chirsty620的個人專頁

呢間手打檸檬茶，檸檬好香！半糖都夠甜唔會澀…價錢合理，鴨屎香檸檬茶都係$22！值得一試…佢罐裝設計！買完擺一陣先飲都唔驚倒瀉其他手打檸檬茶都多冰到爆炸！呢間正常冰…唔會飲兩啖就無晒！…查看更多

兩個人原本諗住hea食就碌入去試下！諗住間間雞煲都差唔多！無諗過咁足料！咁好食！個醉雞湯底都好多紅棗！未落其他野果陣飲左啖湯！勁濃紅棗味！重要勁抵兩個人食到勁飽！捧住個肚走！都係$296無加一邊到搵除左雞煲佢仲有其他煲食！有成26款！都好似好吸引！下次一定要試試佢！配料都好多選擇！絕對唔hea老闆娘又勁好人！勁nice！就黎冬天又係時候雞煲同打邊爐既季節！有機會入元朗試試佢呢間真心唔錯！值得一試！…查看更多

好好飲黑糖珍珠奶茶，平時飲開其他連鎖店要微甜！但呢間正常甜度都唔會太甜，甜味係黎自佢既黑糖！如果想少D甜就少珍珠！唔會太大杯！細細杯都係$28！可以whatsapp嗌定先咁去到就唔駛等咁耐！…查看更多

$198有七款海鮮，粥底同五款配料, 可能太多好評期望太高有小小失望而且果到D位有D迫坐得唔舒服, 怏怏趣食完就走我去食果日有蟹,鮑魚,扇貝,蜆,魚,北寄貝,蝦,另加入$10/隻蟶子, 一坐低無耐就會問你加唔加, 講真$10/隻真係好抵.食完想再加都無晒蟹好多肉又多膏鮑魚新鮮又彈牙扇貝夠大隻同鮮甜北寄貝好爽口魚勁多骨同太多脂肪蜆好細隻, 有D煮極都唔開口蝦得一隻新鮮到跳出黎, 其他都係死, 有兩隻D肉重要梅配料一定要簡油炸鬼, 配個粥底一流…查看更多

今次第一次試王家沙，亦係最後一次去到好似好酒樓咁，咁岩我地坐卡位叫坐得舒服d。上菜上得好快，因為晚市限時90分鐘就要走。醉嘉美雞成餐飯最好食，價錢唔算貴，份量都多！酒味好夠好入味！蒜泥白肉卷同我想像差好遠，白肉好鞋，蒜蓉唔夠，白肉卷住d疏菜，食落係幾清新既蟹粉小龍包酸辣湯餛飩酸辣湯勁酸唔識欣賞，不過d餛飩幾好食👌魚湯蒜子時蔬明明嗌既係白菜仔，唔知點解中間會有幾條苦既菜心大排燴擔擔麵我未食過咁淋既擔擔麵醉嘉美雞 $88蟹粉小籠包$58👌魚湯蒜子時蔬$58蒜泥白肉卷$58酸辣湯餛飩$58紅燒大排燴擔擔麵$58鮮肉鍋貼 $38茶$5/位 $15花生 $10$485花生可以唔要坐低果陣同佢講就OK…查看更多

行過旺角中心聽聞開左好多食店，見到有間甜品店勁多芒果甜品，又有特價梗要試試佢！呢個餐牌任簡兩款！我勁鐘意食小丸子，所以嗌左一杯芒果底加小丸子同一杯鴛鴦汁底小丸子，兩杯加埋先$39芒果汁底小丸子D芒果多到滿瀉粒粒好夠甜，個底仲有舊芒果冰，d小丸子夠煙韌好好食！兩個汁底都好食！如果你好似我咁唔怕濕毒又熱愛芒果一定要食芒果汁底！食到係芒果本身甜唔係落糖水浸到佢甜！如果行過一定要買黎試！係旺角中心同新之城交界…查看更多

片皮鴨黎北京樓最想食就係片皮鴨，包片皮鴨塊皮勁厚好似食緊麵包咁！食左兩舊已經唔想再食！豆腐個皮一d都唔脆同蒸無乜分別，但裡面件豆腐總算滑松子魚（黃魚）酸酸甜甜好開胃，魚肉好滑香蕉拔絲出面外層好夠脆好好食，但裡面個香蕉未夠熟有苦澀味松子魚 $248酒糟醉雞 $86清炒萵筍 $90炸銀絲捲炒飯 $85片皮鴨 $440豆腐炒麵 $85小籠包 $54拔絲香蕉 $88/8粒朋友有張AE卡折左$1250/5位！如果咁既價錢既中菜有更好既選擇…查看更多

