StanleyHo3672的個人專頁

昨日我媽子生日，所以訂了食這和三眛慶祝，我們點了幾個特餐，有車海老、鱈魚、帆立貝和牛肉一如以往我都會叫side order, 因為lunch算便宜的，我們點了份日本蠔和澳洲鮑魚。後來鮑魚到了我再問了師傅澳洲鮑魚重量，大約650g左右一隻，計一計4隻澳洲鮑魚都要$720（未計加一）於是我們就改了食澳洲鮑魚，中午平一點，650g大約$1950（都係未加一）。整體食物的味道都很好，我覺得我需要再點枱面的醬汁，牛油豉油烹調已經很夠味。埋單匯豐有九折，4個人食咗$3800，性價比唔錯…查看更多

昨日跟老婆去淺水灣the pulse睇LV fashion show, 當然睇完又唔見錢, 睇完試完買完已經差不多8點鐘，咁就一於試下對住個泳灘嘅Sip Song, 門口都好有feel, 有少少離開咗香港嘅感覺，當然侍應都係外國人多，睇咗個menu，定價都合理，唔會因為淺水灣地區而開天殺價，由於係LV都食咗tea，我就叫咗冬陰功湯、串燒、燒雞同炒菜。先講冬陰功湯「唔掂」無辣味亦無香味，我相信係有可能就外國人口味而烹調，所以失望。還好我叫了3款串燒令餐廳挽回不少分數。串燒都好香，牛肉、魷魚和豬頸肉。呢個燒豬頸肉絕對係我食過最好食的，非常juicy, 燒得好香，肉質好鮮。基本上我會為佢嘅串燒而再嚟。跟住再嚟燒雞，我以為係好出名嘅燒雞點知燒得太乾，有啲失望最後炒通菜都好食，只係鹹咗少少，大致上我還是對這餐廳好評…查看更多

星期日同老婆行完街街，一直由星光行行去漆咸道，諗嚟諗去唔知食乜好，最後係三角公廁附近見到呢間海鮮酒家，見到寫住$68有龍蝦食，二話不說入去試吓先。8點幾入到去見到得番兩枱客人，真係生意難做。兩位阿姐侍應服務態度好好，推介好多佢哋出名海鮮，我同老婆最後點了蒜蓉開邊蒸龍蝦每隻$68，只限每人一隻，另外點了避風塘賴尿蝦，下次如果食得辣啲會更嘢美。仲有雞燉翅個湯底好濃可惜咸咗啲，仲有一個啫啫芥蘭苗，不過啲芥蘭有啲老。其實咁樣食都要千四蚊埋單，唔係平但都係好食，呢間我係會再去食嘅餐廳👍🏼👍🏼…查看更多

今日同老婆嚟中環行街shopping順便食lunch, 本身諗住去landmark cafe, 後來老婆話想試下新嘢，係3/F見到間米之蓮recommend意大利廚身開嘅CIAK，於是二話不說入去試吓，入內都覺得裝修同環境都好靚，坐低之後第一時間幫襯個廁所，都係咁靚同衛生。跟住點左兩個set course, 麵包其實好食可惜凍冰冰同埋黑醋唔靚，頭盤係smoked salmon carpaccio同angus carpaccio整體都可以，main course我老婆點左Trenette with clam, 蜆有幾隻有砂，不能接受。我自己點左個Parma Ham Pizza，可以pizza餅底太厚。兩個人埋單連支9百幾蚊，其實價錢唔貴，不過質素未如理想，有點失望⋯⋯…查看更多

平時開車經過福榮街成日都見到有條好長嘅人龍，再睇下連續有幾間鋪相連住嘅，心諗做車仔面都做到咁，米豬蓮推介餐廳果然厲害，人氣非凡。剛剛今日中午12點左右係深水埗附近做嘢，又見到人龍唔算好長，一於試試佢有咩咁巴閉。形式都係要先排隊、揀好食物再搵位坐低，有專人將碗麵放到你枱面，服務嚟緊算唔錯。第一次食，咩都叫啲，品種好多，揀左啲推介美食，好似瑞士雞翼、花膠、蘿蔔、花菇仔配油面。整體來講瑞士雞翼好入味、花膠雖然大塊但無咩花膠口感、蘿蔔淡味啲，只係靠四川辣汁調味、花菇仔好細隻。我叫叫埋埋都有$7x。整體食完感覺係唔差，如果收$5X，我會再嚟。…查看更多

