VenusKu0318的個人專頁

🐽餐廳環境好台式，主打食海南雞同甜品糖水🤗。👅幸運海南雞 ($72)海南雞唔會太肥，雞皮比較厚😛肉味都突出但肉質唔算滑溜，雞油飯既油味比較淡😕不過啲醬汁唔錯，點黎食酸酸甜甜惹味啲🙃+$6包埋套餐飲品同甜品都幾抵!試左椰汁紫米露同紅豆沙😃兩個糖水都勝在唔會過甜，紅豆沙有起沙感但紅豆味唔太重~。👅海南三寶拼 ($72)有海南雞、豬頸肉同鹹蛋😗豬頸肉口感爽彈! 呢到好既係主食有好幾款可以簡，連冬蔭公湯同喇沙湯麵都有😬呢個餐簡左醬香炒公仔麵，公仔麵咸咸甜甜咁幾香口🤪不過係油左少少!。👅金磚月亮蝦餅 ($36/4片)呢到既小食反而有啲驚喜! 蝦餅外皮似春卷咁包住👍🏼口感豐富，都食到蝦膠既鮮味😉。👅碳烤豬肉串 ($24/2串)個調味幾香! 豬肉串有肉汁😋唔洗點醬汁都已經ok夠味!。👅芒果雪山 ($78)一上枱大座到嚇親🤣芒果雪花冰質感實正，唔會好快溶👌🏻係芒果糖漿味，面頭層cream有奶粉味偏甜😶有好多粒鮮芒果幾足料，但芒果望落未夠熟有酸味🥭斑蘭果凍幾特別! 黑糖晶球同芒果爆珠有口感🤓兩個人未必食得哂~。👅幸運楊枝甘露 ($40)椰汁比例多好多，芒果汁唔多😀都係有陣奶粉味偏甜，芒果味比較淡🫢…查看更多

🐽呢間餐廳主打墨西哥菜🇲🇽仲有個bar可以飲下cocktail🍸亦有露天位坐都幾有情調！。👅燴牛面頰捲麵（$198）牛面頰肉用左紅酒同香草煮😃入哂味而且口感好鬆軟！最中意食形狀特別既pasta😆捲麵煙韌有口感，捲哂啲醬汁係入面👍🏻。👅蘑菇墨西哥夾餅（$178）夾餅好似比平時食既size大啲😝Taco皮脆口有口感，滿滿既餡料，一路食一路跌🤣夾左爽口既蘑菇🍄‍🟫仲有牛油果醬、莎莎醬同sour cream🤪帶微酸，味道豐富亦幾開胃！。👅串燒拼盤 （$88/6串）呢到既串燒好有驚喜🤩有豬肉同雞肉串燒，兩款既肉質都係脹卜卜，好嫩滑完全唔會嚡口😋加上面頭既調味係唔同，有孜然香同香茅味好惹味🤤。👅祕製燒墨魚（$138）燒墨魚都係必食🦑墨魚完整大大舊，燒到煎香夠哂彈牙🤗面頭既調味令成個味道更加突出！。👅反轉蘋果撻（$98）食埋個甜品就perfect啦！呢到既主食掂，估唔到甜品都係一樣咁掂😎蘋果pie好多係必粒，但我覺得呢到切片同個pie既口感會融合好多🍎蘋果片清甜，個撻好酥香👍🏻加埋士多啤梨味雪糕，味道同口感更加有層次😛…查看更多

