Stitch_Stacy的個人專頁

諗緊中午食咩好，朋友介紹話呢間都幾好食，所以決定買黎試下叫左個小辣口水雞薯粉估唔到真係幾好食！口水雞唔係十分辣，有啲麻，係有層次的辣，個辣醬做得好好啲薯粉都好好食，唔係淋曬一舊個種外賣自取仲有折，真係物超所值👍🏻…查看更多

要諗食咩都幾頭痛，最近喜歡到日之出食飯，因為覺得佢地好用心製作而且有時會有期間限定，唔會咁易悶今日我叫左個吉列豬扒拉麵湯底無加味精，唔會好咸。吉列豬扒炸得好鬆脆唔會乾曾曾唯一美中不足係隻蛋，我覺得熟左少少。。。。。另外叫咗燒鯖魚飯燒得好香入口無魚腥味今日舊魚好肥美大大舊當然仲叫咗小食啦！鹽燒雞翼好香咸度岩岩好蒜蓉芝士帶子有驚喜好鮮味另外個雞軟骨係儲印仔交既總結食咗幾次都keep到水準員工又nice …查看更多

因為屋企原因，最近需要茹素一陣子。所以每逢出街最苦惱，莫過於要搵餐廳有肉又有素食。中餐可以話99%都無。。。西餐機會率高好多所以今日行過就決定試呢間原來5:30前餐牌會有少少唔同，店員都好好，比我地可以落唔同時段既餐牌，咁我就趕得切食我想試的野菌飯我不用蛋奶素，所以有蛋沒有問題。飯既口感煙韌，又唔會太硬。松露味道好夠，唔會淡而無味加上芝士片，呢個飯好好食肥仔不茹素，所以佢等到六點就落order西班牙海鮮飯海鮮唔係罐頭海鮮，都算好食唔會梅。我聞到都覺得好香焗菜好有驚喜！原本以為佢呢個價錢（好似$4x)應該會揸流攤點知全部菜炒過再焗，有好香蒜香咪比起PxxxxHxx 80幾錢個焗菜好太多。。。無比較就係傷害原本諗住黎杯普通薄荷朱古力，點知又有驚喜飲落去真係同佢送個朱古力一樣味仲驚你嫌棄唔夠甜，比個朱古力你調味最後上甜品好有誠意既朱古力蛋糕呀啲棉花糖燒溶左先放頂會唔會太過份總結：本來無期望，依家希望再黎食下一餐…查看更多

假日朋友抽團食早餐其中一個介紹蘇花餐廳，所以就決定吃這間其實應該叫 so far so good 這個all day 確實是大得過份。。。。但 all,day 有粉我都係第一次見菇比較生，感覺好似無炒的普通罐頭，腸仔也是普通雞肉腸這是皇牌雞脾餐但我覺得炒蛋搶回不少分。雞脾炸得偏乾，有點硬，不夠香口這是我的奄列，店員很好人，容許我把火腿轉成午餐肉這個奄列很不錯，外表金黃但入面還是軟滑的。跟餐有即磨咖啡，但對咖啡有要求的就別太大期望了其實還有其他餐，但我沒試就不特別拍了最後值得一提是枱上的吊燈。。。。實在有點多塵得嚇人…查看更多

想和朋友一聚，於是在網上找到這家餐廳餐廳有很漂亮的摩天輪和城堡我們叫了兩個套餐及炸雞😁先上跟餐的海鮮湯忌廉蟹肉意粉，蟹肉的份量很多，味道不錯，不會有一般忌廉意粉很溜的感覺。豬肋骨，很驚喜，肉質很好一點都不硬而且還是粗薯條醬汁很野味令人欲罷不能這是這次我最喜愛的菜式，炸雞！雞炸得不乾，也不會有雪味附上三款醬汁有很受歡迎的蜜糖芥末，泰式辣醬及士多啤梨！跟炸雞也很夾總體很滿意，店員也細心有禮，絕對會再去！…查看更多

要搵一間好食既糖水鋪其實真係幾難....大圍呢間因為係三多附近..而且可以泊到車...有時食完三多都會黎甜下...呢個普通雪糕~不過好奇點解佢地D雪糕咁圓~西瓜雪山...西瓜夠甜其實都唔會失敗綠武士....我知我要求唔應該太高...其實個綠茶雪糕交黎既佢唔夠綠茶我係OK接受既...但係點解個布丁無奶味?我唔係叫大菜糕喎....香蕉窩夫....個窩夫只係合格,唔夠蛋香...唔好食但唔係難得...店舖D姐姐幾好態度既~一班朋友黎坐下傾計係非常好既…查看更多

