Travelbuddyhk的個人專頁

本來好喜歡佢哋嘅食物質素，特別對佢哋嘅青咖喱雞情有獨鍾，另外蟹肉炒飯炒河粉嗰啲都唔錯。雖然住喺附近有時會叫外賣，今日叫外賣有雞肉炒河，同埋青咖喱雞，諗住自己屋企有麵包可以點咖喱汁。但係點知外賣送到門口嘅時候，打開發現所有咖喱汁倒瀉咗，包裝得唔好，或者送外賣嗰個都唔好，剩返一滴咖喱汁都冇，外賣平台一蚊都唔賠，我唔係要佢哋退晒所有費用，但係象徵式心意都要有啲啦，仲未計我要清潔，呢間外賣平台一啲誠意都冇，所以下次都係去餐廳食，或者自己pick up外賣。…查看更多

呢個四人餐整體感覺唔錯，份量足夠。前菜椒鹽素鮮魷好有驚喜，佢係用椰子肉做。包片海蜇同合桃都好好味。今日老火湯係粉葛赤小豆，係每一位上，每碗湯都有粉葛瘦肉，冇味精味道濃郁。蒸黃花魚味道唔錯，條魚都鮮甜新鮮，仲有啲肉碎令到條魚更加惹味，蒜蓉蒸扇貝夠大隻同新鮮，芝麻雞香脆，臘腸炒芥蘭味道一般，不過欣賞佢哋將芥蘭老嘅菜框批走，每條芥蘭都好大條但食落好嫩，另外甜品椰汁糕好好味。整體味道唔錯，只係個別菜式，包括蒸扇貝同埋臘腸炒芥蘭略嫌太多油，注意飲食健康，或者要同佢講少油。…查看更多

昂坪360 8月31號前 65歲以上只需要$30來回，見到咁平昨日星期六帶爹哋媽咪去，跟住去寶蓮寺拜佛同食齋。齋菜有珍味素$110 同貴賓齋$150 兩款，一場去到當然選擇貴賓齋，坐嘅環境都會舒服少少。齋菜好食冇味精，炒蘆筍銀耳唔錯，另外有個冬菇扒生菜，呢兩個父母最鍾意食。而我就比較喜歡食鮮檸腐竹片，春卷都唔錯，不過父母唔係太喜歡食太多炸嘢。白飯同湯羹可以免費添，我哋由於早出發11:30食飯，避免左人潮。食完飯12:30左右出面排隊好長。之後再去心經簡林同大澳，過咗一個開心大嶼山一天遊。…查看更多

住喺附近今日行過終於有機會試新開嘅榮華日常，由於已經接近六點所以叫外賣，非會員外賣有九折。點左兩份下午茶餐，一個係長嘆西多士，另一份係牛肉鄉村羅宋湯。長嘆西多士打卡一流，不過我因為叫外賣所以冇影，但係食落去只不過係一份好厚好厚嘅竹炭花生醬多士，中間溶咗嘅棉花糖係有帶出甜味，不過整個味道都俾花生醬蓋過，做呢個多士嘅白麵包質素係好嘅，竹炭外層亦都香脆，不過整體食落唔係太特別，屬於試過一次就算。另一個牛肉鄉村羅宋湯韓國即食麵下午茶餐，外賣有將湯同面分開，可惜羅宋湯太少，放咗個麵落去撈左一段時間啲羅宋湯會掛喺麵度，成個感覺似撈麵多個似湯麵，如果可以俾多少少湯就好啦。整體感覺一般，下次都係食返傳統食物例如雲吞麵。…查看更多

好感動，本人現正減肥行緊high protein low carbs diet , 竟然喺呢度食越南粉有翠玉瓜麵提供，即係用翠玉瓜泡絲，適合我減肥人士，味道仲要好好味，翠玉瓜麵爽脆，並冇煮得太林，可以冇負擔食越南風味偽河粉真係好賞心樂事，只需加$20便可轉翠玉瓜麵，我個人覺得係值得。希望多啲餐廳可以提供翠玉瓜麵。…查看更多

第二次到訪呢間餐廳 。佢啲savory crepes 真係幾好食，今日試咗白汁蝦，個白汁做得好出色，crepes 本身亦都做得好食，厚薄適中，同個白汁一起食好夾。前菜試咗個crab cake, crab cake 唔係太啱我口味，我喜歡多蟹肉少醬汁，佢個crab cake我略嫌個醬汁偏多。今次叫咗杯pistachio drink, 個pistachio cream 好味，亦都有pistachio 碎放在入面。離開餐廳時見到門口寫住外賣有七折，下次可以試吓叫外賣返屋企食😋…查看更多

