Big Belly Tummy的個人專頁

豆腐花，周圍都可以買到，差唔多間間都係主打滑豆腐花或者山水豆腐花，不過二伯士多就有自己嘅特色，佢哋有熱嘅滑豆腐花同埋凍嘅好有口感嘅豆腐花，而且係任加姜糖，最特別係佢嘅凍豆腐花，識落嘅口感好似食緊雪糕咁，正👍🏼…查看更多

第一次去歷山酒店，揸車去要揸落一層先去到大堂門口，代客泊車服務好。入咗大堂直行大概一分鐘就行去到食自助餐嘅地方。一入到去職員已經問電話號碼查番booking，好過其他餐廳又要問你貴姓問你乜問你物。自助餐嘅環境好好(不過個人覺得聖誕節嘅自助餐應該要再加多啲聖誕佈置會更加有氣氛)，食物質素我覺得屬於中上，不過服務就簡直係超班，服務十分周到，收碟收得快，見到張紙巾用得污糟都自動幫我換，仲拎多幾張俾我，十分貼心。成餐我覺得最滿意嘅做嘅歌麵包蟹蟹蓋，不過每次出得唔多。最開心嘅係，佢哋有一棵佈置得幾靚嘅聖誕樹旁邊仲有兩張櫈，職員係嗰度幫我影咗張全家福，以為自己去咗studio 🤣總而言之，服務一流👍🏼…查看更多

星期日諗住去搵個地方relax 一下，所以去咗呢度食，入到去感覺幾特別。環境靚，有用心設計的裝飾。服務好，服務細心而且一叫即到，而且仲會願意幫手影相打卡。食物正，我叫咗杯Americano，好飲，應該有揀選過咖啡豆。食物有新穎的配搭，很有創意，我叫嘅其中一份食物係有羊架，雖然佢冇問我要幾多成熟，嚟到嗰時係6-7成，羊架肉質鮮嫩，就算6成熟嗰部份都好容易咬開。我覺得最好食就係個甜品，好食到我都唔知點寫出嚟。並非筆墨可以形容，識得去試👍🏼…查看更多

朋友介紹我去食香江花月，我用whatsapp book 位好方便，好快就確認咗我個 booking。可能因為我食得早，去到唔駛等就入得去，環境好靚好特別，好有懷舊風格，火鍋湯底色香味俱全，上餐盤很有特色，每一杯飲品望落去都好靚好有創意，不論外觀、口感、味道都好好。服務員態度非常好，差唔多係一叫即到，而且服務細心。美中不足的，可惜當晚碌卡機壞咗，不過意外嘅嘢冇人想嘅。一間值得推介嘅火鍋店，視覺、嗅覺、味覺都可以滿足到鍾意打卡嘅你。…查看更多

星期五晚約咗同朋友出街食飯，朋友揀咗去呢間，本來普通晚飯都冇乜食評以寫，點知你第一道菜飲佢個湯嗰時發覺好好飲，叫咗洋蔥湯，真係好正，好正宗，另外個酥皮龍蝦湯都好好，有龍蝦肉又夠鮮味，羊架夠新鮮，龍蝦三文治感覺好refresh。餐廳地點方便，食完飯可以再講隔離happy hour 🍻…查看更多

今日同朋友食飯，突然間想去食炸雞就揀咗呢間試吓，排咗成半個鐘頭隊，本來排到一半已經想放棄，但係排緊隊故事發光叫號碼嗰個職員原來係講韓文嘅，我同朋友就心諗韓國人開嘅可能會好比起其他餐廳嘅口味正宗，所以就決定繼續等落去。入到去之後發覺，門面可能感覺上有啲細，不過入到去起碼佢有好大嘅空間，坐低之後就急不及待去點餐。餐牌語言有中英韓，炸雞主要分為焗同炸、乾身或有汁，最後我就揀咗兩味 （原味同埋香辣），另外仲加咗個煎海鮮餅。炸雞食囉好似喺韓國食咁好食，煎海鮮餅好脆口(唔似出邊其他啲煎餅識落有啲粉狀嘅感覺) 而且煎餅光面你有放金菇上面去煎，口感一流。整體體驗唔錯，服務員嘅服務又好好，一定會再翻去食。 下次會去試埋佢啲歌好邪惡嘅鹹蛋黃炸雞🍗…查看更多