係香港...要食到正宗台灣味真係有D難...我都唔抱太大期望今日一行4人去左MK 呢間台灣野食飯~一人一個麵食麻辣牛筋牛腩麵~好大一碗...味道係點我就唔知..因為朋友叫既..豬手肉燥麵...非常一般...豬手骨好大而且無咩味..靠個肉燥去帶起D味香酥排骨便當...個排骨唔錯~咬落都鬆軟香口紅燒牛筋牛腩麵~ 出事位黎啦~~~小膠拼盤....個鹽酥雞黎講呢.....未熟...其實店家都好好人已經即刻換過一碟..但係個感覺已經唔太良好鹽酥雞唔夠咸香..唔合格整體: 算合格...可以再黎,不過位太迫真係坐得唔太舒服…查看更多

同朋友出左SSP....係大家都唔知食咩好既情況下就試下呢間拉麵啦~係SSP另一間海老我有食過~但呢間就未...佢係門西九商場某個角落...唔係我朋友帶路真係搵唔到....拉麵都係黑/白/紅...唯一唔同佢有得加肉丸同揀溫泉蛋呀~我個人覺得黑色好食D~係最香既紅色略嫌唔係好夠蕃茄..個味有少少怪...但唔係唔好食既朋友加左個肉丸~我要左溫泉蛋~佢係另上~仲要唔記得左上...人太多啦..提狙幾次個侍應先比我到..麵質水準係KEEP到既~一樣彈家爽口但係個湯..我就覺得海老好食D...同埋佢地D侍應NICE D...始終呢邊大間左..人多左佢地忙左....…查看更多

老公生日~睇完FF8就入去西貢行下同食飯~本身想食蠔,不過間餐廳賣曬...所以唯有轉場啦~經過呢間食斯里蘭卡菜既餐廳覺得幾得意~就一於試下啦~我地叫左呢個餐一坐低店員已經會比一籃小食你~好得意家脆卜卜~而跟個醬係甜既~先上雞肉湯...比D莞茜嚇親但飲落係無莞茜味~反而係好濃好薯仔既感覺...唔係重口味再黎青瓜沙律~都係好正常~唔會太辣先上既係蕉葉雞飯~ 呢個唔可以揀唔辣好似我地平時食既荷葉飯咁家個飯係偏乾身既~有一堆甜既紅色菜~而D雞係小小辣既,唔會好乾最辣係D辣椒籽(應該係),細細, 粒唔講得笑甜辣羊~我地配薄餅羊肉唔SO, 醬汁都幾濃~仲好甜..個薄餅唔油...仲係兩大片!!!!跟餐唔知飲咩好~就叫左2支斯里蘭卡汽水原來咁大支最後上埋甜品~好香芝士味既芝士蛋糕!好完滿既一餐…查看更多

晚飯時間~岩岩見七客好考既我同老公經過呢間餐廳....我地食過佢沙田分店..心諗應該OK既~點知.....叫左一客醉雞刀削麵...個藥膳又真係幾藥材味...上枱時仲係滾緊既~賣相吸引...食落就...藥材味其實係聞上去重~食係無咩味...麵唔會太厚,整體還可以至於個醉雞...唔好以為好多,其實下面有D青瓜係度...而且仲有雞PAT PAT.....我唔明點解醉雞會比雞PAT PAT..然後食落去係無酒味...青瓜有青瓜味,雞有雞味,酒有酒味...3樣野係分開既...跟餐加$8蚊既炸物...一般囉...好硬囉....另外散叫左一個雞絲粉皮....哈~!呢個經典囉....一黎到我夾左一舊雞絲..一咬....有冰既頂~!!!!洗唔洗雪到有冰先??咁就同個姐姐講,諗住如果碟碟都係咁就不如唔要啦...個姐姐就話幫我地"處理"...."處理"既意思係咩呢???我估佢係拎去叮囉~!!!!叮到D雞硬過鬼...D粉皮都暖埋....廢時同佢嘈就咁由佢算...最後就係小籠包...正常野..無特別...湯汁唔多一定唔會再去....呢D咁特別既食物都係留比有緣人啦....…查看更多

