manchun1988的個人專頁

明明我叫左一個叉鴨飯，佢話冇哂鴨轉燒鵝飯好唔好加多幾蚊，點解我返到屋企會變左叉燒叉燒飯既？？如果我係要食叉燒飯我點解要比多幾蚊？？？第一次去港味試下買外賣就有咁好既經驗…查看更多

個飯冇錯，錯就錯在個服務員一直係到玩電話唔派單⋯⋯⋯個飯同個滑蛋都凍左係酒店入面既美食廣場食75蚊都算ok既，環境不錯，仲有音樂聽，只係唔明點解個蛋廚師整好出黎都唔比客人拎呢？話要等顯示版出號碼先拎得？但佢比我拎既時候碗飯已經放左係到15分鐘，我就企左係到15分鐘⋯⋯…查看更多

話不多說⋯⋯我只係食左碗雲吞牛筋麵同飲左一杯豆漿碗麵個湯係ok既麵質都幾好冇乜鹼水味，牛筋都幾入味，雲吞世家既雲吞冇我想像中咁好食服務態度係令我最感到失望，幫我落單既姐姐都幾好既，有笑容同佢講唔該佢有回你一句唔洗客氣🙂之後既事就發生了，我見到有另一位服務員拎緊一碟油菜準備拎去客人枱面途中，竟然會有一個男服務員隨手有拎左一條菜心放落個口到⋯⋯我唔介意你食但起碼唔好比我見到呀😅😅😅呢位服務員就同個姐姐有小小唔同，佢收走我碗麵我同佢講唔該佢so 都唔so我就走左去（果陣唔係好忙，因為入面得幾個客人）…查看更多

琴日我舊同事帶我去左銅鑼灣一條小街入面既一間打冷炒小菜既餐廳食飯一入到門口，佢既裝修環境唔可以同高級餐廳去比教，但如果你係香港人你會覺得有一番情懷，服務員由你入門口、點菜、上菜都一路同你傾計，傾下香港人香港事。我地叫左5個餸食，仲有一道係韭菜豬紅韭菜豬紅既份量同出面其他打冷鋪一樣，都幾多料。味道都叫濃厚，但豬紅比較實，食落有小小膠既感覺。陳皮煎雞煲，由上枱呢一刻開始都聞唔到有陳皮既香味，雞係幾滑既，一般還可以接受蜜汁鱔片，甜度岩岩好，外脆內軟，呢個我個人覺得一流👍豉油皇炒麵，不過不失，冇咩特別。鹵水鵝頸肉\鵝片，就咁食可能會覺得比較普通，如果你加埋佢地既辣椒油食會有一番刺激既味道。…查看更多

呢餐係我既生日飯,我媽媽請我地上水一間西餐廳食飯,雖然我舅父之前都已經話過好難食,但我覺得未食到落自己口既都唔可以信人地既。老實講既服務員服務OK,廚師製作食物時間都OK~我叫左M5和牛肉眼扒(4成熟),我媽媽叫左T骨牛扒(7成熟)點知我一切開..入面係粉紅色既肉,近6-7成熟,食落去有渣,唔似和牛。我媽媽果個T骨拱係3小塊黎既,我媽媽食完第二塊話食唔落比我食,咁我就試下喇,佢切出黎呢個就係7成熟既OK冇問題既,但係食落口有好大陣既騷味。呢兩個唔係餐,冇餐包,冇野飲,但連配菜都小得可憐....極為失望既生日飯…查看更多

係大埔夜晚晚有個地方食宵夜係幾好既。入面樓面收銀只有一位姐姐做哂，落單比較忙係正常既，小鋪經營，有得理解。佢玻璃窗同餐牌都有好大個《豬雜炒銀針粉》既相係到應該係招牌菜喇掛。咁就叫左呢個喇。感覺係真心覺得冇乜特別，但可能豉油煮焦左啦，食果陣有一陣苦味，係有小小失望既。蝦米炸両都係一般，唔會話難食，但好食又冇佢份，因為唔夠滑，漿厚。依家香港地廿幾蚊一份餐，夜晚晚有地方比你坐又有電視睇、又有冷氣、又有野比你食。我覺得好抵架喇，所以還可接受啦…查看更多

自從由上水中心搬到去石湖墟之後都未試過去食。今晚自己一個人突然經過就去試下本身去到一個連鎖茶記都唔會諗住會有咩好食既野,只係想醫飽個肚,但經過今次既經歷,我諗我都唔會再去餐牌有好多張,牆上都有好多食物介紹,我見到牆上有一張台灣滷肉雞扒雞飯既相,就諗住叫呢個飯食,叫左個服務員黎,之後佢同我講((((牆上有既相唔代表我地有呢樣野,我地有既野只係會寫係餐牌到)))聽到呢一句我心就會諗,慨然係冇點解你仲要放係餐廳入面引人誤會呢?之後服務員都有同我講佢地餐牌入面有滷肉豬扒飯問我O唔OK。雖然我知道佢係一片好心,但點解我唔可以叫一個滷肉豬扒飯轉雞扒呢???好!之後我轉左食黑淑雞扒牛扒飯。我8:01分落好單,本身都靜靜地坐係到等野食,15分鐘之後餐廳入面既其他客人開始搵服務員話點解等左半個鐘、一個鐘都仲未有野食到我聽到另一位服務員同佢地講話廚房整野食需要時間,請你耐心等候。但一個人入到去餐廳食野我諗佢都應該係好肚餓,你要人等一個鐘都未有野食都仲要人耐心等候?呢下有小小講唔通喇。再過5分鐘之後怒罵聲音越黎越多，之後服務員先講廚房個扒爐壞左,所有扒類既食物都會比較耐。有好多顧客(大約5-6枱客人)都同佢講,慨然你地知道壞左點解唔問下D客要唔要轉其他餐呢?你叫我地係到死等呀?之後有好多客人都換左其他野食我等到8:30分,我果份餐到左，但我隔離枱兩位都未到(佢地係7:45叫野食),我食完喇,佢地果份餐都仲未黎,去到8:45終於黎喇,佢地叫果個係兩份(帶子牛扒飯)其實同我果份差唔多,我都係到諗點解會係我果份到先呢??係咪即係廚房運作有問題呢?一間餐廳廚房同樓面好重要,如果你呢間係一間連鎖餐廳,呢D臨危事情發生應該即時處理,而唔係毫無反應要客人死等,…查看更多

之前同朋友見到石湖墟有一間鋪頭裝修緊，感覺似酒吧feel，之後有一日約埋朋友去試下佢入面既野，點左一個《大磨菇牛肉漢堡包》同埋《虎蝦卡邦里意粉》個漢堡包入面既大啡菇非常多汁，菇味濃厚，漢堡扒亦煎得ok，唔會話好乾身（但略微多左小小鹽），整體非常滿意虎蝦意粉個味道都係非常濃郁，意粉可以再硬小小，個人感覺略有點過熟，至於隻虎蝦就係可能係成餐飯既最失望既一個地方。隻蝦太乾身，蝦肉都唔實好散。環境係ok既，入到去見到呢個氣氛都唔會介意坐bar 枱既。至於服務，我覺得一間餐廳食物好緊要，但服務都好緊要⋯即係你入去一間普通餐廳你都唔想會有大排擋既服務，我同一位侍應講要杯凍美式咖啡講左兩次⋯結果最後都係變左有奶又有糖既凍咖啡⋯⋯算啦，真心覺得好食，但真心希望會有改進…查看更多