AncunLeung的個人專頁

原本係諗住試吓佢附近一間fusion菜嘅餐廳-Daap, 但係去到先知原來只可以預訂冇得walk in, 於是朋友仔就話不如試吓呢間越南餐廳 - Little Hanoi。見佢$76一個lunch set, 而且見到一個疑似係越南🇻🇳人嘅老闆娘，覺得應該幾正宗，一於試吓佢，點知真係幾唔錯，我哋兩個人叫着生牛肉河粉，燒雞撈檬，配兩份小食 - 牛油蒜香雞翼同埋越式炸春卷，連凍檸茶。生牛肉正常發揮啦，出色嘅係燒雞同兩份小食，燒雞調味恰到好處唔會太厚，燒完入邊仲好Juicy，牛油雞翼大大隻，春卷好新鮮，冇乜油益味。原本仲怕唔夠食，最後食完飽到捧住個肚走😅。果然大病初遇，戰鬥力係爭啲。期待下次試吓其他嘢😊…查看更多

煎餃子其實係炸餃子，燶晒邊不止，仲係燶到有啲嚇親，加上冇歴乾油，好油膩，真係不了😅😅成幾個月冇過嚟旺角食呢間店，轉咗去太子嗰間食，今日趁1月1號行吓旺角，順便再食，點知中晒伏，雖然呢餐只係$62 ，應該有乜嘢太大要求，但係食完即係驚驚😫😫！唔明點解要200字先可以提交食評，其實就係咁簡單☹️！真實食評，有單有相，歡迎聯絡本人查證🙂。自己市場自己救！但係有啲餐廳真係唔識維持本身嘅聲譽，失望😮‍💨！…查看更多

上個月22號因為之前睇到D KOL介紹，所以專登試吓係咪咁好食😅，朝上11點門口就已經係排緊隊，好典型嘅家庭式舖頭仔，座位唔多。入舖前職員幫客人已經落咗order。我叫左碗大豬雜河，冇指定部位，所以有豬粉腸、豬膶、豬肺同豬心，全部都冇豬腥膻味、幾新鮮，唯一係豬粉腸洗得稍為太乾淨、冇乜肥膏，變咗口感冇咁豐富。本身有啲擔心豬肺可能會煮得太生或者太乾，好彩剛剛好，配埋佢地嘅辣醬堅正，最後忍不住加左落去成碗粉，味道層次更上一層樓😋。另外醎菜對於本人就太鹹，味道同南記感覺差唔多😅整體來講，$47大碗豬雜河，本人覺得物有所值，而且非常近地鐵站，對於我呢啲區外人都好方便😊。…查看更多

食物唔錯，但係服務麻麻，尤其係個東南籍高層。我係經open rice 訂枱，三個人叫咗三個套餐 - Risotto、Spring Chicken 同 Angus 🍔. 食物同以前差唔多，仲keep到。但係服務真係不敢恭維，叫人斟人，冇人理、應咗當做咗。見有人叫咗好耐冇人理，於是自己去斟水，就比較東南亞高層鬧佢 u will make me lose my job.跟住我哋俾杯水我，明明聽到佢講廣東話，我哋用廣東話叫佢佢就扮唔識聽，跟住用英文講，佢就將杯水大力擺落枱面黑面走人。後來我哋發覺坐喺上邊漏水，調枱之後我安排新嘅坐返漏水嘅位置，不能理解😅😅…查看更多

呢間餐廳大概疫情之前幫襯過，今次登特經Open Rice book再幫襯，食物依然keep到，但係服務係直係冇任何可言，叫極員工都冇人俾杯水你，自己去斟水又被南亞籍高層大聲喝「u make me lose my jobs」😅，跟住仲要講痴線，之後再叫佢斟水，就扮唔識聽中文🫠！講完英文之後就俾另一杯水你🥲。我哋叫咗三個餐 - Risotto、Spring Chicken & Angus burger.最後，最奇怪係居然話我地缺席Open Rice嘅booking😅，真係黑人問號❓明明已經同receptionist 對咗 booking，最後究竟想點。。。如果都係呢個服務，我就真係唔會再幫襯啦😌…查看更多

錯信YouTube Mill Milk Channel, 呢間好難食!因為佢哋係前Apple Daily員工，我有follow 佢地Channel, 就跟佢地嘅介紹入元朗搵食，第一間就食呢間「木玥巷」，點知即刻中伏。首先個紅燒牛肉麵個樣係好睇嘅，牛𦟌厚切靚仔，點知一飲個湯就知中招，係清湯溝水咁，再試埋下白蘿蔔係冇渣嘅，但係同紅蘿蔔一樣係白烚咁，大佬我食緊乜嘢呀，雖然係$68➕1⃣️，即係$75！我以為自己味覺有問題，即刻叫朋友試吓味，佢哋試完都話冇下次！我嬲到去佢哋Mill Milk嗰段片退訂閱同埋留言，大佬希望佢哋可以老實少少介紹，唔好再老點人！…查看更多