呢篇其實係我第一篇食評，我都好遺憾係篇負評..
冬天其實不外乎都係打邊爐食雞煲，行開旺角search到呢間有二百幾個好評，其實都無去深究啲負評講乜，就已經直頭走去walkin了。以事論事，舖頭設計同裝潢係睇得出有心思，連點個菜都用哂ipad咁，第一印象無可否認係幾良好。不過！奈何雞煲唔同文青cafe，並唔係話食吓氣氛影吓相就會滿足，我哋係真心想食雞煲先黎，點知伏哂。論雞煲，我哋兩個人，望住煲嘢半隻雞幾條頸，成煲啲雞都無肉，已經食到你眼望我眼。然後真係要講吓個味，係油味！純粹嘅少辣加油嘅味！擺舊雞入口，夾硬食到少少肉，跟住就就有陣辣味，跟手就成口油，個味道就係咁，我一路食一路開番啲負評黎睇，個感覺好似搵到同甘共苦嘅朋友咁，啲共鳴感出哂黎。然後加湯變火鍋，哇，個手切肥牛，大份到我個口大少少都應該可以一啖就吞哂，其實個肥牛本質唔曳，仲好食過啲雞幾廿倍，但個量真係對唔住個價錢。再講埋個菜，我地嗌咗一碗好似拼盤咁嘅菜，乜都有啲，得呢個算中規中矩正路啲。最後講埋嘢飲，我地望到隔離檯嗌咗啲檸檬梳打，好大樽成jar咁上，以為掂啦，四十幾蚊兩份分啦諗住，點知連梳打呢啲咁入門級嘅嘢，都可以整到好似真係飲緊梳打水咁清.. 做乜事啫？其實成間嘢又靚裝修又畫哂插圖又玩iPad order咁，suppose係有heart做架嘛？做乜搞到依家得個殻，啲食物咁唔掂？定係存心靠包裝坤水架乍？喂，有心發圍又開分店又剩就唔該俾多少少實力啦
…查看更多
冬天其實不外乎都係打邊爐食雞煲，行開旺角search到呢間有二百幾個好評，其實都無去深究啲負評講乜，就已經直頭走去walkin了。以事論事，舖頭設計同裝潢係睇得出有心思，連點個菜都用哂ipad咁，第一印象無可否認係幾良好。不過！奈何雞煲唔同文青cafe，並唔係話食吓氣氛影吓相就會滿足，我哋係真心想食雞煲先黎，點知伏哂。論雞煲，我哋兩個人，望住煲嘢半隻雞幾條頸，成煲啲雞都無肉，已經食到你眼望我眼。然後真係要講吓個味，係油味！純粹嘅少辣加油嘅味！擺舊雞入口，夾硬食到少少肉，跟住就就有陣辣味，跟手就成口油，個味道就係咁，我一路食一路開番啲負評黎睇，個感覺好似搵到同甘共苦嘅朋友咁，啲共鳴感出哂黎。然後加湯變火鍋，哇，個手切肥牛，大份到我個口大少少都應該可以一啖就吞哂，其實個肥牛本質唔曳，仲好食過啲雞幾廿倍，但個量真係對唔住個價錢。再講埋個菜，我地嗌咗一碗好似拼盤咁嘅菜，乜都有啲，得呢個算中規中矩正路啲。最後講埋嘢飲，我地望到隔離檯嗌咗啲檸檬梳打，好大樽成jar咁上，以為掂啦，四十幾蚊兩份分啦諗住，點知連梳打呢啲咁入門級嘅嘢，都可以整到好似真係飲緊梳打水咁清.. 做乜事啫？其實成間嘢又靚裝修又畫哂插圖又玩iPad order咁，suppose係有heart做架嘛？做乜搞到依家得個殻，啲食物咁唔掂？定係存心靠包裝坤水架乍？喂，有心發圍又開分店又剩就唔該俾多少少實力啦…查看更多
