eatgood.2021的個人專頁

晚上外買了三碗糖水，馬蹄爽，芒果西米露，豆腐花回家平日都會去隔離翠宛食，但見呢間見到人流流不絕，於是心思思想試下，結果一試就非常後悔豆腐花非常災難，質地好似蒸蛋一樣，根本就唔係豆腐花，勁實一啲都唔滑，人生第一次食到咁難食嘅豆腐花。跟住就係芒果西米露，質地勁稀，水汪汪，唔似椰汁似牛奶加水咁,非常難食。馬蹄爽稍為好一點，但不知道為什麼馬蹄爽入面有麵線狀嘅物體。總括而言，人生未試過食咁差嘅甜品，可一不可再。…查看更多

呢間價日經常滿座，所以平日見冇咩人就嚟食下野，其實之前已經試過外賣coffee,印象幾好。叫咗 Americano同南瓜忌廉帶子意粉，咖啡不錯，而且咖啡有3種選擇。南瓜忌廉帶子意粉$130，咁嘅價錢我都小小期待，加上open rice 個個都有讚冇彈，結果出到嚟勁細份，帶子仲要只有兩粒，$130呢個價錢就比兩粒帶子就顯得好小家，雖然食物夠熱味道都唔錯，但完全唔值呢個價錢。埋單 $178！可能叫all day breakfast 會好啲，但真係冇下次了。…查看更多

早餐去咗試呢一間有趣的咖啡餐牌也是武林秘笈一樣，看到這一間咖啡室沒有負評，於是bookmark去試下，店員服務很好只是⋯⋯⋯食物賣相及味道都一般早餐叫了一個三文魚bagel $8x ,以及一杯Americano $3x Bagel同普通麵包一樣，沒有bagel煙韌口感，bagel外緣切到爛蓉蓉，賣相不合格，沙律菜的油太多，嘴唇都吃到油油的。感覺好像在茶餐廳吃早餐一樣，完全冇Cafe的格調，但食緊一個$8x嘅價錢，感覺到整食物的人沒有放太多心機在食物及擺盤上，只是很倉猝地整好一個餐然後送出。咖啡相對地不錯，而且性價比很高。總括而言食物就不能encore，但咖啡可以！…查看更多

咖啡質素好低叫咗一杯matcha coffee,其實本身餐牌係寫matcha latte,但係見到佢哋用筆刪咗latte改寫coffee覺得好奇，因為通常coffee shop都係matcha latte ,不過最後都試吓啦出到嚟杯嘢又啡又綠溝埋一齊，賣相好恐怖，一飲落去味道好奇怪，咖啡好濃烈嘅苦味，覆蓋住綠茶嘅味道，飲落去係會皺眉頭嘅感覺另外叫咗一杯piccolo,發覺佢嘅咖啡係非常之苦，就算加咗奶都仲係有非常強烈嘅苦澀味，又係飲到會皺晒眉頭嘅感覺最後兩杯我哋都冇飲晒（本人係咖啡愛好者）仲要佢哋嘅嘢飲係屬於貴，但明顯咖啡質素係好低$58 Matcha coffee $45 piccolo 最後仲要收埋+1服務費呢間咖啡室好伏，怪唔之得假日嘅時候周邊嘅Cafe室全部要排隊同埋full晒，得呢間勁多位🫠…查看更多

餐廳將心機放喺擺盤及佈置上，卻沒有去食物上用心，露營概念打卡一流，只係食物質素差，令到客人只此一次。（價錢絕對不是便宜的日本餐廳，一罐可樂都$28）-燒雞泡魚乾係凍嘅-玉子燒同普通煎蛋完全冇分別 -和牛本身有醃過，味道太重手，仲要加埋壽喜燒，咸到不得了-蒜蓉燒生蠔啲蠔唔新鮮，有臭腥味，之後換過兩隻俾我哋，都係有臭腥味，吐返出嚟冇食過九位埋單$7xxx環境佈置係好特別好chill,有一位員工姐姐亦都非常友善，但係餐廳始終係食嘢嘅地方，最重要嘅食物質素差的話，好難會有返頭客。…查看更多

午餐時間去食呢間越式餐廳有得選擇湯底1.船麵湯底2.喇沙湯底3.冬陰功湯底餐廳係先付款後等餐我揀咗香茅豬扒湯金邊粉配船麵湯底連跟餐飲品都只係$49豬扒量非常足，味道亦不錯，十分驚喜！推薦大家嚟試…查看更多

以前時不時會嚟幫襯，因為啲米線同餸真係幾好食。今日再食好期待，點知今日失晒水準，雖然啲餸都仲係幾好食，但米線完全冇味，好似冇落到鹽咁，結果我食晒啲餸就算，剩番晒啲米線。除咗食物差咗，仲要連服務都唔好，今日上咗上層，冷氣有啲凍。👧：唔好意思 冷氣有啲大可唔可以較細小小👨🏼‍🦲：冇得較細👧：咁我轉去第二道坐得唔得👨🏼‍🦲：唔出聲👧：我轉去個邊坐得唔得場內大量吉位👨🏼‍🦲：你去呢度坐我換位期間👨🏼‍🦲：食野地方就緊係大冷氣嫁啦留意番，佢語氣係超級西個隻。食物差咗仲要受氣，真係no next time …查看更多

係OpenRice見到對呢間魚蛋哥嘅食評全部都正面到爆，於是朝早去買早餐，買左皮蛋瘦肉粥，油炸鬼，粢飯，豆漿。 首先，佢啲油炸鬼一比我，我隔住膠袋摸已經係淋bad bad,咬左一啖就冇食了，好似食緊麵筋咁；而皮蛋瘦肉粥就料比較小，叫做可接受。 明白佢屬於小食店買粥會有點伏，但啲人食評係對佢啲粢飯讚口不絕，結果出乎意外的差。粢飯啲料好小，第一二啖一咬落去完全只食到飯，成個粢飯個皮超厚。總結黎個，呢間野好伏，唔好睇到好多正評就9衝，真係會浪費食物。…查看更多