Sherisheri的個人專頁

難得今日返半晝，可以慢慢歎午餐，揀左一間舒服好坐，lunch set選擇多的cafe，同朋友一邊吹水，一邊享受美食。又分享下我食左d咩先：午餐包主菜，沙律，同埋飲品半價🥗沙律有驚喜，大大碟之餘，仲有一塊Parma ham連一塊香香脆脆的麵包。主菜點左🐂蒜烤澳洲西冷扒$148。牛扒大大塊，而且相當鮮嫩多汁。仲有兩塊薯餅同埋太陽蛋，加沙律。非常豐富！另外點了鮮茄龍蝦汁海鮮意粉。$100都唔洗竟然食到手工意粉，彈牙又有口感，而且非常掛汁。點左兩杯凍飲：mocha同埋yuzu latte, 柚子配咖啡是意想不到的驚喜配搭，清新又容易入口，再大杯d就perfect了！意猶未盡點了兩個甜品，賣相非常instagramable! 而且比想像的大份❤️綠茶tiramisu的忌廉好順滑，綠茶味甘香，草莓芝雪山好適合夏天食，大大球士多啤梨雪糕配新鮮士多啤梨仲要有個芝士蛋糕同croffle, 真係一個甜品滿足晒三個願望💕大推！…查看更多

想喺屯門市中心搵一間唔太貴，又好坐舒服嘅西餐廳，我推介錦薈坊嘅Delifrance Bistro! 同朋友點了兩個套餐🐱新西蘭草飼牛柳藜麥飯 $102份量比想像多，牛柳大大塊，牛肉很有咬感，也富牛肉香味。藜麥飯偏硬，有淡淡香草同忌廉味，仲有少少蘑菇同車厘茄。🐱蟹肉牛油果青醬意粉 $118必點！蟹肉很多，仲有我最鍾意嘅牛油果😍意粉沾滿青醬很香，配檸檬汁清新開胃！🐱自家法式拿破崙蛋糕 $39必點！套餐add on,性價比超高！上碟有巧克力醬裝飾，賣相吸引！酥皮脆忌廉香，莓子酸酸甜甜，口感豐富，而且大大件兩個女仔分剛剛好！🐱法國軟心冬甩$12口感好鬆軟，而且唔會太甜膩。🐱隨餐送是日餐湯蘑菇湯蘑菇味很香濃，有粒粒的口感。配湯嘅多士也很脆。🐱隨餐送飲品熱即磨咖啡和熱錫蘭奶茶奶茶奶味香醇容易入口，即磨咖啡味道也不錯。…查看更多

元朗形點最近開了很多新餐廳,今日午餐我同同事就決定試下呢間連鎖日式燒肉店。這間日式燒肉店的午餐選擇相當豐富,我們點了三個不同的午餐套餐：首先是「黑毛和牛大判燒拼 US 牛板腱肉」,售價258元。招牌黑毛和牛大判燒雖然是薄切，但超級大塊！滿滿的雪花帶來濃濃的牛肉油脂味，入口即溶，是我的最愛。美國牛板腱肉相對厚切，每一口都充滿質感。隨餐仲附有一隻溫泉蛋，點牛肉食滑嘟嘟，牛肉香味加蛋香真是絕配！第二道是「黑毛豚盛合」,售價148元。這個套餐有不同部位的黑毛豬肉, 包括黑毛豚無骨小排、黑毛豚頸肉和宮崎黑毛豚香腸。每一種肉質的口感層次豐富。尤其是肥瘦相間的無骨小排，在高溫下烤制後,油脂完全融化,入口即化,令人回味無窮。豬頸肉很彈牙。香腸的豬肉味也很香。我很喜歡燒烤時爐不會痴底，能將肉烤制至恰好的熟度,外層焦香,內裏能保持粉嫩多汁的原汁原味，感覺很好。醬汁方面，秘製檸檬汁、辣醬和醬油亦為肉添加了味覺的層次。最後一道是「海鮮泡菜烏冬」,售價138元。兩隻大蝦超級鮮嫩彈牙，烏冬Q彈有勁,泡菜酸辣開胃,與嫩滑的海鮮完美融合。定食套餐還附有一小碗味噌湯和白飯, 搭配清脆爽口的生菜沙拉和冷盤牛肉粒前菜。保證一定夠飽！…查看更多

