samanthamak的個人專頁

食$598 和牛放題，非常普通，只有第一轉上的只有一片（2 人）的和牛叫做淋D之外，其他豬牛雞肉，都係中下之肉，沙律bar 非常hea , 沙津菜都無，雪糕及雪條一般款，蝦係莓的，其他海鮮已唔敢試，不會再去…查看更多

誤打誤撞入咗老趙，才發現係米芝蓮推介，一直對於炸蝦餅係加工食物嘅我，朋友要求之下，又見到$24兩件即管試試，上枱時蝦餅上有蔥花，香氣撲鼻，一食之下，馬上感受到用心製作食品，普通如蟹肉蝦膏炒飯，乾身唔油膩，串燒拼盤，肉質唔乾身，略嫌豬肉多肥，牛肉雞肉尚可,整體價格亦屬吸引,外賣自取現享有八八折，喺香港有如此用心製作嘅越南菜已沒有，今日找到了，多謝老趙！日後必定繼續支持，希望你們能一直堅持住好味食府！…查看更多

服務可以，各款飲品質素平均，銅鑼灣最常幫襯，髒髒茶所用的朱古力，不甜不膩，非常順滑口感, 鐵觀音冬瓜茶，有濃濃茶香，夏天必飲之選，新出品的多多系列，加入各種果味，味道亦比其他茶店出色！…查看更多

本來唔諗住寫呢間食評，不過見到佢有咁多劣評，我都分享一下先！今日一家大細一行8人，好在有訂位，去左呢間權八，因為阿媽話lunch 食過好抵食，咪book 位囉！聽電話o個伙記仲好細心，問埋我地有無小朋友，可以準備BB凳(真係估佢唔到)。一心以為裝修得咁靚，又好似好好service咁，實係好貴喇！埋單都係$1300到，食左以下既野：大量壽司：唔貴，比預期中大件。立魚刺身：好大條，個頭仲郁架。串燒拼盤：味道唔錯，款式比較少羊扒：超正~~~~都幾貴，成$48一塊鵝肝：呢個最抵食，好似十蚊一片左右鮑磯煮：味道唔夠濃，勝在唔"un'總括黎講，有90分。仲俾我見到"大哥大"洪師父，佢仲係門口"耍劍(傘)"tim ar！…查看更多

呢排成日去既正斗火鍋，佢D牛肉真係keep 到水準，所以都要係道讚下，其實以前都有黎，但係發現比以前旺左好多，但係D配料水準係越黎越高，牛肉款色多之外，清潔及服務都越做越好，特別推介黑豚肉及豬腦，真係唔係咁易搵到好食架！…查看更多

早排我同朋友一行十人到宜安街食飯，見到呢間有好多海鮮，即刻衝入去，因為小菜館食海鮮係最抵既，我地叫左魔鬼炒蜆，正好爆！即刻encore 叫個魔鬼聖子試試喇，超新鮮，無我以前食聖子個種"up"味，仲淡淡肉添。砵酒桶蠔係老闆娘推介，真係不可不食，隻隻都唔會過熟，又鮮，証明用料無"喳流灘"。最失望係個雞亦，個味好正，可惜太多梳打粉，D雞肉好怪，反而個薑酒雞D雞就好好味，老闆娘話因為係用新鮮雞，雞亦就係雪藏，所以有所唔同，整體黎講，價錢合理，一人都係兩舊到，想食正海鮮，又想食特別煮法，可以試下！…查看更多