🐽呢間主打食魚生丼飯都hit左好耐🤣旺角經過唔知食咩好就試試佢！。👅九公丼 ($178)咩都想試下簡呢個丼就最岩啦😙有海膽、三文魚、三文魚籽、牡丹蝦、蟹肉、時令魚生、帶子同拖羅蓉😁呢個價錢竟然有海膽都算抵食😝海膽雖然份量唔多，但比想像中鮮甜同creamy👍🏻其他刺身都幾新鮮而且夠凍，食起嚟好爽🤓呢啲丼飯通常係貴價唔飽，但呢到既飯量係唔少！再加啲小食，男仔都食得飽😌。👅虎燃四皇丼 ($118)有左口魚邊、三文魚、蟹棒、赤蝦同蟹籽，仲可以揀海膽醬淋喺面頭😛海膽醬甜甜地同炙燒係好夾！最中意食炙燒左既左口魚邊同三文魚🤩魚油香幾突出！。👅金龍卷 ($68)幾乎枱枱都嗌火焰壽司🔥店員會用火槍燒壽司碟邊，純粹係有視覺效果🤪面頭有炸軟殼蟹同沙律醬，入面包住玉子同青瓜🍣整體口感幾豐富！。👅海膽忌廉餅 ($28)唔會炸到油淋淋，外皮脆口入面包住滿滿嘅海膽醬😊如果入面加啲配料冇咁單調會更加正～…查看更多

🐽都係第一次試到馬場入面嘅餐廳😍呢間酒吧餐廳The Beat係非馬會會員都入得，但要預先上網book位😌入面有互動式AI揀馬站、Racing Specialist 提供「賽馬101」教學同一個好大嘅室內4K LED幕牆，用智能科技提供唔同嘅賽馬資訊😎仲可以一路食一路聽Live band🎶最正一定係對住個露台馬場景，唔洗同咁多人迫都睇到賽馬，氣氛好好呀🥰。👅脆炸三黃雞 ($108)炸雞唔會炸到油淋淋，雞肉可以再滑啲🐥加咗四川楓糖漿，帶甜味幾夾👍🏼亦可以點個烤蒜泥蛋黃醬，味道會更加有層次😆。👅意大利松露薄餅 ($118)薄餅比想像中厚少少🍕批邊脆口，中間有唔少松露同菇菌，味道幾香濃😝。👅迷你和牛漢堡 ($108)食細細舊無咁飽滯最特別係加咗烤牛肉醬、泡菜同蛋黃醬🍔酸酸甜甜咁無咁單調。。👅炸蝦 ($128)都幾大隻蝦🍤個脆度keep得唔耐，蝦肉彈牙啲會更加好🤓。👅西班牙油條 ($88)Churros賣相幾吸引🤩炸到好鬆脆，沾滿砂糖😈配咗肉桂辣椒朱古力醬同焦糖牛奶醬可以點，好邪惡呀🙈好啱做飯後甜品!。👅美麗傳承 ($128)嚟到呢到點可以唔試番杯cocktail呢🍸呢到有幾款都用咗馬名命名🐎味道酸酸地帶果香，最過癮係店員會係呢杯cocktail面頭打個波出黎好岩打卡🤗…查看更多

🐽元朗真係有唔少唔起眼但又好高質抵食既餐廳🤩幾中意呢間餐廳既環境佈置，好多花花好少女心💐💕又坐得舒服唔迫，我地weekend去慢慢嘆個lunch好relax😌佢地既咖啡亦比想像中出色，特別推薦榛子咖啡同Cappuccino☕個set包埋一個餐湯/沙律~。👅香煎盲鰽魚柳配日式柚子汁 ($118)估唔到呢個價錢都食到大大舊盲鰽魚咁有誠意，個擺盤又靚😳最正係舊魚煎得超好! 表皮係薄薄地好脆口🤩魚肉彈牙嫩滑有鮮味! 唔洗點個汁已經好好食🤤配埋焗薯仔同大蒜🥔🧄食完都夠飽!。👅牛油果英式早餐 ($118)兩塊半熟煎蛋好吸睛🍳大啡菇幾juicy又爽口! 牛油果熟度好perfect🥑仲有香脆既薯餅! 如果再多少少配餸會更加豐富🤗。美味指數: 8/10超值指數: 8/10…查看更多

🐽幾中意呢到既懷舊style😆同一個木系色tone好有feel!。👅蜜柑桂花酒釀雪燕冰蘇（$118）配左西米、柑桔醬同脆米😃柑桔味幾突出，好fresh既感覺🍊個冰壓得好實，介乎雪花冰同雪糕口感之間😙都溶得快！食到微微酒味，個雪糕係豆腐味，全部野加埋一齊都夾到👌🏻。👅茅台拿鐵朱古力布丁（$58）見就見過但都係第一次試茅台甜品😂係有陣酒香味，又無想飲中咁苦咁難入口😌加個咖啡醬落去，味道更加豐富👍🏻布丁質感比較稠身！朱古力味幾重，食食下有啲甜膩😕。👅焦糖香蕉布丁（$48）幾中意香蕉層焦糖脆面🍌焦糖醬幾甘香，又唔會過甜😛…查看更多