今日去了建生附近一間中高檔西餐廳午餐。午餐包餐湯/沙律、餐包、主菜、飲品。首先,開胃的蘑菇忌廉湯香醇濃郁,入口即化,為整個用餐奠定了良好的基調。汁香濃郁,蘑菇的鮮味與奶油的絲滑感交織在一起,令人感到格外舒適愉悅。另一個餐點了田園沙律,清新脆爽的蔬菜搭配恰到好處。緊接著,香煎的西班牙豬鞍扒讓人大飽口福。肉質鮮嫩多汁,微帶嚼勁,搭配醇厚的蜜糖芥末籽汁,酸甜滋味完美融合,既突出了肉類本身的風味,又增添了獨特的層次感。而另一道美國牛肩胛翼板肉扒肉質紮實彈牙,配以濃郁的紅酒燒汁,在肉香中添加了一絲酒香,更是增添了層次感。值得一提的是,兩道主菜都恰到好處地控制了分量,既不會讓人感到過於飽和,也不會讓人覺得不夠飽腹。這樣的設計非常貼心,充分體現了廚師的用心與專業。作為餐後飲品,我們選擇了凍檸茶和凍奶茶。前者清爽可口,後者香甜滑順,都完美地中和了前菜和主菜的濃郁感,為整個用餐增添了餘韻。…查看更多

「吉祥冰室」已經變身為全新的「上海菜劉興記」,雖然店面陳設差不多，但餐牌全面改變,給食客帶來了一番全新的美食體驗。首先,S1的「上海排骨湯麵 + 生煎包(1隻)配(凍)豆漿」以54港元的價格提供了一份可口而又飽腹的午餐選擇。排骨脆、大大份，生煎包爆汁，湯麵正常發揮。其次,S2的「麻醬手撕雞粉皮 + 生煎包(2隻)配(凍)豆漿」以同樣的54港元價格提供了一個清涼夏日的好選擇。揀左多醬,麻醬好香,粉皮彈彈，這無疑是一個開胃可口的搭配。生煎包仲要有兩隻，抵！最後,單點的「糖醋炸排骨菜飯」以46港元提供了一份家常美味的選擇。抵食,菜飯大大碗,糖醋炸排骨香酥,排骨半肥瘦。如果配餐的豆漿能夠較大杯,會更加完美。…查看更多

晚餐，約左細妹去Toss蘇媽蘇媽呢間在屯門市廣場新開不久的馬來西亞餐廳。 一走進蘇媽蘇媽，我立刻被它乾淨明亮的環境所吸引，典雅的裝修和舒適的座位讓我感到舒服。我首先點了椰香咖喱豬頸肉叻沙滲滲。咖哩味很濃，偏重口味，豬頸肉的份量十分豐盛，肉質鮮嫩。每一口都充滿了椰香和辣味。而且份量很大，普通一個女仔好難食得完。接下來，我嘗試了他們的辣死你嗎配烤雞脾。這道菜色彩繽紛，令人食欲大增。烤雞髀外皮酥脆，內部卻保持著嫩滑的質感。切開時，肉汁四溢，搭配著椰漿飯的香氣，完美地融合在一起。最後，我品嚐了他們的馬拉沙嗲串燒。這份招牌菜包括了豬肉、牛肉和雞肉各兩串。沙嗲的味道濃郁，烤得剛好，香口香口的，而且肉質仍然柔軟。…查看更多

