wingwing愛喵喵的個人專頁

疫情之前閨蜜ABC就已經黎食過,當時我因為工作缺席,只記得佢地話超級好味.然後就相約下次聚會再食過.結果疫情三年,加上之後各自有家庭有小朋友,終於,今晚終於約到重聚lee間泰國餐廳.閨蜜A一早book左位,所以黎到就已經可以上二樓四人抬.我地order左兩串和牛燒烤,兩串豬肉兩串豬頸肉,三隻雞翼,一份馬拉盞抄通菜,菠蘿炒飯同大蝦冬陰功湯.而且食泰國菜,就不得不破戒飲左泰國奶茶.真係好正.但薑汁泰國奶茶都好特別好正,值得推薦.(食到咁上下先記得影相,好多其實都食左飲左大半)串燒好快就上,味道好正.特別係醬料!之後係我最最深愛嘅冬陰功湯,哇,真係正到飛起.隻大蝦應該係龍蝦仔.但我關註點一直係個湯本身就好正.令人想要一飲再飲!馬拉盞炒通菜分量好大,四個人都差D食唔曬!菠蘿炒飯非常足料!大大隻蝦,魷魚同肉鬆.味道適中.講講下口水都流曬.過兩日我肯定又要再去多次.為左冬陰功湯!…查看更多

上個月同姑姐食過一次，剛好同臺係佢地店長食緊飯，服務態度幾好而且中間見佢同D客有傾有講，所以印象唔錯，食物水準都ok。所以公司開完年就打算決心龍年返工第一餐lunch就食佢。然後提早上網check下menu想要睇睇有咩食，結果見到好多人評論態度唔好嚇到我以為我係咪搵錯店。中午lunch時間稍微提早少少去到，已經滿人，好彩撞上有人走馬上有位。思考一晚，糾結到底食咖喱香煎牛舌好定咖喱芝士牛舌。最後芝士就是力量，就決定係你啦---咖喱芝士牛舌飯！最先上左個送嘅湯。有中湯同西湯揀。上次飲過中湯ok，今次西湯揀紅湯羅宋湯，材料都好足味道都ok。不過因為有落辣椒所以有dd咁多辣。飲左兩啖湯，好快飯就上啦。可以選擇飯or意粉。但咖喱點可以唔配飯呢！所以肯定揀飯！首先分量十足，如果唔係今日唔記得帶我嘅飯盒仔，我肯定要打包一半夜晚食。牛舌有三塊大大塊，雖然厚，但非常軟綿。外面有D脆，但入面又好軟綿。最正最正肯定係D咖喱汁。不愧係主打咖喱，非常香。我覺得單純汁撈飯我都可以食大大啖！！哦照片上的是火腿奄列，因為同事食lunch set有火腿奄列同沙爹酸辣肥牛米線，佢驚食唔曬，所以用奄列同我交換左一塊牛舌（所以照片上你見到只有兩大塊）至於被人詬病的服務問題，可能因為午市太多人，所以工作人員的確好忙。有時會出現仲差少少未食完但傾緊計佢地就會問係咪食完嘅情況。但整體黎講ok。…查看更多

今天帶小天使翻大角咀睇蝦故居，順便（主要目的）就係去食旁邊俾拉麵關註組推薦過嘅大丸ラーメン。努力趕在12點之前到達，但結果已經排左唔短嘅隊了[笑cry]本來有D擔心食唔到限定嘅貝丸，好彩到我地嗰陣仲有得order。最後我地係一碗蝦豚骨拉麵，一碗貝丸蝦拉麵。雙倍海老快樂。由於嚮門外等待嘅時候就已經落order，所以坐低之後大概喝左兩啖茶，睇完座位上D備註之後拉麵就送上黎啦。當時我們記住左下面lee段神奇嘅話，後面真係嘗試左，體驗非常神奇！我食嘅係蝦豚骨，櫻花蝦份量好足，湯底非常非常濃厚，但又唔會令人覺得漏。木耳絲非常清爽！！！叉燒偏軟綿，但非常入味，本來搭配麵份量好足夠，但因為湯太好飲，我不僅叉燒要搭配麵黎食，齋飲湯都會想要搭配叉燒，所以導致份量就有D不足了。因為這次攞到了印花，所以小天使話既然有印花至少要多黎食多一次湊夠3個印花得到一次追加！溏心蛋味道都很正，糖心軟綿但唔會很易漏。貝丸同普通蝦豚骨比起身多左5只大貝殼，非常非常非常鮮美！！！食嗰陣我仲擔心會有腥味或者太鹹。但冇，少少都冇！搭配蝦豚骨湯底真係非常美味。雖然冇櫻花蝦但蝦豚骨湯底依然出色。小天使食得津津有味，恨不得打包一碗翻屋企繼續食。吃完麵之後我就按照之前嘅tips搵店員加左少少昆布醋，神奇嘅化學反應出現啦！！本來我都唔覺得蝦豚骨湯底很heavy，但沒諗到加左昆布醋之後湯底居然變得清澈清爽！！！重新轉頭去小天使嗰碗喝兩啖蝦豚骨湯底，居然有D嫌濃厚添[笑cry]但好似話食麵嘅時候都係原味比較好，所以食完要齋飲湯嘅時候加昆布醋先更好。我地係11點57分左右趕到大角咀博文街，12點開門。貝丸每日供應有限，一般第一輪嘅食客可能就會order曬[笑cry]要order趁早排隊！100分滿分今次我可以俾95分！而且會額外俾3分昆布醋！所以最終分數可以有98分！…查看更多

