kkkying のプロフィール

Sir Berwick裝修走日式風格適合同朋友慢慢食、傾偈打卡。今次主食叫咗和牛芝士太陽蛋漢堡, 炸雞太陽蛋窩夫。和牛芝士太陽蛋漢堡配香辣薯條 （$138）日式和牛漢堡扒，漢堡厚同大塊，肉質鬆軟多汁，太陽蛋完美流心配和牛漢堡超級夾，味道層次豐富。而香辣薯條辣度溫和。炸雞太陽蛋窩夫 （$138）而咖做緊 （$109）!!!日式唐揚炸雞配窩夫意外地夾！炸雞係外皮薄脆，肉質Juicy，食落去唔覺得油膩。再加上太陽蛋既蛋汁撈窩夫，邪惡但滿足！而窩夫，外脆內軟綿，淋咗蜜糖後，甜鹹交織，好特別。而飲品分別叫咗香蕉朱古力奶昔 （$59）同青檸批奶昔 ($69)奶昔都有驚喜，香蕉朱古力奶昔，口感順滑，朱古力味濃但唔會太甜，可以加錢加cream，打卡靚啲。青檸批奶昔，呢款真係必試青檸批款超Refresh！飲落去似冰凍版檸檬批，超級解膩，清新解渴。…さらに見る

「魚事者」鋪面唔算大，典型港式小店格局，乾淨企理。但座位略窄，lunch hour可能要搭枱。 今次試咗自由點三餸麵，麵質彈牙，由魚肉打成，十分特別。而湯底我揀咗白雪雪魚湯，第一啖鮮甜，飲到尾有少少魚既甘香，無腥味。第一個餸要咗紫菜，浸魚湯後超夾！吸湯力強！第二個餸要咗黃金魚餅，外層小小硬，但咬開有流心芝士醬，類似芝士頭腐。第三個餸要咗雞扒，外層皮十分脆，肉質十分嫩滑，但份量有啲少。個人認為翻食指數高！推薦魚湯，魚控必試！…さらに見る

今次到訪Dan Ryan’s，試咗佢哋嘅個人自選套餐，組合咗 **周打蜆肉湯 + 炭烤封門牛柳/香烤味噌比目魚 + 美式雪糕新地/布朗尼蛋糕。餐廳保持一貫懷舊美式風格，燈光柔和，服務貼心，好適合約會或小聚。 前菜：周打蜆肉湯每枱還會送餐包濃郁嘅奶油湯底，湯身濃稠但唔會漿口，熱辣辣好暖胃。 主菜1：炭烤封門牛柳（Medium Rare）火候岩岩好，完美Medium Rare，切開粉嫩多汁，表面微焦脆，內裡肉質軟嫩，簡單用海鹽配搭進食已經好夠。配菜有薯條，份量啱啱好。 主菜2：香烤味噌比目魚味噌醃得入味，帶焦糖甜香，完全無腥味！比目魚油脂豐富，一夾即化，清新又唔膩，唔會過鹹，同魚肉超夾。配菜有薯蓉，薯蓉不會太鹹，岩岩好。而甜品美式雪糕新地和布朗尼蛋糕朱古力士多啤梨就不過不失。套餐價約 **$300-$400**（視主菜選擇），少少偏貴，但值得一試！…さらに見る

今次我食咗原味雞蛋仔($25)。即叫即整，大約等10分鐘，每粒都外脆內軟，熱辣辣。個人覺得甜度適中，岩岩好。店內還有很多不同口味既雞蛋仔，有機會會再幫襯嘗試更多不同口味。平時有長龍要排隊，但夜晚時段多數無咩人排隊。好味道: 9/10…さらに見る

K11分店環境舒適，適合聚會聊天，員工服務態度和藹。今次去食咗稻成片皮鴨半隻($268)，份量唔算多，但外表精緻，鴨既皮也十分脆，而且饃饃皮口感十分特別，值得一試。追加鴨骨豆腐湯($88)湯有鴨既香味，算大煲，夠4人飲用。孜然手抓排骨($148)有6舊，十分香口，排骨比想像中多肉。黑松露鴨肉炒飯($128)有黑松露味，味道尚可，份量比較細分。紅燒牛肉麵($98)湯有濃郁牛肉味，牛肉份量正常，麵質也十分彈牙，值得一試。…さらに見る

餐廳氣氛不錯，會安排職員唱生日歌給生日既客人，也會為客人送上一張即影即有相。食物質素也十分不錯。今次主菜試了大蝦海鮮龍汁黑細麵及澳洲龍蝦扁麵。大蝦海鮮龍汁黑細麵有麵質有啲硬，十分有咬口，除了有兩隻大蝦之外，也有十分多細仔既蝦仔，十分足料，麵既醬汁也有蝦既鮮味。澳洲龍蝦扁麵麵質比大蝦海鮮龍汁黑細麵淋一啲，但也十分唔錯，有不少既龍蝦，麵嘅醬汁有龍蝦味。店員服務態度也十分好，會也我哋介紹餐牌，而且會不時問我哋食物質素。甜品Tiramisu也十分不錯，cream十分綿，唔會太甜。…さらに見る