喺元朗廣場嘅桂花小幸，因鄰近返工地點，曾經係我嘅飯堂。因公事調動，一年無食，今日再訪，難得水準無變，一樣好食！炎炎夏日，首先點凍飲！呢度嘅飲品勝在大大杯，而且好足料。我揀咗夏日水漾鮮果茶，微甜口味，微酸嘅水果味好開胃。朋友點嘅柚子QQ山茶花賣相都好吸引。微甜，清新。台式小食拼盤係好大一碟，有炸花枝丸（2粒）、桂花雞翼（2隻）、炸餃子（2粒）同地瓜薯條。炸花枝丸好大粒，彈牙有口感；雞翼又大又脆，爆晒汁；炸餃子用咗東菇同豬肉，爆汁好滋味；地瓜薯條香脆得嚟又甜甜地。主食點了麻醬雞絲冷麵同涼拌貓耳朵。麵條夠晒凍，好適合夏天，好開胃。胡麻醬同辣油嘅香氣好香。另外我每次必點鹽酥雞排滷肉飯，雞扒大大份，香脆，滷肉同飯一齊食好香。平日午市人都幾多，不過今日兩點先去就唔洗等。可以慢慢食，幻想下自己去左台灣。…查看更多

究竟點解屯市beans長期都要排隊呢🤔雖然人龍無剛開業時長，但食物性價比真的好一般🤔軟殼蟹黑松露意粉的黑松露味淡，軟殼蟹又少又無咩肉。周打海鮮risotto賣點可能真係用cream soup做底？得幾隻細嘅雪藏蝦同埋好細嘅蜆，海鮮味真係感受唔到🤔點了兩杯無所事事飲品，我嗰杯鮮奶珍珠奶綠嘅珍珠又硬又淡，茶味同奶味都唔香。蛋糕可能已是最出色嘅部份。紫薯撻混了麻薯口感挺豐富，抹茶卷的抹茶味都幾香。人均二百蚊嘅lunch我會期望更高。應該又係短期唔會再visit嘅鋪頭。…查看更多

之前外賣自取$84連珍珠奶茶（另加$1外賣盒，$1外賣餐具。） 今日買嘅時候$1的外賣餐具無比，（明明比左錢），仲要另加$14先有珍珠奶茶😮😮😮😮😮😮😮😮😮因為係叫我老公去買，所以佢返嚟我先發現貴左咁多！份量仲要好少。（第一次外賣自取呢個餐所以之前唔知）咁嘅份量你覺得值唔值100蚊，唔怪之得香港飲食業步入夕陽。仲要等成20分鐘先有得拎😒明明餐廳入面已經無咩人了。真係有排都唔會再幫襯！…查看更多

好耐無食過吉野家，連個app都del埋。不過見alipay有優惠卷，午市晚市滿$50-$5，就入去食。見到餐牌同以前唔同左，就諗住試吓。叫左個吉列豬扒定食$61-$5，配味噌湯。如圖片所見，豬扒細，仲要炸到又燶又乾，肉的質感仲要靭。真係超伏。唔會再去！…查看更多

忽然想食泰菜，看到網上評語幾好，星期六都有午餐set，就去試吓。門面闊落，裝修很有泰式風情，落一層樓係餐廳，鋪位很大，給人整體感覺不錯。點了2個午餐set $75+10%🐰豬頸肉粉河🐰蝦醬炒飯🐰泰式蝦餅+$28🐰馬拉盞通菜+$28🐰熱檸水$0🐰凍奶茶+$3一上菜嘅蝦餅熱辣辣，炸得也脆，而且厚身彈牙，好食。泰式奶茶味道也正宗。可惜主菜實在強差人意。炒粉炒飯毫無鑊氣之餘，上菜時竟是涼涼的😫要求翻炒後熱了點，但還是沒有剛煮好熱辣辣嘅感覺。炒飯無咩料之餘調味偏咸，太乾身，味道好似糯米飯。堅唔好食，吃剩了一半。通菜正正常常。整體來講，門面裝修真在不錯，但食物質素有待改善。食完之後仲要相當口渴，可能用了唔少味精🤔🤔…查看更多

