀錯肉質有咬口軟滑得尼帶點爽脆表面香入面有肉汁，唔會好乾絕對係燒得剛剛好肉嘅表面睇到老闆嘅心思醃肉嘅時候已經響肉表面鎅開幾刀唔怪得夠入味配埋日本米嘅白飯出尼係一加一超過二嘅超水準全份餐$108加一尼個價錢食到咁高質嘅日式定食簡直物超所值係我好好食午餐嘅最正選擇之一…查看更多

國慶出街逛行行下去到後街見佢有開，又有少少人食即管一試已經2點後原本見佢有下午茶可惜公眾假期無供應不過價錢都唔係差好多一坐低姐姐就介紹「限量」嘅坑腩，爽腩，崩沙腩不過細細嘅一個「鮮牛脷」吸引左我牛脷唔係什麼明貴部位但要整又好麻煩當然要試下原本諗過三拼但牛腩同牛筋腩明明只係貴過牛脷2蚊要哂三寶就貴16蚊都係單拼先一碗有五件牛脷每片都厚厚地，肉質夠淋可能賣左兩日假期未返貨河粉有d碎夾起最長都得手掌咁長湯都夠濃我食得比較淡覺得略為咸少少蘿蔔係全碗嘅驚喜除左質地鮮嫩配埋個湯就更覺甜美或者出碗清湯蘿蔔粉都係唔錯嘅選擇…查看更多

適逢有旅發局的2022「香港美酒佳餚巡禮」舉辦「創意雞尾酒」活動，換左張100蚊券，去到最後一日見附近有尼間就入去試試，用左張券唔浪費。佢有1款雞尾酒同3款小食可以選擇，因為唔飲酒，咁就揀左個煙肉芝士焗薯皮。有8件，份量不少，一人食就有d多薯仔夠淋，薯皮薄身煙肉唔太肥，加埋洋蔥同芝士味道係穩定的水準加埋個酸忌廉醬（加分）食哂一份，除左有d飽都唔會太膩餐廳環境都有少少心思，用燈光分開時段，5：30轉左暗燈，仲會放支小蠟燭。可能係我響下午較晏時間去到，人唔多，服務員都唔多。可能係落場時間，入去等左陣招呼我都係酒吧的調酒只員，內場侍應見到都唔出尼，可能有分區掛。因為我唔識用張券，都搞左陣。落左單，佢放左水同餐具就去左忙了。落完等野食到剛好25分鐘趕時間就唔好揀尼間了雖然我用券，都未必唔消費嘅，如果下次可以放份餐牌比我睇下，介紹下有d咩食，或者會叫多杯茶同蛋糕，同埋唔使上網睇下餐廳有咩食BTW到走都無人理的服務減多一分…查看更多

首次試CWB尼間佢嘅服務同食品真係令人大開眼界因為肚餓，無咩影相，所以寫得長d，唔好見怪星期六6點幾的第二輪晚飯有d人排隊都正常，唔算等太耐留意入座有限時聽得唔係好清楚，好似個半鐘我地兩個人叫左兩個主食一杯飲品原本睇圖想試南瓜八爪魚蛋包飯不過都多謝侍應提話好辣所以轉左燉牛肋骨蛋包飯之後睇返openrice其他人的相同佢餐牌影嘅真係完全唔同唔怪得要提（可能好多人睇相中過伏）燉牛肋骨蛋包飯蛋包飯係正常的出品只係佢比果把一片葉嘅刀或者係顧及安全掛自己都幾難一刀鎅開隻蛋難怪侍應會拎把利刀問人要唔要開蛋尼份餐唯一出事就係件燉牛肋份量都合理嘅有3條半骨，厚身但係個質地就完全唔係燉肉想像中就算唔係軟滑到手撕用把唔利嘅刀都應該可以輕輕切開但係佢真係一舊膠咁有彈性同韌度基於唔浪費同鐘意食帶骨肉花足九牛二虎之力先叫切開幾件肉（或者叫磨開）仲未計條骨旁邊嘅肉，更難切跟住就係體驗中醫師所講「咀嚼三十下」然後都仲係硬肉一件講埋配菜的紅，白蘿蔔就夠哂清新如果係同牛肉一齊燉煮，入味d可能會更好另外我地叫左炸芝士豬扒忌廉年糕原本係見到有芝士炸千層豬扒先叫埋有年糕所以對件豬扒有少少期待...點知忌廉汁年糕有翠瓜蘿蔔同菇配搭幼身年糕，正常水準但係件芝士炸豬扒，實為炸粉包芝士炸粉偏硬，咬落只係感覺到芝士係軟的豬扒呢？千層呢？比唔到其他評語了玫瑰鮮奶咖啡有拉花，個樣都啱打卡本人唔係好識欣賞但睇女伴飲完兩啖嘅樣就知評價唔會好得去邊了或者我會稱為香水味最後就係侍應的服務點菜嘅時候感覺佢有d遊魂唔知佢聽唔聽到咁搞到有d無信心好在都有覆單，又落得啱嘅食到尾收碟快都明嘅旺區飯市，收碟請客走都係平常事照我理解收到一手都係碟嘅時候通常都會拎走先但佢仲企響隔離開頭我都無為意，直到女伴示意先聽到佢係咁叫「放落尼」但係聽到我頭都大埋佢想放咩落尼原來係我手上面果張仲抺緊咀嘅紙巾想我放埋落堆碗碟度恕我孤陋寡聞第一次有咁嘅服務都唔係好識比反應佢…查看更多