去到12點幾咁岩有lunch set！lunch set其實唔係抵好多！兩個人食五樣野，好滿足。太好食唔記得影相就食晒，臨走仲要叫多個粢飯加肉鬆外帶秘製鹵肉碎拌麵雖然係拌麵，但係一d都唔乾，又唔會太鹹。姜汁豆花姜味唔會太重岩岩好，佢應該幫我加埋糖水，因為一黎到就食得咩都唔駛加。d豆花勁滑酸辣湯好足料、好多豬皮！每一啖都有餸粢飯一定要食！佢裡面條油炸鬼脆卜卜！最好係你想另外加 肉鬆+2 油條+2 炸菜+2 全加+6 因爲有時好想食多d料，你叫佢地加人地都唔會so你。呢到俾多兩蚊就so你鐘意仲可以加夠六蚊全加…查看更多

真係少d眼力都見佢唔到😂差d就錯過左秘密花園水果茶$68田園沙律$42黑醋既沙津，酸酸地非常開胃，仲有少量脆口既麵包粒，前菜一流。雞翼三重奏$56最特別係個玫瑰雞翼，好香既玫瑰味配埋蜜糖好香口好好食，又唔會焗到好乾，雞翼迷一定要食。千島海鮮薄餅$98呢個一般般，上面d海鮮同pizza好似分開咁。燒烤醬焗豬肋骨（半份）$98好鬆軟好入味又夠淋，無牙都食到。大蝦卡邦尼意粉$88明太子忌廉天使麵$68裡面勁多明太子待應好好人好nice每樣野食上枱都係熱辣辣環境都ok唔會好逼，但張枱細左小小，黎到第三個餸張枱已經開始唔夠位擺，再上其他野食既時間就環趕住食埋之前既野先有位擺，搞到成件事有d急。…查看更多

呢期熱愛食炒蛋，尋日食完今日經過澳牛都要買番個蛋治過下口癮。上次食已經係兩三年前既事，我印象中係好好食好有蛋香。但今次買黎食已經無之前咁有蛋香咁好食，好似仲油左。蛋治烘底盛惠$19大洋…查看更多

常餐$42麵包烘得岩岩好炒蛋都好夠滑最好食係個叉燒意粉，d叉燒好軟熟好好食其實個蛋治上面重有兩塊火煺，相都唔記得影就俾我食左但我想話塊火煺係凍既除左塊火煺其他都好好西多士$22一嗌就好快到！但上到枱係暖既，舊牛油一直keep住呢個樣溶唔到，其實係好食既不過唔夠熱🙈環境茶餐廳黎講算乾淨。D待應都幾好人食物都黎得快，但咁快上枱都有d野都凍既…查看更多

魚膠准山豬骨湯真係無得輸餃子勁大隻好足料，個人覺得湯餃好食過煎餃傳統四拼煎餃$35配上海麵$6風味三拼湯餃$45一支豆漿$7同一罐可樂$7兩個人都係$100重要勁飽…查看更多

原本諗住打電話去訂，點知個電話長期都打唔通😞好彩有個app可以羅定飛。但我21:20羅飛都等到23:00先入得去。佢係入晒d大台先到細台，等到22:30先嗌得5張台，有好多人等唔到走左我先可以23:00入座撇除佢呢個等位問題都係一間好好既火鍋店食物新鮮，每樣野食都擺得好好分開晒可以食120分鐘慢慢食可以簡好少份量, 有d丸你只係想食一兩粒過下口癮，樣樣都想食小小試下就岩晒第一轉落既野係黎齊晒，但第二轉落單既野只黎得三分一21:30前$15821:30後$138因為公眾假期加$10連埋加一兩個人埋單$326抵…查看更多

一定要食勁極大赤蝦、甜蝦同帆立貝，第一round一定要齋叫極大赤蝦20隻，如果嗌其他刺身佢都係俾得5-10隻你。紫心香芋丸勁正仲有鰻魚同海膽手卷都好正芝麻雞翼好食既！但可食可唔食兩個人$501…查看更多

個鹹雞有餣過，跟菜飯，仲有兩個醬汁俾你點沙薑同蔥油。霸王雞飯勁多怱同乾蒜，佢個底有好多芽菜d芽菜好入味。我個人比較重口味會鐘意食鹹雞多d🤗環境係有d逼唔可以舒舒服服咁坐服務都OK，係叫幾多次先有人落單百二蚊兩個人係抵食既…查看更多