2010的個人專頁

情人節那天忽然想起這間的甜品，於是就專登千里迢迢去紅磡呢一間，疫情時及疫情後都時常幫襯。一直都覺得除咗樓面職員唔夠之外，食物質素非常好。一直有食開佢嘅拿破崙意粉同埋雞蛋三文治，仲有冰與火甜品，同咖啡，於是就點咗呢幾樣。點知等咗超過半個鐘先至有一碟意粉上枱，但其實我哋點咗兩碟相同嘅拿破崙意粉，只來一碟。個賣相真係嚇死人，好似食剩嘅意粉。我記得以前係用長方碟右邊有意粉，左邊就係沙律同麵包，而家係用一個圓形細甜品碟裝住一堆非常肉酸嘅意粉。感覺就好似加錢換購嘅一樣，㩒枱面鐘仔搵職員，成間餐廳有百幾個座位，但係眼見得兩個樓面，所以好耐都冇人理我哋。個職員話佢哋轉左Menu，而家個意粉係咁樣，減咗價只係60幾蚊，如果想要沙律就要加$20。個問題唔係我想要沙律，係一間日本西餐廳個意粉咁嘅賣相，真係茶餐廳都不如，衰過學校canteen。之後再嚟雞蛋潛艇同埋冰與火甜品，甜品唔記得俾個糖漿我，又係因為太少職員，職員太忙，所以忙中有錯。個職員回應左我之後要跑去收銀，收完幾位客人錢先有時間幫我去攞返個糖漿，個雪糕都溶晒咁滯。老實講所有食物質素都keep到水準，樓面職員都有禮貌，有耐性，呢個值得一讚。俾人投訴都有禮貌回應，只係可能管理層有問題。最終嘅原因會唔會係減人手？出餐咁慢，賣相又差，係咪因為嚴重唔夠人手？前線職員最慘。明明係一間好好嘅餐廳，而家又搞成咁，唔好怪人唔消費，我消費都俾返一定質素我。一個咁樣衰又冇料嘅茄汁意粉加杯黑咖啡加埋一已經成舊水，雖然價錢唔算真係好貴，但係都唔好搞到自己連canteen都不如。…查看更多

星期六去咗Home Square 間beans，四點幾鐘唔係人多。點咗個「愛爾蘭蟶子•檸檬羅勒汁意粉」但來到完完全全係芝士忌廉白汁意粉，完全冇檸檬味，又唔見羅勒。同個高級啲嘅職員講，佢入廚房了解。好耐先出返來，佢解釋，個汁係有忌廉成份，仲話嗰啲葉就係羅勒！佢如果唔係咁死撐，當啲客係白痴，我都冇咁火🤬🤬🤬，嗰啲係parsley 唔係羅勒！亂Q咁噏啲嘢來昆個客。其實佢如果話搞錯咗，我係會算數嘅，佢咁來昆我，真係火都嚟！居然連beans 都變得勁hea 勁求其，啲聖子似係白烚或者蒸，再放上去個意粉度，即係個意粉其實係咩汁都得！除此之外仲點咗西班牙海鮮焗飯，啲所謂海鮮全部都over cook 又乾又縮水又冇味．．叫佢cancel 咗個蟶子意粉，本來想叫過第二樣，但見佢兩樣嘢都整得咁求其咁Hea，仲要昆我，好氣頂，兩個人就咁食完個海鮮飯就埋單，結果本身跟個蟶子意粉嘅黑糖薑茶收咗我原價$30！好心痛，曾經好好嘅beans 都變成咁hea咁求其😭😭😭百幾蚊碟飯，俾啲咁嘅質素，想點？…查看更多

好少寫食評，但係今次真係忍唔到手，見佢裝修幾靚仔，入去試吓，點知一個字：伏伏伏伏伏！先講環境，枱貼枱，同隔離食客零距離，要zip入去先坐得到。環境非常非常嘈吵，比街市還嘈，講嘢要氣運丹田。員工唔醒目，好用氣力同佢講個自助落單web load 來load去都失敗，佢企定定望住個loading ，望咗五秒，我頂唔順開口問可唔可以幫我人手落單。戲肉來了，食物質素真係屬於劣質。唔講啦，自己睇相。質素唔知關唔關新開張事，但唔會有下次囉⋯⋯…查看更多

知道呢間餐廳時常都好爆，所以我用openrice app 在超過一星期前訂座，訂了一個星期五晚。已經訂好，亦已約好朋友。星期五下午再入openrice app 一睇，先發覺忽然俾人取消訂座，仲要係星期四晚先取消，原因係餐廳滿座！ 不知所謂嘅安排，如果冇咁多位就唔好開放俾人訂。而且咁遲先被取消，又冇打電話通知我，如果唔係我開個app睇都唔知被取消！我約好咗朋友，星期五臨時臨急去邊度仲book到位？完全無禮嘅做法，唔當客人係人！唔會再試呢間不知所謂嘅嘢！…查看更多