iammin的個人專頁

食物質素越嚟越差，價錢又越嚟越貴。今次系最差嘅一次，晚餐點咗個水煮牛肉，要$119，差啲貴過人哋嗰啲正宗嘅川菜館。味道呢，又唔辣又冇味，好似求其淥熟咗啲牛肉放啲兩滴辣椒油落去咁樣，而且仲唔捨得放辣椒油，放咗兩滴咁多！完全見到個湯嘅顏色，有冇理客人嘅感受，完全符合”有貴又難食”呢句說話!唔怪得星期六都系得兩三台客,以後都唔會再幫襯!______________________________…查看更多

之前無響度用過餐，本來想訂個盆菜過年食，所以提前打了電話咨詢，電話裏面的人語氣已經唔好，又話要買券先得。跟住收工之後，走去問。門口沒有盆菜價錢，入去問個經理，佢問我要幾張，我話有咩價位的？因為網上查唔到價錢，佢就指一指，門口裏面的牆，響嗰度，你睇完先過來買啦(語氣不好，好欠爭佢幾百萬咁),跟住睇完，想買嗰陣，嗰個經理岩岩行開佐，剩返兩個待應，話已經賣曬啦，岩岩有個人買曬啦，我話一分鐘前你經理問我幾張，依家又話賣曬？真系一間臭名遠播嘅酒樓，好彩無幫襯過，唔怪得個個北上消費啦！…查看更多

一早聽聞荳子這間餐廳，聽朋友講幾好食，所以特登過嚟試下，嚟到嘅時候已經好肚餓，見到好多人排隊應該幾好食啩。等咗差唔多10分鐘就有位，見賣相唔錯，點咗個八爪魚意大利飯，（八爪魚好un ）黑蒜蜆酒意粉，（又咸又唔香）最後仲點咗個全日早餐,只有個冬甩系比較好食，所以都係食環境囉😔______________________________…查看更多

之前同同事點過外賣，可能系嗰間分店嘅問題同時間放得太耐，覺得唔好食，冇傳說中咁驚喜。 今日經過元州商場突然間仔仔話想食快樂蜂，跟住就上去點咗個下午茶套餐打包返屋企食。 首先，薯條好脆，炸得啱啱好！比M記嘅更加脆。其次，炸雞外層炸得好脆，裡面雞肉好鬆軟，又唔會太咸，食完再想食！ 服務員是菲律賓的，態度好友善和親切，以後都會來！——————————————————————————————…查看更多

成日經過哩間拉麵都排隊，今晚竟然唔使排隊，所以坐下試下！點咗碗店長推薦拉麵，慢煮叉燒OK幾滑，但系火焰叉燒好鞋。D麵都幾煙韌，糸有心做嘅，可能系肚餓的關係，我叫多咗個麵底，麵底都幾大，先加多$20,系幾抵嘅。不過湯底又咸又漏，食完第一碗，加底嗰個食唔到，太頸渴！足足連飲三杯水🥵，其實有心做豬骨拉麵，唔應該放咁多調味和味精。總結，食一碗可以，食第二碗就太漏，唔系令人食完又想食嘅拉麵。😢———————————————-…查看更多

之前食过呢度嘅嘢觉得唔错，所以下午茶又想嚟返呢度食。點咗個炸脾薯條，下午茶餐炸比薯條都要$48，隻雞髀好細，薯條就一個匙羹咁多，睇落已經覺得唔夠飽，但係個雞髀好咸，而且係底部有啲紅色嘅肉好難切得開，唔好話食啦，切都切唔開！啲薯條又硬又少，一啲都唔脆，俾乞兒食都唔止咁少啦，以後都唔會再去呢間嘢，簡直係搵笨嘅！我睇見隔離嗰啲龍城炒米更加恐怖，好似冇炒過一樣，啲米粉仲係白色㗎！我真係好懷疑呢間舖頭係咪識煮嘢食㗎！依家香港嘅飲食文化真係好奇怪，唔識煮嘢食嘅都開餐廳😳，一個咁普通嘅炸比薯條你都做到咁難食，求其搵間茶餐廳都好食過你啦，仲要$48！…查看更多

真係一次比一次難食！有日中午，想搵個環境清幽嘅地方食中午飯，就諗起呢間泰國嘢！之前食過晚飯都係貴夾唔飽，今次點左一個青咖喱雞，咖喱汁還可以就係啲雞呢一陣怪味，類似藥味，我全部雞都冇食到，價錢又唔係特別平，總之就係好差嘅體驗，個店員又成日冇笑容，好似一副唔想做嘅樣子總之以後都唔會再去！——————————————————————————————-!…查看更多

過嚟做檢測，諗住打包返公司食，揀咗呢間泰國菜！點知叫咗個咖喱雞，啲雞肉好怪，有陣怪味，而且啲雞肉顏色都好怪，紅紅地，唔系平時嘅白色，我一舊都冇食到！奶茶冇茶味！超級中伏，仲要買$55一個餐，……………………………………………..….………………………………………………………………………………..下次都唔會再嚟呢間嘢！…查看更多