BeanLam的個人專頁

尋晚見呢間唔算多人排隊就諗住試吓，食物味道正常，環境正常，普遍侍應年紀都較大，本身都唔係問題，但其中一位男侍應不斷同佢嘅同事講野，說話內容大部分都夾雜人體器官，雖然呢間唔係什麼高級餐廳，但唔會expect成餐不斷聽到有侍應會咁樣講野，明知客人座喺附近，唔係應該收斂一下嗎？…查看更多

之前去圍方見呢間食店門外咁多人等以為係好野嚟，今日見無咁多人諗住試吓，點知係貼錢買難受。我哋點左一個便當，一個牛肉麵，蛋餅同2杯飲品。牛肉麵點完5分鐘都未夠就嚟到，快到令人吃驚，味道正常。便當等左一陣都到左，肉燥有點甜，焢肉有點乾，食到痴牙，2舊鴨血無味，質感一般，慶幸無單叫鴨血。2杯飲品不過不失，無期望無失望。到接近半個鐘份蛋餅都未見，諗住要1個鐘交枱就同職員講野食仲未到，點知果個戴眼鏡唔知係店員定店長嘅男人就話好多人都叫左蛋餅，呢樣野係得一個人做，係要耐啲架喇，佢語氣好似我催左佢好多次咁，攪到隔離幾枱人都望住我哋，令我地非常尷尬，我地再等多十分鐘都唔見就直接行出去埋單取消個蛋餅就算，費事好似求佢比野我地食咁。呢間野無下次。…查看更多

雖然佢大部分食物都係好味，但員工衛生真係有好大問題，疲情期間很多食肆的員工都會戴藍色手套去保護自己同客人，但呢度d員工無論係倒垃圾，上菜甚至綁鞋帶，都係戴住同一雙藍色手套，都係我買左幾次外賣親眼見到的，就算我祗係叫外賣，望到我都覺得好難頂，希望佢地早日除咗對手套佢。同埋佢哋裝修後地方仲好似污糟左咁，地下張千年地毯唔知佢幾時會換或洗下，希望佢哋睇到呢篇文章再檢討下，食物再好，但環境同員工污糟邋遢咁又有咩用呢🙅🏻…查看更多

話說前幾日經佢哋提供嘅網上order網落單，芝腿治烘底收足錢但無做到，返到公司先發現都無辦法啦。到今日再網上落，照叫芝腿治，怕左佢唔揀烘底了，去到等左十分鐘，見人地都拎左咪去問下收銀姐姐，原來佢部機又收唔到訊息，卒之叫佢退返錢比我算喇，怕怕了。…查看更多

入到去第一感覺地方好污糟，d坐位好多污漬，由於好想飲咖啡唯有搵個比較乾淨嘅位坐低。之後點左一杯熱焙茶鮮奶同埋Flat White，等左一陣店員拎到嚟，兩杯摸上手都祗係微暖，又唔係多人，唔明點解會沖成咁，我飲微暖點解唔直頭叫凍飲呢？微暖令兩杯都好難飲，完全失望。另外，佢有冷熱水比客人自用，但熱水㩒出嚟好多污垢，個熱水壺究竟有冇洗過？總括來講，係一次好差既體驗，除左用某信卡有折（去order果時先知）絕對無下次。…查看更多

一心嚟食，但發現味道跟以前佐敦店已經差好遠，叫左4餸，湯淡，唯有豬紅可以，㩒完點餐機又要去櫃位叫餸，側邊完全無指示，一點也不friendly，仲要比點餸阿叔催促，咩心情都無晒。…查看更多

尋晚去左食二人套餐, 揀左蝦, 炒蜆, 鮮魷, 龍蝦.想加錢轉蟶子, 點知7點已經賣晒.可能我太天真, 以為個餐一定好正.點知都係失望而回, 除左白焯蝦同碟菜, 其他野明顯唔係即時整的, 全部都祗係暖.龍蝦祗係一隻bb龍蝦, 我寧願佢上d大龍蝦肉碎俾我好過, 碟炒蜆得小小肉, 殼就大把, 白焯蝦夠熱都算ok, 炸鮮魷就不過不失, 以$348免加一有咁多野食, 呢個價錢真係超值, 如果好似我呢d有小小要求o既人, 下次真係要散叫. 但值得一讚就係d伙計換碟都好勤下, 又有禮貌.…查看更多