住附近，一路有幫襯開，其實我都知嗰頭d餐廳多蟲鼠，今日食完成碗麵（外賣）先發現有隻死小強🤢🤢🤢🤢🤢🤢🤢🤢🤢🤢太嘔心，無影相，日後唔會再幫襯🥲🥲🥲🥲🥲🥲…查看更多

好耐無去市中心間稻香飲過茶，星期六見唔洗等位，就入去試吓，點知極伏🤢🤢🐱座位方面，全部枱坐得密密麻麻，毫無防疫距離。🐱上菜極慢，十五分鐘先送上一點心，仲要明顯食物質素唔係即叫即蒸，唔明點解等咁耐🐱兩點已無晒蝦餃🤯🤯🤯🤯🐱點心大部份蒸得太耐，好濕，尤其係蒸包，口感好差😵‍💫😵‍💫最恐怖係椒鹽香脆魷魚酥唔脆嘅，完全係淋嘅，點心送上枱時係半暖半凍，味道大打折扣！賣相甩皮甩骨😳慘過外賣🤯絕對唔會再encore🥺🥺🥺🥺…查看更多

今年都食左好幾餐酒店buffet，呢間（喺openrice評價一般般號）竟然係今年最滿意嘅，實在係喜出望外！第一大讚嘅係環境！到酒店吃自助餐當然係環境優先！裝修典雅，樓底高，座位非常闊落舒適。因為訂位時備注生日，被安排到自成一格的偏廳，客人不多，能安安靜靜享受晚餐真係好難得！食物方面，選擇唔算很多，無生蠔、鮑魚、花膠之類，但大部分都好食！最最最喜歡嘅係即煮龍蝦，而且有3款食法—冷盤、烤、芝士焗。烤龍蝦肉很香很軟，我吃了好幾隻。鐵板燒帶子同虎蝦又係好大隻好有口感好香！蟹腳也很鮮甜。甜品種類繁多，而且生日仲送原個生日蛋糕，多貼心❤️服務方面也非常細心，服務員有禮貌也勤快！由6點可以食到10點，可以慢慢影相，慢慢食，生日就是要好好嘆嘆慢板。性價比超高，openrice訂位有8折，埋單$700@都唔洗，出年可以再encore!…查看更多

厚福街好多好味嘅餐廳，呢間我第二次來。藍白色配淺木色嘅interior令人有種歐洲小屋嘅感覺，臨近聖誕，cafe多左一d聖誕佈置，有節日氣氛之餘，增添左一份溫馨感。我地點左3個lunch sets， 每份lunch set 除左有主菜，仲配有是日餐湯、沙律、精選甜品和咖啡/茶，性價比超高！🐱 是日餐湯、沙律挺濃厚嘅忌廉湯，沙律菜也挺新鮮。多士很脆，很香牛油味。🐱醬燒豬肋骨配炸薯條$143 兩大條長長嘅豬肋骨，燒得外脆內軟，甜甜酸酸嘅醬汁非常開胃。薯條份量幾多，熱辣辣很香口。🐱烤澳洲黑安格斯牛側腹扒配炸薯條 $152牛魔王必點：份量挺多，而且牛肉味濃！七成熟都唔會太靭，烤得挺香，而且肉質鮮甜。🐱蜜糖煙肉雜菌薄餅 $88最愛吃薄批，批身香脆，餡料也多。蜜糖風味甜甜的挺特別。🐱精選甜品好可愛嘅紅絲絨蛋糕😍唔算太甜，海綿蛋糕般嘅空氣感唔會太膩，唔錯。🐱招牌水果茶（熱） 跟餐+$15.0可以點各款特飲便點了一個招牌水果茶。香甜水果味加啖啖果肉，茶壺很別緻，一直用蠟燭加熱即使傾好耐偈茶都仍是很溫暖。🐱熱檸水算幾大杯！🐱腰果意式奶凍$68紅紅綠綠、色彩繽紛嘅水果配搭真係好Christmas🎄奶凍滑身得嚟口感黏黏地挺特別，牛奶同杏仁味挺夾！…查看更多