Ningnings的個人專頁

每逢星期一都會有食素既習慣，咁岩上次同屋企人去開西營盤買嘢，見到哩間burger shop 靚靚地，而且見到下午茶好抵食，最平$29就有個burger😲😲而家哩個價錢真係唔知係邊到搵！Burger shop 嚟講，哩間都算多素食選擇！值得一讚🤭店員有推介佢地既素菜餅漢堡，最驚喜既竟然係自己整的！但我下午茶又食唔到咁多野🥹就只好揀個牛油果蕃茄煎蛋堡($35only!!!!!)，本身睇圖片都見到有好多牛油果🤣😂但本人太鐘意食既關係，我決定加多一份add-on，見都係好平🤭出到嚟個效果好驚人😂😂嚇親隔離咁制！牛油果勁新鮮！而家個醬汁好好味，配搭一流🥑 一定會再返嚟食🥹🥹🧡…查看更多

西營盤返工，lunch hour見到哩間burger shop排晒長龍，好多上班一族過嚟買外賣，我都唔汁輸，就試下佢！咁岩入面有位就堂食啦，burger 一定要堂食先好食😋 睇一睇個menu，發現佢哋又素菜又有牛肉可以選擇，而且素菜唔係普通出邊嗰啲impossible meat，而係佢地自家製嘅素菜餅，見出邊無得食，緊係要試下🤪我叫左個mirror burger，入面有素菜餅加牛肉，聽到店員介紹，佢地既理念都係主張健康，出街食嘢都可以均衡飲食，一般大眾嘅諗法: “漢堡包係唔健康”，而佢地嘅漢堡包就做到多蔬菜，有蛋白質又有營養，而且大部分食物，醬汁都係佢地自家製，呢啲小店真係好少見！😆個包一嚟到，嚇親我咁鬼大個包🤣好彩個口都夠大，一咬落去外軟內脆，廚師將個包烘到啱啱好，金黃色，牛肉好juicy，個素菜餅好脆，入面甜甜地，同牛肉好夾！重點係從來未食過呢種味道，好特別，79蚊好抵食，食晒成個包我真係飽足一日😂😂…查看更多

一直都住屯門，都聽過下哩間coffee shop，難得經過，又見到有啲人係入面買，所以就同男朋友一人買左一杯，分別係hot mocha同caramel latte. 我一飲我個杯mocha，差啲以為自己拎錯左😓 成杯野一啲朱古力味都飲唔到，連咖啡味都得小小！杯野就係得個奶味，就係打左泡既奶😑飲左幾啖真係飲唔到落去，掉左。而男朋友個杯都係一樣，佢飲左一啖即刻講，點解可以甘難飲。caramel已經係落糖漿，加多少少都慳，個味又係得少少焦糖味既奶。真心建議佢轉過隻咖啡豆，兩杯咖啡竟然最重要嘅咖啡味都冇，無下次。…查看更多

意粉份量好小，圖中係食左3啖細啖既份量都就嚟無晒。。。味道係ok既！食完都唔夠飽熱狗烘到燶晒都可以比客食😅熱狗真係唔好食最後薯條好一般，哩個價錢真係唔會再食，即刻整但一啲都唔脆…查看更多

一入到店舖就比個超高既仙人掌吸引到！忍唔住要影張相先🤣🌵舖頭比人一種簡約輕鬆嘅感覺，佢地擺咗啲箱係中間，可以隨意自己搬，老闆話想好似外國咁，自己鐘意點坐都得🤣🍔🤤✨入正題啦，喺漢堡包方面佢哋有好多唔同選擇，我見網上面啲人都好推介軟殼蟹漢堡同鏡漢堡，就不妨試一試佢！兩個包嚟到之後我都嚇親，超級大份！而且賣相一流，打完卡勁多朋友問喺邊度😂😂🤣尤其是軟殼蟹，問返店員先知原來有成15 cm咁大隻🤩試一試個味道先！隻軟殼蟹超級新鮮而且配埋牛油果同他他醬，味道配合一流👌🏽仲好足料，性價比超高！👍🏼👍🏼而朋友叫個鏡漢堡，我哋叫店員幫我地切咗一半，先見到原來入邊係自家製漢堡扒，再加美國牛肉，打開超靚！🤤🥰仲好好味😋總括而言，呢一間真係我近年來最愛嘅漢堡包店，簡直係大件夾抵食！平時出邊食一個burger都要百幾二百蚊都冇咁好嘅質素，支持小店！🙌…查看更多

上次去過食叉燒漢堡覺得好好食，所以今次再回來試吓其他野食今次叫咗個”雙重芝士豬扒焗飯”，因為即叫即整所以等咗25分鐘，有少少耐:(終於有得食啦！🧀🧀🧀 超級多芝士係上面但塊豬扒就好似冇煎過甘，口味正常，但味道真係認真麻麻。一食落口好大陣腌肉生抽既味😵😵 因為太多芝士既關係，最後食左大半已經好濟。 整體來講61蚊都ok既，但有待改善！不過推介食漢堡，好食😋！…查看更多

今日大約五點半既時候去到，去既時候已經有兩pair人等緊。店舖係以自選為主，我叫左個牛油bun+安格斯牛+蕃菇+焦糖洋蔥+芥末蛋黃醬，再加$18蚊set有薯條同汽水。Burger: 等左起碼20分鐘終於有得試啦！但比我預期之中失望，等左咁耐我相信佢即刻整一定要熱辣辣嘅！但竟然咬落去除咗塊肉係暖之外，感覺成個包都係凍嘅，感覺個包係煎完擺左一陣，令我非常失望。(我係即刻食的)牛肉就不過不失，有肉汁的，但咬落去好似有啲一絲絲咁？不太喜歡薯條:係粗條薯條，但味道過鹹，而且無咩薯仔味總共成個set $78，係相比出面burger平啲，但味道係一般，無咩驚喜。岩岩新開，希望有待改善啦！…查看更多