今日老婆話罷工唔煮飯，咁就一於出街食飯，打電話留位留叉燒，去到餐廳8點左右，可能疫情關係，生意都係一般，希望生活盡快回復正常今晚老婆話要食好啲，咁我又見到有啲特價推介，所以叫咗兩碗蟹王翅同鵝掌扣鮑魚仲有清炒豆苗。蟹王翅用料十足，好多蟹肉，蟹王溶入啲湯，唔會好杰撻撻，真係食到舔舔脷反而叉燒有啲退步，燒得唔夠香，希望係一次半次失手。鮑汁入哂鵝掌內，正，5頭墨西哥鮑，唔會太細隻，$130份仲想點？兩個人埋單大概$1300左右，當然唔講得上平，不過久唔久豪一次啦…查看更多

疫情總算開始緩和，終於可以同兩個朋友食飯聚一聚，由於其中一個朋友比較夜收工，我哋就一就佢去到佢工作地點石門食飯，朋友話有間新開食日本菜，我哋一於訂位試吓。入到去見到環境裝修都幾骨子，只係比較細間，好有日本本土細細間餐廳感覺，上排放滿好多十四代酒樽，唔知是否地區租金問題，我睇完個menu覺得價錢都算平，都唔駛諗，叫最貴$1380個餐。沒有好認真去計有幾多件，但係比起我平時去尖沙咀、中環、銅鑼灣食嘅分量多，普遍食材好新鮮，我哋可能自己朋友太耐無一齊食飯傾偈，所以跟師傅溝通唔算多，可能怕騷擾我哋整體上服務相當好同細心，餐具都幾靚，最重要係食得飽又唔算貴，我下次再去石門一定encore…查看更多

今日同老婆係尖沙咀海港城行街，諗住LCX裡面都開左好多新食肆，咁就一於試下新野，老婆話要食鴨，最後就決定訂羲和雅苑。先講環境，有靚海景對住成座ICC, 相信呢個view都佔左成餐飯價錢1/3左右第一次嚟唔知咩好食咩唔好食，咁就個2人套餐$1388，希望會有驚喜。第一道菜上左個磯煮鮑魚，好食，也是成個餐最好食的一道菜，鮑魚好淋而有咬口、伴碟的蘿蔔入哂味，真係超越我預期的味道。第二道菜就係烤鴨，三個部位三種食法，有芥末醬、傳統烤鴨醬、藍霉醬、爆炸糖等，坦白講唔會有大驚喜，不過不失。跟著再上一個獅子頭，好普通的豬肉丸，失望。第四道就係黃扒魚肚，但是魚肚帶點腥味，就係靠熱辣辣的南瓜湯才可以吃完食到這裡，店員突然要把我們的4座位分出一半給另一邊的5人入座客人，當然我們也沒有拒絕，但是我們變成了2人枱後，枱面是有點擠迫，其實以$800/人均的價錢內說是有點兒那個。第五就就是燒汁芥末牛肉粒，天啊！我還以為到了金X餐廳，又食到那種似曾相識的梳打粉淹牛扒的感覺，完全沒牛肉味接著再上的潮仔蠔仔泡飯夠熱，確係唔錯，還有一個松露蝦仁煎蛋，普普通通。最後吃了一個紫薯燕窩蒸蛋白，不太甜，還算味美。後記：想找一個侍應加水真係不容易，總共叫了3次才得道一個回應，以這個價錢來說，服務質素係未達標準的，希望將來會有改善…查看更多

今日帶小朋友去興趣班，離開時見到有間新開試業的雞煲火鍋，天寒地凍就入去試下。老闆都好細心話有小朋友就可以揀BB辣或走辣，仲推薦左幾款佢地招牌菜。雖然店鋪唔大但原來係臥虎藏龍😱老闆說他們大廚是台灣人，對食物出品有一定要求，結果出來食物都好正。我地當日點左全隻雞煲、肉質很滑、好香濃，因為有小朋友之後就換左個湯底再打邊爐，食左碟手切牛頸脊，好有牛肉味、我地仲叫左碟即炸爆芝響鈴、咬落去脆卜卜真係好好食😋😋，仲有叫左手打蝦丸墨魚丸水餃雲吞等，全部都係自家制，真係夠誠意👍🏼👍🏼。其他粟米、菜等都好新鮮。叫左咁多野埋單都係一千左右，大約二百蚊一個人，有咁嘅質素確係超值。我問老闆日頭有咩食，佢話中午係食住家小菜的午市套餐，下次再去試試個大廚手勢先…查看更多