昨天中午見難得唔需要排隊,所以就馬上去嘗試左濃厚蝦湯拉麵,湯底非常濃郁,有蝦嘅鮮味,但又唔會有腥味.叉燒非常軟綿,但厚度又足夠.唯一係筍乾有D硬,雖然我中意食脆筍,但今次又少少硬.拉麵冇的選軟硬度,剛開始我覺得有DD硬,但後面就好好多啦.今晚老媽子聽我昨天講到咁好味,所以就一定要拉我黎再食多次.所以我終於有機會嘗試昨天就想食嘅極上蟹白湯拉麵.湯底本來以為比蝦湯要清,但實際上要更濃稠.講係湯,實際更接近汁了.蟹肉鮮甜,昨天還覺得有點硬的麵條,和蟹湯搭配起來就剛剛好了.最後夜晚本來特別擔心卡路里的我,也沒辦法抵抗湯的誘惑全部清光.罪惡感爆炸啊.…查看更多

今次同幾個朋友一齊book左星期六lunch。環境一流，可惜大家時間夾唔到夜晚，不然夜景估計更正。lunch只有set可以選擇，不過菜品好豐富。海鮮拼盤因為我地7個人，所以比較壯觀。生蠔好新鮮。我最中意係蝦~味道清甜肉質又唔會死死實實。main course我對魚肉一般般，不過外表真係好靚。龍蝦湯口感非常非常好。牛排太好味所以我自己冇影低，不過lee款鱈魚都好香滑，而且冇腥味。dessert都豐富，自製甜品可以任選兩款。唔會好甜。如果選冧酒蛋糕，節目效果一流。總的來講，物超所值。…查看更多

出差完落車響太子，剛好lee間拉麵鋪係過境巴士車站旁邊，分數又高，所以我就忍唔住啦~環境唔錯，店員非常nice非常熱情~ipad點餐非常方便~~拉麵湯底因為忽然重口味所以選左濃，不過實際上都唔係太濃~味道ok只有一塊叉燒不過份量足夠食完一碗面。面係細面，一開始有d小硬，不過食耐左就幾好。總體黎講可以推薦~但如果要特登黎食就少左d驚喜~…查看更多

今日目標係九龍灣會展中心的武士拉麵.算係地理位置比較唔方便嘅拉麵店,but評價很高.今日趁去狗展做野就順便一探究竟Lunch時間比較平,不過之前做功課嘅時候我就在佢嘅招牌德川將軍拉麵(醬油魚介豬骨)同武田將軍拉麵(牛乳湯底)之間掙扎,然而lunch冇武田可以揀,咁我就揀左始祖將軍拉麵哈哈,畢竟我真係怕魚湯會腥湯底非常唔錯,濃而不膩,叉燒有火炙過,香味濃郁肥瘦適中.除左價格平仲送餃子或者飯.餃子鮮味多汁.有4種調味放係度,黑蒜油味道重,雖然好香但係建議先食一陣原味之後再加d嘗試下.另外就係香港傳統辣椒油啦.仲有旁邊嘅魚油同七味粉,我就冇嘗試.總體黎講非常唔錯!唔知尖沙咀嗰間lunch時間會唔會排隊而且有冇優惠呢~性價比好高,味道完全超出價格…查看更多

之前睇完套日本動畫 愛吃拉麵的小泉同學 之後就成日心思思去食拉麵,lee間一風堂食左兩次.今日中午早放,就又去過下癮.除左第一次食白丸,之後基本都係食赤丸.每次都同自己講,今次要試限定,但最終order嘅時候都不由自主點赤丸.冇辦法,忍唔到.動畫都有介紹一風堂,然後先知道原來杯茶都有名堂.以前一直忽略嘅配菜,原來味道非常好.我lee種唔like芽菜嘅人,食面之前都食左成碟.據講可以吸收脂肪,所以更加要食啦.湯底非常好,我雖然中意濃味但好似黑龍咁濃我又有D頂唔順.赤丸就fit曬.先飲用原味嘅湯,之後在將紅色嘅打碎.正!叉燒味道肥瘦適中,其實紫菜我一直唔知道幾時食先正確,我一般一開始就食.謝謝下又想食啦.下次再去其他拉麵店慢慢品嘗先.…查看更多