🐽有時唔想食咁大份野，食下串燒都幾過癮🤓。👅椒鹽燒雞皮（$10）雞皮脆口得黎食到皮既質感，唔會cham口👍🏻。👅燒雞腳筋（$10）腳筋細細舊但好彈牙，燒得幾香😝。👅雞爽肉（$10）口感無想像中咁爽口😗。👅椒鹽燒雞尾（$20）雞尾落左椒鹽吊一吊味燒，食落香口又有油脂香，正！😋。👅泰式燒墨魚鬚（$15）墨魚鬚好彈牙，食得出係新鮮嘢先有咁嘅口感，粒粒都厚肉🐙。👅鹽燒荔枝卷（$15）豬肉薄薄地包住一大粒荔枝😎味道清甜唔油膩，但略嫌有啲喧賓奪主🧐。👅老油條釀墨魚滑爆芝士（$20）油條酥脆mix埋鮮味嘅墨魚滑，食落滿足又層次豐富😝芝士流出嚟好邪惡！。👅椒鹽牛舌芯（$28）牛舌芯係成條牛舌最嫩嘅部位，燒完多左層焦香😛但內裏仍然keep到juicy爽口，熟度啱啱好🤩。👅韓風燒牛肋肉（$28）牛肋肉牛味都突出，用韓式嘅調味嚟燒好夾😙但肉質燒出嚟少少嚡口，可以再好🤨。👅蒜蓉欖角燒蟶子（$38）用蒜蓉呢啲嚟燒海鮮其實無得輸，再加少少欖角鮮上加鮮😆一啖啪晒隻蟶子確係好味！。👅花椒五花腩肉（$58）五毛腩肉塊塊肥瘦均勻，炸咗之後脆卜卜好啱送酒🤪但注意返落左花椒會帶麻同甘，中唔中意視乎個人口味😬。👅咖喱牛舌菠蘿包（$58）必叫！必叫！必叫！重要嘢真係要講三次🤭用菠蘿包夾住一大塊牛舌，上面仲有隻煎蛋，一啖咬落去滿足到呢🤤蛋香舌滑包鬆軟再帶咖喱香味，咸咸甜甜，欲罷不能🤟🏼。👅明太子忌廉烏冬（$58）每條烏冬都俾明太子忌廉包裹住，嗦完一啖又一啖，停唔到口😜。👅蜜糖多士夾雪糕（$48）仲有quota就要食埋呢個甜品！就咁蜜糖多士都已經好好味，仲加埋雪糕真係抗拒唔到🍯…查看更多

👅五香燻魚（$68）呢度嘅燻魚同出面食到嘅有少少唔同，用嘅魚大大件😃食落外脆內嫩，甜甜地好香口👍🏻不過魚有少少細刺，要小心啲食!。👅太白醉雞（$78）醉雞一上枱已經聞到好濃嘅酒味🤩一碟有雞髀、雞翼、雞胸三個部位，雞髀嫩滑啖啖肉🤓雞胸索曬酒味齒頰留香，雞翼皮爽脆，唔錯唔錯😛。👅小籠包（$48/4粒）呢度嘅小籠包非常貼心，每粒都有個兜仔裝住，唔洗驚用筷子夾穿個皮🤪咬落爆汁幾滿足，但湯汁可以再鮮甜啲，而個皮亦都可以再薄少少😗。👅銀芽鱔糊（$198）鱔糊落油撈勻之後好有食欲，同啲脆卜卜嘅銀芽一齊食都幾夾😝不過都係中意傳統落蔥、薑嘅「響油鱔糊」多啲！。👅香醋排骨（$138）排骨新鮮大件，一碟都份量十足😉個汁醬酸甜味岩岩好，每一件排骨都掛晒汁😋不知不覺食咗好幾嚿！。👅流心高力（$72/4粒）一嚟到大家都以為係高力豆沙，因為個樣係一模一樣，點知食落有驚喜🫢入面唔係豆沙餡，係兩種果醬餡😂exactly係二寶果汁糖流心個隻味同質感，都係豆沙餡先夾😅…查看更多

