拉妹的個人專頁

表叔火鍋都聽朋友介紹過，今日終於要去試吓，叫咗個杏汁白肺湯做湯底，由於黎到太香🤣侍應哥哥叫我哋先飲湯後打邊爐，掛住飲湯冇影😵‍💫安格斯牛頸脊好有牛香，入口又軟，物有所值，池魚王刺生係一日前訂，真係冇介紹錯，鮮甜有膠質，再攞個骨腩去椒鹽，食唔停口🤣象拔蚌爽脆鮮甜，仲有其他打邊邊嘅就冇影，同朋友邊飲邊食，極愉快嘅一餐👍🏻朋友話好快又再黎🤭…查看更多

首先可樂唔凍，話雪櫃可樂無晒！問有冇冰底，話冇冰😡賴尿蝦乾蒜蓉粉絲蒸勝瓜，我真係見識少，蒸勝瓜變湯浸勝瓜，個賴尿蝦乾未浸透！椒鹽墨魚咀偏咸！金沙四季豆，四季豆係出水後再翻炒落咸蛋度！比較正常係隻炸子雞，總之食唔飽，都唔會再想叫其他嘢，浪費金錢！…查看更多

見到食評好似都唔錯就去試吓，伏晒！我相信冇咩人鍾意全餐飯催你食快啲，都冇人鍾意張枱細一次上晒啲餸。首先黎左個椰子雞湯鍋，跟住就不停上嘢，個湯焗緊就已經叫我地快啲飲「你地仲有好多餸未上」，湯唔熱架？點快！我哋都盡飲，已經見到個牛肉出左佢地櫃頂，由於未食到枱面嘅嘢，上唔到牛，個牛就不停起出面等，到上枱已經溶到開始出水變色，又要張2款餃自己合併一碟，全晚食到好似限時餐咁！得一樣嘢叫好味（椒鹽魷魚），其他都唔得！肯定只此一次！🤬除非你想食快餐！…查看更多

態度差，無人理！幾個朋友都想食粉麵，咁就諗住大間啲食佢！首先，入到去3張枱未執！咁就職員執啦，得一條友做嘢，又無視你，再3叫佢先黎執，話可以寫嘢（因等執枱過程太耐）已經諗好晒食咩，叫我地等等，一等又6分鐘😡仲要黎到吚吚哦哦咁話我地吹佢😡點解得一個人做嘢，見佢地有幾個食飯，唔係話唔食得飯，都唔係安排一個人做嘢，又執又寫嘢又上枱，邊個做都燥！唔怪之得走晒去第二度消費！食物味道中規中矩，都係正常份量。…查看更多

今日見識到，原來收取加一服務費係要自己做嘢🤬我們叫了幾個套餐，枱上面嘅餸，一碟碟都放咗有8成滿，職員為求放低碟餸即刻走人，佢竟然張放餐巾嘅碟攞起遞給我們🤬跟住再黎嘅餸菜都唔係佢執位，佢企起後面等我地推開先放低！套餐跟嘅白飯係微暖！一定唔會再去…查看更多

午餐，鋪內一陣類似香精味，個鼻非常難受！食物，幾個朋友都話差！泰式金邊粉超酸！冇餸收$68！$58菠蘿炒飯最簡單，但冇味，當然都冇料！紅咖哩豬，咖哩太水！奶茶有怪味！可能泰式奶茶我唔識嘢！有怪味！再講叫左3杯凍檸茶小甜，冇冰不特止，仲要甜到驚！中伏一次就夠！…查看更多

見到團購有晚餐試一試！點知.......一見到放低的食物賣相其差，火鍋菜連泥都未沖，芝士年糕，全個未熟 ，個炸漿都仲清楚見到，最好食係雪米糍同炸雞翼，真係冇下次！…查看更多

諗住搵間餐廳好d食扒，點知後悔到爆！  其實入面冇人食，心諗不妙，但友人想食扒。我點了一個T骨扒，朋友們叫了招牌牛扒及什扒。首先講個什扒，外表已經好差，冇雞扒，火煺唔係煎，係炸到又乾又冇味，牛扒變牛什會，細細件碎肉，當然都係乾到硬！而我個T骨！！！！T骨係食兩個味的牛，而佢果件得一面，另一面全都是肥膏，$95的價錢都太少嗎？再講，餐廳服務超差，入到去冇人理，佢地自己人講野極之大聲，仲句句粗口，咁不知所謂的地方我一定唔會再去！…查看更多

好耐都冇食，今日突然想去食個芒果腸粉，一放低有陣酸＂宿＂味，西灣河明記好味過佢多多聲！而且份量比之前少了！叫了個芒果紫糯米，味道一般。椰汁紅豆冰大+6好味個佢囉！仲有最差超級差的燒賣，仲硬架！好明顯起冰箱攞出黎叮啦！想食丁麵，話跟是日特飲，問佢竟然話係可樂/珍珠奶茶，嘩....真係好特別呀！曾在佢剛開店時，本想去小甜谷，因人太多走入去試，而那時真的好好味，貨真價實，我仲同老細講會幫佢在網上推介，點解差到咁架:(可惜經今次後我唔會再去。…查看更多

今日le餐永世難忘！1.乳豬唔知咩飯~個賣相可以，但食落又唔鬆脆，係硬脆！又油、又肥！隻豬內的飯多到傻，同荷葉飯冇咩分別！2.豉汁炒聖子~就係這碟嘢令我永世難忘，一上枱發出強烈陣陣腥味，已經知唔新鮮，但諗住試吓，食完即後悔，仲有泥味！3.砵洒蠔~又係腥到痴線，得美極味同腥味，最後淨返一大半:(！4.豬肺湯~全餐嘢中間終於有味正嘢，le個湯真係好飲。鮮甜、唔咸飲完口唔乾涸應該冇落師傅。4.西蘭花炒斑塊~都係腥，但可接受。仲有幾樣都食到好激氣，同行的朋友叫我一定要上網唱衰佢，仲話以後一定唔會再去！用咁ge價錢有好多選擇，而且我仲癲，諗住正嘢住起香港區走入去食，點知中伏丫…查看更多