入長洲，除左魚蛋同糯米糍仲收埋左間咁正嘅cafe響度環境放鬆悠閒之外飲品同野食都出乎意料地正先來飲兩杯Mocha拉花泡沫細密精緻高山烏龍茶濃淡皆宜啱哂慢慢飲素食早餐一見到色彩豐富就覺得好吸引多士兩面都香脆配埋好滑嘅松露炒蛋Mushroom on Toast未上菜都已經香氣十足最驚喜係佢脆脆的蒜片仲有新鮮的香草響原本蘑菇的味道再加多種層次柚子抺茶芝士蛋糕柚子味濃兩樣夾埋又一番滋味蜜糖荔枝烏龍茶卷蛋見到佢蛋糕上花左心思可惜今次唔當造試唔到蜜柑蛋卷下次又多個再來的理由了…查看更多

中環街市行左咁多年都未試過尼度食見佢foodcourt咁自由可以揀幾家咁就抽左尼間試下慢煮牛面頰肉醬闊帶麵由於係即煮，都要等返10分鐘尼個比其他幾種意粉貴少少不過佢都值得嘅一行埋去就已經聞到佢面頭芝士嘅味道茄汁夠濃掛麵食完唔會一碟汁牛肉肉質淋身，份量都唔少麵身剛剛好，唔會過淋我個人比較大食，如果麵的份量加多少少我會更加高興整體都係正嘅可能因為星期一晚飯時間都唔算太多人另外加錢可以要茶或者甜品未決定到嘅其實可以後加張收據下面有QR Code一樣可以有甜品飲品九折…查看更多

未到晚市的早晚餐入座時人唔多原來就係想食吉列豬排叫兩份一樣又好似好齋都係同隔離一樣叫份豬排豬柳二人前吉列豬排水準穩定豬柳肉質則一般整體都係滿意嘅可能未到晚市職員都忙緊準備不過服務態度都好好的…查看更多

對面街人天橋見佢新開試下三人食飯由於兩人細食先叫左份沙律同兩個主菜諗住最後再叫甜品先來木瓜沙律個樣都唔錯，色彩鮮艷加左幾片青瓜扮下靚味道都幾好唯一就係睇到旁邊部手機咁大份三個人分尼試就真係少左d再來兩個主菜因為想食飽，叫左一飯一粉雞肉乾炒寬河粉河粉同中式唔同，比較彈牙菜都有幾多種打拋豬肉碎煎蛋飯蛋有流心，肉碎少辣味道係可以嘅新鮮整起點都好食正常泰菜水準但佢嘅特點就係份量細原本諗住最後叫甜品但係完全唔夠飽唯有叫多份主食蝦球炒金邊粉感覺比雞炒河好至少明顯有多幾粒蝦球但同樣都係細細份我地平均每人一個主食同分食一份沙律最後三個都食唔飽睇返佢咁嘅價錢，響中環食唔算好貴但係連細食嘅人都唔飽可能佢食材靚或者整得特別但我唔識欣賞唯有尼個性價比，加埋環境可能影下相都ok想飽肚都係食返佢樓上好了唔知有心定無意下下安排客人坐滿窗邊，中間空之後幾日經過都係咁…查看更多