本身都冇咩期待，所以就冇影到相，點知係驚喜之作，真係忍唔住分享下!行到攰攰地打算求其食餐就入左去，一行到入去已經有少少feel都算唔錯，有啲似韓國餐廳喜來稀肉。最正既係我見到佢竟然係用炭火燒！！老實講，淨係呢樣野已經加左分，啲風味同普通既鐵板冇得比！首先，我地一行8人叫左啲沙律食左先(因為嚟得快，我地好肚餓)，都叫幾唔錯幾開胃，啲柚子醋唔會落得太多太酸，啲份恰到好處令我地對嚟緊既野食有啲期待。因為某朋友係賭場贏左幾百蚊所以加碼叫左生蠔試試佢…一開始我地都鬧佢做乜係呢啲地方食(內心潛台詞係點解唔去酒店食！)然後見到細細粒蠔上嚟內心已經好不滿…點知！！！好新鮮好甜好飽滿…我個陣就好似係食神既家燕姐咁大叫好__好食！之後都好正常咁叫啲燒物食下，五花肉既肉質唔錯，燒到幾juicy…條燒魚冇得頂，個老闆係出面大爐幫我燒，好軟滑好新鮮，啲魚味出曬嚟。店內仲有兩部飛鏢機，當你等人等到悶、等到想發脾氣個陣，必備良物！當然，小妹係個啲三發之中會有兩支鏢係地下個啲，不過成班人一齊都有啲野玩下。Overall都幾好，尤其係食物水準。上次見到佢仲有燒鮑魚不過太飽就冇試到,不過下次去到就一定會試會影番啲相上嚟！…查看更多
舉杯烤肉專門店
2017-05-23
以上食評乃用戶個人意見 , 並不代表OpenRice之觀點。
讚好
推介美食
長腳蟹
五花肉
炸芝士
燒魚
生蠔
用餐日期
2017-05-20
用餐途徑
堂食
用餐時段
晚餐