難得既星期日...竟然胃痛~!近近地想去金山食個粥..竟然休息5天...其實佢地都幾唔憂做呀...係金山轉個角就見到呢間懷舊冰室~一於試下啦~!老公叫左一個蝦仁炒蛋飯嘩~估佢唔到炒得咁靚仔~!D蛋燶邊得黎唔老~D蝦又大大隻仲好彈牙~!而由於我唔想食飯, 就叫左一D點心啦~蝦餃既蝦都係好彈牙~大大粒真材實料馬拉粒係非常鬆軟~一D都唔係空氣包~食完堅飽~!!!PS. 我見到隔離叫檸多~!!!!檸檬加益力多~!!!下次想試下~…查看更多

本身想食陳漢記,點知多人到一個點~!!!!唯有係附近行下睇下有咩好食...經過呢間"餐廳"門口...Francsinha???竟然係小店發現呢個名~一於試下啦~之前係波圖食過真正的Francsinha~係一試難忘既...當然我地唔會對係香港如此小店食到既Francsinha有任何期望,純粹貪得意...首先黎左前菜我呆一呆....我無諗過竟然會係酸瓜...真係咁都比你諗到呀.....先上既係海鮮意粉. 係FEEL到有誠意既~起碼有排過D青口至於味道, 一般正常味...唔係特別好食亦唔係難食終於到我點既Francsinha出場係呢一個角度睇完全係好OK既~都有8成似....但一望側邊...就失望左.....呢個頂多可以叫"豬扒茄汁多士"....同Francsinha有一大段距離真正既Francsinha係有煙肉,有腸,有勁多芝士.....咁佢個味道當然都係一般啦~同真既無得比~豬扒仲要有骨既....其實呢間小店係一間甜品鋪~咁當然要試下佢地D甜品啦~跟餐加20蚊既是日甜品...佢鋪面既糖燒得OVER左~有D燶味...下面既蛋係無雲呢拿味既整體而言....你都係專心做好甜品啦......…查看更多

假日路過，見無乜人同裝修幾得意就入黎試下～小店入面有幾張枱~環境都唔錯~廚房/吧檯係半開放式~會見到佢地做緊D咩每枱都有一枝水我地兩個人叫左兩個LUNCH SET首先係三文魚意粉有幾粒三文魚碎係面~味道係不過不失,唔算太好味另一個係雞肉漢堡..呢個有D驚喜~雞肉好濃味,加埋個醬,岩曬重口味人仕呢杯係餐茶咖啡....美式咖啡比一般咖啡更迷你既份量,香蕉朱古力...朱古力入面無蕉味家唔好誤會~係得兩片係上面整體無特別,係不過不失的小店,絕對有進步空間…查看更多

什麼叫薄餅雞?今日我地真係切切實實見識到....6:30落ORDER...預計送貨時間係9:00....算~!我等到左9:00..你送左D咩上黎比我????一盒4件凍左勁難食既雞~!!!呢盒野要98蚊......真係唔好咁啦.....錢唔係咁賺家~…查看更多

約左好耐無見既舊同事食飯...諗住搵間舒服D既CAFE...點知就出事....訂左枱...點知入到去無人~!待應就安排我地坐係一個角落....我地幾個女仔其實都唔係好大食~所以就散叫啦~先黎一個雞胸沙律...不過不失...雞胸都預左佢啖而無味既....黑松露意大利飯~都係一般~無太大驚喜~黑松露似裝飾多D....PIZZA....真係好脆...同好薄....無咩芝士味~傳說個片係巴馬火腿......我地一開始就係叫左呢3樣...待應都無講D咩亦好快上曬3樣~咁我地都唔係為左食~當然傾計多過食...不過傾傾下就發現附近既枱都坐左人....我意思係D客人係迫曬一邊...但明明四圍仲有好多位~可以鬆動D咁坐...咁都算啦~到左9點...待應走黎話LAST ORDER...我地無野加啦其實都飽左....點知呢個時候~!個待應先出聲話原來有最低消費~!!!!!我質疑佢點解唔係我地一開始叫餐時提醒我地??而且個餐牌係一個最低消費既字句都無...個待應仲話門口有張紙寫左~係我地無睇~佢無責任提我地~所以要係我地已經食飽既情況之下仲想話叫我地再叫...一係打埋差價落張單度.....最後緊係廢時同佢嘈...係咁依再叫甜品SHARE囉............呢個要窩夫....係最無誠意的一碟...又硬又無味...唔知食緊咩....埋單之後緊係第一時間走人啦~出去門口睇下佢個張紙寫左去邊......原來拎個餐牌遮住~!!!!其實我地明小店有最低消費好合理~不過係唔係應該光明正大少少呢?而且待應既態度完全就係我地唔睇係我地唔岩既咁樣.....真係唔會再想幫襯囉....…查看更多