第一次去Loahas Park 消遣，睇完戲之後喺商場周圍行，特然見到有麻辣火鍋，突然好想食因為好耐冇食過。入到去鼎王麻辣火鍋之後，發覺內部裝修同台灣店極之相似，服務員嘅服飾同態度都係同台灣點一樣親切。座低之後，服務員都耐心講解 菜單、火鍋湯底及可以無限添加鴨血、豆腐、酸菜 ，另外可以無限添加米飯及醬料。除此之外枱嘅兩邊都有個櫃桶放大量紙巾、濕紙巾及牙籤，方便食客使用。因為我最近開始生酮飲食，所以冇試過佢啲飯，但係叫咗好多肉 （有牛、豬、羊），最特別嘅係佢有瑤柱滑，喺其他火鍋店都冇見過，佢個花枝滑都好食，有台灣嘅感覺。另外佢嘅蜜桃茶都好好飲亦都係無限添加。特別想提一提，服務員會很貼心留意客人是否想要服務或添加飲品的食物，不需要客人主動要求添加鴨血。對今次用餐🍴體驗十分滿意👍🏼，好放鬆嘅一天🥰…查看更多

好小地方下午茶套餐有得叫炸鴨脾，而且價錢十分公道，只係四十幾蚊，就可以有炸鴨髀，有埋沙律同飲品，凍飲都係加$3蚊，而且凍飲個杯好好質地，可以重用，不放一試，值得推介！ 聲明，本人因為喺附近番工，所以常試此店的下午茶，並無接受該餐廳任何特別優惠及待遇。…查看更多

喺觀塘區打滾左咁多年，食過好多間唔同嘅食肆，雖然觀塘有好多日本餐廳，不過大部份都平平無奇，唯獨是呢間食過幾次我都覺得唔錯，尤其是去食lunch 價錢會比較優惠，而且服務都唔錯…查看更多

由於最近嘗試生酮飲食，所以好多嘢唔可以食，因為太肚餓嘅關係經過呢間餐廳(嚐味)，見到門口個下午茶餐牌有個 香茅豬扒焗豆炒蛋餐，除咗塊多士之外，都算係生酮飲食可以食嘅嘢，所以就入咗去食。點餐嗰陣時同服務員講我想走多士，服務員有再confirm我一次，相信因為好少客咁做。入咗單之後估唔到出餐嗰時有驚喜，廚房位師傅知道我走多士，可能估到我想減碳，所以換咗菜沙律俾我，見到嗰時我真係好開心，我生酮飲食左兩個星期，第一次有師傅咁貼心❤️幫我自動轉做菜沙律👍🏼冇諗過幾十蚊嘅茶記下午茶竟然有咁貼心嘅服務，抵贊👍🏼👍🏼…查看更多

服務一般：店員好忙，明顯人手不足，不過店員已盡力做到最好的服務食物一般：不過不失Pot of coffee - 用碗嚟飲咖啡真係第一次Mocha & White Chocolate Scone - 配合佢廣橙過醬都唔錯，不過個人比較鍾意原味Soup of the Day (Carrot & Ginger) - 一般啦，不過佢個辣醬幾好，配麵包食感覺幾好Ham & Cheese Croissant - 不過不失，麵包ok 嘅，如果用再好啲嘅芝士就更好Wild Mushroom Toast - 我覺得係以上幾款之中最好嘅，可能個人比較鍾意食白汁，感覺好似張白汁意粉嘅料放咗上個薄身嘅多士上面，白汁裡面有好多料👍🏼…查看更多

傳說中嘅蛋白腐乳西多士，口感一流，麵包厚，口感一流，鹹田交集嘅感覺另西多士升華到另一個境界，奶茶香滑，我會係你嘅回頭客。如果用導航去目的地，唔好跟 Openrice 個定位，要自己將個地址入落去 Google Map，佢個位置喺買海鮮條街入面…查看更多

餐廳環境還可以，最好嘅方面就係電視夠多，方便睇波或者比賽，但食物就唔係咁得1. 我從來都未食過甜嘅 Buffalo Wing2. Nachos 嘅配料集中係一個地方度放，一啲都唔平均3. 芝士薯條嘅芝士少得可憐如果唔係睇波，完全唔建議去。…查看更多

朋友介紹去試，打幾次電話去都無人聽，所以直接去睇下，去夜晚9點幾都從喺爆場，好彩攞到最後張枱，雖然店員好忙，但都盡量為我介紹店的食物及食用方法。以依種方法食串燒我都係第一次，好特別，等食物燒熟時又可以享用瓜子。不過要等食物燒熟需時，如果超級肚餓，建議下次再試。…查看更多

良辰美景 🌳 ， 鳥語花香 🦅 ，清新空氣，水滾茶靚 🍵 （有水仙、香片、 壽未、普利），好食嘅懷舊式廣東點心，停車場可泊約二十部車輛🚗，荃灣開車過去約十五分鐘，有小巴到村口落車後步行約兩分鐘，假日休閒好去處。…查看更多