🐽成間餐廳裝修得幾有格調，好法式好放鬆既感覺😌有個大窗口可以見到大廚係廚房忙碌緊幾搞笑🤪。👅Pissaladiere ($128)用左focaccia麵包，幾有口感！面頭有焦糖洋蔥同鳀魚醬😗有洋蔥既甜味同鳀魚既咸香味🧅。👅Green Peas Salad ($128)青豆大大粒幾香甜，唔會有好重草青味👌🏻面頭有水煮蛋，不過青豆同流心蛋黃又唔算好夾😕入面仲加左薄荷同紅蔥頭，食落幾fresh🤓。👅Carpaccio de thon ($148)吞拿魚切到好薄，口感軟滑👍🏻加埋法式青檸芫茜汁同酸豆，酸酸地幾夾😛。👅Joue de boeuf confite au vin rouge ($288)慢煮牛頰肉好入味，肉質好軟淋😋個燒汁濃得黎唔會過咸！幾中意個牛油薯蓉，雖然好邪架😈但食到好香牛油味，加上薯蓉既質感好綿滑🤩。👅Vacherin Fruits de Saison ($118)係好classic既法式甜品😝蛋白霜脆口，都預左係偏甜，係接受到既甜度😉面頭係雲尼拿cream～…查看更多

🐽好耐之前去韓國食過幾正😎最記得個汁同冬粉😆有啲掛住個味就係香港食下過下口癮先！。👅鳳雛燉雞（$248）好多汁浸住大大碟咁好吸睛！開頭都驚會唔會食唔哂😂簡左小辣岩岩好，個汁開頭食係幾惹味，但食到後尾愈食愈咸😗全部都係無骨雞肉，雞肉好入味👌🏻但無想像中咁滑，有幾舊有啲嚡口，份量亦唔算好多🤔入面仲有薯仔、紅蘿葡，冬粉都係重點🤓有少少煙韌口感！加左魚蛋同魚糕（+$28）又係索味之選😌…查看更多

👅BBQ Set C ($499)呢個係2人set😎咩肉都有啲就最岩啦！烤五花腩唔好燒得太耐，會乾同韌😬一燒熟就食得，有少少彈牙感，但唔算好有油香😗烤豬頸肉肉質爽彈！牛五花卷住一卷卷，要將佢攤番開黎燒😝肉質中規中矩，因為無乜調味所以食落單調啲🤨調味牛肋骨最好食！個汁甜甜地醃到好入味😋口感亦好軟淋～。👅醬油韓國蟹（$68/隻）經 @kbap.bbq.hk訂座可以有呢個$68既優惠😎真係好抵食呀！會配埋紫菜飯🤓呢個價錢黎講都算唔錯，蟹肉鮮甜撈飯食一流😛不過唔好預蟹膏位好正啦，當過下口癮ok既😌。👅韓式牛展冷麵 （$118）牛展好鬆軟👍🏻食完燒肉最岩食番個水冷麵解下膩😆…查看更多

🐽呢到既環境唔算好grand，不過以fine dine既價錢黎講個CP值都高😎。👅8 Course Opera Tasting Menu ($1280/pp)Parker House whipped brown butter: 超級中意呢個包😍圓碌碌好cute! 個包勁熱辣辣好有麥香，外脆內軟🤤連埋黑蒜牛油一齊食，咸咸地不得了!hamachi caviar: fine dine點少得魚子醬呢😆幾中意個presentation，要用貝殼匙羹食😃最底係油甘魚粒，撈勻食幾有咸鮮味👍🏼Polmard Beef Tartare Smoked Pike Roe: 牛肉他他用左近江牛，入面加左柚子汁味道好fresh😙Jerusalem Artichoke Soup: 用左黎自耶路撒冷既菜薊，個漡味道有啲似合桃糊🙃Red Snapper Tomato Basil: 魚皮煎到香脆，魚肉比較彈牙😗個汁加左牛油、百里香、茄同羅勒，但略厭淡味左啲🤨Kagoshima Pork Belly apple: 黎自鹿兒島既豬腩，豬腩肉質爽彈😬配埋紫蘇葉同紫薯，增加個甜味~A4 Miyazaki Black Olive Yuzu Kosho: 宮崎a4和牛好布油香，又好在唔算好重膩感🤗幾中意個燒汁幾惹味!Crab Risotto: 用左煙煙韌韌日本七星米，龍蝦鯉魚汁好鮮甜😋食到停唔到口！Petit Four: 伯爵茶tart最岩我心意☺️其他個啲朱古力就偏甜～…查看更多