老實說，hk$700 (包括加咗hk$120 starter轉龍蝦海膽沙律）一個一人外賣餐真係唔平，不過食過之後我都覺得應該一試。首先我最欣賞係個龍蝦，肉質10分爽甜，讓我想起以前曾經去Halifax 食嘅新鮮龍蝦，係優質嘅。一般在香港食嘅龍蝦，包括波士頓龍蝦，肉質都唔夠清爽彈牙。龍蝦喇沙湯底係有用香濃龍蝦湯熬製，再配上椰汁，香料及適中的香辣味道，十分美味。另外要讚嘅係個朱古力撻，朱古力味香濃幼滑，雖然係外賣但係撻皮仍然香脆，可惜只有少少一件，真係好想再encore。美中不足係始終係外賣，所以啲餐個溫度唔係咁夠熱，喇沙湯底最好自己再加熱就更加好味。只要把食物放在自己嘅餐具上，都可以輕鬆在家中有fine dining. 現在餐廳買滿$800就有免費送貨，疫症期間大家應該多多支持所有用心嘅食肆，一起渡過難關。今次掛住食沒有影相，只能附上餐單。StarterLobster salad, Hokkaido uni +$120龍蝦沙律，北海道海膽 🦞🦞SoupLobster & glass noodle soup龍蝦碗仔翅🦞🦞Main 🍜🍜🍜Lobster Laksa by Chef Eddy龍蝦喇沙🦞🦞SnackBraised stuffed crispy tofu with shrimp in lobster sauce, shrimp roe龍蝦汁燴蝦子煎釀豆腐卜🦀🦞🦀🦞VeggiePoached choi sum in lobster broth 🥬🥬龍蝦清湯浸菜心Dessert 🍩64% homemade Chocolate tart64%朱古力撻…查看更多

是日晚餐想吃星加坡食品，剛好經過此店便試下。晚上人很少及寧靜，坐得舒適。我點了經典叻沙，咖椰多士同跟餐薏米水(加$4元)叻沙好好味，湯底有濃香椰奶，有很多豆卜，2隻蝦，魚片及芽菜，豆腐卜吸收了湯的精華，俾Txxxx Box 好味，才料亦俾他多。與星加坡吃的差不多。咖椰多士味道不錯，咖椰漿及牛油頗多但多士不夠脆，相對之下坤x較好味。薏味水好味有好多薏味。侍應及收銀服務不錯，有主動提我跟餐較平宜。我會再來的，下次試其他嘢。…查看更多

昨天終於有機會去試pancake. 中午12時左右到，不用等太久已可就座。落單時被告知要等20分鐘，因pancake 制作需時。最後要等45分鐘先有pancake 食。我點了夏天限定的白桃pancakes。白桃不是太香甜，pancake 是軟棉棉但不夠在日本另外的soufflé pancake 店香及彈，至於個cream，是選用日本cream，夠香夠滑冇得輸。這店是我暫時在香港食過的soufflé pancake 最好食，但同日本比仍然覺得日本好味d，係日本吃的pancake 香味更濃，更軟更彈。至於值唔值得等咁耐食pancake 就見仁見智，我自己就試過一次就夠，除非time management 有進步能20分鐘就有得食。…查看更多

母親節brunch buffet 的食品選擇跟平時Sunday brunch buffet一樣，唯一多加了一些小驚喜，每半小時至一小時有D特別menu, 一開始有2位廚師姐姐去每枱問要唔要shooters (pineapple 同grapefruit vodka)，跟住有pizza，小點心，又安排個executive chef 送魚子醬俾所有女仕，同你講happy Mother's Day, 最後有另2款shooters ( hazelnut coffee 同 baileys )，都ok geh. 唯一comment 係對於一般香港人媽咪嚟講收朱古力會開心過收魚子醬。btw 佢個virgin colada 非常好飲，有好香的椰子味加一點pineapple 味，俾一般出面飲的好飲十倍😋 唔知平時Sunday brunch 有冇呢。價錢同平時一樣hkd 858 +10%, 不過冇credit card offer.…查看更多