🐽呢間buffet呢期既主題係芝士🧀仲有crossover海鮮😎。👅自助晚餐 ($688平日/$728星期五至日)3月份食連埋加一$500有找😃一開波食左加拿大鱈場蟹腳、即開生蠔、藍青口同翡翠螺🦪🦀蟹腳唔會重鹽水味! 生蠔鮮味唔重但質感幾爽滑👍🏼仲有日式刺身都算新鮮! 有好幾款沙律開下胃🥗熟食雖然唔多款，但都有誠意既😁有煎鵝肝、牛舌、烤羊脾、粉絲扇貝、片皮鴨，炒蝦球...啲調味都唔錯😉話明芝士主題🧀一定要食芝士海鮮焗蟹蓋，仲有每枱一客芝士焗龍蝦🦞都幾大隻下~有個芝士火鍋一路熱住😛可以拎炸雞點下個芝士醬😋仲有鐵板熱溶芝士，不過啲芝士好快杰番做一舊😶甜品有榴槤芝士撻、芒果拿破崙、豆腐花、黑芝麻奶凍🤩有Haagen Dazs雪糕，但我無食，反而試左本地品牌既雪糕，有花生醬味幾正🥜另外，同餐廳出示呢個post可以額外有杯特飲嫁😌…查看更多

🐽好中意呢間韓燒店既環境佈置，有韓國人傳統屋企奢華既感覺✨。👅會長招牌套餐 ($498/2人)懶得諗直接嗌呢個2人Set😃肉拼盤有M6澳洲和牛小柳、美國牛頸脊、西班牙豬肋條同豬頸肉😆牛小柳比較有咬勁，牛頸脊既肉味重🥩我地反而中意食豬肋條同豬頸肉多啲! 豬肋條帶點油脂香，豬頸肉口感爽彈🤓我地一致覺得韓式醬汁牛五花最正😛牛五花脂肪位比較多，味道香得黎又唔會覺得好油膩感👍🏼阿根廷珍寶紅蝦size都幾大隻，有口感但無想像中咁有鮮味🦐個餐包埋2杯飲品，簡左唔洗加錢既柑桔檸檬汁同百香果梳打🍋🍊飲完感覺無咁熱氣同fresh啲~。👅辣味豬五花 ($68)無想像中咁多脂肪，肉質偏瘦😕都係牛五花好食啲!…查看更多

🐽呢間店主打外賣韓國炸雞🍗都有堂食位既，不過都要讚下佢地既外賣包裝黑撞金好型😎。👅黃金蜜糖炸雞（$188/隻）簡左呢隻蜜糖芥末味同無骨雞肉😃個醬係好均勻沾滿每舊雞肉，酸酸甜甜無咁膩👍🏻但食起嚟味道上都係覺得唔夠多醬汁🫢雞肉外皮幾脆口炸得幾香，雞肉嫩滑😛份量都好多，兩個人食嗌半隻都夠😗。👅玫瑰忌廉炒年糕（$95）諗起goobne個卡邦尼年糕😬個汁有芝士香幾creamy🧀又有洋蔥既甜味🧅年糕煙煙韌韌，食到有微微香辣感😋。👅韓式炒粉絲（$52）入面有牛肉、菇、洋蔥同木耳，口感豐富🤓唔會炒到油淋淋！望落無乜色水似係會唔夠味，但食落又ok喎😝幾有麻油香～…查看更多